碧咸確認有意於未來執教英格蘭國家隊

HOMME快報 於 04/09/2019 發表 收藏文章
前曼聯、皇馬球星碧咸於去年宣佈成立球會國際邁阿密,如無意外下年就會正式登陸英職聯。成為班主後,萬人迷早前接受雜誌 GQ 訪問時更大爆自己夢想為執教國家隊。

碧咸現時只係44歲,於球員生涯曾為英格蘭國家隊隊長,擁有115頂喼帽,於英格蘭球壇絕對為極具代表性及受歡迎嘅退休球星。碧咸被問到將來會否有機會執教英格蘭國家隊時就表示:「現時英格蘭足總內認為我係未來英格蘭領隊嘅人選,因為我於過去擔任隊長時非常成功。若有人問我會否有興趣執教國家隊?我一定會認真考慮。」

「我係一個極有熱誠嘅英國人,而我對國家隊亦充滿熱情。國家隊領隊對我而言係一份夢想嘅工作,不過目前修夫基執教下國家隊表現得非常好,佢將激情及能量帶入英格蘭,唔少球迷,包括我自己都非常享受國家隊表現。」

修夫基於世界盃執教英格蘭表現優秀,而大家都知道修夫基短期內應該會繼續執掌英格蘭。不過相信若碧咸未來正式執教英格蘭,唔少球迷都會樂意見到。

本欄Facebook 專頁:https://www.facebook.com/hkomme/
本欄網址: http://hommehk.com/
標籤: 碧咸  英格蘭  曼聯  皇馬  

留言


請按此登錄後留言。未成為會員? 立即註冊
    快捷鍵:←
    快捷鍵:→