(此篇由知名會員村長叔叔撰寫)
傑志亞冠之旅終於完結，由第一場俾人大炒六隻光蛋，到連續四場半和同拎到歷史首勝，當中進步大家都有目共睹。既然完咗，不如一齊睇吓有咩做得好有咩做得唔好。
上年亞冠，守志話因為七欖同廣告嘅問題，所以東方用唔到大球場黎做主場。一年之後，傑志都用行動證明咗你肯去攪係解決到個問題。嘉頓同廂房廣告都一一遮哂，相信傑志係呢方面落咗唔少本。七欖呢樣就冇得點講，人地一年一度嘅盛事，要養草讓唔到俾你都冇話好說。
^ 廂房層同嘉頓廣告完全遮蓋
雖然有人會話係大球場踢，個場大啲又冇咁多人睇氣氛會冇咁好。的而且確，旺角場坐滿個氣勢，係大球場要用幾倍嘅球迷先做到。但係你唔用個大啲嘅場，你永遠都唔會知場波可以吸引到幾多球迷。同時更多嘅街客，都有助球迷數量嘅增長，如果傑志踢到爭氣波，街客係不排除會繼續留意香港波或者做傑志嘅球迷。結果兩場係大球場嘅比賽分別有萬三同七千人，多過旺角場嘅容量。同時傑志大踢爭氣波一球絕殺柏雷素爾，本先大可推高最尾一場嘅入場人數，只可惜最尾一場只可以擺旺角場，但同時都證明咗擺係大球場係絕對有得攪。
【亞冠盃】唔介意收少600萬揭東方棄大球場之謎
https://hk.sports.appledaily.com/sports/realtime/article/20170228/56361051
當日傑志宣佈簽入科蘭，好多唔同嘅足球group都談論呢一位「獌連明叔」「前世界盃金球獎得主」，場都未落已經吸引唔少人嘅注意。首戰南區講明坐後備，都仲有成三千二百人入場，仲大賣周邊嘅球會產品。唔只限於香港，唔少外國媒體都有相關報導，證明咗呢個收購係marketing上係有一定作用，傑志係港外球壇多咗人認識。
今有望披甲鬥南區 科蘭Ready！
https://hk.sports.appledaily.com/sports/daily/article/20180114/20273788
Ex-Manchester United star Diego Forlan joins Hong Kong side Kitchee SC aged 38
https://www.thesun.co.uk/sport/football/5267736/ex-manchester-united-star-diego-forlan-joins-hong-kong-side-kitchee-sc-aged-38/
另外，簽入科蘭都開始咗傑志嘅一年一星政策，伍健都有透露過之後會繼續簽入球星，增加傑志嘅知名度。當年MLS都係靠簽入球星(e.g. 碧度/亨利/卡卡)而增加聯賽曝光率同知名度，到而家多咗人睇都有一定關係，所以話一年一星政策真係好值得其他球會去仿效。
其實要讚嘅野唔係好多，反而有啲野就要批判下啦...
另外東方上年仲有$480嘅套票，一次過買哂三場嘅冇得走佬。就算踢得幾差，例如第一場俾人炒七球，買咗套票嘅都會因為有飛而選擇繼續入場。傑志可以話因為用兩個場好難安排到，但係我相信幾煩都好，早幾個月攪佢點都攪得到。已經唔洗用錢同其他持份者傾，點都易攪過啲廣告掛？
東方龍獅落實旺角場踢亞冠
http://orientaldaily.on.cc/cnt/sport/20161215/00286_003.html
傑志表示因爲亞洲足協要求，所以今年亞冠賣飛冇得free seating。講吓冇free seating要跟位坐有咩問題：
1. 睇開香港波嘅都會習慣咗亂咁坐。
2. 買飛冇得揀位，個位無咁好你都要焗食。
3. 每次買飛都有限額(四張)，如果你多過四個朋友就要分幾次買，咁就極大機會冇得一齊坐。
4. 最麻煩嘅係打亂打氣區嘅安排，呢點比較煩所以會講多少少。
傑志第一場冇刻意安排獨立打氣區，如果球迷要跟位坐要會各散東西。小傑仔到最後都夾硬組織咗打氣區，但係個頭就勁多交嘈。到第二三場傑志都有安排返打氣區，我自己覺得第二場個處理會比較好。因為打氣區係任坐同想入就入，想去打氣大聲啲就前啲，怕醜嘅就坐後啲。到第三場傑志攪咗個「熱血打氣區」，實則操作上反而冇第二場咁好。好多時啲人買飛嗰時冇考慮咁多，唔會理唔理你咩熱唔熱血。同時呢一批人唔一定係死忠，有好多人會經會員朋友去買飛，結果你只會錯誤安排咗班非球迷入球迷區。唔好覺得咩都係理所當然，買球迷區會員飛嘅亦唔一定係球迷，只要安排返一個自出自入任坐嘅球迷區就可以。
