嚟到季尾，好多數字都已經定咗落嚟，作為一個鍾意數字嘅9up專家，點會放過呢種機會。如果你唔鍾意數字，咁多謝你嘅點擊，你可以返上上一頁。
25/26球季嘅車路士，喺英超簡直係一場災難。由上季第4跌到第10，2月之後戰績雪崩，最後連歐洲賽資格都無埋。
但如果我哋好似班體育總監咁，打開Transfermarkt，嘗試由「資產管理」角度重新欣賞呢個球季，你會發現件事唔止係場波踢得差咁簡單。
2025年世冠盃結束後，車路士全隊總身價約為13億2000萬歐元；去到25/26季尾，只剩約11億1000萬。按Transfermarkt未四捨五入前嘅數字計算，一季累計跌幅係2億700萬歐元，係歐洲五大聯賽跌得最多嘅球會。
無錯，唔使再用平均數掩蓋真相，亦唔使打開Excel揀靚嗰幾格。成個大盤，真係由山頂一嘢插咗落嚟。
不過都要戴返個數據頭盔：球會總身價會受買賣球員同名單變動影響，唔等於同一批資產原地跌咗2億幾。Transfermarkt估值亦唔係實際轉會費、球會帳面值或者隨時可以套現嘅現金。
所以，淨係拎住2億700萬拍枱，未足以證明每一筆投資都失敗。要睇清楚兩位總監盤數究竟搞成點，仲要逐隻股票拆開嚟睇。
占士：並列絕對升幅王（€30m → €60m，帳面增值 +€30m）
全季升得最多嘅其中一個，係今年變咗文員部副經理嘅隊長占士。
佢嘅身價由一年前嘅3000萬，直接翻倍暴升到6000萬歐元。Transfermarkt現時甚至將佢列為全球身價第3高嘅右閘。睇到呢度，班SD實會大大聲話自己個負荷管理部門有料到。但實際上，呢個更加似係世界級閘位嘅稀缺性重新得到確認。
市場上頂級右閘仲少過街市嘅紅衫魚。占士過去幾年最大問題從來唔係識唔識踢波，而係副偈幾時又壞。今季雖然仍然唔算全勤，但已經係近年最健康、最穩定嘅一季。只要證明自己唔係踢兩場就返文員部，估值自然瘋狂反彈。
呢3000萬嘅增值，主要靠占士自己副偈生性，同高層嘅U25建軍Formula，一條毛嘅關係都無。
祖奧柏度：並列升幅王兼真正買中（€50m → €80m，帳面增值 +€30m）
同占士並列升幅第一嘅，係今季新兵入面少數真正交足功課嘅祖奧柏度。
佢嘅身價由5000萬升到8000萬歐元。英超15球、全季20球，唔止係隊內首席射手，仲係成隊波戰術線路燒完一條又一條之後，少數仍然可以穩定輸出嘅進攻球員。
當車路士成隊波好似NFT藝術品咁集體跌價、戰術體系亂七八糟嗰陣，祖奧柏度仍然可以靠走位、執雞、個人處理同門前效率，撐起條鋒線。
佢證明咗自己唔係淨係食體系紅利，而係放落一個爛體系入面，仍然有辦法生存嘅優質資產。
當然，車路士買佢返嚟本身已經用咗超過5000萬鎊，所以呢3000萬唔係球會真正賺落袋嘅利潤。但至少喺高價買入之後，佢無即刻變蟹貨，仲用表現將市場預期再推高一級。
SD買咗咁多後生仔，呢一筆可以大大方方認叻，真正買中咗。
艾斯迪華奧：高潛力Formula真係有一隻成功（€60m → €80m，帳面增值 +€20m）
另一個無得屈高層嘅成功例子，就係二安。
佢嘅身價由6000萬升上8000萬歐元，增值2000萬。雖然季尾受到腿筋傷患影響，提早收咧，但市場對佢嘅天賦仍然極有信心。
爆發力、單對單、射門膽量、進攻想像力，仲有佢嘅招牌笑容，呢啲全部都係市場最願意為後生攻擊手支付溢價嘅元素。只要佢未被操到徹底收皮，身價就有件厚厚嘅防彈衣頂住。
