大家好，我係陳浩然，曾經執教過南華、飛馬、元朗、大埔及大中，最鍾意欣賞球賽中球隊作出不同的戰術變化。當一個做咗八年職業教練嘅我去睇波，睇到嘅野會唔會同你唔同呢？
＊＊＊＊＊＊＊＊＊＊＊＊＊＊＊＊＊＊
我今季以一個球迷身分去睇波，感覺真係好特別！
所以都想好似其他球迷咁同大家傾下波經 😄
今日睇咗傑志對元朗，就同大家分享下我賽後感 😉
元朗今季陣容變動好大，不過大部分球員都了解馮sir理念，所以相信磨合時間相對會比較少。
今日元朗以防守為主，希望用死球及快速進攻同傑志抗衡，開波初段都差少少成功利用死球領先！當仍然0比0嘅時候，進攻人數唔多係正常，就因為進攻人數唔多，嘗試打地波嘅元朗進攻時可以選擇嘅人唔多，連拿度就係其中一個進攻點，（不過佢始終年紀唔輕及之前有傷患，狀態要操起唔易），不過起佢附近球員唔多， 就算比到佢hold 到第一下，第二下已經比人搶咗。
第一次起場外睇你哋打氣！下半場繼續嗌大聲啲啊！！
個人覺得今季元朗太多要攞波嘅球員，例如阿朗、子俊、連拿度、𡃁仔、法比奧，佢哋都唔係走位入涉嘅球員，所以進攻時如果推前連拿度起25碼內或者對方中堅附近，利用佢頭鎚及身型優勢威力更大，相對如果佢太後攞波又無其他球員入涉情況下，推前佢多啲起禁區內搵食係一個好嘗試，配合阿朗、子俊、𡃁仔同法比奧依啲傳送好嘅球員，應該進攻可以更有威脅。
另一方面今季元朗無咗上季適合打反擊嘅蘇沙，如果打反擊，我相信可以利用元洋依類高速度及技術型球員配合其他比波好嘅球員。
不過依場始終係第一場，加上傑志已經踢過一場亞協，所以比賽狀態一定比元朗好，所以今日比數唔可以作準！加上馮sir 係一個好有理念及有heart嘅教練，我覺得佢一定可以帶領元朗攞到好成績！（不過最緊要管理層唔好心急）
傑志今日贏4球我都唔太評論咁多，只係覺得有一半球隊對佢哋都會死守，如果傑志只靠兩邊傳中，對手增加禁區防守人數就好難有甜頭，佢哋完全有能力加強中路進攻，如果傳球速度加快就更好。
以上只係一個普通球迷嘅我無聊寫下，如果有興趣可以大家研究下。
12/9/15
陳sir
＊＊＊＊＊＊＊＊＊＊＊＊＊＊＊＊＊＊
今日現場睇完南區對飛馬，又同大家傾下先 😄
今日兩隊各贏半場2比1，不過其實飛馬絕對可以全取3分（個人認為球員唔好覺得一場波會有好多埋門機會，每一個機會都要認真處理先可以有機會嬴波）。
飛馬上半埸嘅年青球員行軍速度快速，配合阿杜域嘅走位及利馬嘅分波，初段令南區有啲跟唔到個節奏，飛馬兩球入波都係起南區左邊發生，如果下半場繼續針對性進攻，勝方絕對有機會係飛馬。
飛馬嘅華人大家都知潛質優厚，再睇完今場外援嘅表現，我對飛馬嘅期望會再放高一些，覺得飛馬絕對有能力挑戰強隊。（反擊能力絕對係港超數一數二）
今日利馬表現出超高嘅質素，依家大家知點解南華再三搵佢返黎😏，起飛馬嘅佢可以更自由地發揮，基本上佢每一次掂波都做到威脅！（超可惜我上季本來已經超荀價傾惦利馬，不過....唉😔），另外艾華度及阿度域初步觀感都好適合球隊打法👍🏼
圖：飛馬足球隊 facebook.com/hkpegasusfc
另一個優勢係飛馬全部華人球員無論正選或後備都有能力，絕對有利堅sir可以因應唔同對手作出唔同嘅部署。
下半場南區換入蘇沙，明顯地進攻更直接及比上半場有侵略性，配合華人球員嘅質素及經驗，發揮比上半場好，如果防守加強左邊嘅協防會更好。單箭頭無論用卡里爾或蘇沙都好，如果教練起訓練上有配合卡里爾或蘇沙的不同踢法，我相信邊一個後備出黎都隨時可以改變賽果！
