呢篇考古文，或者大家無乜興趣，不過由於小弟我越挖越興奮，請容我轉下筆觸，用另一種感覺寫。
早前我搵緊「車路士」呢個香港譯名究竟由幾時開始出現，有位叫梁祥嘅巴打喺留言區提起，佢話記得六十年前曾經有英格蘭球隊訪港，當中好似就包括車路士同錫週三。
我本身無懷疑過佢，仲諗住順手搵返當年嘅比賽紀錄，睇下車仔當時仲有咩對手、賽果又係幾多。始終有人記得，就應該有記錄，應該無乜好懷疑。
但奇怪嘅地方就係，無論我喺英國對賽結果網點搵，都完全搵唔到車路士訪港嘅賽果。
【響起《神探伽俐略》BGM】我仲特登去咗搵60年前嘅報紙，但報紙有報道、足總有公布、對手都有名，偏偏場波就好似從歷史上消失咗一樣。
偏偏今年車仔又會嚟香港。當大家準備迎接佢哋再次訪港，我就更加想知道：60年前嗰隊明明已經登上香港報紙、連對手都公布埋嘅車路士，最後究竟去咗邊？
由1965年開始搵，第一鏟已經有料
梁祥巴打記得件事發生喺1965/66年前後，所以我就由1965年開始搵。其實第一鏟挖落去，已經有結果。
早喺1965年，香港報紙已經報道過車路士訪港嘅消息，而且唔係一句「有意邀請」或者未有下文嘅轉會新聞式吹風，而係真真正正將車路士 (查爾斯亞) 當成即將訪港嘅英格蘭球隊介紹。
順帶一提，當日《華僑日報》將Chelsea譯做「車利士」。幾個星期之後，同一份報紙又會用另一個完全唔同嘅名。點解車路士以前可以有成堆連車迷都未必認得出嘅香港譯名，我哋留返下一篇再慢慢考古。
返返嚟訪港件事。見到呢份報道嗰刻，我第一個反應當然係：梁祥巴打真係無記錯。
既然當年報紙確實報道過，下一步就應該好簡單。搵返車路士嗰季嘅比賽紀錄，再對返香港報章，成件事理論上就可以收工。
可惜，現實無咁簡單。
再追落去先發現，1965年呢次訪港最後根本無成事。車路士個名確實出現過，香港球迷亦確實收過消息，但去到最後，球隊無嚟，場波自然亦無踢。
即係話，我最初想搵嘅「車路士訪港賽果」之所以不存在，唔係資料庫漏咗、報紙散失，亦唔係六十年歷史太耐無人記錄。答案簡單到有少少抵打：因為車路士最後甩落，衰撚過美斯嚟咗唔落場。
如果件事去到呢度完結，其實都只係一單普通甩底新聞。六十年代英格蘭球會遠赴亞洲，交通、賽程、球員安排全部比今日麻煩得多，訪港計劃臨時告吹，唔算咩驚天大新聞。
問題係，1965年呢單新聞只解釋到「車路士點解無賽果」，解釋唔到梁祥巴打點解會記得錫週三。
所以我繼續向1966年挖。
1966年再約，今次連行程都公布埋
既然巴打講得係1965年到1966年，咁1966年夏天到港都唔出奇吖。搵到去1966年，發現香港足協再次籌備邀請英格蘭甲組球隊訪港。今次名單入面除咗車路士，仲有錫週三。0
中，梁祥巴打果然無呃我。
去到4月8日，香港報章已經正式報道兩隊嘅遠東之旅。原定行程長達21日，合共安排六場比賽，香港就係其中一站。換句話講，呢次唔係傳媒隨口噏個名出嚟，而係連對手、日程同整個Tour都砌好。
去到呢個階段，香港球迷點會唔信？車路士係當時英格蘭其中一支最受注目嘅年輕球隊，陣中有Peter Bonetti、Ron Harris、John Hollins、Bobby Tambling同Peter Osgood (呢個係我個人最愛，無呃你) 等球員。再加埋錫週三同行，對六十年前嘅香港球迷嚟講，呢個陣容絕對唔係普通季前熱身咁簡單。
報紙寫咗，足總公布咗，行程排好咗。今次總唔會又出事掛？
你點估到六日之後，車路士退出。
4月14日，英格蘭足總確認車路士退出遠東之旅；翌日路透社發稿，消息亦喺4月16日登上《Straits Times》。
報道提出嘅原因有兩個：第一，車路士嗰季賽程過度擠塞；第二，陣中有六名球員入選英格蘭世界盃40人初選名單，令球會難以安排遠東之旅。
呢度要戴返個歷史頭盔。所謂6名球員入選，係指英格蘭世界盃嘅40人初選名單，唔係6個全部入晒最後22人決賽周大軍。最終車路士只有門將Peter Bonetti入選決賽周名單，而且亦無喺賽事上陣。
呢度係車仔官方核實：
https://www.chelseafc.com/en/news/article/england-semi-finals--the-lack-of-chelsea-presence-that-could-cha
不過，車路士話賽程太密，亦唔係完全吹水或者呃人。
佢哋嗰季除咗本土聯賽，仲要踢足總盃、聯賽盃同歐洲博覽會盃。尤其博覽會盃四強對巴塞隆拿，兩回合踢完總比數打和，當年又無作客入球優惠，結果要去魯營踢第三場附加賽。成個球季一路拖到五月中，確實唔係踢完英甲就可以即刻執行李去旅行。
所以，取消本身可以理解。
但企喺香港球迷角度，件事就變成另一種理解：1965年話嚟，最後無嚟；1966年再話嚟，連21日行程同六場比賽都公布埋，最後又係無嚟。
一次臨時取消可以叫意外，連續兩年宣布訪港、最後兩次都無嚟，就叫有承擔。（好似係）
車仔無嚟，錫週三同邊個踢？
問題又嚟。車仔無嚟香港，唔通真係得錫週三一隊自己踢自己？如果最後無比賽，梁祥巴打記憶入面嗰兩支英格蘭球隊又係邊個？
答案係，車路士退出，但成個遠東之旅無可能話收檔就收檔。主辦單位已經安排好比賽，錫週三亦準備出發，唯有周圍打電話搵另一支英格蘭球隊補位。最後接電話嘅，係車路士西倫敦鄰居富咸。
4月28日，富咸接受邀請；4月29日，香港報章正式報道富咸取代車路士訪港。
所以梁祥巴打記憶入面嘅大部分細節，其實全部都啱。
年份啱，錫週三啱，兩支英格蘭甲組球隊訪港亦啱。唯一出現偏差嘅地方，就係原定嗰支車路士，出發前變咗富咸。
呢個亦解釋咗點解香港報紙明明有車路士訪港嘅報道，英國比賽紀錄卻完全搵唔到結果。因為最後真正落場嘅根本唔係車路士。
錫週三同富咸抵港後，喺香港完成三場比賽：錫週三以2：1擊敗香港代表隊；富咸就同華聯踢成2：2；最後兩支英格蘭球隊正面交手，錫週三以5：2擊敗富咸。
香港球迷原本等緊車仔，最後送到門口嘅係隔籬富咸。嚴格嚟講又唔可以話完全貨不對辦，大家都係倫敦球隊、都踢英甲，波衫亦有白色。
只係球會名、球員、隊徽同成間球會唔同咗姐。
美斯至少有坐喺度，車仔直頭無上機
2024年美斯訪港無落場，香港人嬲到連政府都要出聲。大家買飛入場，最終只見到美斯全程坐喺後備席，成件事到今日仍然係香港體壇其中一個最出名嘅體壇笑話。
但查完車路士呢段歷史，我忽然覺得美斯至少本人真係有嚟香港，有落機、有出席、有坐喺場邊。60年前嘅車仔就更加乾脆，話完會嚟之後直頭無上機，仲要唔係一次，而係連續兩年。
當然，年代背景唔同，亦無證據顯示當年已經正式賣飛，無必要夾硬將兩件事拉埋講。但「香港球迷等極都等唔到」呢種感覺，原來早喺60年前已經發生過。
最重要係，梁祥巴打真係無記錯。佢記得嘅唔係一場憑空出現嘅比賽，而係當年香港報章真真正正公布過嘅原定版本。只不過喺六十年時間入面，大家記得車路士曾經答應訪港，卻逐漸忘記咗臨出發前頂包嗰隊叫富咸。
去到2026年，車路士終於又宣布會嚟香港，8月5日喺啟德主場館對祖雲達斯。
所以各位已經買咗飛嘅巴打，見到車路士球員真正踏足香港之前，都係暫時唔好太老定。畢竟根據歷史往績，呢支球隊喺訪港方面嘅成功率暫時只有33.3%。
至於車路士點解由車利士變成車沙隊，中間仲出現過查爾斯亞、修爾斯同其他奇怪譯名，就係今次考古意外掘出嚟嘅另一個大坑。等我湊完仔，再挖。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