^ 打氣區入場證
可能有人會話，係AFC叫人跟位賣飛架喎，但事實又係咪真係咁呢？我翻查咗(冇好認真細睇)近3年嘅相關regulation，都只係搵到句"Tickets shall include seat numbering and serial numbering"。呢個seat numbering究竟係要寫到實一實定係點？本野又冇明文寫清楚，所以點解讀真係得AFC先知。如果條文咁多年都一樣，咁點解無啦啦今年先要實行呢？一係AFC直接去信要求，一係傑志自作多情。
我就覺得係傑志自作多情多，點解？因為有手足買咗張柏雷素爾對傑志嘅主場波飛，而張波飛真真真係冇劃位架，有圖有真相﹗我放多張日職嘅波飛俾大家對比吓，你係可以見到佢喺右邊寫清楚座位編號，而亞冠張波飛係冇架﹗如果你話柏唔跟規矩做，咁你搵啲野出黎證明返，唔係嘅話下年亞洲賽麻煩你球迷區唔好再劃位，真係拜託你。
^ 柏市座位分區，注意右邊柏熱地帶係非指定席（From柏官網）
^ 亞冠柏熱地帶波飛，你係見唔到座位編號
^ 普通日職波飛，右邊係有寫明座位編號
補充多句，其實我唔介意其他區最終做到劃位，不過你真係要做到有得揀位囉。
白底黑印字冇design，Cityline門票核突呢個問題都好多人有提過，其實唔洗多講。不過考慮到便利性同人手安排，我諗Cityline真係最佳選擇。題外話，上面啲日職波飛我覺得仲核突過Cityline，7-11阿姐拎俾我個時都打咗個突，冇design連球會logo乜都冇，突然之間覺得Cityline又真係唔係咁差。其實日本波飛仲有幾種方法拎，個個樣都會唔同，詳細嘅我唔講喇，因為我自己都唔太熟悉。有競爭先有進步，如果多幾間Cityline咁嘅商業機構出黎競爭吓就好啦。
^ Cityline亞冠波飛
^ 當年亞洲賽波飛
其實睇過香港球隊作客嘅人可以話少之又少，係近年港足再度興起，國家隊先多咗作客球迷隨隊，之不過跟球會作客嘅都仲係小貓三四隻。今次三場作客比賽，以作客日本柏市嘅球迷最多，保守估計有一百至百五人，我相信呢個數之後都比較難再做到。
但係佢作客門票安排有幾混亂？就以我隨傑志作客柏市為例，下面我順時序貼返相關嘅圖片俾大家了解一下。
傑志2月2號嘅fb status，表示門票會於作客天津(2月13日)之後開放登記。
咁到咗2月10號，日本個邊已經開始賣飛，而傑志仍然係冇任何消息，咁我應唔應該去買呢？
咁我知一定唔會賣得哂，咁咪慢慢等囉。咁等多10日，傑志終於喺2月21號出post表示開放登記作客柏市嘅門票，我同幾個傻豬急不及待就車咗個email俾傑志留飛。
唔知點解，傑志喺2月23號回覆返個email叫人覆返d個人資料俾佢留飛。咁我地當然就做埋超級大傻仔不疑有詐，咩資料都俾哂佢，直情all in咁滯。
點知過多幾日就知中伏喇，傑志竟然喺2月27號覆返email黎話冇免費飛要自己買﹗其實冇免費飛真係唔緊要，二百零蚊又唔係俾唔起。不過難得咁多作客球迷，你咪收齊頭$200當優待吓啲小傑仔囉，好門面嘅功夫黎嘅啫。
我最嬲最嬲嘅係傑志做乜要收集我地嘅個人資料？作用何在？到呢一刻啲資料銷毀咗未？定賣咗出去俾人做coldcall？呢樣野我真係好需要傑志清清楚楚咁同我地呢班超級大傻仔交代返﹗
^ 作客柏市嘅球迷（From HK01）
我唔係想話傑志冇佈置到球場，只係對比返以前，今年嘅佈置真係弱雞咗啲。2014年亞協，我記得球場門口有個大門框，好似係印咗巴倫古素同林嘉緯，隔離都仲有兩條用吹風機整出黎嘅條條係到fing下fing吓。入到球場，仲會有射燈將個天幕射返做藍色，不知幾有feel。下面都有張我上年睇東方時影嘅相，都做得唔太差架。
^ 東方亞冠主場佈置
