嚟緊星期日就港超聯煞科，經過上星期足總盃四強之後，大埔爭逐亞協盃參賽資格嘅機會十分明朗，最簡單嘅就係煞科主場擊敗飛馬，就可以攞到亞協盃參賽資格。如果贏唔到的話，就要寄望自己喺足總盃決賽擊敗傑志先可以打到亞協。贏飛馬定贏傑志易啲？相信你同我都好清楚，所以大埔而家一定100% All in喺煞科嗰場度。
又因為咁，我諗番起李志堅帶隊打港甲同港超以嚟煞科嘅經歷，想同大家分享一下。
2012-2013球季 港甲煞科戰 橫濱FC 2：2 和富大埔
呢一季煞科真心有今生無來世，因為去到最尾一輪仍然有5隊有機會降班，仲好記得當年港甲係Now播，破天荒直播晒咁多場，再加埋畫中畫同即時比數，真係好正。嗰年情況好簡單，就係邊隊贏就邊隊成功護級。隨住公民贏傑志、晨曦反勝南華、飛馬大炒流浪，3隊都成功上岸，最後焦點就落咗喺橫濱FC對大埔嗰場波度。大埔當日早早有艾力士批掙紅牌出場，但一直能夠1：1頂到完場，去到89分鐘仲有安達窩利抽入反先2：1，將橫濱FC踢咗落去。當時李志堅仲係橫濱FC教練，只係第一年帶佢地，但竟然去到有機會降班，當時我都嚇一嚇。好彩嘅係三腳派膠輸角球，最後補時俾福田健二追和，結果追和2：2踢番大埔降班。完場之後個畫面就係天堂與地獄，橫濱嗰邊堅Sir就當福田健二神咁拜、劉卓軒 (當時仲係瘦軒)就感激隊友支持；大埔嗰邊Lulu喊到收唔到聲、張寶春一句「好Upset」去到而家仲係俾人叫緊佢「Upset春」。
蘋果日報當日捕捉到Lulu喊到收唔到聲
降班大逃亡專輯 - Sports Network Ep105 (2013-05-11)
https://www.youtube.com/watch?v=s-pR3SfSgNI&t=253s
不過，又有邊個諗到今時今日堅Sir會去帶大埔，同埋會用三腳做正選龍門呢...哈哈
2015-2016球季 港超煞科戰 標準流浪3：2香港飛馬
嗰年得9隊打港超，最尾煞科黃大仙輪空，變咗標準流浪只要贏波就可以以較佳對賽成績反壓黃大仙成功護級，相反堅Sir帶嘅飛馬就無欲無求打風流波，但我都入咗去睇呢場。未到30分鐘流浪就已經贏緊2球，李志堅就喺後備席區度呆企，球迷們都鬧李志堅企喺度曬太陽唔知做乜。果然，一鬧就精神，完半場利馬入番球罰球追番1：2，下半場阿杜域入多球12碼追和2：2，嗰時心諗最期待的畫面可能真係出現。雖然連卓思即刻入番球，但卓耀國74分鐘攞紅牌流浪打少個之下80分鐘再輸12碼，但阿杜域今次中柱唔入，點知李輝立又唔gur球證狂吹12碼，贏緊之下拉隊離場，當場笑到噴水。不過最後飛馬都係輸2：3，眼白白睇住流浪瘋狂慶祝而黃大仙降班，都真係有啲唔抵。
體路 2016年5月7日 流浪奇蹟護級 火藥味下險勝飛馬
http://sportsroad.hk/archives/113221
東方日報 2016年5月8日 躁爆標準流浪奇迹護級
http://orientaldaily.on.cc/cnt/sport/20160508/00286_002.html
2017-2018 港超煞科戰 和富大埔對香港飛馬
呢場又會點呢？大家一齊睇下李志堅點樣扭轉乾坤啦﹗
圖片來源：
https://cdn.hk01.com/di/media/images/288862/org/7d48ee66d1ad4300d262fb14be4819da.JPG/F_aYO54wHYmFjWA10I3fh5TlRkWWAbV-gbgqo4G4KqM?v=w960
http://static.apple.nextmedia.com/images/apple-photos/apple/20130509/large/09va012p003.jpg
