[歐聯決賽 - 皇家馬德里ＶＳ馬德里體育會]

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY



香港時間: 5月29日凌晨2點45
歐聯決賽 - 皇家馬德里ＶＳ馬德里體育會


終於都黎到2015/2016球季, 歐洲頂級聯賽各大賽事的最後一場比賽喇! 全年都全球關鍵既歐聯決賽! 不過近年已經少左人留意喇, 點解? 悶囉............2014/2015決賽: 祖記 VS 巴塞
2013/2014決賽: 皇馬 VS 馬體會
黎到今季, 又係西班牙球會, 又係皇馬對戰馬體會, 悶唔悶呀? 又係果班友, 乜話題都無撚晒啦!
唔好忘記, 呢2隊今季乜盃都無野落袋架! 而且, 馬體會緊係睇王子啦! 咁皇馬呢? BBC囉......錯了! 我K波就睇施丹再黎爆褲喇!




皇馬今季季中由施丹接掌後, 氣勢好強勁, 聯賽尾段緊要迫到巴塞氣咳為止, 唔到最後一場都唔罷休! 而且BBC既攻擊組合之強大, 現今世上只有MSN可以鬥過! 今場波如果施丹可以拎到歐聯, 都係一個紀錄, 一名未曾有執教經驗既紅褲子, 只係執教半季即帶領皇馬奪歐聯! 施丹個人更加於同一隊以球員及領隊身份捧盃! 球員方面, 皇馬未來2季將被禁止轉會窗買賣球員, 故此今場波之後, 可能好多球員會各散東西, 為自己又好, 為球隊又好! 必盡全力, 而C朗因為年紀問題, 其實都可能會於今夏出走皇馬, 或者呢場波可以黎過回馬槍, 拎個歐聯之後同美斯向西甲講拜拜!




https://www.youtube.com/watch?v=QryFUtRtUiM

馬體會方面, 唔洗問緊係睇王子啦, 但其實有留意既, 施蒙尼呢位領隊雖然低調, 但實力不容忽視, 先後淘汰巴塞及拜仁, 你估易架? 而且防守力一向出色, 但反擊卻更為出色! 王子既威力盡顯, 而且王子落選西班牙歐國盃陣容, 必定向教練迪保司機SHOW QUALI, 到時可能反過黎求佢都唔踢添呀! 加上今季表現平均既基沙文, 前線無問題, 後防方面繼續一向既硬淨! 講黎講去, 其實我K波都係睇王子, 施蒙尼到時咪撚玩野放佢向後備呀!


https://www.youtube.com/watch?v=HNK7HgSF3LE

其實呢場波, 我K波反而覺得好睇過皇馬VS巴塞, 因為皇馬攻力勁, 而且唔會慢慢黎, 馬體會則以守代攻,咁樣既情況下, 2軍對壘, 更加吸引! 季尾場場盃賽都開細, 我K波就燈足幾場, 呢場唔撚信邪, 繼續撐入球大, 大, 大!

重溫下2014年皇馬贏馬體會4:1場波先啦!
https://www.youtube.com/watch?v=kK-zQOi0HZg
K波
鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY