艾蘭加（Anthony Elanga）加盟紐卡素嘅開局，可以話同「理想」兩個字完全沾唔上邊。
£5,500 萬轉會費、右翼位置多年未解、再加上 PSR（財務公平）限制之下「唔容許失手」，呢單交易本身就承載住極高期望。問題係——艾蘭加冇即刻交到貨。
26 場各項賽事，0 入球、1 助攻。
就算計埋對聖基萊斯聯（Union Saint-Gilloise）贏到嘅十二碼（部分網站先當助攻），數字都仍然相當刺眼。
唔止數據差，連基本功都出問題
足球雖然唔係淨係睇數據，但今季嘅艾蘭加，連最基本嘅嘢都開始令人擔心。
五碼傳球失誤、唔敢一對一、速度優勢完全用唔到，打到對新特蘭嘅打吡戰更加踢出災難級表現，信心幾乎跌到谷底。
呢個艾蘭加同係上季喺諾定咸森林嘅佢判若兩人。
當時嘅艾蘭加，38 場英超製造超過 15 個直接入球貢獻，幫球隊爭到歐洲賽資格，速度、衝擊力、轉換反擊全部係招牌。
亦正因為咁，主帥艾迪賀維（Eddie Howe）同紐卡素早喺 2024/25 球季已經兩度嘗試收購佢。
當最終以 £5,500 萬如願買到，幾乎所有紐卡素球迷都覺得——「艾蘭加就係答案。」
「可能係最差收購」？
喺 talkSPORT 節目《Inside The Toon》，主持直接拋出問題，討論艾蘭加嘅表現。
“Elanga is, at the moment, looking like potentially one of our worst-ever signings.”
「就現階段嚟講，艾蘭加睇落好可能係我哋史上其中一個最差收購。」
佢提到，路易斯賀爾（Lewis Hall）同安東尼哥頓（Anthony Gordon）當初加盟時，同樣花咗時間適應。
但最大嘅疑問在於——艾蘭加連基本功都踢唔穩。
“Five-yard passes, he can't do. He's not running at anyone. He's not using his pace.”
「五碼傳球都做唔好，又唔敢突破，連自己最大武器嘅速度都用唔到。」
外國YouTuber 兼評論員亦用數據補多一刀：
“He is in the bottom one per cent for take-ons in the Premier League this season.”
「今季英超成功盤扭數據，佢排喺最低嗰 1%。」
機會唔會等人
賀維一向要求高、戰術紀律嚴密，唔係個個都即刻適應到；而紐卡素過去幾年，亦確實有球員慢熱後爆發嘅成功例子。
時間可以畀，但耐性有限。
如果艾蘭加再交唔到貨，佢將被永久標籤為水貨
£5,500 萬轉會費、右翼位置多年未解、再加上 PSR（財務公平）限制之下「唔容許失手」，呢單交易本身就承載住極高期望。問題係——艾蘭加冇即刻交到貨。
26 場各項賽事，0 入球、1 助攻。
就算計埋對聖基萊斯聯（Union Saint-Gilloise）贏到嘅十二碼（部分網站先當助攻），數字都仍然相當刺眼。
唔止數據差，連基本功都出問題
足球雖然唔係淨係睇數據，但今季嘅艾蘭加，連最基本嘅嘢都開始令人擔心。
五碼傳球失誤、唔敢一對一、速度優勢完全用唔到，打到對新特蘭嘅打吡戰更加踢出災難級表現，信心幾乎跌到谷底。
呢個艾蘭加同係上季喺諾定咸森林嘅佢判若兩人。
當時嘅艾蘭加，38 場英超製造超過 15 個直接入球貢獻，幫球隊爭到歐洲賽資格，速度、衝擊力、轉換反擊全部係招牌。
亦正因為咁，主帥艾迪賀維（Eddie Howe）同紐卡素早喺 2024/25 球季已經兩度嘗試收購佢。
當最終以 £5,500 萬如願買到，幾乎所有紐卡素球迷都覺得——「艾蘭加就係答案。」
「可能係最差收購」？
喺 talkSPORT 節目《Inside The Toon》，主持直接拋出問題，討論艾蘭加嘅表現。
“Elanga is, at the moment, looking like potentially one of our worst-ever signings.”
「就現階段嚟講，艾蘭加睇落好可能係我哋史上其中一個最差收購。」
佢提到，路易斯賀爾（Lewis Hall）同安東尼哥頓（Anthony Gordon）當初加盟時，同樣花咗時間適應。
但最大嘅疑問在於——艾蘭加連基本功都踢唔穩。
“Five-yard passes, he can't do. He's not running at anyone. He's not using his pace.”
「五碼傳球都做唔好，又唔敢突破，連自己最大武器嘅速度都用唔到。」
外國YouTuber 兼評論員亦用數據補多一刀：
“He is in the bottom one per cent for take-ons in the Premier League this season.”
「今季英超成功盤扭數據，佢排喺最低嗰 1%。」
機會唔會等人
賀維一向要求高、戰術紀律嚴密，唔係個個都即刻適應到；而紐卡素過去幾年，亦確實有球員慢熱後爆發嘅成功例子。
時間可以畀，但耐性有限。
如果艾蘭加再交唔到貨，佢將被永久標籤為水貨
請按此登錄後留言。未成為會員? 立即註冊