早前我搵緊「車路士」呢個香港譯名究竟由幾時開始出現，有位叫梁祥嘅巴打喺留言區提起，佢話記得六十年前曾經有英格蘭球隊訪港，當中好似就包括車路士同錫週三。
我本身無懷疑過佢，仲諗住順手搵返當年嘅比賽紀錄，睇下車仔當時仲有咩對手、賽果又係幾多。始終有人記得，就應該有記錄，應該無乜好懷疑。
但奇怪嘅地方就係，無論我喺英國對賽結果網點搵，都完全搵唔到車路士訪港嘅賽果。
【響起《神探伽俐略》BGM】我仲特登去咗搵60年前嘅報紙，但報紙有報道、足總有公布、對手都有名，偏偏場波就好似從歷史上消失咗一樣。
偏偏今年車仔又會嚟香港。當大家準備迎接佢哋再次訪港，我就更加想知道：60年前嗰隊明明已經登上香港報紙、連對手都公布埋嘅車路士，最後究竟去咗邊？
由1965年開始搵，第一鏟已經有料
梁祥巴打記得件事發生喺1965/66年前後，所以我就由1965年開始搵。其實第一鏟挖落去，已經有結果。
早喺1965年，香港報紙已經報道過車路士訪港嘅消息，而且唔係一句「有意邀請」或者未有下文嘅轉會新聞式吹風，而係真真正正將車路士 (查爾斯亞) 當成即將訪港嘅英格蘭球隊介紹。
順帶一提，當日《華僑日報》將Chelsea譯做「車利士」。幾個星期之後，同一份報紙又會用另一個完全唔同嘅名。點解車路士以前可以有成堆連車迷都未必認得出嘅香港譯名，我哋留返下一篇再慢慢考古。
返返嚟訪港件事。見到呢份報道嗰刻，我第一個反應當然係：梁祥巴打真係無記錯。
既然當年報紙確實報道過，下一步就應該好簡單。搵返車路士嗰季嘅比賽紀錄，再對返香港報章，成件事理論上就可以收工。
可惜，現實無咁簡單。
再追落去先發現，1965年呢次訪港最後根本無成事。車路士個名確實出現過，香港球迷亦確實收過消息，但去到最後，球隊無嚟，場波自然亦無踢。
即係話，我最初想搵嘅「車路士訪港賽果」之所以不存在，唔係資料庫漏咗、報紙散失，亦唔係六十年歷史太耐無人記錄。答案簡單到有少少抵打：因為車路士最後甩落，衰撚過美斯嚟咗唔落場。
如果件事去到呢度完結，其實都只係一單普通甩底新聞。六十年代英格蘭球會遠赴亞洲，交通、賽程、球員安排全部比今日麻煩得多，訪港計劃臨時告吹，唔算咩驚天大新聞。
問題係，1965年呢單新聞只解釋到「車路士點解無賽果」，解釋唔到梁祥巴打點解會記得錫週三。
所以我繼續向1966年挖。
1966年再約，今次連行程都公布埋
既然巴打講得係1965年到1966年，咁1966年夏天到港都唔出奇吖。搵到去1966年，發現香港足協再次籌備邀請英格蘭甲組球隊訪港。今次名單入面除咗車路士，仲有錫週三。0
中，梁祥巴打果然無呃我。
去到4月8日，香港報章已經正式報道兩隊嘅遠東之旅。原定行程長達21日，合共安排六場比賽，香港就係其中一站。換句話講，呢次唔係傳媒隨口噏個名出嚟，而係連對手、日程同整個Tour都砌好。
去到呢個階段，香港球迷點會唔信？車路士係當時英格蘭其中一支最受注目嘅年輕球隊，陣中有Peter Bonetti、Ron Harris、John Hollins、Bobby Tambling同Peter Osgood (呢個係我個人最愛，無呃你) 等球員。再加埋錫週三同行，對六十年前嘅香港球迷嚟講，呢個陣容絕對唔係普通季前熱身咁簡單。
報紙寫咗，足總公布咗，行程排好咗。今次總唔會又出事掛？
你點估到六日之後，車路士退出。
4月14日，英格蘭足總確認車路士退出遠東之旅；翌日路透社發稿，消息亦喺4月16日登上《Straits Times》。
報道提出嘅原因有兩個：第一，車路士嗰季賽程過度擠塞；第二，陣中有六名球員入選英格蘭世界盃40人初選名單，令球會難以安排遠東之旅。
