加拿祖又要搬屋。不過好彩，今次唔使搬好遠。
據多方報道，維拉已經同車路士達成協議，先借用加拿祖一季，再按出場次數觸發強制買斷。借用費連買斷費合共約£42.5m，只係比車路士上年買入價低少少；曼聯手上嗰條10%二次轉售分成只計盈利，結果一蚊都收唔到。
車路士用咗加拿祖一年，發現性格不合，轉個頭幾乎原價送去維拉。唔使大幅蝕讓，攤銷帳面甚至仲有少少盈利，又唔使再同祖哥你眼望我眼。單睇盤數，幾乎係完美分手。
點知我出完Post，留言區即刻有巴打提醒：唔好太早開香檳，維拉借車路士球員不嬲都好少埋單。
由Carlton Cole、Bertrand、Tammy Abraham，到Drinkwater同Barkley，成份舊愛名單愈列愈長。再諗返上季Harvey Elliott，維拉試用幾場後突然雪藏咗佢，艾馬利亦親口承認，係因為唔想觸發£35m強制買斷條款。
咁就有啲驚喇。今次加拿祖同樣要踢夠某個出場數字先正式買斷。報道話條件「容易達成」，但Elliott已經示範過，只要維拉唔再俾你落場，條件幾容易都無用。
問題係，維拉過去借咗咁多人又無買，真係代表佢哋係退貨慣犯？
借完無買，就等於走數？
表面證供的確幾不利。我特登去翻查返Transfermarkt嘅記錄。講明，一樣係我人手數，錯咗唔好屌。
由2005年至今，維拉單計一隊合共有47宗借入交易，最後直接留低嘅只有7人，買斷率得14.9%。車路士借過去嘅卡頓高爾、賓特蘭、艾巴咸、飲水哥同巴克利，更加係一家人整整齊齊，五個全部退貨。
但問題係，呢五宗交易大部分本身都無公開買斷權。借用期滿還人，只係按合約辦事，唔可以見到球員無留低，就當維拉「試用30日」就撳退款。
咸仔，艾巴咸就係最好例子。佢當年幫維拉喺英冠攻入25球，再經附加賽升上英超，點計都唔可能叫貨不對辦。只係維拉手上本來就無一個預設價錢嘅Buy掣，最後無正式收購，同借完反口係兩回事。
所以14.9%聽落好震撼，但個分母其實撈埋晒純借用、救火同真正有買斷安排嘅交易。要判亞視係咪退貨慣犯，至少都應該先睇清楚：人哋當初究竟有無承諾過會買。
換下分母，案情即刻唔同
如果只計設有公開買斷權、預先收購安排或者條件式強制買斷嘅交易 (至少係我搵到有明文講嘅部份)，維拉過去廿年暫時搵到14宗，當中7個最後正式加盟，執行率剛好50%。
買咗嘅有明仔、古天奴、El Ghazi等人；無買嘅亦有曼聯最愛嘅拉舒福特、Zaniolo同杜拉格斯路爾斯。(嗯？)
換句話講，維拉唔係見到 Buy Option 就扮睇唔到，但亦唔會因為份合約有個「買」字就盲目埋單。
當然，部分舊交易條款未必完全公開，14宗只係目前可查證嘅數字。但至少現有證據睇唔出維拉特別鍾意走數。佢哋只係將借用當成長期試食，啱食就買，唔啱就按合約退貨。
所以「維拉好少買斷借將」係事實；但話佢係退貨慣犯，罪名暫時未成立。真正令車迷需要驚嘅，其實係Elliott單嘢。
Elliott先係真正案底
真正令人擔心嘅，係上季Harvey Elliott單交易。
佢份合約列明，只要英超上陣達到指定次數，就會觸發約£35m強制買斷。結果維拉試用幾場後覺得唔抵屌，艾馬利亦公開承認，球會決定停用佢，避免條款生效。
