上年夏天，利物浦管理層已經非常清楚：
中堅人手不足，係球隊最大隱憂之一。
但結果直到轉會窗最後一日先正式出手搶 古希（Marc Guéhi）。
當水晶宮喺最後關頭拉閘，利物浦即時陷入一個極度被動嘅局面——
只能夠寄望：
但現實係殘酷嘅。
干拿迪狀態持續低迷、祖高美斯身體負荷問題依舊，而李安尼一次極具希望嘅地標戰後，就提早收咧。
連隊長雲迪克（Virgil van Dijk），都明顯受到整體低潮拖累。
而家最諷刺嘅係——
原本被寄望「補鑊」嘅古希，最終選擇加盟 曼城，仲形容對方係
"the best club in the Premier League"「英超最好嘅球會」
對利物浦嚟講，呢句說話無疑係灑鹽在傷口。
利物浦可以有咩人選？
利物浦面對後防結構需要全面更新，就需要繼續增兵。
據《GOAL》整理，利物浦而家可以考慮嘅嘅人選有以下幾位。
7. 辛尼斯（Marcos Senesi）｜般尼茅夫
般尼茅夫上季已經失去多名後防主力，包括 侯辛（Dean Huijsen）、卻基斯（Milos Kerkez）同 薩巴尼爾（Illia Zabarnyi），而今季完結後，佢哋好可能再失去另一位重要中堅。
辛尼斯嘅合約只剩唔夠六個月，預料會以自由身加盟大會，祖雲達斯同巴塞隆拿都已經表明興趣。
部分利物浦球迷亦提出，既然辛尼斯係左腳中堅、有英超經驗，而且轉會費接近「零」，紅軍其實可以考慮加入競逐。
不過，辛尼斯將於五月滿 29 歲，未必完全符合利物浦近年購買年輕球員嘅偏好，所以即使唔可以完全排除，但成事機會仍然偏低。
6. 巴斯東尼（Alessandro Bastoni）｜國際米蘭
幾乎冇任何一間頂級球會會唔想簽入巴斯東尼。呢位意大利國腳堪稱「現代中堅天花板」，傳控能力極強，甚至可以推前踢中場，或者拉邊送出高質傳中。
問題係，國際米蘭目前完全冇出售意願，而巴斯東尼本人亦相當滿意現況。
佢喺去年十二月被問到未來去向時直言：
"Yes, probably. I'm happy here, and I have no issues. I don’t think about off-field matters."
「係呀，大機會留低。我喺呢度好開心，冇任何問題，亦唔會諗場外嘅事情。」
再加上合約去到 2028 年，要成功挖角，轉會費勢必天價。不過，利物浦當年為咗雲迪克都可以破紀錄，如果真係想搵到最理想嘅接班人，巴斯東尼絕對係「一步到位」嘅選項。
5. 迪奧文迪（Ousmane Diomande）｜士砵亭
早於去年十一月，已有報道指迪奧文迪係利物浦喺古希 失敗後嘅後備方案。呢位科特迪瓦中堅協助士砵亭連續奪得葡超冠軍，亦同時吸引曼聯同巴黎聖日耳門關注。
不過，迪奧文迪最近已同球會續約至 2030 年，解約金據報提升至 7,000 萬英鎊。
利物浦會否願意喺現階段為一名 22 歲中堅支付咁高費用，仍然存在好大疑問，但佢嘅潛力同即戰力，的確有能力成為干拿迪 嘅長遠替代者。
4. 雲迪芬（Micky van de Ven）｜熱刺
利物浦其實喺 2023 年已經同雲迪芬扯上關係，最終未有出手，結果畀熱刺捷足先登。事後睇，紅軍可能真係錯失良機。
即使熱刺近年處於動盪狀態，雲迪芬仍然憑藉驚人速度同出球能力突圍而出，連皇馬都被指有意羅致。
要熱刺將佢賣畀英超對手，本身已經極困難，但雲迪芬一直公開表達對利物浦同雲迪克嘅仰慕，如果有機會接過同鄉嘅位置，佢未必會拒絕。
3. 塔蘇巴（Edmond Tapsoba）｜利華古遜
利物浦對塔蘇巴嘅興趣，其實可以追溯到 2021 年。當年因為利華古遜索價高達 4,400 萬英鎊，利物浦最終轉而借用卡巴克（Ozan Kabak）。
