又到咗每年一度嘅車路士500人大軍清算時間。如果你唔知我講緊咩，咁你一定要望下車仔更衣室而家係咩情況：
嗱，戴返頭盔先：500人當然係抽水，張圖亦係AI整（唔係我），唔好真係逐個人頭數完，再留言話唔夠500人。
每年呢個時候，新兵到貨、外借兵回歸、舊人等住清貨，成班人塞到連儲物櫃都可能要行先到先得制。最癲係，依家仲有一班去咗世界盃嘅球員未返齊。等佢哋全部歸隊，可能真係要分上下晝返工。
而公海都例牌會有人出嚟抽水話車仔人滿之患……
所以，作為一個有責任感嘅流量戰士，我決定沿用過去兩年嘅傳統，將車仔球員重新排一次，製作出以下呢張2026/27陣容圖：
歡迎轉貼到各大討論區同Facebook Group。四個龍門、成堆中堅、五六個中鋒，左右兩邊仲有一串名排到落底。數一數，足足38人，正常球會嘅領隊見到可能即場辭職，或者要求球會先加建一間更衣室。
張圖無造假，入面每個人亦確實屬於車路士。依家，就等我自己Fact Check返自己，逐層搬開入面嘅U21、外借安排、清貨目標同「價啱先走」球員，睇下剝到最後，車路士真正準備用嚟開季嘅陣容仲有幾多人。
第一刀：U21返返去U21，先減四個
最初張38人大軍圖入面，有Emanalo、麥昆、禾殊同米希卡四名U21球員。佢哋突然升上一隊，唔係球會正式宣布提拔，亦唔係沙比準備每星期俾佢哋上陣，純粹係因為我想張圖睇落更加墟冚。而且今年得4個人其實已經好鬆手……
呢班小將有被影到參與季前訓練，將來亦有機會喺盃賽或者傷兵多嗰陣被臨時徵召。但「有機會接觸一隊」同「需要分配固定一隊分鐘」，根本係兩件事。
如果連U21都全部計入，任何英超球會都可以輕鬆砌出四、五十人大軍。青訓本身就係為一隊提供後備人腳，唔代表入面每個人每日都要同彭馬、安素爭儲物櫃。
所以第一步好簡單：將四人搬返落U21區。
38人減四個，剩返34人。
張圖仍然迫，但第一層流量泡沫已經篤穿咗。
第二刀：有人要練級，有人等接貨，有人根本出唔到
34人入面，仲有一批球員大概唔會成為沙比來季固定使用嘅一隊成員。
先講最無火藥味嗰班。古爾、柏艾斯、沙亞同施路連拿目前都可能再次外借。呢幾個唔係車路士唔要，反而正正因為球會仍然希望佢哋發展，先更加唔應該留喺一隊做雪櫃。
今季無歐洲賽，後備同盃賽分鐘少咗一大截。與其幾個星期先落場十幾分鐘，倒不如搵一間真正願意俾佢哋正選嘅球會。佢哋仍然屬於車路士，只係下季辦公地點大概唔係史丹福橋。
巴迪亞舒尼同迪沙施就無咁溫馨。球會正協助兩人尋找新東家，既然已經放入清貨區，就唔應該一邊預計佢哋離隊，一邊又用佢哋證明中堅人滿之患。
最後係梅迪歷。佢藥禁之下根本無法出場，案件一日未解決，將佢計入可用翼鋒深度，只係自己呃自己。
所以，以上七個人暫時搬離一隊草地，分別放入「可能外借」、「尋求出售」同「藥禁停賽」。
34人再減七個，剩返27人。
由最初成間細茶記都坐唔晒嘅38人大軍，只係將U21搬返U21，再抽走預計外借、準備出售同根本無法上陣嘅球員，轉眼已經剩返27人。
「成棚人每日一齊操練」嘅恐怖故事，去到呢度已經縮咗一截。
第三刀：聽取報價，唔等於幫佢Call定Uber
去到27人，剩低嘅先係最容易被轉會新聞誤導嗰批。
「車路士願意聽取報價。」
聽落好似球會已經幫佢Call定Uber，實際意思好多時只係：如果有人肯出一個足以令我哋改變計劃嘅價錢，大家可以坐低傾下。
