跟隊?Book左場呀!

意大利球迷天地 於 17/05/2014 發表 收藏文章
還記得在筆者小學及初中時,去街場踢波既時候,見有人鬥緊波,通常都會大叫:「跟隊」,等一陣就有波踢,一齊樂也融融踢到熄燈。正!
以下都會分享我的一個故事。



前兩個月我同朋友夜晚一齊出去想跟隊,去到修頓見有人鬥緊波,仲有個黃色衫既物體。唉!連「跟隊」都唔洗叫。之後行到去灣仔公園,見到有人鬥緊波,心諗有d機會啦,我都好有禮貌問場邊d後備球員:「你地有冇book場呀?」佢答我:「Book左。」


粗口都講左出黎,而家成鬼日都book哂場,我點踢波呀?
又要每個月20號去康文署排隊?
(&*^#@&%^^#&@^(*,唔洗返工咩?
我返工佢返工,我放工佢放工
我有鐘意踢波呢個興趣係無錯架喎
點x解我而家想踢波都咁困難?
香港你係咪玩我先?


算數!朋友介紹我,不如搵埋幾個朋友報聯賽啦
嘩!又要買過d新波衫、又要比報名費、又要比註冊費,又要比球證費。
差唔多一個人要出成千蚊先踢到波?
無病呀麻?


算啦!都叫做有返下工
豪比佢,我都係想踢波姐
報聯賽就報聯賽啦
搞掂哂啦!終於有波踢啦!


到琴日有比賽當我去到球場
成隊波因為唔夠人,唯有拉雜成軍,有d人我連踢完場波都唔知佢叫咩名。
我問朋友,踢幾耐?朋友答我:「一粒鐘」
我心諗:痴x線!以前踢波空左個場全日踢都得啦
算數!筆者當日打正選,防守中場踢得比較差,上半場輸緊1粒。
半場休息果陣有位朋友話不如換走我加強攻力。
心想:「下!我踢左半粒鐘喳啵,咁快換走我我玩乜q呀!」
都算啦!最終都係輸1粒,我受盡千夫所指,基本上自尊心弱少少都比d隊友既說話搞到自殺。

唉!我想踢波姐!
連場地都無!點踢波姐?

漸漸遺忘火車頭

最後認真講多幾句,以上故事是一件真人真事,而家個個都book哂場,有些技術唔太好既朋友佢地要練習都已經無哂地方,但又要逼住佢地要去比賽,最後咪只係一個惡性循環。
筆者都想不到如何解決了,只回憶起從前同一班朋友在球場跟隊的日子,贏波會很開心,因為可以繼續踢波;輸波都很開心,因為可以一班朋友在球場吹水等對方next,之後踢到累一齊食飯爆粗講返場波。友誼、球技、人品就是這樣建立。


如果喜歡我們的文章,請即分享到︰

標籤: 街場  本地  

留言

會員
我要評論
請按此登錄後留言。未成為會員? 立即註冊
  • Sleeping
    Sleeping 於 17/05/2014 評論 NO. 1

    星期六日修頓多數無人book我都多數去射波架炸,下次有波踢預埋我

  • Atlas Yeung
    Atlas Yeung 於 18/05/2014 評論 NO. 2

    其實book咩場 足球最好最可愛既地方就係可以大家三唔識七拉埋一齊玩

快捷鍵:←
快捷鍵:→