【賽後小結】蔚山現代 1:1 傑志 Pen: 4-3

香港足球 於 07/02/2017 發表 收藏文章
香港代表傑志作客去到韓國對住蔚山現代,爭取亞冠分組賽E組席位。賽前被睇高一線嘅韓國代表同傑志喺90分鐘同加時都未能分出勝負,可惜最終以12碼擊敗有艾力士同費蘭度射失嘅傑志,最終傑志未能出線,但球隊表現無疑為香港爭氣,光榮出局!

今場傑志排出3-4-3 嘅陣式,球隊上半場發揮唔錯,蔚山未能佔到太多優勢,可惜去到補時階段,金奉珍一次解圍失誤,對方球員金城煥把握射入,傑志不幸喺完半場前失守。

下半場傑志開波就開始壓上,47分鐘就喺左路位置搏到罰球,林嘉緯開出並由上半場失球「罪人」金奉珍壓過對手,跳起頂入,為球隊追平1:1 !
傑志追平後氣勢大好,短短幾分鐘後費蘭度左路傳到禁區嘅林嘉緯腳下,橫傳比後上嘅盧均宜抽射,僅僅高出。68分鐘,辛袓斜傳比嘉緯,可惜完全唔中目標。隨比賽時間越增,先後有蔚山嘅球員因為抽筋而要換出,而及後比賽一直膠著,要進入加時部分。另外,傑志喺進入加時
前並冇換人,相反對手就喺80分鐘已經換哂3個。

加時上半場7分鐘,傑志一個反擊,費蘭度大腳傳比辛祖,左扭右扭後射地波,但竟然中外柱彈出,未能為球隊反勝。3分鐘後,高華錫接應右路傳中後抽射,但被王振鵬飛身撲出!下半場蔚山繼續攻,但傑志依然守得非常穩,令比賽要以12碼決勝!

傑志先有艾力士射失,但第2輪鵬哥救到對方嘅射門,之後2輪雙方都射入,到第5輪蔚山球員射入後,傑志費蘭度射失,令蔚山係12碼中淘汰傑志,晉級分組賽。

今場蔚山雖然贏波,但佢哋嘅表現相信令大部分香港同韓國嘅球迷都大跌眼鏡,70幾分鐘已經有幾個球員抽筋,加上進攻套路唔多,令傑志喺全場受壓嘅情況下,能夠守住1-1嘅戰局。雖然傑志喺12碼中輸比蔚山,但一眾球員嘅表現絕對值得讚賞,後防犯錯未算太多,整體戰術亦算成功。傑志出局已成事實,但香港另外一支代表東方已直接晉身分組賽,絕對需要球迷嘅支持,製造奇蹟,為香港足球爭氣!

最後,老土啲亦要講句,傑志雖敗猶榮,未能晉身下一圈,實在是非常可惜。
圖片來源: kitchee fb

~~~~~~~~~~
本專欄會從不同角度,與球迷分享有關香港足球的所見所想。同時亦希望能吸引更多球迷入場欣賞本地波嘅賽事,為香港足球加油!

本專欄每月會出4-5篇文章,當中會有分析,講解或其他唔同類型嘅文章。

facebook page :香港足球

https://www.facebook.com/%E9%A6%99%E6%B8%AF%E8%B6%B3%E7%90%83-103406636843347/posts/
~~~~~
標籤: 傑志  亞冠  香港足球  

留言


請按此登錄後留言。未成為會員? 立即註冊
    快捷鍵:←
    快捷鍵:→