[歐聯4強次回合 - 拜仁慕尼黑VS馬德里體育會]

K波說故事 於 03/05/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY



香港時間: 5月4日凌晨2點45
歐聯4強次回合 - 拜仁慕尼黑VS馬德里體育會*
首回合:馬體會 1:0 拜仁



英超塵埃落定, 重回歐聯了! 今晚馬體會將作客拜仁, 首回合馬體會憑沙奧尼古斯既美斯式入球勝出賽事, 今場作客德國有住一球在手, 只要唔失波就可以將哥迪奧拿殺死及成功打入決賽! 有機會一報前屆決賽做阿二之仇, 雖然未知另一邊係邊隊住!



主隊既拜仁, 剛過去既德甲, 其實只要勝出便提早2周封王, 但哥迪奧拿相當認真備戰馬體會, 收起利雲度夫斯基, 拿姆及哥斯達(只後備上陣), 結果主場只能賽和慕遜加柏, 要德甲封王就要等多一場喇! 當然, 德甲已有半隻獎盃向手, 歐聯卻被人踢左半隻腳落山, 緊係顧歐聯先啦! 今場主場出擊, 相信拜仁會狂攻, 攻到馬體會阿媽都唔認得, 而且應該會用快速踢法, 令馬體會急且亂!





客隊既馬德里體育會, 首回合時已講過, 今季防守力驚人, 季尾攻力回勇, 其實的確係一支好恐怖既黑馬, 唔聲唔聲, 已經將拜仁, 巴塞及皇馬迫到絕路! 西甲聯賽收起主力基沙文, 費托下, 仍能以1:0勝出維持西甲爭標形勢! 回歸歐聯, 其實似乎全世界都預期拜仁會狂攻, 咁就正中下懷喇, 費托最勁係咩? 咪就係突擊囉, 由從前既馬體會, 利記, 西班牙, 費托都係靠突擊得手! 今場仲唔俾費托威威?




今場波, 2邊領隊都係有料, 唔會咁易失一球就開放式, 所以入波都唔會多, 總入球應該2-3球啦! 我9估!



K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→