13/9/15
陳sir
＊＊＊＊＊＊＊＊＊＊＊＊＊＊＊＊＊＊
我今季以一個球迷身分去睇波，感覺真係好特別！
所以都想好似其他球迷咁同大家傾下波經 😄
今日睇咗傑志對元朗，就同大家分享下我賽後感 😉
元朗今季陣容變動好大，不過大部分球員都了解馮sir理念，所以相信磨合時間相對會比較少。
今日元朗以防守為主，希望用死球及快速進攻同傑志抗衡，開波初段都差少少成功利用死球領先！當仍然0比0嘅時候，進攻人數唔多係正常，就因為進攻人數唔多，嘗試打地波嘅元朗進攻時可以選擇嘅人唔多，連拿度就係其中一個進攻點，（不過佢始終年紀唔輕及之前有傷患，狀態要操起唔易），不過起佢附近球員唔多， 就算比到佢hold 到第一下，第二下已經比人搶咗。
第一次起場外睇你哋打氣！下半場繼續嗌大聲啲啊！！
個人覺得今季元朗太多要攞波嘅球員，例如阿朗、子俊、連拿度、𡃁仔、法比奧，佢哋都唔係走位入涉嘅球員，所以進攻時如果推前連拿度起25碼內或者對方中堅附近，利用佢頭鎚及身型優勢威力更大，相對如果佢太後攞波又無其他球員入涉情況下，推前佢多啲起禁區內搵食係一個好嘗試，配合阿朗、子俊、𡃁仔同法比奧依啲傳送好嘅球員，應該進攻可以更有威脅。
另一方面今季元朗無咗上季適合打反擊嘅蘇沙，如果打反擊，我相信可以利用元洋依類高速度及技術型球員配合其他比波好嘅球員。
不過依場始終係第一場，加上傑志已經踢過一場亞協，所以比賽狀態一定比元朗好，所以今日比數唔可以作準！加上馮sir 係一個好有理念及有heart嘅教練，我覺得佢一定可以帶領元朗攞到好成績！（不過最緊要管理層唔好心急）
傑志今日贏4球我都唔太評論咁多，只係覺得有一半球隊對佢哋都會死守，如果傑志只靠兩邊傳中，對手增加禁區防守人數就好難有甜頭，佢哋完全有能力加強中路進攻，如果傳球速度加快就更好。
以上只係一個普通球迷嘅我無聊寫下，如果有興趣可以大家研究下。
12/9/15
陳sir
＊＊＊＊＊＊＊＊＊＊＊＊＊＊＊＊＊＊
今日現場睇完南區對飛馬，又同大家傾下先 😄
今日兩隊各贏半場2比1，不過其實飛馬絕對可以全取3分（個人認為球員唔好覺得一場波會有好多埋門機會，每一個機會都要認真處理先可以有機會嬴波）。
飛馬上半埸嘅年青球員行軍速度快速，配合阿杜域嘅走位及利馬嘅分波，初段令南區有啲跟唔到個節奏，飛馬兩球入波都係起南區左邊發生，如果下半場繼續針對性進攻，勝方絕對有機會係飛馬。
飛馬嘅華人大家都知潛質優厚，再睇完今場外援嘅表現，我對飛馬嘅期望會再放高一些，覺得飛馬絕對有能力挑戰強隊。（反擊能力絕對係港超數一數二）
今日利馬表現出超高嘅質素，依家大家知點解南華再三搵佢返黎😏，起飛馬嘅佢可以更自由地發揮，基本上佢每一次掂波都做到威脅！（超可惜我上季本來已經超荀價傾惦利馬，不過....唉😔），另外艾華度及阿度域初步觀感都好適合球隊打法👍🏼
圖：飛馬足球隊 facebook.com/hkpegasusfc
另一個優勢係飛馬全部華人球員無論正選或後備都有能力，絕對有利堅sir可以因應唔同對手作出唔同嘅部署。
下半場南區換入蘇沙，明顯地進攻更直接及比上半場有侵略性，配合華人球員嘅質素及經驗，發揮比上半場好，如果防守加強左邊嘅協防會更好。單箭頭無論用卡里爾或蘇沙都好，如果教練起訓練上有配合卡里爾或蘇沙的不同踢法，我相信邊一個後備出黎都隨時可以改變賽果！
13/9/15
陳sir
請按此登錄後留言。未成為會員? 立即註冊