所以網上流傳「踢到第9場先雪藏」並唔準確。維拉唔係去到懸崖邊先急煞，而係一早發現貨不對辦，距離買斷線仲有幾步就拉手掣。
呢單亦揭穿咗所謂「強制買斷」嘅文字遊戲。只要條件同出場次數掛鈎，而買家又控制球員有無得落場，實際意思就係：只要維拉繼續用你，就會強制買斷。
維拉未必係退貨慣犯，但肯定睇得好清楚逃生門喺邊，而且真係夠膽用。
總結：查咗47單，結論係踢得好就會買
落返加拿祖身上，今次其實有唔少正面訊號。艾馬利追咗佢兩年，今夏再親自推動交易，連買斷後嘅四年合約都預先傾好咗。呢單唔似臨急個人鄧腳，更似係維拉想買，但先留返一道逃生門，順便同車仔做下數。
所以加拿祖真正要小心嘅，唔係咩維拉慣犯問題，而係觸發條款前嗰段試用期。只要佢頭幾個月真係爆晒Seed踢出應有水平，成為艾馬利常規選擇，£42.5m買斷大概只係程序；但如果早早出現傷病、又食煙又M腳訓練又遲到，維拉依然可以學Elliott咁，趁逃生門未閂之前雪藏佢。
寫到最後，我查咗47宗借用、再拆出14宗買斷機制，成篇文得出嘅係：加拿祖踢得好，維拉就會買；踢得差，就可能唔買。
好，完全無結論。呢啲各打50大板級別嘅廢話，本身應該留俾專欄佬呃稿費，估唔到我自己免費寫埋。
不過至少可以判維拉無罪。佢哋未算退貨慣犯，只係非常熟悉退貨政策。車路士暫時未可以開香檳，但如果連一個追咗加拿祖兩年、親自點名要佢嘅領隊，最後都決定提早停用，咁下年收返嚟嘅就唔止係一件退貨，而係一件連第二個買家都驗出問題嘅貨。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
據多方報道，維拉已經同車路士達成協議，先借用加拿祖一季，再按出場次數觸發強制買斷。借用費連買斷費合共約£42.5m，只係比車路士上年買入價低少少；曼聯手上嗰條10%二次轉售分成只計盈利，結果一蚊都收唔到。
車路士用咗加拿祖一年，發現性格不合，轉個頭幾乎原價送去維拉。唔使大幅蝕讓，攤銷帳面甚至仲有少少盈利，又唔使再同祖哥你眼望我眼。單睇盤數，幾乎係完美分手。
點知我出完Post，留言區即刻有巴打提醒：唔好太早開香檳，維拉借車路士球員不嬲都好少埋單。
由Carlton Cole、Bertrand、Tammy Abraham，到Drinkwater同Barkley，成份舊愛名單愈列愈長。再諗返上季Harvey Elliott，維拉試用幾場後突然雪藏咗佢，艾馬利亦親口承認，係因為唔想觸發£35m強制買斷條款。
咁就有啲驚喇。今次加拿祖同樣要踢夠某個出場數字先正式買斷。報道話條件「容易達成」，但Elliott已經示範過，只要維拉唔再俾你落場，條件幾容易都無用。
問題係，維拉過去借咗咁多人又無買，真係代表佢哋係退貨慣犯？
借完無買，就等於走數？
表面證供的確幾不利。我特登去翻查返Transfermarkt嘅記錄。講明，一樣係我人手數，錯咗唔好屌。
由2005年至今，維拉單計一隊合共有47宗借入交易，最後直接留低嘅只有7人，買斷率得14.9%。車路士借過去嘅卡頓高爾、賓特蘭、艾巴咸、飲水哥同巴克利，更加係一家人整整齊齊，五個全部退貨。
但問題係，呢五宗交易大部分本身都無公開買斷權。借用期滿還人，只係按合約辦事，唔可以見到球員無留低，就當維拉「試用30日」就撳退款。
