[英格蘭超級足球聯賽2016/17 - 利物浦 VS 曼城]

第十八周的英超賽事, 前六球隊全部獲勝, 即係排位全部無變, 而其實場場都精彩下, 反而入球就有曼聯美希達恩既蠍子式越位入球最精彩喇, 精彩, 除左因為蠍子式後腳入波妙, 最妙係其實係越晒位架................


https://www.youtube.com/watch?v=zLTxtNoOspc
黎到第十九周, 揀呢場波講其實都無咩異議喇, 高普大戰哥迪奧拿!!!


利物浦 VS 曼城:


開賽時間 ( 香港時間 ) - 12月31日晚上 ( 1月1日凌晨) - 1:30

2隊簡介:


利物浦: 3連勝後, 利物浦繼續追趕榜首既車路士, 可惜仍然落後6分, 但值得留意既係防守已有所改善下, 近3仗只失1球, 而且是缺少球隊主力古天樂既情況下仍然未有再多失分, 一旦古天樂回歸將更強勁! 射手史獨力治回勇, 加上文尼, 法明奴及啦啦啦, 攻力繼續有保証, 防守方面, 值得留意, 呢3場波既門將已變番做米勞列把關, 唔通最強之人已在陣中? 無論如何, 以3連勝去迎接曼城既來臨是非常好的士氣提昇!






曼城: 按連敗2場波後, 哥帥似乎知道英超真係唔易踢下, 成班波又即時醒晒一樣, 造出3連勝, 當中包括反勝阿仙奴既一場可謂佔有壓倒性, 該場比賽阿仙奴最多傳球球員竟然係施治LOL................而阿古獸已停賽完畢可侯命, 相信有如猛虎出閘加上回到正選陣容下既耶耶托尼, 可謂如虎添翼! 近3場波既曼城只失1球, 相信因為曼城球員知道無失分空間後, 超集中應付之後既比賽, 令對手可以射門既次數都減少, 相對令巴禾既壓力減輕不少!




K波預估戰況: 占士米拿與史比寧相互倒戈, 阿古獸復出, 利物浦攻力強大, 雙方防守力雖然都係近3仗只失1球, 不過其實本身唔算強而且重點放於進攻上, 可期待呢場波將會入球如麻, 而且哥帥一向都有D運仔, 呢場作客波應該唔洗輸既, 就黎個3:3既激戰賀一賀新年啦!

K波預估賽果: 利物浦 3:3 曼城


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY