利物浦支柱告急：蘇保斯拉爾再犯黃即缺陣

利物浦中場核心蘇保斯拉爾（Dominik Szoboszlai）近期開始踏入停賽危機，過去三場聯賽已兩度被黃牌警告，如再領一黃，將要面臨一場英超停賽。

史諾（Arne Slot）目前正經歷一個艱難賽季，而全隊最穩定、最勤力、亦最不可或缺嘅球員，正正就係蘇保斯拉爾。自開季以來，佢已經喺 19 場比賽之中，17 場都踢足 90 分鐘，絕對係紅軍本季少有嘅亮點。


依家嘅情況係：
--如果蘇保斯拉爾喺周日對韋斯咸被主裁判出示黃牌，佢將被停賽一場, 需要缺陣周中對新特蘭嘅英超賽事。

佢早前已經喺對諾定咸森林嘅比賽成功避免再食牌，但要未來七場比賽完全唔食黃牌，難度極高，可以話幾乎係「遲早會發生嘅事」。

英超停賽規例回顧

根據英超條例：

--頭19場聯賽攞滿5張黃牌 → 自動停賽一場
--32輪前累積10張黃牌 → 停賽兩場

蘇保斯拉爾目前已經係臨界點，只差一張就觸發停賽。

對於史諾來講，蘇保斯拉爾係中場不可替代嘅存在，如果佢因黃牌停賽，紅軍進攻同節奏調度會受到重大影響。