公平啲講，呢個先係兩位SD最理想嘅投資模型：趁球員未完全成熟之前買入，俾佢喺一隊證明天賦，再將估值推上另一個層次。
問題只係，買咗成疊六合彩，暫時真正開到頭獎嘅無幾多張。
艾殊邦：百分比升幅王（€8m → €25m，帳面增值 +€17m）
如果計升幅百分比，全隊第一嘅係青訓代表艾殊邦。
佢嘅身價由800萬，一口氣飆升到2500萬歐元，升幅高達212.5%。喺財務報表上，呢個叫「低成本、高槓桿」，嗯，和味和味。
一蚊轉會費都唔使出，只要俾到一隊上陣機會，加埋本英國護照，身價即刻幾倍咁升。
艾殊邦嘅爆發，仍然係對兩位SD最強烈嘅諷刺之一：你哋日日不惜工本，用盡球探人力物力，再掟幾千萬去南美同歐洲周圍買幼幼，最後回報率最高嗰張六合彩飛，原來一直放咗喺自己青訓營。
不過，正因為一蚊轉會費都唔使出，先令人擔心佢會唔會突然變成出售目標……大把前車可鑑。
細查：最有諷刺意味嘅回力鏢（€25m → €40m，帳面增值 +€15m）
另一個最有諷刺意味嘅升值個案，又係一巴打落兩位SD面塊度嘅回力鏢……細查。
佢嘅身價由2500萬升上4000萬歐元，升幅足足有六成。
細查嘅表現喺車迷眼中一直都幾五五波。你話佢好勁，又未去到頂級；但無人用嗰陣，佢間中又真係可以擔起大旗。明明已經有咁上下年紀，偏偏間中仍然會短路跳線，自爆嚇死大家。
但無論你點評價佢，市場結論都好清楚：細查由當日差啲被球會強行清走，變成而家值4000萬嘅正選中堅。
BlueCo望住呢個估值，個腦大概已經唔係諗緊「當初差啲睇錯」，而係「純利喎，係咪可以賣？」
彭馬：並列最大跌幅竟然有佢（€120m → €100m，估值縮水 -€20m）
睇完幾個升值功臣，終於到真正嘅跌幅榜。全隊絕對值跌得最多嘅，竟然係彭馬同基頓斯，兩個同樣一季蒸發2000萬歐元。
彭馬嘅身價由1億2000萬跌到1億歐元，跌幅約16.7%。不過，呢個同「買錯人」係兩回事。
彭馬仍然係全隊最高身價球員，對比當初買入價更加仍然係超高回報投資。今次跌價，主要反映傷病、上陣不穩同成隊波表現崩潰之後，市場將之前吹到極高嘅預期稍為向下修正。
真正恐怖嘅地方，唔係彭馬由神壇跌成垃圾，而係連全隊最可靠、最有明星價值嘅核心，都無辦法逃過呢個災難球季。
當連藍籌龍頭都要減值，成個大盤有幾爛已經唔使多講。
基頓斯：潛力溢價正式爆破（€50m → €30m，估值縮水 -€20m）
如果講高層親自挑選嘅課金包，跌得最痛就係基頓斯。佢嘅身價由5000萬跌到3000萬歐元，一季蒸發2000萬，跌幅高達四成。
當初嗰5000萬，有好大部分係市場買緊多蒙特光環、英格蘭戶口同未來潛力。但去到英超，一季落嚟潛力兌現唔到，聯賽16場0入球、2助攻，合共只有大約500分鐘上陣時間。16場聯賽食白果，加埋傷病同成隊波戰績雪崩，直接將估值由幻想拉返落現實。
市場最無情，理得你當初吹得幾高。當神話破滅、數據現形嗰陣，你飛得幾高，就可以跌得幾甘。
呢2000萬嘅蒸發，正正係市場對SD高價囤積超新星政策最直接嘅回應。
拉維亞：坐正做文員部經理（€40m → €22m，估值縮水 -€18m）
如果計跌幅百分比，拉維亞比基頓斯更加慘。
佢嘅身價由4000萬縮水到2200萬歐元，跌幅高達45%。轉會市場嘅精算師好現實：任你潛力吹到幾大，你連續幾年都無辦法穩定上場，就一定要跌。
加盟三季，大半時間都喺文員部打字。每次復出踢幾場，又因為另一個問題消失，連麥花臣啲阿伯踢波都密過佢。