影片來源：HKBNnews
https://www.youtube.com/watch?v=s-pR3SfSgNI&t=253s
又因為咁，我諗番起李志堅帶隊打港甲同港超以嚟煞科嘅經歷，想同大家分享一下。
2012-2013球季 港甲煞科戰 橫濱FC 2：2 和富大埔
呢一季煞科真心有今生無來世，因為去到最尾一輪仍然有5隊有機會降班，仲好記得當年港甲係Now播，破天荒直播晒咁多場，再加埋畫中畫同即時比數，真係好正。嗰年情況好簡單，就係邊隊贏就邊隊成功護級。隨住公民贏傑志、晨曦反勝南華、飛馬大炒流浪，3隊都成功上岸，最後焦點就落咗喺橫濱FC對大埔嗰場波度。大埔當日早早有艾力士批掙紅牌出場，但一直能夠1：1頂到完場，去到89分鐘仲有安達窩利抽入反先2：1，將橫濱FC踢咗落去。當時李志堅仲係橫濱FC教練，只係第一年帶佢地，但竟然去到有機會降班，當時我都嚇一嚇。好彩嘅係三腳派膠輸角球，最後補時俾福田健二追和，結果追和2：2踢番大埔降班。完場之後個畫面就係天堂與地獄，橫濱嗰邊堅Sir就當福田健二神咁拜、劉卓軒 (當時仲係瘦軒)就感激隊友支持；大埔嗰邊Lulu喊到收唔到聲、張寶春一句「好Upset」去到而家仲係俾人叫緊佢「Upset春」。
蘋果日報當日捕捉到Lulu喊到收唔到聲
降班大逃亡專輯 - Sports Network Ep105 (2013-05-11)
https://www.youtube.com/watch?v=s-pR3SfSgNI&t=253s
不過，又有邊個諗到今時今日堅Sir會去帶大埔，同埋會用三腳做正選龍門呢...哈哈
2015-2016球季 港超煞科戰 標準流浪3：2香港飛馬
嗰年得9隊打港超，最尾煞科黃大仙輪空，變咗標準流浪只要贏波就可以以較佳對賽成績反壓黃大仙成功護級，相反堅Sir帶嘅飛馬就無欲無求打風流波，但我都入咗去睇呢場。未到30分鐘流浪就已經贏緊2球，李志堅就喺後備席區度呆企，球迷們都鬧李志堅企喺度曬太陽唔知做乜。果然，一鬧就精神，完半場利馬入番球罰球追番1：2，下半場阿杜域入多球12碼追和2：2，嗰時心諗最期待的畫面可能真係出現。雖然連卓思即刻入番球，但卓耀國74分鐘攞紅牌流浪打少個之下80分鐘再輸12碼，但阿杜域今次中柱唔入，點知李輝立又唔gur球證狂吹12碼，贏緊之下拉隊離場，當場笑到噴水。不過最後飛馬都係輸2：3，眼白白睇住流浪瘋狂慶祝而黃大仙降班，都真係有啲唔抵。
體路 2016年5月7日 流浪奇蹟護級 火藥味下險勝飛馬
http://sportsroad.hk/archives/113221
東方日報 2016年5月8日 躁爆標準流浪奇迹護級
http://orientaldaily.on.cc/cnt/sport/20160508/00286_002.html
2017-2018 港超煞科戰 和富大埔對香港飛馬
呢場又會點呢？大家一齊睇下李志堅點樣扭轉乾坤啦﹗
圖片來源：
https://cdn.hk01.com/di/media/images/288862/org/7d48ee66d1ad4300d262fb14be4819da.JPG/F_aYO54wHYmFjWA10I3fh5TlRkWWAbV-gbgqo4G4KqM?v=w960
http://static.apple.nextmedia.com/images/apple-photos/apple/20130509/large/09va012p003.jpg
影片來源：HKBNnews
https://www.youtube.com/watch?v=s-pR3SfSgNI&t=253s
請按此登錄後留言。未成為會員? 立即註冊