2018年J1第25輪總結:神戶爭亞冠席位有難度

J League情報站 於 03/09/2018 發表 收藏文章
廣島三箭今輪應該係最高興嘅球隊,因為佢哋再次藉柏德歷梅開二度,主場以3:1擊敗踢完亞冠嘅鹿島鹿角,同時第2位球隊川崎前鋒今輪竟然作客以0:2輸畀大阪飛腳,第3位嘅FC東京尋晚又以0:0悶和鳥栖砂岩,令廣島再以9分領先踢少一場嘅川崎。至於北海道札幌岡薩多就擊敗神戶勝利船,繼續排第4位,只係落後東京1分,隨時下輪結束之後就可以上前3位,至於神戶就跌落第7位,仲有普度斯基首次喺日本領紅牌,目前落後第3位6分,要爭亞冠席位相當有難度。

護級方面,長崎勝利丸繼續輸波繼續包尾,睇嚟降班愈來愈近。飛腳贏波之後繼續排尾二,不過由於尾三鳥栖都只攞到1分,所以目前只係落後鳥栖2分。橫濱水手喺主場藉伊藤翔梅開二度,以3:1擊敗柏雷素爾之後,以較佳對賽成績反壓柏市上到第14位,同分嘅柏市跌落第15位,仍然有護級危機。至於上半季大部分時間包尾嘅名古屋鯨魚,就再由祖奧梅開二度及2次助攻,作客以6:1大炒磐田山葉,目前已經升到第11位,已經領先飛腳7分。磐田唯一好消息相信係中村俊輔終於復出後備入替,可惜仍然無法阻止球隊大敗一場。

Opta今輪數據

1. 金井貢史(名古屋)- 直到上季踢咗119場J1賽事只係入咗5球,但係連同今輪為球隊先開紀錄嘅入波,今季只係踢咗13場就入6球。

2. 福森晃斗(札幌)- 今輪以1個入波同1次助攻協助球隊贏波,係佢踢咗71場J1賽事以嚟首次同場有入波同助攻。

3. 都倉賢(札幌)- 佢今場又有入波,係今季第10個聯賽入波,令佢連續8季聯賽入波達雙位數。

4. 恩尼斯達(神戶)- 呢名前西班牙國腳加盟之後令神戶傳球數大增,今季有佢上陣嘅比賽球隊平均傳球數係585次(成功率86.3%),冇小白在陣嘅神戶每場平均傳球數係541次(成功率83.6%)。

5. 柏雷素爾 - 今輪再次輸波,令佢哋已經連續20場J1賽事冇和波,成為J1最長連續冇和波紀錄。

6. 浦和紅鑽 - 今輪領先下被反勝,係今季第4次反勝為敗,同橫濱水手並列今季最多被反勝球隊。

7. 仙台維加泰 - 今輪完場前絕殺清水心跳,取得自2015年4月以嚟首次3連勝,為西村拓真送上最佳送行禮物。

廣島三箭 3:1 鹿島鹿角
https://www.youtube.com/watch?v=kUgCvKrvFNw
大阪飛腳 2:0 川崎前鋒
https://www.youtube.com/watch?v=di7hbAVZevE
FC東京 0:0 鳥栖砂岩
https://www.youtube.com/watch?v=C6CaeUqgg-Y
長崎勝利丸 1:3 湘南比馬
https://www.youtube.com/watch?v=b3hP8DYaZ98

橫濱水手 3:1 柏雷素爾
https://www.youtube.com/watch?v=mp_Fa-gZUsA

磐田山葉 1:6 名古屋鯨魚
https://www.youtube.com/watch?v=ZpDNhs02gik

北海道札幌岡薩多 3:1 神戶勝利船
https://www.youtube.com/watch?v=0PjgGbq02Ds

浦和紅鑽 1:2 大阪櫻花
https://www.youtube.com/watch?v=Yv13PQSHmig

仙台維加泰 2:1 清水心跳
https://www.youtube.com/watch?v=-RV40TMxfsY

#北海道コンサドーレ札幌 #ベガルタ仙台 #鹿島アントラーズ #浦和レッズ #柏レイソル #FC東京 #川崎フロンターレ #横浜Fマリノス #湘南ベルマーレ #清水エスパルス #ジュビロ磐田 #名古屋グランパス #ガンバ大阪 #セレッソ大阪 #ヴィッセル神戸 #サンフレッチェ広島 #サガン鳥栖 #Vファーレン長崎 #Jリーグ

圖片:JリーグOfficial site
資料來源:J League情報站
https://www.facebook.com/jleagueinfo/

留言


請按此登錄後留言。未成為會員? 立即註冊
    快捷鍵:←
    快捷鍵:→