專業講波團


CCTVB嘅世盃直播安排,已經攪到坊間怨聲載道。而佢地班講波佬,亦已經俾一眾球迷問候得遍體鱗傷。

空穴來風,未必無因。老孫都有留意呢班講波佬嘅表現,所得結論係老孫都要加入一眾球迷行列,排隊問候一下佢地。

首先,老孫絕對認同講波佬唔易做,九十分鐘non-stop咁搵嘢講,殊不簡單。正正因為咁樣,先至須要professional嘅人去擔此重任。不過壟斷電視業嘅CCTVB,又何須同你講專業?

老孫留意到,每一場波,佢地都想扮到好專業咁去分析兩隊嘅部署,剖析兩隊球員同教練嘅諗法,每次得出嚟嘅驚世結論都係「今場兩隊波都肯定唔想輸呢場波。」

例如,佢地會講:「兩隊都踢得好穩陣,睇得出呢場波佢地係唔想輸嘅,永遠都係架啦,因為係分組賽第一場,大家係唔會想輸波而回。」

又例如:「入到嚟16強,由於係一場過淘汰賽,所以兩隊肯定會保守D,唔希望九十分鐘嘅賽事輸俾你,睇得出兩隊教練嘅部署都唔係想輸波嘅。」

佢地每次都會花好大篇幅、不厭其煩咁講出「兩隊波都唔想輸呢場波」呢個道理。屌!究竟有邊隊波排個陣出嚟係為撚左輸波?無奈嘅係,佢地偏偏喜歡將「阿媽係女人」呢個常識講到好似驚為天人嘅真知灼見咁!當佢地自我感覺良好嘅同時,有冇顧及過我地一班球迷嘅感受?

結論係: 沒有競爭,哪有進步?支持維基開台!


Into The Darkness 入黑圖文
更多精彩內容: www.facebook.com/intothedarknesshk
標籤: TVB世界盃  講波佬  巴西  尼馬  喀麥隆  世界盃  

留言


請按此登錄後留言。未成為會員? 立即註冊
  • 馬菲 於 04/07/2014 評論 NO. 1

    可能收到風隊波冇收錢打假波,睇下遲啲會唔會話"排呢個陣出嚟明顯隊波,教練係收咗錢"

快捷鍵:←
快捷鍵:→