拉維亞踢得健康嗰陣，閱讀球賽、轉身擺脫同接應能力仍然證明到佢有料。但市場估值從來唔會只計「如果健康」。當身體耐用度本身已經變成最大問號，再高嘅技術上限都要打折。
高層當初諗住買一筆長線投資，依家變成賣又唔係、留又唔知幾時用得着，估值仲每隔幾個月繼續流失嘅呆壞賬。
加拿祖：曼迷嘅祝福開始應驗（€45m → €28m，估值縮水 -€17m）
另一個大幅向下修正嘅新兵，就係由隔離隊過檔、被無數曼迷「寄予厚望」嘅加拿祖。
佢嘅身價由4500萬跌到2800萬歐元，一季蒸發1700萬，跌幅接近38%。
公平啲講，加拿祖全季各項賽事仍然有8個入球，唔係完全無貢獻。但去到英超就只得1球，組織能力不足、單打獨鬥同決策飄忽嘅問題，喺車路士呢盤散沙入面被完全放大。
無咗曼聯「夢劇場主角光環」加持之後，市場唔再為佢嘅名氣同想像空間支付咁高溢價，估值自然要向下修正。
曼迷睇住佢由4500萬跌到2800萬，大概會好有禮貌咁講一句：
恭喜恭喜。
8個新兵總結：兩隻神股，抬住成個倉
去到呢度，先係成篇最精彩嘅一條數。
將2025年夏天正式加入、25/26球季曾經為車路士一隊上陣嘅8名永久新兵，全部用加盟前估值同25/26季尾估值比較：
沙亞由2000萬升到2200萬哈圖由3500萬升到4000萬
艾素高由2000萬跌到1500萬
加拿祖由4500萬跌到2800萬
基頓斯由5000萬跌到3000萬
二安由6000萬升到8000萬
祖奧柏度由5000萬升到8000萬
戴納由4000萬跌到2800萬
（以上係我用Excel Gen出嚟嘅）8條友加盟前總身價合共3億2000萬歐元。
季尾係幾多？3億2300萬。
即係兩位SD花咗成個夏天，精挑細選、數據建模、全球掃貨，再簽一堆超長合約，最後成個新兵組合嘅估值只係升咗300萬歐元，回報率約0.9%。
更加精彩嘅係，祖奧柏度同二安兩個人已經合力拉高咗5000萬。扣除佢哋之後，就算計埋沙亞同哈圖兩位微升小超人，其餘六名新兵仍然合計蒸發4700萬。
兩隻神股，勉強抬住成個蟹貨倉。嗯，比我嘅日股倉健康得多。
總結：Excel建軍法嘅真正成績表
平心而論，BlueCo想透過買賣球員幫球會資產增值，本來無錯。生意人睇重投資回報率，同球迷希望球隊強大嘅目標，理論上唔衝突，甚至大部分時間方向一致。
問題係，你唔可以將「後生」當成必然升值，亦唔可以覺得長約簽得夠耐，時間自然會幫你將所有潛力變成現金。
25/26球季完結後，車路士由英超第4跌到第10，全隊身價亦由約13億2000萬跌到約11億1000萬，成為歐洲五大聯賽最大跌幅。
真正幫球會頂住估值嘅，一部分係占士、細查呢班留落嚟嘅老臣青訓，當中細查甚至差點被你哋強行賣走變現；另一部分，就係一蚊轉會費都唔使出、啱啱由青訓升上一隊嘅艾殊邦。
至於能夠證明課金Formula真係有效嘅，暫時主要就係祖奧柏度同艾斯迪華奧兩個例外。
而高層親自挑選嘅八名新兵，已經俾盡兩隻成功神股幫手拉高，最後成個組合仍然只係升值0.9%。
連新股上市最基本嘅蜜月期都近乎睇唔到，一買入就有幾隻即刻插水，堪稱轉會市場明燈。
嗯，下季繼續抽卡吖。
我就放長雙眼，望下你哋仲可以捱幾耐唔使揹飛。
【數據方法論備註】戴頭盔時間：
以上身價全部嚟自Transfermarkt，由小弟親手逐個Copy落嚟再加減，有錯好正常。
先講全隊由€1.32bn跌到€1.11bn呢條數，Transfermarkt比較緊兩個時間點嘅球會陣容，期間有人買入、有人賣走，所以唔代表原班人馬齊齊蒸發咗€207m。