正所謂有波衫有XX，科蘭嘅加盟令到波衫難求，由第一場對南區已經搶到癲。雖然傑志喺亞冠時補返貨，但又係極速售罄，到第二場得返兩個極端尺碼，真係狗也不X。而家2018年喇，點解仲唔識善用科技攪網購呢？你賣飛都識用google form啦﹗點解唔好似東方咁整個google form等人預訂呢？大大個賺錢機會擺喺度都唔要，真係蠢過隻豬。
傑志之前出戰亞洲賽前都會約戰實力相近嘅球隊，以便寓賽於操同測試陣容。唯獨今年傑志一場友賽都冇約，只係以本地比賽黎試陣，試問南區流浪呢啲波可以試到啲乜呢？結果咪用唔啱嘅人去踢錯誤嘅343，頭兩場俾人數咗九球，到第三場轉442先慢慢適應到亞冠嘅節奏。轉陣真係唔應該讚，根本準備充足就唔會發生啲咁嘅事。
可能有小傑仔會話第一次搞亞冠，算係咁啦。但係你要清楚傑志搞亞洲賽已經好多年，咁嘅表現只可以話係僅僅合格。作為球迷係唔應該處處包容，反而係要指出錯處等會方去面對同檢討，唔好成日話人X人，X波係必須的。唔只傑志要留意上述嘅野，其他香港球會都要多加留意，咁成個球圈先會有進步。
以下歡迎手足討論，課like，課share，課comment。
村長叔叔個人fb專頁
https://www.facebook.com/cyuncoengsuksuk/
利申：中文作文拎U，sorry for 1999
另多謝以下各巴打，排名不分先後
香港講波仔、數字球、土居聖真、N巴
傑志亞冠之旅終於完結，由第一場俾人大炒六隻光蛋，到連續四場半和同拎到歷史首勝，當中進步大家都有目共睹。既然完咗，不如一齊睇吓有咩做得好有咩做得唔好。
- 成功爭取大球場
上年亞冠，守志話因為七欖同廣告嘅問題，所以東方用唔到大球場黎做主場。一年之後，傑志都用行動證明咗你肯去攪係解決到個問題。嘉頓同廂房廣告都一一遮哂，相信傑志係呢方面落咗唔少本。七欖呢樣就冇得點講，人地一年一度嘅盛事，要養草讓唔到俾你都冇話好說。
^ 廂房層同嘉頓廣告完全遮蓋
雖然有人會話係大球場踢，個場大啲又冇咁多人睇氣氛會冇咁好。的而且確，旺角場坐滿個氣勢，係大球場要用幾倍嘅球迷先做到。但係你唔用個大啲嘅場，你永遠都唔會知場波可以吸引到幾多球迷。同時更多嘅街客，都有助球迷數量嘅增長，如果傑志踢到爭氣波，街客係不排除會繼續留意香港波或者做傑志嘅球迷。結果兩場係大球場嘅比賽分別有萬三同七千人，多過旺角場嘅容量。同時傑志大踢爭氣波一球絕殺柏雷素爾，本先大可推高最尾一場嘅入場人數，只可惜最尾一場只可以擺旺角場，但同時都證明咗擺係大球場係絕對有得攪。
【亞冠盃】唔介意收少600萬揭東方棄大球場之謎
https://hk.sports.appledaily.com/sports/realtime/article/20170228/56361051
- 簽入前球星增加知名度
當日傑志宣佈簽入科蘭，好多唔同嘅足球group都談論呢一位「獌連明叔」「前世界盃金球獎得主」，場都未落已經吸引唔少人嘅注意。首戰南區講明坐後備，都仲有成三千二百人入場，仲大賣周邊嘅球會產品。唔只限於香港，唔少外國媒體都有相關報導，證明咗呢個收購係marketing上係有一定作用，傑志係港外球壇多咗人認識。
今有望披甲鬥南區 科蘭Ready！
https://hk.sports.appledaily.com/sports/daily/article/20180114/20273788
Ex-Manchester United star Diego Forlan joins Hong Kong side Kitchee SC aged 38
https://www.thesun.co.uk/sport/football/5267736/ex-manchester-united-star-diego-forlan-joins-hong-kong-side-kitchee-sc-aged-38/
另外，簽入科蘭都開始咗傑志嘅一年一星政策，伍健都有透露過之後會繼續簽入球星，增加傑志嘅知名度。當年MLS都係靠簽入球星(e.g. 碧度/亨利/卡卡)而增加聯賽曝光率同知名度，到而家多咗人睇都有一定關係，所以話一年一星政策真係好值得其他球會去仿效。
其實要讚嘅野唔係好多，反而有啲野就要批判下啦...
