[州際國家杯] 意大利 vs 日本 精選

上場日本0-3不敵巴西, 實力睇落確有差別
攻守各自力有不逮,攻, 射門不足, 把握力亦不佳, 好多時候去到禁區邊就失去控球權
守, 身形速度都不及於巴西球員, 失球既3球可以搵到身形同逝度不足之處

今場對陣意大利, 對方有巴洛迪利呢位「魔童」, 日本既後防頂唔頂得住?
日本球員們表示mark實派路將會係防守關鍵, 但係其他意大利球員又應該點樣應付?

各日本球員睇法:

川島永嗣: 臨時應變
「我地唔可以犯上場對巴西既錯。我預左將會有困難既局面, 所以無論點樣我地都要隨機應變。我諗意大利既進攻核心都係派路同巴洛迪利。10年前我預計唔到自己有得對意大利, 我好期待呢場波。上場我地輸左, 今場要忘記左佢好好踢好呢場。」
吉田麻也: 以我地既打法羸呢場波
「意大利俾波俾得好好, 一定要注意。我諗我會同巴洛迪利正面交鋒。佢係好好既球員, 好多野都做到, 自己做突破又得, 幫隊友做波又得。我地依家狀況好嚴峻, 一定要發揮到最好, 我地唔想好似對巴西果場咁輸, 希望用我地一直既踢法去羸。(教練有無講啲咩?) 佢話要踢返自己既足球。用巴西果場黎講, 我地唔係唔去進攻, 係好多時進攻都失敗, 好可惜我地咩都做唔到就咁輸左。(意大利有無俾到壓力你地?) 當然我地要犯比上場更少錯, 仲有要打快啲, 經過上場, 今次我係呢方面會有更好既感覺。(比起英超既對手, 巴西既級數係咪更高?) 係, 射波真係好強, 我覺得要改變自己平時係英超既打法, 我要提升自己, 平時自己都會掛住呢句係咀邊。」

長友佑都: 我想睇下真正既意大利「(有無諗過可以同意大利比賽?) 當然, 仲好早添。 我本身諗住最快可以係世界杯對陣意大利, 估唔到連熱身賽都無踢過就可以同意大利比賽, 真係好開心, 好想睇真真正正既意大利。(意大利強既地方係邊?) 我覺得係對勝利既欲望, 比賽之外一般生活都係唔想輸既人。分組練習果時都係咁, 輸左佢地會好嬲咁返屋企, 卡辛勞都係咁架, 輸左之後佢會唔練波返屋企架。
呢場波最理想就係先入一球, 始終先失波果隊係會比較焦急, 佢地唔慣先失一球, 如果我地能夠先入球既話對於呢場比賽將會好重要。」

遠藤保仁: 上半場積極啲
「(場波可能落雨) 球場乾同濕既時候個波既彈跳有所唔同, 不過我覺得咁樣仲易踢。(教練有咩指示?) 簡單啲誚, 派路。意大利對墨西哥果場佢俾左好多靚波, 前場球員亦能夠一一接到, 唯一既方法就係認真啲截斷佢, 我地一定要積極勤力咁搶波。 (同巴西比係完全唔同既球隊) 意大利係少用側擊既球隊, 巴洛迪利同派路以外佢地會不斷換位, 我地要平衡地防守, 如果俾地方對方猜波, 防守就變得困難, 同巴西果場我地唔會多改變, 但係要積極咁去搶波。(踢法) 上場我地打得太過慎重, 最後輸左, 今場我地要比多啲壓力對手, 做好每分每秒既應變。(易唔易踢?) 4-1-2-3既陣式我地要注意對手既換位 (巴西戰之後既心理?) 球員之間認真溝通, 同隊友確定配合既問題, 我覺得可以。」
香川真司: 要更團結
「國家隊同球會完全唔同, 聽日我地要踢得更加團結, 自己黎講, 我意識到上場做唔到太多野。 今場派路同巴洛迪利係重點, 我相信要兩三個人去防守佢地, 如果好似上場咁防守放得太後我諗咁樣我地進攻唔到, 推前防守去限制對手啦。」