另外，€1.32bn同€1.11bn都係網站四捨五入後嘅顯示數字，所以表面相減會係€210m，同Transfermarkt按未四捨五入數字列出嘅€207m跌幅有少量差距。
至於個別球員同八名新兵，就係比較佢哋進入25/26球季前最後一次估值，同Transfermarkt喺2026年6月3日完成嘅英超季尾更新。
最後再戴多層頭盔：Transfermarkt身價唔等同轉會費，亦唔代表聽日真係有人肯用呢個價買。文中所講嘅「升值、縮水、神股、蟹貨」，純粹係投資比喻同方便小弟抽水，請各位精算師巴打高抬貴手。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
25/26球季嘅車路士，喺英超簡直係一場災難。由上季第4跌到第10，2月之後戰績雪崩，最後連歐洲賽資格都無埋。
但如果我哋好似班體育總監咁，打開Transfermarkt，嘗試由「資產管理」角度重新欣賞呢個球季，你會發現件事唔止係場波踢得差咁簡單。
2025年世冠盃結束後，車路士全隊總身價約為13億2000萬歐元；去到25/26季尾，只剩約11億1000萬。按Transfermarkt未四捨五入前嘅數字計算，一季累計跌幅係2億700萬歐元，係歐洲五大聯賽跌得最多嘅球會。
無錯，唔使再用平均數掩蓋真相，亦唔使打開Excel揀靚嗰幾格。成個大盤，真係由山頂一嘢插咗落嚟。
不過都要戴返個數據頭盔：球會總身價會受買賣球員同名單變動影響，唔等於同一批資產原地跌咗2億幾。Transfermarkt估值亦唔係實際轉會費、球會帳面值或者隨時可以套現嘅現金。
所以，淨係拎住2億700萬拍枱，未足以證明每一筆投資都失敗。要睇清楚兩位總監盤數究竟搞成點，仲要逐隻股票拆開嚟睇。
占士：並列絕對升幅王（€30m → €60m，帳面增值 +€30m）
全季升得最多嘅其中一個，係今年變咗文員部副經理嘅隊長占士。
佢嘅身價由一年前嘅3000萬，直接翻倍暴升到6000萬歐元。Transfermarkt現時甚至將佢列為全球身價第3高嘅右閘。睇到呢度，班SD實會大大聲話自己個負荷管理部門有料到。但實際上，呢個更加似係世界級閘位嘅稀缺性重新得到確認。
市場上頂級右閘仲少過街市嘅紅衫魚。占士過去幾年最大問題從來唔係識唔識踢波，而係副偈幾時又壞。今季雖然仍然唔算全勤，但已經係近年最健康、最穩定嘅一季。只要證明自己唔係踢兩場就返文員部，估值自然瘋狂反彈。
呢3000萬嘅增值，主要靠占士自己副偈生性，同高層嘅U25建軍Formula，一條毛嘅關係都無。
祖奧柏度：並列升幅王兼真正買中（€50m → €80m，帳面增值 +€30m）
同占士並列升幅第一嘅，係今季新兵入面少數真正交足功課嘅祖奧柏度。
佢嘅身價由5000萬升到8000萬歐元。英超15球、全季20球，唔止係隊內首席射手，仲係成隊波戰術線路燒完一條又一條之後，少數仍然可以穩定輸出嘅進攻球員。
當車路士成隊波好似NFT藝術品咁集體跌價、戰術體系亂七八糟嗰陣，祖奧柏度仍然可以靠走位、執雞、個人處理同門前效率，撐起條鋒線。
佢證明咗自己唔係淨係食體系紅利，而係放落一個爛體系入面，仍然有辦法生存嘅優質資產。
當然，車路士買佢返嚟本身已經用咗超過5000萬鎊，所以呢3000萬唔係球會真正賺落袋嘅利潤。但至少喺高價買入之後，佢無即刻變蟹貨，仲用表現將市場預期再推高一級。
