艾摩廉走人有無影響? 拉舒福特巴塞去向有答案!

拉舒福特加盟巴塞後，適應速度比外界預期更快。至今各項賽事 2 個入球＋6 次助攻，數據未必好誇張，但對球隊前場流動性同反擊質素明顯提升。

巴塞目前喺西甲榜首，領先皇家馬德里 4 分，整體狀態穩定。喺呢個情況下，球會內部對拉舒福特嘅評價相當正面。

更重要嘅係，巴塞當初已經為呢單借用做好部署——
合約內含 €30m 買斷條款，而為咗加入呢個選項，球會額外支付咗 €5m。換言之，管理層從一開始，已經唔係抱住「短期試用」心態。
而據英國及西班牙媒體報道，巴塞隆拿計劃喺今季結束後，正式啟動買斷條款，永久簽入拉舒福特。


🔴 「我想留喺巴塞」——拉舒福特親口表態
拉舒福特本人亦冇掩飾對巴塞嘅好感。上月接受西班牙《SPORT》訪問時，佢直言自己嘅目標。

“What I want is to stay at Barca. It's the ultimate goal.”
「我想留喺巴塞，呢個係我嘅最終目標。」

“Barca is a huge, fantastic club, built to win titles.”
「巴塞係一間巨大而且出色嘅球會，天生就係為贏冠軍而存在。」

佢亦提到，自己唔係因為留隊而踢得落力，而係因為想贏。

“The purpose is to win.”
「我嘅目的係贏。」

🔵 壓力唔係負擔，而係拉舒福特要嘅動力
談到效力巴塞所承受嘅壓力，拉舒福特反而覺得係動力。

“There is pressure here, but it's not negative pressure; it's the kind you crave.”
「呢度有壓力，但唔係負面嗰種，而係球員渴望嘅壓力。」

“I can't be in a place where there aren't high expectations.”
「如果一間球會冇高要求，我反而更難保持動力。」

呢段說話，其實亦某程度點出佢點解喺曼聯逐漸迷失。

而巴塞主帥·費歷克（Hansi Flick）亦公開讚賞過拉舒福特嘅態度。

“When I tried to explain to Rashford why he wasn't a starter, he said: ‘You don't need to explain to me.’”

「我試過向拉舒福特解釋點解佢冇正選，但佢同我講：『你唔需要解釋。』」

“This is the right mindset.”
「呢個就係正確嘅心態。」

呢種說法，對比佢近年喺曼聯嘅心態，落差相當明顯。

艾摩廉離任，理論上為拉舒福特回歸奧脫福打開一扇門；
但現實係——佢已經喺巴塞搵到位置、信任，同一個更適合自己嘅舞台。
對拉舒福特嚟講，可能係職業生涯一次必要嘅轉會。