細查、佐真遜、古斯圖、加拿祖、積臣同戴納，大致上都屬於呢一類。佢哋唔係全部非走不可，甚至唔應該六個同時離隊，只係每個人都有一個可能令球會重新考慮嘅價錢或者條件。
先講細查、佐真遜同古斯圖，佢哋仍然係可用戰力，替代方案未確認之前，無理由為咗縮短張名單就半價開倉。加拿祖可以離隊，但對方至少要提供永久轉會，或者條件可靠嘅強制買斷，唔可以只係借一年再將風險退返嚟。
積臣同戴納則係同一組選擇題。中鋒人數的確太多，兩個之中可能需要處理一個；但如果兩個一齊走，前場又會突然變成只剩祖奧柏度同艾美夏。
所以，今次唔係將六個人正式刪走，而係搬入「價啱、條件啱先走」嘅待定區。
我知，你一定想屌柒我：「得返咁撚少人，鳩噏有個譜吖。」
無錯，草地上只剩21名最接近鐵膽嘅核心，但下面嗰六個仍然係車路士球員。呢張圖唔係預測佢哋全部離隊，只係將固定核心同市場變數分開。
21人唔係開季名單，而係將所有未決定因素搬開之後，剩低嘅最低保證陣容。
最後一步：加返傳聞新兵，還原真正陣容
製作最後版本期間，安瑟明路亦被列入可能外借名單，最低保證核心由21人再減至20人。
然後，我哋將球會希望補入嘅三個主要目標放返落去：左路嘅查華利亞、中堅拿確斯，以及前場嘅羅渣士。
查華利亞補充左閘同翼衛位置，令哈圖可以兼顧中堅；拿確斯補回巴迪亞舒尼同迪沙施離隊後嘅中路人腳；羅渣士就提供球會想要嘅即食、多功能攻擊力。
當然，傳聞新兵未正式加盟，唔可以當佢哋已經喺Cobham揀緊Locker位；同樣道理，六名待定球員一日未完成轉會，一日仍然要計入車路士陣容。
所以最公平嘅做法，就係兩邊全部放返入張圖。
結果係，場內一共有29人。「搞咁大輪，咪又係接近30人？」
咪住。呢張係將所有傳聞新兵同所有可能留隊球員一齊放入去嘅上限版本，唔係預測中嘅開季名單。
現實中，幾宗買賣本身就係互相牽連。羅渣士加盟，加拿祖先有離隊空間；拿確斯到貨，細查先可以出售；積臣同戴納之間，大概亦只需要處理其中一個。
29人減走加拿祖、查路拜，再由積臣同戴納之間處理一人，最後就係26人。
古斯圖同佐真遜仍然係純粹嘅價錢題。無人出到足以令球會改變計劃嘅報價，留低亦唔會破壞陣容結構；如果真係出售，再按情況處理替代方案就可以。
所以，最初張38人大軍圖同合理陣容之間，並唔係要瘋狂清走十幾個固定一隊球員。當中有人本來就係U21，有人預計外借，有人無法上陣；其餘變動就係配合新兵到位，完成幾組互相牽連嘅買賣。
由38人一路減完再加，最後答案大約係25至26人。
同上年我紙上瘦身得出嘅數字，幾乎一模一樣。
總結：500人大軍，咪又係為咗流量……
搞咁大輪，真相其實好簡單。
車路士名下的確有好多人，但將U21、外借候選、停賽球員、待售球員全部塞埋一齊，先會砌出最初嗰支500人大軍。我仲要無計到傳聞由史堡轉去車仔嘅巴高，以及查華利亞、拿確斯同羅渣士，最終上限係30人；再完成幾宗互相牽連嘅出售，合理陣容大概會落返26至27人。
即係車仔的確仲有清貨功課要做，但未去到要分上下晝返工。更衣室未必空到可以開Live，至少應該夠人每人分返一個Locker。
今篇先還原人數，之後有時間再逐個研究下面嗰班待定球員，究竟邊個應該留，邊個真係可以Call定Uber。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
