等了又等，終於等到新季意甲開鑼
東尼2球擊敗AC
估唔到揭幕戰AC就比我地一個驚喜(應該係驚多過喜！)，東尼寶刀出鞘連轟兩個頭鎚幫升班馬維羅納反勝，全場AC行軍速度慢，組織唔到有效既攻勢，似乎成隊波個心都係諗緊PSV。的確，黎緊對PSV場波先係關鍵，入到歐聯正賽就穩袋3000歐元，名利雙收，到時有錢買多幾個球員再搏過，開季失呢3分問題不大，只不過先入波被反勝就真係難睇d，亦打擊士氣，睇黎對PSV場波都唔係咁穩陣。唯一可喜既係新援普利入波，佢接應巴神傳波快速殺入禁區起腳，睇到兩人好有默契，呢個後生仔被譽為派路接班人係有d料到，希望佢可以越踢越好。
普巴爆發 祖記小勝
另一場我既愛隊祖記作客森多利亞就速度快好多，雙方都打得好開放，快上快落。上季森多係唯一一隊雙殺祖記既球隊，祖記不敢輕敵排出最強陣，當我仍然回味緊上星期超級盃4比0橫掃拉素既時候，係開波既頭十分鐘祖記已經反客為主不斷展開攻勢，但森多既防守亦組織得好好，尤其門將迪哥斯達表現十分出色，派路既遠射、艾沙莫亞既頭鎚都先後被救出。祖記雖然掌握住控球權但真正既威脅唔多，似乎季初仍未上力。最大驚喜當然要提中場新星普巴，上場贏拉素佢出場3分鐘就入波，之後再助攻迪維斯，今場佢係中場同樣好活躍，無論進攻同防守都好有衝擊力，活動範圍非常大，cover到整個中場。助攻迪維斯果球更加睇到佢開始有大將之風，當時佢單單面對住龍門絕對可以起腳，射入既機會亦好大，但佢非常冷靜地將個波傳比位置更好既迪維斯，顯出佢無私既心態，對於一個只有20歲既後生仔黎講係非常難得。
另外，迪維斯連續兩場入波亦顯出佢融入球隊完全無問題，而且兩次都係由普巴助攻，似乎佢兩個都幾有默契。有迪維斯係前場走位同hold波的確令祖記既進攻火力增強，對於中前場既連接作用好大，亦間接減輕咗中場既攻守壓力，只要再多d同球隊磨合，祖記今季既攻力將會更強。
睇返成場波，祖記整體發揮唔算好理想，但仍維持一貫既壓迫力同穩健，球員有好強既爭勝決心，而呢場係大雨中作賽，球員亦較多大範圍既傳送，並不拘泥於一貫既短傳踢法，令到整場波既節奏加快，進攻亦比以往更立體。
拿玻里開火 咸錫 迪羅斯 羅斯各當家閃亮
今季最令人期待既球隊當然要講拿玻里，新領隊新前鋒新陣容，立即就黎個3比0，組織及進攻快速。自拿維斯同卡雲尼相繼離開之後，咸錫成為球隊既重心，佢亦不負所托第一場就梅開二度，加上希古恩等皇馬三子，佢地中前場攻力將會係今季意甲最強。其他各強隊都基本對辦，國米打破咗4個月黎主場不勝既魔咒，柏拉斯奥已經成為最穩定的入球保證。
首都紅狼就由迪羅斯靚遠射開紀錄，上季同領隊不和又不斷傳會轉會，呢個入波對佢以及球會都係一次重要穩固劑，相信佢仍然係羅馬既核心。
另一隊首都藍鷹亦迅速從超級盃大敗中翻身，今場對住實力接近既烏雞好似變咗另一隊，17分鐘就連入兩球，踢咗一個完美既上半場。費倫就有受傷成年既羅斯復出即入波，真係可喜可賀，如果能夠回復過去既水準，佢同新援入球機器高美斯將會係意甲其中一個恐怖既進攻組合，亦都好期待佢入返國家隊。
從第一輪黎睇，今季意甲將會係過去幾季以黎最有睇頭既一季，各隊都有實力球星加盟，而且表現對辦，亦有好多新星爆發。前列6-7隊球隊實力非常接近，無論爭冠定爭歐聯資格今季都會係近幾年最精采激烈即一季。
首輪
對辦新援
迪維斯、希古恩、羅斯
爆發新星
普巴、普利
閃亮當家
咸錫、迪羅斯、柏拉斯奥
驚喜老將
東尼
