雲佩斯去見祖記高層！有望加盟祖雲達斯！ 精選

話說好耐之前雲佩斯已經成為左祖雲達斯收購既目標，但外界始終認為雲佩斯加盟祖雲達斯既機會唔大。但雲佩斯今次同佢太太一齊前往都靈，去密會祖雲達斯既高層。話唔定下個賽季雲佩斯會係祖記亮相同大家見面。據《mediaset》披露，祖雲達斯對雲佩斯開出既條件非常好。唔單止會承諾雲佩斯係祖記一定有地位既保證，仲開出６００萬歐元加上浮動獎金買起雲佩斯。
當雲佩斯一到機場，祖記就安排左2部官方既車接載雲佩斯。其中一架係載雲佩斯同佢老婆去訓練既場地參觀同埋遊覽都靈。而另一架就係載雲佩斯經理人去見祖記高層。
無論幾多人話雲佩斯轉會祖雲達斯既可能性有幾低，但雲佩斯依家真係考慮緊祖雲達斯。祖雲達斯今次都算係有希望收購到雲佩斯啦。