多年過去，塔蘇巴嘅身價只升不跌。呢位 26 歲中堅以史東斯（John Stones）作為學習對象，控球冷靜、閱讀比賽能力高。
佢亦一直公開欣賞雲迪克，如果有機會與前隊友穫斯（Florian Wirtz）同費林邦（Jeremie Frimpong）重聚晏菲路，吸引力自然更大。
2. 拿確斯（Maxence Lacroix）｜水晶宮
水晶宮正面臨重建風暴，隊長古希離隊後，領隊加士拿（Oliver Glasner）亦表明無意續約。
喺呢個背景下，拿確斯成為潛在被出售人選。
雖然未曾代表法國大國腳，但自 2024 年加盟以來表現穩定，身體對抗同技術兼備。
如果干拿迪拒絕續約，拿確斯可能係一個相對現實嘅替代方案。
1. 雲赫基（Jan Paul van Hecke）｜白禮頓
雲赫基首季並未引起太多關注，但近兩季進步神速，已成為英超其中一位成長最快嘅中堅之一。
目前合約只剩 18 個月，而球員據報拒絕續約，利物浦自然密切留意。
白禮頓一向善價而沽，但以雲赫基 25 歲嘅年齡，加上出球能力，利物浦未必會卻步。
當曼城、阿仙奴都持續升級後防
利物浦需要一個清晰、果斷、唔再拖延嘅防線重建計劃
否則只會離奪冠越嚟越遠
中堅人手不足，係球隊最大隱憂之一。
但結果直到轉會窗最後一日先正式出手搶 古希（Marc Guéhi）。
當水晶宮喺最後關頭拉閘，利物浦即時陷入一個極度被動嘅局面——
只能夠寄望：
- 干拿迪（Ibrahima Konaté） 維持狀態
- 祖高美斯（Joe Gomez） 唔好再傷
- 19 歲新兵 李安尼（Giovanni Leoni） 即插即用
但現實係殘酷嘅。
干拿迪狀態持續低迷、祖高美斯身體負荷問題依舊，而李安尼一次極具希望嘅地標戰後，就提早收咧。
連隊長雲迪克（Virgil van Dijk），都明顯受到整體低潮拖累。
而家最諷刺嘅係——
原本被寄望「補鑊」嘅古希，最終選擇加盟 曼城，仲形容對方係
"the best club in the Premier League"「英超最好嘅球會」
對利物浦嚟講，呢句說話無疑係灑鹽在傷口。
利物浦可以有咩人選？
利物浦面對後防結構需要全面更新，就需要繼續增兵。
據《GOAL》整理，利物浦而家可以考慮嘅嘅人選有以下幾位。
7. 辛尼斯（Marcos Senesi）｜般尼茅夫
般尼茅夫上季已經失去多名後防主力，包括 侯辛（Dean Huijsen）、卻基斯（Milos Kerkez）同 薩巴尼爾（Illia Zabarnyi），而今季完結後，佢哋好可能再失去另一位重要中堅。
辛尼斯嘅合約只剩唔夠六個月，預料會以自由身加盟大會，祖雲達斯同巴塞隆拿都已經表明興趣。
部分利物浦球迷亦提出，既然辛尼斯係左腳中堅、有英超經驗，而且轉會費接近「零」，紅軍其實可以考慮加入競逐。
不過，辛尼斯將於五月滿 29 歲，未必完全符合利物浦近年購買年輕球員嘅偏好，所以即使唔可以完全排除，但成事機會仍然偏低。
6. 巴斯東尼（Alessandro Bastoni）｜國際米蘭
幾乎冇任何一間頂級球會會唔想簽入巴斯東尼。呢位意大利國腳堪稱「現代中堅天花板」，傳控能力極強，甚至可以推前踢中場，或者拉邊送出高質傳中。
問題係，國際米蘭目前完全冇出售意願，而巴斯東尼本人亦相當滿意現況。
佢喺去年十二月被問到未來去向時直言：
"Yes, probably. I'm happy here, and I have no issues. I don’t think about off-field matters."
