無視被指假摔 加比爾賽後社交媒體直接挑釁熱刺

阿仙奴作客熱刺 以4:1大勝，比分同季初首循環一模一樣。
伊斯（Eberechi Eze）同約基利斯（Viktor Gyokeres）各入兩球，火力全開。

呢場勝仗，令槍手喺英超榜首拉開5分優勢（但踢多一場），氣勢明顯壓住曼城。

至於熱刺？仍然只係高出降班區4分。對新任領隊 杜陀（Igor Tudor）嚟講，開局絕對唔理想。

爭議焦點：紅牌？假摔？判決全傾向阿仙奴
比賽最大轉捩點，係梅安尼（Randal Kolo Muani）嘅入球被判無效。

當時熱刺落後一球，如果追成2:2，劇本可能完全唔同。

但入球因為被指推倒加比爾（Gabriel）而被吹犯規。

社交媒體上不少球迷認為，加比爾喺上半場拉跌梅安尼時屬「最後一人犯規」，應該被逐。


又有人話重播顯示梅安尼對加比爾嘅接觸非常輕微, 唔算犯規, 入球唔應該被判無效



杜陀場邊更加直接示意 加比爾係假摔。

但最終所有判決都有利阿仙奴
加比爾再補一刀：四張紅心挑釁熱刺

比賽完結後，加比爾冇停手。

佢喺社交媒體上載自己喺球隊巴士上嘅相，手持四張嘅紅心撲克牌（暗示4:1），
仲標籤同胞李察利臣（Richarlison），再加上 MVP (最佳球員) 嘅獎座。

呢個舉動，明顯延續兩人之前嘅社交媒體嘅罵戰, 亦係赤裸裸挑釁熱刺。

場內贏4:1，場外都唔放過。


阿迪達冷靜面對大勝

阿仙奴領隊 阿迪達（Mikel Arteta）賽後語氣冷靜。

喺打吡前，槍手7場英超只得2勝，狀態飄忽。

佢話：

“It feels like we've shown what we are made of but then you have to show it again and again and again...”
「感覺我哋展示咗自己嘅實力，但你必須一而再、再而三證明。」

“I mean it's a massive rollercoaster and it's not sustainable.”
「如果每場波都因為情緒大起大落，好似坐過山車，係唔可持續。」
“We've done great today... We go again.”
「今日我哋做得非常好，我哋好自豪。我哋會繼續前進。」

阿迪達想唔係突然嘅表現爆發，而係穩定性。

加比爾-- 場內場外都係火藥味來源

場內場外嘅火藥味，基本上由加比爾一個人點燃。

整場比賽嘅火藥味，
基本上由加比爾一個人點燃。

熱刺球迷話佢假摔、話佢幸運、話 VAR 幫佢，
但加比爾嘅反應好簡單：

「你哋講你哋講，我贏波就得。」
場內贏波係一回事， 場外再補一刀， 呢個舉動係咪必要，就見仁見智。

而喺爭冠路上，呢種「敢講、敢做、敢承受」嘅球員，
有時係推動球隊前進嘅力量；
但同時，亦可能係下一場比賽嘅火種。