馬體會鎖定艾歷臣為明夏首要目標

HOMME快報 於 05/09/2019 發表 收藏文章
據西班牙媒體報導,今季大改造嘅馬體會已為明年收購窗作好準備,目前已鎖定熱刺中場艾歷臣為首要目標。

於剛過去嘅轉會窗艾歷臣嘅名字曾經與多間豪門扯上關係,包括皇家馬德里、祖雲達斯以至同聯賽嘅曼聯都曾被指有意收購呢位丹麥中場。

艾歷臣目前只係27歲,穩定嘅表現令佢近年成為熱刺不可或缺嘅中場核心,去季為球隊交出10入球、17助攻,為熱刺晉身歐聯決賽功臣之一。

目前艾歷臣與熱刺嘅合約於明年夏天就會到期,若近期未能與球會正式續約,該丹麥中場於明年1月1日起就可以自由球員身份與其他球隊談判,並於明夏約滿時正式加盟。

據悉艾歷臣本人並無意與熱刺續約,呢位中場就曾經於剛過去嘅轉會窗表明「希望尋求新挑戰」。外界一直都認為艾歷臣希望加盟銀河艦隊,可惜於9月2日前都未能成事。

不過現時消息指艾歷臣有機會於明夏加盟另一支馬德里勁旅-馬體會。據報施蒙尼對呢位27歲中場核心非常有興趣,並已派員與艾歷臣聯絡,正積極尋求於明夏將佢帶回馬體會。

除馬體會外,祖雲達斯、皇家馬德里、國際米蘭及巴黎聖日耳門等豪門都有傳對呢位丹麥國腳極有興趣,若艾歷臣最後以自由身離開熱刺定必會掀起一場爭奪戰。

本欄Facebook 專頁:https://www.facebook.com/hkomme/
本欄網址: http://hommehk.com/
標籤: 艾歷臣  熱刺  英超  西甲  馬體會  

留言


請按此登錄後留言。未成為會員? 立即註冊
    快捷鍵:←
    快捷鍵:→