「係呀，大機會留低。我喺呢度好開心，冇任何問題，亦唔會諗場外嘅事情。」
再加上合約去到 2028 年，要成功挖角，轉會費勢必天價。不過，利物浦當年為咗雲迪克都可以破紀錄，如果真係想搵到最理想嘅接班人，巴斯東尼絕對係「一步到位」嘅選項。
5. 迪奧文迪（Ousmane Diomande）｜士砵亭
早於去年十一月，已有報道指迪奧文迪係利物浦喺古希 失敗後嘅後備方案。呢位科特迪瓦中堅協助士砵亭連續奪得葡超冠軍，亦同時吸引曼聯同巴黎聖日耳門關注。
不過，迪奧文迪最近已同球會續約至 2030 年，解約金據報提升至 7,000 萬英鎊。
利物浦會否願意喺現階段為一名 22 歲中堅支付咁高費用，仍然存在好大疑問，但佢嘅潛力同即戰力，的確有能力成為干拿迪 嘅長遠替代者。
4. 雲迪芬（Micky van de Ven）｜熱刺
利物浦其實喺 2023 年已經同雲迪芬扯上關係，最終未有出手，結果畀熱刺捷足先登。事後睇，紅軍可能真係錯失良機。
即使熱刺近年處於動盪狀態，雲迪芬仍然憑藉驚人速度同出球能力突圍而出，連皇馬都被指有意羅致。
要熱刺將佢賣畀英超對手，本身已經極困難，但雲迪芬一直公開表達對利物浦同雲迪克嘅仰慕，如果有機會接過同鄉嘅位置，佢未必會拒絕。
3. 塔蘇巴（Edmond Tapsoba）｜利華古遜
利物浦對塔蘇巴嘅興趣，其實可以追溯到 2021 年。當年因為利華古遜索價高達 4,400 萬英鎊，利物浦最終轉而借用卡巴克（Ozan Kabak）。
多年過去，塔蘇巴嘅身價只升不跌。呢位 26 歲中堅以史東斯（John Stones）作為學習對象，控球冷靜、閱讀比賽能力高。
佢亦一直公開欣賞雲迪克，如果有機會與前隊友穫斯（Florian Wirtz）同費林邦（Jeremie Frimpong）重聚晏菲路，吸引力自然更大。
2. 拿確斯（Maxence Lacroix）｜水晶宮
水晶宮正面臨重建風暴，隊長古希離隊後，領隊加士拿（Oliver Glasner）亦表明無意續約。
喺呢個背景下，拿確斯成為潛在被出售人選。
雖然未曾代表法國大國腳，但自 2024 年加盟以來表現穩定，身體對抗同技術兼備。
如果干拿迪拒絕續約，拿確斯可能係一個相對現實嘅替代方案。
1. 雲赫基（Jan Paul van Hecke）｜白禮頓
雲赫基首季並未引起太多關注，但近兩季進步神速，已成為英超其中一位成長最快嘅中堅之一。
目前合約只剩 18 個月，而球員據報拒絕續約，利物浦自然密切留意。
白禮頓一向善價而沽，但以雲赫基 25 歲嘅年齡，加上出球能力，利物浦未必會卻步。
當曼城、阿仙奴都持續升級後防
利物浦需要一個清晰、果斷、唔再拖延嘅防線重建計劃
否則只會離奪冠越嚟越遠
請按此登錄後留言。未成為會員? 立即註冊