[英格蘭超級足球聯賽2016/17 - 曼城 VS 利物浦]

K波說故事 於 19/03/2017 發表 收藏文章
第二十八周既英超賽事, 因多場足總盃而要延期下, 結果只踢左5場波, 而利物浦順利贏波, 暫時破一破其羅賓漢之名!


https://www.youtube.com/watch?v=__Z-86kA9HE
黎到第二十九周, 又係利物浦, 今次作客曼城, 到底劫唔劫富呢?


曼城 VS 利物浦:


開賽時間 ( 香港時間 ) - 3月19日 ( 3月20日凌晨 ) - 00:30

2隊簡介:


曼城: 曼城於足總盃晉級4強, 不過上場聯賽主場被史篤城悶和0:0, 失左2分, 而且剛剛又踢完歐聯賽事, 仲要被淘汰出局, 今場回到英超聯又黎一場硬仗下, 實在幾危險! 耶穌受傷雖然令阿古路有番機會, 不過亦正正因為咁, 得番阿古路一個前鋒, 萬一再受傷或無態下, 曼城攻力就危危乎, 歐聯賽事, 阿古路就錯失最少2個黃金機會! 下半季既迪布尼跌晒WATT, 好彩有施華同解凍既耶耶頂住下, 曼城先繼續幾線作賽! 龍門方面, 卡巴尼路成功將巴禾踢番去後備後, 曼城後防都穩陣左好多, 不過都唔算好穩陣, 哥帥得番英超同足總盃, 必定出盡全力應戰!!!





利物浦: 終於一洗羅賓漢之名既利物浦, 主場擊敗般尼2:1, 其實只係險勝乍, 但其實球隊踢得只係一般, 古天樂只自傷癒復出後, 一直都未有之前強勁既狀態, 絕對影響左利記既攻力! 而隊長軒達臣受傷下, 未必能趕及呢場大戰, 自然中場既攔截及效率都差一截!!!其實後防仍然係不穩架, 無彩曼城缺少高大型前鋒, 可能會好少少啦! 米勞列當晚會係神定膠都係一個隱憂黎!!!




K波預估戰況: 曼城同利物浦都係爭前四既對手, 今場一定搏到盡, 不過曼城賽程密麻麻, 利物浦則可以輕鬆避戰, 抵消作客既弱勢! 而且利記打強隊一向有料到, 今次高普於德甲後再戰哥帥, 戲碼十足! 2隊近況都其實一般, 防守都唔算好既情況下, 打個和, 入多D波, 大家開心!!!



K波預估賽果: 曼城 2:2 利物浦


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→