【讓數據說話】香港足球的有趣數字

香港足球 於 12/03/2017 發表 收藏文章
數字同日常生活絕對係息息相關,而喺香港足球中,亦有唔少有趣嘅數字,就例如近20-30年來,入場睇波嘅人數差距極大,平均入場人數可以相差多達5000幾人:又例如個別球員嘅數據,英超攔截王有簡迪,而港超就有傑志嘅黃洋 (89%)。本文會同大家喺香港足球嘅各方面,搵一啲有趣嘅數字、數據,同大家分享!

1)入場數字篇

若大家係7 80年代嘅球迷,想必一定經歷過當時香港輝煌嘅足球時期。想當年,香港足球甲組聯賽嘅場均入場人數必定過千 喺1973-1974嘅球季中更有平均6338名球迷入場,反觀上季就只得1018名球迷,可見當年足球嘅受歡迎程度。

而當年資訊未好似宜家咁發達,冇入場嘅球迷要等幾個鐘,甚至第二日先知道賽果。 如今資訊發達咗,但往往入場人數就只得寥寥幾百,令人不禁慨嘆近20年 香港足球已經不復當年勇。

近年,香港足球喺港中大戰嘅熱潮下,入場數字有回升跡象。再加上球會願意作更多宣傳,令球迷更想入場。喺上一季聯賽中,冠軍東方嘅平均入場人數有1908,絕對不足為奇,但令人意想不到嘅係,地區球隊元朗嘅號召力亦不下「班霸」南華、傑志,平均入場亦有1908,更比比起南華嘅1138多大於800人!

返到黎今季,暫時最高入場人數嘅比賽係傑志對陣南華,有3863名球迷入場,而今季初球迷相當關注嘅苦力對港會 就分別有155人(最低入場)同 304人,而暫時5場最低入場人數嘅比賽,苦力就佔咗4場,實在是「貢獻良多」

2)入球數字篇-場均3球

港超嘅比賽不時多會出現悶局,如季初南區0-0悶和飛馬。而細比數交手亦不時出現,令球迷可能會有錯覺:港超比賽入球數字都偏低。但查看數據,原來事實並非如此,上季場均入球數字為3球,因此足球中嘅數字,亦可為球迷帶來唔少驚喜!而喺球隊方面,由港超成立至今,東方係入球數字最多嘅球會:107球 而失球數字最少就係傑志:36球,而「班霸」南華就係BIG 3中入球最少,失球最多嘅球隊,球隊近年欠佳嘅表現,亦難怪球迷對呢支傳統強隊失去信心,亦同時難免對管理層失望。

3)個人數據篇


神射手 上季 基奧雲尼
今季 洛迪古斯
上季神射手由東方嘅基奧雲尼同飛馬嘅阿杜域同得,2人分別射入10球;而今季亦由來自東方嘅洛迪古斯暫時排喺榜首,15場射入15球,入球數字多除咗因為今季港超有苦力、港會等實力較差嘅球隊,亦因為上季東方有基奧雲尼同巴域斯共同分擔入球任務,但今季球隊就由新加盟嘅洛迪古斯任鋒將主力,令入球數字大增!

攔截王 黃洋 89%
而上季嘅攔截王就係傑志嘅黃洋大哥,上陣13場就為球隊貢獻33次攔截,成功率高達89% ,黃洋穩健嘅表現,奠定自己喺傑志嘅防守中場主力位置,同時今季華杜斯嘅加盟亦可以令黃洋有更多上前助攻嘅機會。

香港足球嘅有趣數字就講住咁多先,遲啲有新發現會同大家再分享!
~~~~~~~~~~
本專欄會從不同角度,與球迷分享有關香港足球的所見所想。同時亦希望能吸引更多球迷入場欣賞本地波嘅賽事,為香港足球加油!

本專欄每月會出4-5篇文章,當中會有分析,講解或其他唔同類型嘅文章。

facebook page :香港足球

如果喜歡我們的文章,請即分享到︰

標籤: 香港足球  數字  

留言

會員
我要評論
請按此登錄後留言。未成為會員? 立即註冊
  • Jeffreytw Ng
    Jeffreytw Ng 於 12/03/2017 評論 NO. 1

    認真講句呀, 中學學界比賽仲多人關注過香港頂級聯賽...

  • Dan Lau
    Dan Lau 於 12/03/2017 評論 NO. 2

    Big3咩嚟

  • King Mak
    King Mak 於 12/03/2017 評論 NO. 3

    我去小西灣運動場
    睇過港會對傑志

  • 香港足球
    香港足球 於 12/03/2017 評論 NO. 4

    多謝支持

  • 香港足球
    香港足球 於 12/03/2017 評論 NO. 5

    多謝支持

  • Rick Lau
    Rick Lau 於 12/03/2017 評論 NO. 6

    傑志失波少
    東方入波多
    攔截王應該係黑鬼

快捷鍵:←
快捷鍵:→