傑志新兵點評

波台黐線佬 於 21/08/2018 發表 收藏文章
話說傑志星期六就對完武里南聯,最後2:2言和,咁我地都試下做個新兵檢閱,同大家總結一下傑志新球員嘅表現啦~

#10 羅拔8/10
羅拔嘅表現從今場嚟睇的確幾好,一出場就交咗個助攻比泰迪,之後無論分波定係扭波都有板有眼,睇到現場球迷嘩嘩聲。傑志其實一直都欠決呢種衝擊型中場,而黃洋同華度斯就負責中場掃蕩,如果Robert仔加盟嘅話,絕對可以填補傑志嘅缺點。加上佢曾經代表巴西U17,所能力同技術一定唔差。再操fit啲嘅話,絕對可以勝任正選。

#11 泰迪 7/10
入波相當靚。佢嘅走位意識都幾好。唯獨下半場尾段對方有較多攻勢,未能夠發揮其技術。

#22 施素高 6/10


挾前英超球員之名來投,以防守中場角色正選登場,表現尚算中規中矩。其上佳身體質素確實為傑志中路防守加強硬度,但轉守為攻能力明顯不及已離隊他投的華杜斯。下半場其體能下滑以致數次出現不必要犯規。

#24 鞠盈智 6/10

同之前嘅林嘉緯一樣,都係主要分波為主。佢嘅招牌殺手鐧「死球」今場未有機會比佢處理,完場前嘅遠射偏離目標同埋有幾球誤傳,的確要扣分。

#44 中村祐人 6.5/10

傳送及入楔能力以本地球員身份來說可算頂級,表現合格有餘。

如果喜歡我們的文章,請即分享到︰

標籤: 傑志  武里南聯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→