根據蘋果日報和大公報日前的報導，原來目前有兩間本地球會，有意簽入係洲際盃令球迷感受到「快樂足球」的大溪地國腳，仲話一些隊友都有意黎香港踢波咁話。
大公報報導話，係洲際國家杯踢出名堂的大溪地前鋒陳秀（Stevvy Chong Hue）的中方「聯繫人」話，佢都樂意到港甲聯賽落班，並已經委託「聯繫人」尋找港甲球隊，也從傳媒報道中得悉東方對大溪地球員感興趣。
佢仲話，包括馮亞榮在內的一些荷蘭籍華裔球員，其實都有興趣踢港甲。該聯繫人仲澄清，Stevvy Chong Hue譯名陳秀有誤，因為其祖先為客家人，所以姓氏Chong應譯為張。
http://www.youtube.com/watch?v=zj893x5lTK8
想簽入大溪地球員既其中一間香港球會就係新球季組織一隊「千萬大軍」、新升班的東方沙龍。東方既總監梁守志表示，一來對某些大溪地球員留下印象，同時價錢尚宜，有一定商業價值，而他們球隊贊助商都希望製做更多話題、熱話，吸引球迷觀看本地賽事，所以已經叫經理人盡力聯絡大溪地一些球員，仲話招攬目標就係大溪地華裔前鋒陳秀！
引用「看完洲際盃後，對個別大溪地球員留下了印象；東方今季重返甲組，因贊助商希望多點熱話，就算已差不多簽齊外援，我仍想斟介陳秀。大溪地在洲際盃有好口碑，我隨即聯絡經紀，嘗試接洽。」
另一支想簽入大溪地球員的就球隊係標準流浪。流浪總監 Philip 李輝立就話，呢班大溪地雖然並非職業球員，只屬於業餘，但球員有速度和技術，因而有意簽下。
不過....原來要簽入大溪地國腳都係唔係咁容易。據報，兩隊都認為要聯絡到呢班球員都遇到不少問題，例如一些經紀都未能聯絡，流浪就話，會嘗試透過香港足總，嘗試與大溪地足總聯絡。其次就係薪酬問題，未知能否達到對方要求。東方既總監梁守志就話：
引用大溪地球員如轉踢甲組，條件未必會要求得太高，相信2,000至3,000美元月薪可能有交易。不過翻查資料，大溪地國民人均生產總值甚高，平均每年收入達到17,500美元，就算月薪去到3,000美元，能否打動他們，仍有疑問。
大溪地13號前鋒陳秀，為上陣25場，有10個入球。曾經為國家隊係2012年的大洋洲國家盃決賽射入致勝的一球，擊敗新喀里多尼亞，協助球隊取得洲際國家盃的參賽資格！
出生於大溪地的官恩娜又會否幫助黎到香港既大溪地球員適應環境？
如果香港既球會真係簽到大溪地既球員，希望能為本地球圈帶來一些新鮮感和正面氣氛！
請按此登錄後留言。未成為會員? 立即註冊