嗱，戴返頭盔先：500人當然係抽水，張圖亦係AI整（唔係我），唔好真係逐個人頭數完，再留言話唔夠500人。
每年呢個時候，新兵到貨、外借兵回歸、舊人等住清貨，成班人塞到連儲物櫃都可能要行先到先得制。最癲係，依家仲有一班去咗世界盃嘅球員未返齊。等佢哋全部歸隊，可能真係要分上下晝返工。
而公海都例牌會有人出嚟抽水話車仔人滿之患……
所以，作為一個有責任感嘅流量戰士，我決定沿用過去兩年嘅傳統，將車仔球員重新排一次，製作出以下呢張2026/27陣容圖：
歡迎轉貼到各大討論區同Facebook Group。四個龍門、成堆中堅、五六個中鋒，左右兩邊仲有一串名排到落底。數一數，足足38人，正常球會嘅領隊見到可能即場辭職，或者要求球會先加建一間更衣室。
張圖無造假，入面每個人亦確實屬於車路士。依家，就等我自己Fact Check返自己，逐層搬開入面嘅U21、外借安排、清貨目標同「價啱先走」球員，睇下剝到最後，車路士真正準備用嚟開季嘅陣容仲有幾多人。
第一刀：U21返返去U21，先減四個
最初張38人大軍圖入面，有Emanalo、麥昆、禾殊同米希卡四名U21球員。佢哋突然升上一隊，唔係球會正式宣布提拔，亦唔係沙比準備每星期俾佢哋上陣，純粹係因為我想張圖睇落更加墟冚。而且今年得4個人其實已經好鬆手……
呢班小將有被影到參與季前訓練，將來亦有機會喺盃賽或者傷兵多嗰陣被臨時徵召。但「有機會接觸一隊」同「需要分配固定一隊分鐘」，根本係兩件事。
如果連U21都全部計入，任何英超球會都可以輕鬆砌出四、五十人大軍。青訓本身就係為一隊提供後備人腳，唔代表入面每個人每日都要同彭馬、安素爭儲物櫃。
所以第一步好簡單：將四人搬返落U21區。
38人減四個，剩返34人。
張圖仍然迫，但第一層流量泡沫已經篤穿咗。
第二刀：有人要練級，有人等接貨，有人根本出唔到
34人入面，仲有一批球員大概唔會成為沙比來季固定使用嘅一隊成員。
先講最無火藥味嗰班。古爾、柏艾斯、沙亞同施路連拿目前都可能再次外借。呢幾個唔係車路士唔要，反而正正因為球會仍然希望佢哋發展，先更加唔應該留喺一隊做雪櫃。
今季無歐洲賽，後備同盃賽分鐘少咗一大截。與其幾個星期先落場十幾分鐘，倒不如搵一間真正願意俾佢哋正選嘅球會。佢哋仍然屬於車路士，只係下季辦公地點大概唔係史丹福橋。
巴迪亞舒尼同迪沙施就無咁溫馨。球會正協助兩人尋找新東家，既然已經放入清貨區，就唔應該一邊預計佢哋離隊，一邊又用佢哋證明中堅人滿之患。
最後係梅迪歷。佢藥禁之下根本無法出場，案件一日未解決，將佢計入可用翼鋒深度，只係自己呃自己。
所以，以上七個人暫時搬離一隊草地，分別放入「可能外借」、「尋求出售」同「藥禁停賽」。
34人再減七個，剩返27人。
由最初成間細茶記都坐唔晒嘅38人大軍，只係將U21搬返U21，再抽走預計外借、準備出售同根本無法上陣嘅球員，轉眼已經剩返27人。
「成棚人每日一齊操練」嘅恐怖故事，去到呢度已經縮咗一截。
第三刀：聽取報價，唔等於幫佢Call定Uber
去到27人，剩低嘅先係最容易被轉會新聞誤導嗰批。
「車路士願意聽取報價。」
聽落好似球會已經幫佢Call定Uber，實際意思好多時只係：如果有人肯出一個足以令我哋改變計劃嘅價錢，大家可以坐低傾下。