呢度要戴返個歷史頭盔。所謂6名球員入選，係指英格蘭世界盃嘅40人初選名單，唔係6個全部入晒最後22人決賽周大軍。最終車路士只有門將Peter Bonetti入選決賽周名單，而且亦無喺賽事上陣。
呢度係車仔官方核實：
https://www.chelseafc.com/en/news/article/england-semi-finals--the-lack-of-chelsea-presence-that-could-cha
不過，車路士話賽程太密，亦唔係完全吹水或者呃人。
佢哋嗰季除咗本土聯賽，仲要踢足總盃、聯賽盃同歐洲博覽會盃。尤其博覽會盃四強對巴塞隆拿，兩回合踢完總比數打和，當年又無作客入球優惠，結果要去魯營踢第三場附加賽。成個球季一路拖到五月中，確實唔係踢完英甲就可以即刻執行李去旅行。
所以，取消本身可以理解。
但企喺香港球迷角度，件事就變成另一種理解：1965年話嚟，最後無嚟；1966年再話嚟，連21日行程同六場比賽都公布埋，最後又係無嚟。
一次臨時取消可以叫意外，連續兩年宣布訪港、最後兩次都無嚟，就叫有承擔。（好似係）
車仔無嚟，錫週三同邊個踢？
問題又嚟。車仔無嚟香港，唔通真係得錫週三一隊自己踢自己？如果最後無比賽，梁祥巴打記憶入面嗰兩支英格蘭球隊又係邊個？
答案係，車路士退出，但成個遠東之旅無可能話收檔就收檔。主辦單位已經安排好比賽，錫週三亦準備出發，唯有周圍打電話搵另一支英格蘭球隊補位。最後接電話嘅，係車路士西倫敦鄰居富咸。
4月28日，富咸接受邀請；4月29日，香港報章正式報道富咸取代車路士訪港。
所以梁祥巴打記憶入面嘅大部分細節，其實全部都啱。
年份啱，錫週三啱，兩支英格蘭甲組球隊訪港亦啱。唯一出現偏差嘅地方，就係原定嗰支車路士，出發前變咗富咸。
呢個亦解釋咗點解香港報紙明明有車路士訪港嘅報道，英國比賽紀錄卻完全搵唔到結果。因為最後真正落場嘅根本唔係車路士。
錫週三同富咸抵港後，喺香港完成三場比賽：錫週三以2：1擊敗香港代表隊；富咸就同華聯踢成2：2；最後兩支英格蘭球隊正面交手，錫週三以5：2擊敗富咸。
香港球迷原本等緊車仔，最後送到門口嘅係隔籬富咸。嚴格嚟講又唔可以話完全貨不對辦，大家都係倫敦球隊、都踢英甲，波衫亦有白色。
只係球會名、球員、隊徽同成間球會唔同咗姐。
美斯至少有坐喺度，車仔直頭無上機
2024年美斯訪港無落場，香港人嬲到連政府都要出聲。大家買飛入場，最終只見到美斯全程坐喺後備席，成件事到今日仍然係香港體壇其中一個最出名嘅體壇笑話。
但查完車路士呢段歷史，我忽然覺得美斯至少本人真係有嚟香港，有落機、有出席、有坐喺場邊。60年前嘅車仔就更加乾脆，話完會嚟之後直頭無上機，仲要唔係一次，而係連續兩年。
當然，年代背景唔同，亦無證據顯示當年已經正式賣飛，無必要夾硬將兩件事拉埋講。但「香港球迷等極都等唔到」呢種感覺，原來早喺60年前已經發生過。
最重要係，梁祥巴打真係無記錯。佢記得嘅唔係一場憑空出現嘅比賽，而係當年香港報章真真正正公布過嘅原定版本。只不過喺六十年時間入面，大家記得車路士曾經答應訪港，卻逐漸忘記咗臨出發前頂包嗰隊叫富咸。
去到2026年，車路士終於又宣布會嚟香港，8月5日喺啟德主場館對祖雲達斯。
所以各位已經買咗飛嘅巴打，見到車路士球員真正踏足香港之前，都係暫時唔好太老定。畢竟根據歷史往績，呢支球隊喺訪港方面嘅成功率暫時只有33.3%。
至於車路士點解由車利士變成車沙隊，中間仲出現過查爾斯亞、修爾斯同其他奇怪譯名，就係今次考古意外掘出嚟嘅另一個大坑。等我湊完仔，再挖。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