[丹麥大雪櫃 - 加維臣]

K波說故事 於 27/07/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY


加維臣, 前丹麥職業足球員, 司職中場, 出生於1976年3月11日, 現年40歲, 曾經效力丹麥本土球隊Vejle Boldklub, 其後轉會德甲漢堡, 再轉到英超球會愛華頓最為人熟悉, 而2005年突然地轉投皇家馬德里至今仍被認為係一個謎! 一季既失敗後, 轉會到蘇超班霸些路迪, 也曾以借用身份回到愛華頓效力不過最終失敗下, 於2009年1月以33歲之齡宣佈退役!



效力Vejle Boldklub既時候, 加維臣作為一名清道夫及防守中場既身份出現, 效力了2季後, 於1997年為球隊成為丹麥聯賽亞軍後, 出國發展, 轉會德甲漢堡! 於漢堡效力期間, 以中場既身份出現, 或者因為曾經擔任清道夫既位置, 令其防守力及位置感也非常不俗, 因而於漢堡內, 除了參與一點進攻既工作, 不時也以一名防守中場出現, 代表94場射入6球既加維臣, 於2000年歐國盃後正式轉會愛華頓, 由於時任領隊莫耶斯既戰術理念, 極需要一名勤力既中場於中場掃蕩, 同時也需要參與一定既進攻, 故此加維臣極硬朗既踢法, 加上其身型, 被稱為[大雪櫃]既加維臣, 好快已經令佢成為愛華頓球迷既竉兒。


雖然如此, 愛華頓既成績仍然較為飄忽, 直到2004/5球季, 阿迪達, 卡希爾, 奧士文, 麥法頓等等既球員帶領愛華頓晉身前四位置, 加維臣於該季以一名攻守兼備既球員令愛華頓變成一隊難以擊敗既球隊! 不過快將約滿既加維臣未有與愛華頓續約, 此時, 正在尋找防守中場既皇家馬德里, 卻看中了加維臣, 由於波士文條約, 愛華頓只好急急於2005年1月放走加維臣, 取回2.5M既轉會費, 防止皇馬於夏天能免費取得此名中場。





加維臣去到皇馬後, 由於皇馬既星級進攻球員眾多, 質素仍非常高, 故此, 加維臣於皇馬既定位, 可以以一名純防守中場身份出現, 曾經有過清道夫經驗既佢, 也樂於其位置, 至少能於皇馬陣中佔一席位極不容易。不過, 此位置既改變卻令加維臣得以在經常看輕防守既皇馬佔一位置, 可惜由於皇馬連續2季屆居亞軍, 管理層既轉變連帶影響球員既重要性下, 加維臣曾經於2006年冬季出走皇馬, 不過由雷蒙, 盧森保高到卡盧, 加維臣此名防守中場也有著其位置於皇馬既存在重要性, 雖然其外表與皇馬總有點格格不入, 但到了2006/7球季, 卡比路接手後, 卻一系列地把前皇馬球員清洗, 結果加維臣收到不少收購興趣下, 決定轉會到蘇超些路迪。



到了些路迪年代, 加維臣希望重拾其職業生涯高峰, 也有個不錯既開始, 於11月既一場蘇超賽事, 面對聖美尼, 個人連中三元, 取得其個人職業生涯首次大演帽子戲法。但其後加維臣既演出開始有所下滑, 慢慢與時任領隊哥頓有矛盾產生下, 期間被外借回其成名地愛華頓一季, 但其於拖肥糖既重要程度與之前相比已經差天共地。


季尾結束後, 其舊帥莫耶斯也未有留用, 加維臣只好重返些路迪, 但些路迪決定終止其合約後, 於2009年1月, 加維臣決定掛靴, [大雪櫃]從此正式收雪! 而曾代表丹麥國家隊出戰76場及射入5球, 於2000及2004歐國盃及2002世界盃也代表丹麥奮戰, 雖然於33歲便結束球員生涯, 但也算是丹麥近代一名有標誌既球員, 特別係其光頭外表, 加上[大雪櫃]既身型, 於中場左穿右插, 也令大家留下深刻印象!




K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

部分資料來源: 維基

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 鴨巴謙莫域
    鴨巴謙莫域 於 28/07/2016 評論 NO. 1

    哈哈 咁啱我都寫加維臣,不過係寫加維臣搭卡斯利嘅中場組合!咁我唔客氣參考吓! :)

  • jasonwkc
    jasonwkc 於 31/07/2016 評論 NO. 2

    記得睇過佢的介紹, 佢係好有錢的
    好似係做生意好叻 / 理財有道

快捷鍵:←
快捷鍵:→