[如果足球要用政治角度睇, 不如咪撚睇]

K波說故事 於 04/12/2016 發表 收藏文章


曾經聽過有人話睇波要識政治, 巴塞隆拿對皇家馬德里唔係真係一場足球比賽咁簡單, 背後包含左西班牙與加泰隆尼亞的政治關係, 巴塞係為左自己民族而戰, 為左咁多年受制於西班牙政府統治而啞忍的戰爭! 皇馬則代表西班牙政府, 強大的權力榮譽而戰! 誰勝誰負, 講到要死咁!



Sor9ry, 我K波由細到大都只係知道足球係拎黎踢, 從中尋找歡樂, 拎個波落球場只會有人問我係咪黎踢波, 亦可以話因為足球認識到好多朋友, 當年跟隊年代, 由球場三唔識七, 慢慢次次都見, 不論實力(明顯多數係d人唔嫌棄我啦), 不論年齡, 由細路仔到巴士廠呀叔, 慢慢就會認識對方, 球場的朋友是這樣連結上的, 足球就等於一個人與人之間的連結一樣!


即使球場上遇到惡勢力, 可能係我同班波友好撚好彩啦, 佢地都只會球場事, 球場了, 無人叫你贏撚完人仲要艾迪巴約咁剷草慶祝既! 如果班友輸打贏要, 咪報警囉!


從來無人落場時問我乜野政治取向, 你泛民架? 你民建聯架? 其實我覺得如果真係有人咁做好撚on9!


慢慢大個左, 被人踢左入會---社會! 已經由跟隊年代去到book場新世紀, 亦都參加唔少
民間聯賽, 從而認識到唔同既對手, 而同時, 由於波友都由細路變成出黎做野, 各有際遇, 結果一隊波入面, 撈偏既有, 做差佬既都有, 出到黎踢波咪一樣圍威喂, 講乜7政治!


一場巴塞主場對皇馬既賽事, 下半場由蘇亞雷斯頭鎚破網, 完場前由沙治奧拉莫斯同樣頭鎚追平, 最終比數1:1!我向電視入面, 睇到既係2隊技術, 戰術, 鬥志, 體力, 質素既決戰, 而唔撚係乜7政治鬥爭!或者對於d唔識睇波但又想令自己更加投入場波既人, 唯有加入政治因素, 令自己好似有份參與啦!


足球, 本應係令人開心既玩意, 並不是要用黎煩憂既物品, 如果足球要加入政治角度睇, 不如咪撚睇啦!


Sor9ry again, 我K波呢篇粗俗左, 睇波啦都係!


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • kinfung
    kinfung 於 04/12/2016 評論 NO. 1

    做咩姐你,佛朗哥時代的確系歷史,人地點睇西班牙打比關你咩事,佛朗哥當年就系從政治方面不斷攻擊巴塞,佛朗哥傳聞當年想暗殺全部巴塞球員,你好難怪d球迷會拎返出泥講個喎,你要怪要鬧就搵佛朗哥啦

  • C. Ronaldo7
    C. Ronaldo7 於 05/12/2016 評論 NO. 2

    其實

  • C. Ronaldo7
    C. Ronaldo7 於 05/12/2016 評論 NO. 3

    其實大意係唔好講政治定係唔好拉政治同足球一齊🤔

快捷鍵:←
快捷鍵:→