「我會用表現說話」——車路士新教頭嘅自白

車路士新任主帥 羅斯尼亞（Liam Rosenior）剛剛由法甲史特拉斯堡 過檔車路士。對於外界、特別係車迷質疑佢經驗未夠班，羅斯尼亞心裡有數，亦從來冇打算迴避。

佢喺賽前記者會上，並無嘗試用漂亮說話討好球迷，亦冇刻意安撫情緒，只係簡單直接，向所有人劃下一條清晰界線。

“Judge what you see, not what you hear.”
「唔好用你聽到嘅嘢去判斷我，用你喺球場見到嘅表現去評價。」
羅斯尼亞好清楚，自己嘅履歷同名氣，注定會被放大檢視；但與其花時間解釋，佢選擇用最直接嘅方式回應——用表現說話

“Don’t judge my press conferences. I don’t win any games here.”
「唔好用記者會去評價我，我喺呢度贏唔到啲咩。」

“Judge what you see on the pitch.”
「用你喺球場見到嘅表現去評價。」



曾被法國媒體嘲笑　羅斯尼亞已習慣做「被低估嗰個」

據外媒報道，羅斯尼亞回顧自己初到史特拉斯堡時，外界同樣一面倒唱淡。甚至直接將佢標籤成笑話。

“They said I was a joke… a nobody from England.”
「當時媒體話我係笑話，話我只係個來自英格蘭嘅無名氏。」

結果？史特拉斯堡賽季最終只係以 3 分之差，無緣歐聯資格。呢段經歷，令羅斯尼亞更加堅信——外界嘅質疑，唔等於事實。

“The outside noise is just noise.”
「外面所有質疑聲，其實都只係聲音。」
羅斯尼亞亦冇要求球迷無條件信任，更冇打算逃避責任。

“If the performances aren’t good enough, I’ll be the first to say it.”
「如果表現唔夠好，我會第一個承認。」

對車路士球迷而言，呢段說話未必即刻令人放心，但至少傳達咗一個訊號——今次嘅新帥，唔會諸多藉口，而係準備為場上表現負全責。