咸仔，艾巴咸就係最好例子。佢當年幫維拉喺英冠攻入25球，再經附加賽升上英超，點計都唔可能叫貨不對辦。只係維拉手上本來就無一個預設價錢嘅Buy掣，最後無正式收購，同借完反口係兩回事。
所以14.9%聽落好震撼，但個分母其實撈埋晒純借用、救火同真正有買斷安排嘅交易。要判亞視係咪退貨慣犯，至少都應該先睇清楚：人哋當初究竟有無承諾過會買。
換下分母，案情即刻唔同
如果只計設有公開買斷權、預先收購安排或者條件式強制買斷嘅交易 (至少係我搵到有明文講嘅部份)，維拉過去廿年暫時搵到14宗，當中7個最後正式加盟，執行率剛好50%。
買咗嘅有明仔、古天奴、El Ghazi等人；無買嘅亦有曼聯最愛嘅拉舒福特、Zaniolo同杜拉格斯路爾斯。(嗯？)
換句話講，維拉唔係見到 Buy Option 就扮睇唔到，但亦唔會因為份合約有個「買」字就盲目埋單。
當然，部分舊交易條款未必完全公開，14宗只係目前可查證嘅數字。但至少現有證據睇唔出維拉特別鍾意走數。佢哋只係將借用當成長期試食，啱食就買，唔啱就按合約退貨。
所以「維拉好少買斷借將」係事實；但話佢係退貨慣犯，罪名暫時未成立。真正令車迷需要驚嘅，其實係Elliott單嘢。
Elliott先係真正案底
真正令人擔心嘅，係上季Harvey Elliott單交易。
佢份合約列明，只要英超上陣達到指定次數，就會觸發約£35m強制買斷。結果維拉試用幾場後覺得唔抵屌，艾馬利亦公開承認，球會決定停用佢，避免條款生效。
所以網上流傳「踢到第9場先雪藏」並唔準確。維拉唔係去到懸崖邊先急煞，而係一早發現貨不對辦，距離買斷線仲有幾步就拉手掣。
呢單亦揭穿咗所謂「強制買斷」嘅文字遊戲。只要條件同出場次數掛鈎，而買家又控制球員有無得落場，實際意思就係：只要維拉繼續用你，就會強制買斷。
維拉未必係退貨慣犯，但肯定睇得好清楚逃生門喺邊，而且真係夠膽用。
總結：查咗47單，結論係踢得好就會買
落返加拿祖身上，今次其實有唔少正面訊號。艾馬利追咗佢兩年，今夏再親自推動交易，連買斷後嘅四年合約都預先傾好咗。呢單唔似臨急個人鄧腳，更似係維拉想買，但先留返一道逃生門，順便同車仔做下數。
所以加拿祖真正要小心嘅，唔係咩維拉慣犯問題，而係觸發條款前嗰段試用期。只要佢頭幾個月真係爆晒Seed踢出應有水平，成為艾馬利常規選擇，£42.5m買斷大概只係程序；但如果早早出現傷病、又食煙又M腳訓練又遲到，維拉依然可以學Elliott咁，趁逃生門未閂之前雪藏佢。
寫到最後，我查咗47宗借用、再拆出14宗買斷機制，成篇文得出嘅係：加拿祖踢得好，維拉就會買；踢得差，就可能唔買。
好，完全無結論。呢啲各打50大板級別嘅廢話，本身應該留俾專欄佬呃稿費，估唔到我自己免費寫埋。
不過至少可以判維拉無罪。佢哋未算退貨慣犯，只係非常熟悉退貨政策。車路士暫時未可以開香檳，但如果連一個追咗加拿祖兩年、親自點名要佢嘅領隊，最後都決定提早停用，咁下年收返嚟嘅就唔止係一件退貨，而係一件連第二個買家都驗出問題嘅貨。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