【球星講台】戴偉浚 之 低調外流
你十七歲嘅時候做緊乜？預備公開考試？搵學校 搵工做？定係無所事事？各位嘅答案可能好唔同，但對戴偉浚（Tsun) ，呢位近期曝光率大增嘅貝利中場黎講，17歲嘅佢已經得到英甲球隊開出職業合同，成為第二個征戰英國職業聯賽嘅香港人。究竟佢點睇自己嘅前途呢？
自小愛足球
生於香港，受父親影響下自小鐘意足球，細細個就加入巴塞足球學校 同 東方青年軍。Tsun 就坦言「其實我主要都係踢東方嘅青年軍，加入巴塞足球學校都係為咗可以有更多出國比賽嘅機會！」
與雷丁不合 毅然離隊
11歲同父親去到英國，先後效力雷丁（Reading）同貝利（Bury），同時亦繼續自己嘅學業。而同唔少運動員一樣，Tsun亦計劃將來修讀運動科學。被問到點解離開自己喺英國嘅第一間球會 雷丁 ，Tsun就咁講「我覺得自己係技術型嘅球員，可惜球會並唔重視同需要，所以就離開雷丁。」
獲得職業合同
及後於2016年加盟英甲球隊貝利，經過不斷嘅訓練，今季（2017-18）終於獲得自己嘅第一張職業合約，Tsun有咩感受？「獲得職業合同可以話係我黎英國嘅其中一個目標，我知道喺英甲成為一個職業球員將會係非常困難，但亦係我一直以黎嘅夢想，就好似全世界最好嘅工作咁。」
Tsun下季將會成為職業球員
被逼放下學業
不過，成為職業球員亦代表Tsun要暫時放低自己嘅學業。「讀書同踢波，基本上冇可能同時做得好，作為全職嘅足球員，我就必須放低學業，專注踢波先可以有更大嘅進步！而我亦相信，香港球員往往要一邊踢波一邊讀書，成為球技進步嘅絆腳石！」
Tsun希望修讀運動科學
循序漸進 不急功近利
貝利近年升上英甲，上季排第19，今季放走多名一隊成員，重組球隊，亦間接令Tsun獲得職業合同。咁佢下季又有咩目標？「球隊方面就希望爭取升班，自己就希望能夠儘力搶到隊內嘅正選位置。」長遠嘅目標係又係咪踢英超？「我唔敢諗太多，只可以一步一步咁進步自己。」
http://i.imgur.com/TzRcuBu.gif
Tsun上星期正選對陣新特蘭
兩地球員差距大
Tsun喺英國踢咗6年，深深感受到香港球員同英國球員嘅差距。「其實無論係身形、技術、體能上其實都差好遠，兩地球員嘅實力根本講唔上係接近。」可能就係因為咁，Tsun亦要比隊內其他球員花更多時間訓練，爭取上陣嘅機會。
謝家榮、林樂勤上年到貝利試訓，但未能申請工作證
大部分嘅球員，都會有自己嘅偶像、遇到困難嘅時候，亦會有一句座右銘，奇怪嘅係，Tsun竟然兩者都冇「我並冇偶像、座右銘。對我黎講，我只會時刻提醒自己要保持紀律，努力訓練先可以成為一個好球員。」
來季睇好東方
講完英國，又講返香港，上屆東方失落聯賽冠軍，傑志成三冠王，Tsun卻覺得東方今季會贏返聯賽冠軍。「可能因為我細個係踢東方，所以一直支持東方，而如果將來有機會返香港踢，我亦只會踢東方！」咁Tsun又想唔想踢港隊？「呢樣嘢並唔係我決定嘅，宜家只想做好同專注返喺英國嘅發展，唔諗太多其他嘢。」
Tsun明言 如果返香港，只會踢東方
不求曝光 只求上陣
最後，問到Tsun有乜想同香港支持佢嘅fans講，佢竟然話「我唔覺得自己有fans，我唔係亦都唔想好似某啲球員咁，成日喺新聞媒體上宣傳自己，爭取曝光率。我踢波並唔係想大眾識我，或者增加知名度，我踢波只係為咗達到自己嘅目標、實現理想！」
小結
可能Tsun真係講得啱，香港嘅年輕球員卡喺樽頸嘅其中一個原因，就係學業同踢波未能取捨，阻礙自己嘅進步，正如佢所講" You wont make it or play at a good level if you do other things at the same time"
英超，可以話係所有足球員嘅夢想，Tsun同大部分球員一樣都有呢個夢想，但唔同嘅係，佢更嘗試將夢想實現，你可能話，「11歲去英國，咪又係靠……」得確，要長期去英國讀書、踢波並唔係每個家庭都能夠負擔，但若果Tsun冇對夢想嘅追求，對目標嘅堅持，對訓練努力嘅態度，又點會成為第二個喺英國踢職業聯賽嘅香港人呢？