- 門票定價太高
另外東方上年仲有$480嘅套票，一次過買哂三場嘅冇得走佬。就算踢得幾差，例如第一場俾人炒七球，買咗套票嘅都會因為有飛而選擇繼續入場。傑志可以話因為用兩個場好難安排到，但係我相信幾煩都好，早幾個月攪佢點都攪得到。已經唔洗用錢同其他持份者傾，點都易攪過啲廣告掛？
東方龍獅落實旺角場踢亞冠
http://orientaldaily.on.cc/cnt/sport/20161215/00286_003.html
- 座位安排混亂
傑志表示因爲亞洲足協要求，所以今年亞冠賣飛冇得free seating。講吓冇free seating要跟位坐有咩問題：
1. 睇開香港波嘅都會習慣咗亂咁坐。
2. 買飛冇得揀位，個位無咁好你都要焗食。
3. 每次買飛都有限額(四張)，如果你多過四個朋友就要分幾次買，咁就極大機會冇得一齊坐。
4. 最麻煩嘅係打亂打氣區嘅安排，呢點比較煩所以會講多少少。
傑志第一場冇刻意安排獨立打氣區，如果球迷要跟位坐要會各散東西。小傑仔到最後都夾硬組織咗打氣區，但係個頭就勁多交嘈。到第二三場傑志都有安排返打氣區，我自己覺得第二場個處理會比較好。因為打氣區係任坐同想入就入，想去打氣大聲啲就前啲，怕醜嘅就坐後啲。到第三場傑志攪咗個「熱血打氣區」，實則操作上反而冇第二場咁好。好多時啲人買飛嗰時冇考慮咁多，唔會理唔理你咩熱唔熱血。同時呢一批人唔一定係死忠，有好多人會經會員朋友去買飛，結果你只會錯誤安排咗班非球迷入球迷區。唔好覺得咩都係理所當然，買球迷區會員飛嘅亦唔一定係球迷，只要安排返一個自出自入任坐嘅球迷區就可以。
^ 打氣區入場證
可能有人會話，係AFC叫人跟位賣飛架喎，但事實又係咪真係咁呢？我翻查咗(冇好認真細睇)近3年嘅相關regulation，都只係搵到句"Tickets shall include seat numbering and serial numbering"。呢個seat numbering究竟係要寫到實一實定係點？本野又冇明文寫清楚，所以點解讀真係得AFC先知。如果條文咁多年都一樣，咁點解無啦啦今年先要實行呢？一係AFC直接去信要求，一係傑志自作多情。
我就覺得係傑志自作多情多，點解？因為有手足買咗張柏雷素爾對傑志嘅主場波飛，而張波飛真真真係冇劃位架，有圖有真相﹗我放多張日職嘅波飛俾大家對比吓，你係可以見到佢喺右邊寫清楚座位編號，而亞冠張波飛係冇架﹗如果你話柏唔跟規矩做，咁你搵啲野出黎證明返，唔係嘅話下年亞洲賽麻煩你球迷區唔好再劃位，真係拜託你。
^ 柏市座位分區，注意右邊柏熱地帶係非指定席（From柏官網）
^ 亞冠柏熱地帶波飛，你係見唔到座位編號
^ 普通日職波飛，右邊係有寫明座位編號
補充多句，其實我唔介意其他區最終做到劃位，不過你真係要做到有得揀位囉。
- Cityline門票醜樣
白底黑印字冇design，Cityline門票核突呢個問題都好多人有提過，其實唔洗多講。不過考慮到便利性同人手安排，我諗Cityline真係最佳選擇。題外話，上面啲日職波飛我覺得仲核突過Cityline，7-11阿姐拎俾我個時都打咗個突，冇design連球會logo乜都冇，突然之間覺得Cityline又真係唔係咁差。其實日本波飛仲有幾種方法拎，個個樣都會唔同，詳細嘅我唔講喇，因為我自己都唔太熟悉。有競爭先有進步，如果多幾間Cityline咁嘅商業機構出黎競爭吓就好啦。
^ Cityline亞冠波飛
^ 當年亞洲賽波飛
