[歲越神偷 - 恩沙基]

K波說故事 於 14/07/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY


恩沙基, 前意大利職業足球員, 司職前鋒, 1973年8月9日出生於皮亞琴察及18歲於皮亞琴察出道, 其後效力多間球會直到於1996/7效力阿特蘭大時正式受人注目, 該季射入24球之多及成為該季神射手及最佳新人, 其後一季轉會到祖雲達斯同時入選國家隊, 效力4年間出場120次射入57球之多, 之後轉會AC米蘭, 效力11年出場202次射入73球, 退役後也曾於該球會任主教練。國家隊方面, 由1997年入選後, 10年間為意大利出場57次, 射入25球。



當時23歲既恩沙基由帕爾馬轉投剛剛有浪人前鋒巨熊維尼離隊既阿特蘭大, 其出色表現為球隊維持於意甲中游位置, 24球既聯賽入球令意甲強勁及國家隊同時注意呢名新星! 結果一季之後, 恩沙基正式踏上成名路, 轉會祖記!


1997/8球季轉投祖記後, 於意大利超級盃便攻入2球戰勝維琴察, 同屆亦為祖記射入18球及贏得人生第一個意甲冠軍, 而且歐洲冠軍球會盃都踢到決賽, 可惜最終不敵皇家馬德里!不過其後一季, 祖記大跌WATT, 雖然恩沙基都為球會射入13球之多但最終球隊只能排名第六。餘下2季與意甲新金童迪比亞路及球王級既施丹組成進攻鐵三角, 不過始終未能帶領球隊再次贏取意甲冠軍! 而且及後與隊友有矛盾下, 球會於迪比亞路及恩沙基之間, 最終選擇了前者, 之後一季因查斯古特來投後, 隊內位置更加低微下, 決心於2001/2轉會AC米蘭。



轉會AC米蘭後, 不幸一次重傷, 休息4個月之多, 但仍與舒夫真高組成一條恐怖鋒線, 而恩沙基也射入16球!其後一季,終於為AC米蘭贏得獎項, 成為歐冠盃及意大利盃雙料冠軍, 而且歐冠盃決賽正是擊敗前東家既祖記! 同年亦戰勝波圖, 連超級盃都拎埋!


而要為A米贏意甲冠軍, 就要等到2003/4球季, 但呢個賽季入面, 恩沙基只為球隊射入7球, 因其位置已被丹麥前鋒湯馬遜既正面挑戰。其後一季更為球隊與恩沙基本人既低潮期, 因傷病問題, 全季只入1球, 同時該季既歐冠盃決賽, 成就左紅軍既經典3:3追平, 再於互射12碼中落敗! 不過A米仍然對恩沙基不離不棄, 與其續約至2009年!


恩沙基都無令A米失望, 其後一季便火速回復狀態, 全季為A米射入17球同時入選2006世界盃既國家隊名單。


2006/7賽季, A米於意甲並不理想, 但於歐冠盃卻為A米報番一仇, 決賽個人梅開二度戰勝利物浦奪冠。再於歐洲超級盃射入1球令球隊以3:1擊敗西維爾。


已經34歲既恩沙基, 雖然年紀漸大, 已經出場次數已大大減少, 但卻仍然保持一定入球率! 最終以39歲高齡於AC米蘭宣佈結束其職業足球員生涯。其後成為球會17歲以下青年隊既教練。


何謂歲越神偷? 恩沙基最叻係咩? 我諗知道佢名字既球迷, 都第一時間諗, 突破越位, 經常與防守球員企向一條水平線, 但其實不時超前, 不時向後, 只要球隊內配位一名可以交出靚直線既球員, 恩沙基就會偷呢一點點既灰色地帶, 嘗試突破越位, 試10次, 球証或後防球員裝越位失敗一次就已經足以致命! 而且, 其搶點能力一流, 只係一刻既時間及空間, 恩沙基就出現, 波就入左網喇!


而且恩沙基成名於23/4歲之齡, 卻於39歲仍然在頂級球會才掛靴, 而且其位置一直無變, 於最前鋒既位置, 通常前鋒球員, 因年紀漸大, 速度, 反應及體力既問題, 多數都會變成後備, 如果仍然希望出場比賽, 好多情況都要轉一轉營, 由前鋒改為中場! 不過恩沙基本身特質並唔係技術, 防守又唔好, 最強技能就係突破越位, 搶點與埋門既一瞬間能力! 礙於本身技能, 恩沙基都只好留於前鋒既位置打拼, 同時都因其本身技能, 令佢仍然有力於短短時間內搶點, 破越位及禁區內敏銳既埋門觸角, 維持到39歲高齡先退休!


依家球壇仲有無呢類球員呢? 李斯特城既華DEE, 其實都幾似!


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

部分資料來源: 維基

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 新仔
    新仔 於 14/07/2016 評論 NO. 1

    恩沙基真係只得走位把握力係頂級 其他能力都唔高
    但比起同期的頂級前鋒亨利 軍刀 雲佬等等 都毫不失色

快捷鍵:←
快捷鍵:→