你十七歲嘅時候做緊乜？預備公開考試？搵學校 搵工做？定係無所事事？各位嘅答案可能好唔同，但對戴偉浚（Tsun) ，呢位近期曝光率大增嘅貝利中場黎講，17歲嘅佢已經得到英甲球隊開出職業合同，成為第二個征戰英國職業聯賽嘅香港人。究竟佢點睇自己嘅前途呢？
自小愛足球
生於香港，受父親影響下自小鐘意足球，細細個就加入巴塞足球學校 同 東方青年軍。Tsun 就坦言「其實我主要都係踢東方嘅青年軍，加入巴塞足球學校都係為咗可以有更多出國比賽嘅機會！」
與雷丁不合 毅然離隊
11歲同父親去到英國，先後效力雷丁（Reading）同貝利（Bury），同時亦繼續自己嘅學業。而同唔少運動員一樣，Tsun亦計劃將來修讀運動科學。被問到點解離開自己喺英國嘅第一間球會 雷丁 ，Tsun就咁講「我覺得自己係技術型嘅球員，可惜球會並唔重視同需要，所以就離開雷丁。」
獲得職業合同
及後於2016年加盟英甲球隊貝利，經過不斷嘅訓練，今季（2017-18）終於獲得自己嘅第一張職業合約，Tsun有咩感受？「獲得職業合同可以話係我黎英國嘅其中一個目標，我知道喺英甲成為一個職業球員將會係非常困難，但亦係我一直以黎嘅夢想，就好似全世界最好嘅工作咁。」
Tsun下季將會成為職業球員
被逼放下學業
不過，成為職業球員亦代表Tsun要暫時放低自己嘅學業。「讀書同踢波，基本上冇可能同時做得好，作為全職嘅足球員，我就必須放低學業，專注踢波先可以有更大嘅進步！而我亦相信，香港球員往往要一邊踢波一邊讀書，成為球技進步嘅絆腳石！」
Tsun希望修讀運動科學
循序漸進 不急功近利
貝利近年升上英甲，上季排第19，今季放走多名一隊成員，重組球隊，亦間接令Tsun獲得職業合同。咁佢下季又有咩目標？「球隊方面就希望爭取升班，自己就希望能夠儘力搶到隊內嘅正選位置。」長遠嘅目標係又係咪踢英超？「我唔敢諗太多，只可以一步一步咁進步自己。」
http://i.imgur.com/TzRcuBu.gif
Tsun上星期正選對陣新特蘭
兩地球員差距大
Tsun喺英國踢咗6年，深深感受到香港球員同英國球員嘅差距。「其實無論係身形、技術、體能上其實都差好遠，兩地球員嘅實力根本講唔上係接近。」可能就係因為咁，Tsun亦要比隊內其他球員花更多時間訓練，爭取上陣嘅機會。
謝家榮、林樂勤上年到貝利試訓，但未能申請工作證
大部分嘅球員，都會有自己嘅偶像、遇到困難嘅時候，亦會有一句座右銘，奇怪嘅係，Tsun竟然兩者都冇「我並冇偶像、座右銘。對我黎講，我只會時刻提醒自己要保持紀律，努力訓練先可以成為一個好球員。」
來季睇好東方
講完英國，又講返香港，上屆東方失落聯賽冠軍，傑志成三冠王，Tsun卻覺得東方今季會贏返聯賽冠軍。「可能因為我細個係踢東方，所以一直支持東方，而如果將來有機會返香港踢，我亦只會踢東方！」咁Tsun又想唔想踢港隊？「呢樣嘢並唔係我決定嘅，宜家只想做好同專注返喺英國嘅發展，唔諗太多其他嘢。」
Tsun明言 如果返香港，只會踢東方
不求曝光 只求上陣
最後，問到Tsun有乜想同香港支持佢嘅fans講，佢竟然話「我唔覺得自己有fans，我唔係亦都唔想好似某啲球員咁，成日喺新聞媒體上宣傳自己，爭取曝光率。我踢波並唔係想大眾識我，或者增加知名度，我踢波只係為咗達到自己嘅目標、實現理想！」
小結
可能Tsun真係講得啱，香港嘅年輕球員卡喺樽頸嘅其中一個原因，就係學業同踢波未能取捨，阻礙自己嘅進步，正如佢所講" You wont make it or play at a good level if you do other things at the same time"
英超，可以話係所有足球員嘅夢想，Tsun同大部分球員一樣都有呢個夢想，但唔同嘅係，佢更嘗試將夢想實現，你可能話，「11歲去英國，咪又係靠……」得確，要長期去英國讀書、踢波並唔係每個家庭都能夠負擔，但若果Tsun冇對夢想嘅追求，對目標嘅堅持，對訓練努力嘅態度，又點會成為第二個喺英國踢職業聯賽嘅香港人呢？
請按此登錄後留言。未成為會員? 立即註冊