雲加一路好走︱紳士大哥

阿仙奴聯賽由曾經的「保證第四」,到現在連歐霸資格都危,經歷冬季轉會窗後一個華麗轉身,情況仍然無改善。

本來當山神未成為山狗的時候,阿仙奴的最佳11人名單不算太差。山神拚搏多時,終於無你咁好氣我非常理解,變狗也是合情合理。換來MK恩一心想要演一齣王子復仇記,打拚態度確係醒神。還有高價收購奧巴美揚,增強了鋒線威力都是好事。問題是,中後場級數差太遠,頭重腳輕只靠前場努力,對著英超眾多強手,只能一直被人強姦。

今季在各項比賽中常常拉隊入場當正選的,茄喱啡美蘭尼爾斯無組織無腳法、以為自己係C朗的伊禾比眼高手低、張伯斯和賀丁兩個無技術無身型無智慧的中堅好像天線得得B只識得累街坊。老老實實,以上人選根本連英冠都無資格踢,卻是現在阿仙奴的中流砥柱。

很多人給予不錯評價的比利連,個人認為除了速度之外,就再無任何可取,看他帶波帶甩腳,出波無一球到位,高波交到他那邊時,控波都未控掂,還敢說巴塞對他有興趣。

龍門施治體能下降本來經驗搭夠,拉湊出11人隊伍勉強夠食,但他走下坡已經不是現在的事,車仔唔要而你食得唔好蹝,都食足幾年了,怎樣還旨意他幫到你救命?後備龍呢?那個牛油手從來唔會接得實個波的奧斯賓拿,實在叫人無眼睇。

你問,雲加應唔應該走?本來我都理解有人說他走了也不一定會有個更好的,我同意,但他一日唔走,阿仙奴就一日死唔斷氣咁,獎杯永遠無份。
換一個新教練,起碼新人事新作風,管理層也起碼需要給他些零用錢買多一兩個大牌球員吧,到時成績好唔好唔知,起碼係生係死都叫做撳返個加速制。

新聞說雲加收到了波士指示只會教埋今季,我認為到了這刻,這實在是最合理而且無第二個選擇的了。最後,我得提一提,每一位阿仙奴球迷都應該給予他尊重,畢竟他帶給球隊的,功不可沒。

如果喜歡我們的文章,請即分享到︰

標籤: 阿仙奴  英超  雲加  

留言

會員
我要評論
請按此登錄後留言。未成為會員? 立即註冊
  • wombat
    wombat 於 05/03/2018 評論 NO. 1

    阿仙奴真係頭重腳輕? 咁佢應該場場都係輸4比5 5比6, 但係佢好似 場場都入唔到波喎。 呀~今場入咗一粒。

    另外話新領隊可以有錢 買一兩個大牌球員, 拿卡錫迪 奧巴 同mk恩 都唔夠大牌?

  • Chi Ba Bal
    Chi Ba Bal 於 05/03/2018 評論 NO. 2

    汁返好個後“爛”啦買來買去都買前

  • Hola Konichiwa
    Hola Konichiwa 於 05/03/2018 評論 NO. 3

    前面都亂踢又冇默契,連奧燒交波都斷哂欖。入到波咩? 前面係勁嘅就場場入三球啦

  • Tsang Jimmy
    Tsang Jimmy 於 05/03/2018 評論 NO. 4

    嘩,篇文章寫到咁爛口,係忠實粉絲? 全篇咁謾罵,最後話尊重雲格。十啖屎再送半匙糖咯

  • Alex919
    Alex919 於 05/03/2018 評論 NO. 5

    仲有大牌會肯嚟?現實啲啦!

  • 是但啦
    是但啦 於 05/03/2018 評論 NO. 6

    平心而論,編者都只係概括咁寫啫,有d嘢你哋自己get到嘅,又何必斷章取義咁討伐人哋喎😅

  • 閒雲野鶴
    閒雲野鶴 於 05/03/2018 評論 NO. 7

    個人能力固然係提升進攻威脅,不過我認為足球都係講團體合作,宜家好明顯雲加同班教練啲指導已經去到極限,運動員係可以通過教練有進步,但係喺雲加手下越踢越沉反而仲多! 買人買大牌都未必係重中之重,操練效果同戰術風格長年不變先係極大嘅問題。

  • 閒雲野鶴
    閒雲野鶴 於 05/03/2018 評論 NO. 8

    筆者冇講哥斯尼同梅斯達菲,反而鬧奧斯賓拿同施治...... 作為隊長,我覺得哥斯尼真係要嚴肅考慮一下退落嚟,佢喺場上本身已經唔係多指揮防線,近一兩季嘅防守水準直頭係惡劣,單對單、甚至人叮人之下都係輸九成,完全冇曬以前主動剎波嘅氣勢。一個冇穩定發揮嘅球員又點勝任隊長,更加難以用行動鼓勵隊友。

  • Peelala
    Peelala 於 05/03/2018 評論 NO. 9

    由柏金年代支持到而家,見到連白禮頓都可以撳住砌,堅心痛
    其實係咪全部關球員事,我看未必,雲加的精神面貎傳遞俾球員,就係輸開有條路,服輸了,可以點?
    普巴係干地手下同摩佬手下的表現可以佐證教練對球員的影响

快捷鍵:←
快捷鍵:→