細查、佐真遜、古斯圖、加拿祖、積臣同戴納，大致上都屬於呢一類。佢哋唔係全部非走不可，甚至唔應該六個同時離隊，只係每個人都有一個可能令球會重新考慮嘅價錢或者條件。
先講細查、佐真遜同古斯圖，佢哋仍然係可用戰力，替代方案未確認之前，無理由為咗縮短張名單就半價開倉。加拿祖可以離隊，但對方至少要提供永久轉會，或者條件可靠嘅強制買斷，唔可以只係借一年再將風險退返嚟。
積臣同戴納則係同一組選擇題。中鋒人數的確太多，兩個之中可能需要處理一個；但如果兩個一齊走，前場又會突然變成只剩祖奧柏度同艾美夏。
所以，今次唔係將六個人正式刪走，而係搬入「價啱、條件啱先走」嘅待定區。
我知，你一定想屌柒我：「得返咁撚少人，鳩噏有個譜吖。」
無錯，草地上只剩21名最接近鐵膽嘅核心，但下面嗰六個仍然係車路士球員。呢張圖唔係預測佢哋全部離隊，只係將固定核心同市場變數分開。
21人唔係開季名單，而係將所有未決定因素搬開之後，剩低嘅最低保證陣容。
最後一步：加返傳聞新兵，還原真正陣容
製作最後版本期間，安瑟明路亦被列入可能外借名單，最低保證核心由21人再減至20人。
然後，我哋將球會希望補入嘅三個主要目標放返落去：左路嘅查華利亞、中堅拿確斯，以及前場嘅羅渣士。
查華利亞補充左閘同翼衛位置，令哈圖可以兼顧中堅；拿確斯補回巴迪亞舒尼同迪沙施離隊後嘅中路人腳；羅渣士就提供球會想要嘅即食、多功能攻擊力。
當然，傳聞新兵未正式加盟，唔可以當佢哋已經喺Cobham揀緊Locker位；同樣道理，六名待定球員一日未完成轉會，一日仍然要計入車路士陣容。
所以最公平嘅做法，就係兩邊全部放返入張圖。
結果係，場內一共有29人。「搞咁大輪，咪又係接近30人？」
咪住。呢張係將所有傳聞新兵同所有可能留隊球員一齊放入去嘅上限版本，唔係預測中嘅開季名單。
現實中，幾宗買賣本身就係互相牽連。羅渣士加盟，加拿祖先有離隊空間；拿確斯到貨，細查先可以出售；積臣同戴納之間，大概亦只需要處理其中一個。
29人減走加拿祖、查路拜，再由積臣同戴納之間處理一人，最後就係26人。
古斯圖同佐真遜仍然係純粹嘅價錢題。無人出到足以令球會改變計劃嘅報價，留低亦唔會破壞陣容結構；如果真係出售，再按情況處理替代方案就可以。
所以，最初張38人大軍圖同合理陣容之間，並唔係要瘋狂清走十幾個固定一隊球員。當中有人本來就係U21，有人預計外借，有人無法上陣；其餘變動就係配合新兵到位，完成幾組互相牽連嘅買賣。
由38人一路減完再加，最後答案大約係25至26人。
同上年我紙上瘦身得出嘅數字，幾乎一模一樣。
總結：500人大軍，咪又係為咗流量……
搞咁大輪，真相其實好簡單。
車路士名下的確有好多人，但將U21、外借候選、停賽球員、待售球員全部塞埋一齊，先會砌出最初嗰支500人大軍。我仲要無計到傳聞由史堡轉去車仔嘅巴高，以及查華利亞、拿確斯同羅渣士，最終上限係30人；再完成幾宗互相牽連嘅出售，合理陣容大概會落返26至27人。
即係車仔的確仲有清貨功課要做，但未去到要分上下晝返工。更衣室未必空到可以開Live，至少應該夠人每人分返一個Locker。
今篇先還原人數，之後有時間再逐個研究下面嗰班待定球員，究竟邊個應該留，邊個真係可以Call定Uber。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