[預測]山齊士加盟激活德軍中前線 精選

山齊士加盟激活德軍

山齊士是今季令阿迷J到一地血的交易!他不但速度快, 走位靈活, 即使控球盤扭, 射門技術都擁有一流質素。與只是速度快既禾仔相比, 實在係壓倒性勝出。當然, 作為阿迷, 仍然希望見到禾仔繼續進步!

上年又係J到一地都係既奧斯爾。加盟初期, 表現不錯, 但中期開始下滑, 筆者認為有部份原因是與隊友有關。首先, 死神藍斯養傷, 少了一個Box To Box中場, 少了一個配合者, 當藍斯出返黎之後, 成隊波都唔同哂就明白哂。而且, 禾仔傷出亦是原因之一, 要知道夠快接應突擊長傳既真係靠禾仔, 開季既時候, 禾仔單對單面對對方門將射失既畫面常常出現, 全有賴於奧斯爾比左致命長傳佢, 可惜把握力未夠既禾仔, 多數射失......如今, 山齊士來到, 奧斯爾所作的致命長傳, 不單不怕冇人接應, 更不怕未能將機會轉化為入球。所以, 山齊士首先最明顯是將會激活奧斯爾。
另外, 普度斯基一直在左翼位置表現平平, 不過相信來季, 他除了會被山齊士長期搶去左翼正選位置外, 他應該會回到中路, 在基奧特身後作影子前鋒, 配合他後上入攝招牌勁射的一招, 看來亦會在落後情況下, 成為奇兵及可靠兵源。試想像一下, 山齊士左路扭到落底, 基奧特在禁區作為高點吸引防守球員, 此時普度斯基插上, 山齊士即時橫傳給他來一記勁射。只是想像出這個畫面已經不得了。

可以估計到阿仙奴來季不論是出442還是433, 山齊士都是一隻重要棋子, 而且亦不會動搖其他球員地位!不過, 預測還預測, 比你估到點做, 就唔係雲加...哈哈。

感謝對於看了一篇冇圖冇性，專心看分析的你請到facebook ，https://www.facebook.com/justforfun1113，給like支持。謝謝。