東尼2球擊敗AC
估唔到揭幕戰AC就比我地一個驚喜(應該係驚多過喜！)，東尼寶刀出鞘連轟兩個頭鎚幫升班馬維羅納反勝，全場AC行軍速度慢，組織唔到有效既攻勢，似乎成隊波個心都係諗緊PSV。的確，黎緊對PSV場波先係關鍵，入到歐聯正賽就穩袋3000歐元，名利雙收，到時有錢買多幾個球員再搏過，開季失呢3分問題不大，只不過先入波被反勝就真係難睇d，亦打擊士氣，睇黎對PSV場波都唔係咁穩陣。唯一可喜既係新援普利入波，佢接應巴神傳波快速殺入禁區起腳，睇到兩人好有默契，呢個後生仔被譽為派路接班人係有d料到，希望佢可以越踢越好。
普巴爆發 祖記小勝
另一場我既愛隊祖記作客森多利亞就速度快好多，雙方都打得好開放，快上快落。上季森多係唯一一隊雙殺祖記既球隊，祖記不敢輕敵排出最強陣，當我仍然回味緊上星期超級盃4比0橫掃拉素既時候，係開波既頭十分鐘祖記已經反客為主不斷展開攻勢，但森多既防守亦組織得好好，尤其門將迪哥斯達表現十分出色，派路既遠射、艾沙莫亞既頭鎚都先後被救出。祖記雖然掌握住控球權但真正既威脅唔多，似乎季初仍未上力。最大驚喜當然要提中場新星普巴，上場贏拉素佢出場3分鐘就入波，之後再助攻迪維斯，今場佢係中場同樣好活躍，無論進攻同防守都好有衝擊力，活動範圍非常大，cover到整個中場。助攻迪維斯果球更加睇到佢開始有大將之風，當時佢單單面對住龍門絕對可以起腳，射入既機會亦好大，但佢非常冷靜地將個波傳比位置更好既迪維斯，顯出佢無私既心態，對於一個只有20歲既後生仔黎講係非常難得。
另外，迪維斯連續兩場入波亦顯出佢融入球隊完全無問題，而且兩次都係由普巴助攻，似乎佢兩個都幾有默契。有迪維斯係前場走位同hold波的確令祖記既進攻火力增強，對於中前場既連接作用好大，亦間接減輕咗中場既攻守壓力，只要再多d同球隊磨合，祖記今季既攻力將會更強。
睇返成場波，祖記整體發揮唔算好理想，但仍維持一貫既壓迫力同穩健，球員有好強既爭勝決心，而呢場係大雨中作賽，球員亦較多大範圍既傳送，並不拘泥於一貫既短傳踢法，令到整場波既節奏加快，進攻亦比以往更立體。
拿玻里開火 咸錫 迪羅斯 羅斯各當家閃亮
今季最令人期待既球隊當然要講拿玻里，新領隊新前鋒新陣容，立即就黎個3比0，組織及進攻快速。自拿維斯同卡雲尼相繼離開之後，咸錫成為球隊既重心，佢亦不負所托第一場就梅開二度，加上希古恩等皇馬三子，佢地中前場攻力將會係今季意甲最強。其他各強隊都基本對辦，國米打破咗4個月黎主場不勝既魔咒，柏拉斯奥已經成為最穩定的入球保證。
首都紅狼就由迪羅斯靚遠射開紀錄，上季同領隊不和又不斷傳會轉會，呢個入波對佢以及球會都係一次重要穩固劑，相信佢仍然係羅馬既核心。
另一隊首都藍鷹亦迅速從超級盃大敗中翻身，今場對住實力接近既烏雞好似變咗另一隊，17分鐘就連入兩球，踢咗一個完美既上半場。費倫就有受傷成年既羅斯復出即入波，真係可喜可賀，如果能夠回復過去既水準，佢同新援入球機器高美斯將會係意甲其中一個恐怖既進攻組合，亦都好期待佢入返國家隊。
從第一輪黎睇，今季意甲將會係過去幾季以黎最有睇頭既一季，各隊都有實力球星加盟，而且表現對辦，亦有好多新星爆發。前列6-7隊球隊實力非常接近，無論爭冠定爭歐聯資格今季都會係近幾年最精采激烈即一季。
首輪
對辦新援
迪維斯、希古恩、羅斯
爆發新星
普巴、普利
閃亮當家
咸錫、迪羅斯、柏拉斯奥
驚喜老將
東尼
請按此登錄後留言。未成為會員? 立即註冊