- 作客門票安排失當，無故索取個人資料
其實睇過香港球隊作客嘅人可以話少之又少，係近年港足再度興起，國家隊先多咗作客球迷隨隊，之不過跟球會作客嘅都仲係小貓三四隻。今次三場作客比賽，以作客日本柏市嘅球迷最多，保守估計有一百至百五人，我相信呢個數之後都比較難再做到。
但係佢作客門票安排有幾混亂？就以我隨傑志作客柏市為例，下面我順時序貼返相關嘅圖片俾大家了解一下。
傑志2月2號嘅fb status，表示門票會於作客天津(2月13日)之後開放登記。
咁到咗2月10號，日本個邊已經開始賣飛，而傑志仍然係冇任何消息，咁我應唔應該去買呢？
咁我知一定唔會賣得哂，咁咪慢慢等囉。咁等多10日，傑志終於喺2月21號出post表示開放登記作客柏市嘅門票，我同幾個傻豬急不及待就車咗個email俾傑志留飛。
唔知點解，傑志喺2月23號回覆返個email叫人覆返d個人資料俾佢留飛。咁我地當然就做埋超級大傻仔不疑有詐，咩資料都俾哂佢，直情all in咁滯。
點知過多幾日就知中伏喇，傑志竟然喺2月27號覆返email黎話冇免費飛要自己買﹗其實冇免費飛真係唔緊要，二百零蚊又唔係俾唔起。不過難得咁多作客球迷，你咪收齊頭$200當優待吓啲小傑仔囉，好門面嘅功夫黎嘅啫。
我最嬲最嬲嘅係傑志做乜要收集我地嘅個人資料？作用何在？到呢一刻啲資料銷毀咗未？定賣咗出去俾人做coldcall？呢樣野我真係好需要傑志清清楚楚咁同我地呢班超級大傻仔交代返﹗
^ 作客柏市嘅球迷（From HK01）
- 球場欠佈置，缺主場氣勢
我唔係想話傑志冇佈置到球場，只係對比返以前，今年嘅佈置真係弱雞咗啲。2014年亞協，我記得球場門口有個大門框，好似係印咗巴倫古素同林嘉緯，隔離都仲有兩條用吹風機整出黎嘅條條係到fing下fing吓。入到球場，仲會有射燈將個天幕射返做藍色，不知幾有feel。下面都有張我上年睇東方時影嘅相，都做得唔太差架。
^ 東方亞冠主場佈置
- 土法賣波衫，與時代脫節
正所謂有波衫有XX，科蘭嘅加盟令到波衫難求，由第一場對南區已經搶到癲。雖然傑志喺亞冠時補返貨，但又係極速售罄，到第二場得返兩個極端尺碼，真係狗也不X。而家2018年喇，點解仲唔識善用科技攪網購呢？你賣飛都識用google form啦﹗點解唔好似東方咁整個google form等人預訂呢？大大個賺錢機會擺喺度都唔要，真係蠢過隻豬。
- 零友賽，零備戰
傑志之前出戰亞洲賽前都會約戰實力相近嘅球隊，以便寓賽於操同測試陣容。唯獨今年傑志一場友賽都冇約，只係以本地比賽黎試陣，試問南區流浪呢啲波可以試到啲乜呢？結果咪用唔啱嘅人去踢錯誤嘅343，頭兩場俾人數咗九球，到第三場轉442先慢慢適應到亞冠嘅節奏。轉陣真係唔應該讚，根本準備充足就唔會發生啲咁嘅事。
可能有小傑仔會話第一次搞亞冠，算係咁啦。但係你要清楚傑志搞亞洲賽已經好多年，咁嘅表現只可以話係僅僅合格。作為球迷係唔應該處處包容，反而係要指出錯處等會方去面對同檢討，唔好成日話人X人，X波係必須的。唔只傑志要留意上述嘅野，其他香港球會都要多加留意，咁成個球圈先會有進步。
以下歡迎手足討論，課like，課share，課comment。
村長叔叔個人fb專頁
https://www.facebook.com/cyuncoengsuksuk/
利申：中文作文拎U，sorry for 1999
另多謝以下各巴打，排名不分先後
香港講波仔、數字球、土居聖真、N巴
請按此登錄後留言。未成為會員? 立即註冊