SD買咗咁多後生仔，呢一筆可以大大方方認叻，真正買中咗。
艾斯迪華奧：高潛力Formula真係有一隻成功（€60m → €80m，帳面增值 +€20m）
另一個無得屈高層嘅成功例子，就係二安。
佢嘅身價由6000萬升上8000萬歐元，增值2000萬。雖然季尾受到腿筋傷患影響，提早收咧，但市場對佢嘅天賦仍然極有信心。
爆發力、單對單、射門膽量、進攻想像力，仲有佢嘅招牌笑容，呢啲全部都係市場最願意為後生攻擊手支付溢價嘅元素。只要佢未被操到徹底收皮，身價就有件厚厚嘅防彈衣頂住。
公平啲講，呢個先係兩位SD最理想嘅投資模型：趁球員未完全成熟之前買入，俾佢喺一隊證明天賦，再將估值推上另一個層次。
問題只係，買咗成疊六合彩，暫時真正開到頭獎嘅無幾多張。
艾殊邦：百分比升幅王（€8m → €25m，帳面增值 +€17m）
如果計升幅百分比，全隊第一嘅係青訓代表艾殊邦。
佢嘅身價由800萬，一口氣飆升到2500萬歐元，升幅高達212.5%。喺財務報表上，呢個叫「低成本、高槓桿」，嗯，和味和味。
一蚊轉會費都唔使出，只要俾到一隊上陣機會，加埋本英國護照，身價即刻幾倍咁升。
艾殊邦嘅爆發，仍然係對兩位SD最強烈嘅諷刺之一：你哋日日不惜工本，用盡球探人力物力，再掟幾千萬去南美同歐洲周圍買幼幼，最後回報率最高嗰張六合彩飛，原來一直放咗喺自己青訓營。
不過，正因為一蚊轉會費都唔使出，先令人擔心佢會唔會突然變成出售目標……大把前車可鑑。
細查：最有諷刺意味嘅回力鏢（€25m → €40m，帳面增值 +€15m）
另一個最有諷刺意味嘅升值個案，又係一巴打落兩位SD面塊度嘅回力鏢……細查。
佢嘅身價由2500萬升上4000萬歐元，升幅足足有六成。
細查嘅表現喺車迷眼中一直都幾五五波。你話佢好勁，又未去到頂級；但無人用嗰陣，佢間中又真係可以擔起大旗。明明已經有咁上下年紀，偏偏間中仍然會短路跳線，自爆嚇死大家。
但無論你點評價佢，市場結論都好清楚：細查由當日差啲被球會強行清走，變成而家值4000萬嘅正選中堅。
BlueCo望住呢個估值，個腦大概已經唔係諗緊「當初差啲睇錯」，而係「純利喎，係咪可以賣？」
彭馬：並列最大跌幅竟然有佢（€120m → €100m，估值縮水 -€20m）
睇完幾個升值功臣，終於到真正嘅跌幅榜。全隊絕對值跌得最多嘅，竟然係彭馬同基頓斯，兩個同樣一季蒸發2000萬歐元。
彭馬嘅身價由1億2000萬跌到1億歐元，跌幅約16.7%。不過，呢個同「買錯人」係兩回事。
彭馬仍然係全隊最高身價球員，對比當初買入價更加仍然係超高回報投資。今次跌價，主要反映傷病、上陣不穩同成隊波表現崩潰之後，市場將之前吹到極高嘅預期稍為向下修正。
真正恐怖嘅地方，唔係彭馬由神壇跌成垃圾，而係連全隊最可靠、最有明星價值嘅核心，都無辦法逃過呢個災難球季。
當連藍籌龍頭都要減值，成個大盤有幾爛已經唔使多講。
基頓斯：潛力溢價正式爆破（€50m → €30m，估值縮水 -€20m）
如果講高層親自挑選嘅課金包，跌得最痛就係基頓斯。佢嘅身價由5000萬跌到3000萬歐元，一季蒸發2000萬，跌幅高達四成。
當初嗰5000萬，有好大部分係市場買緊多蒙特光環、英格蘭戶口同未來潛力。但去到英超，一季落嚟潛力兌現唔到，聯賽16場0入球、2助攻，合共只有大約500分鐘上陣時間。16場聯賽食白果，加埋傷病同成隊波戰績雪崩，直接將估值由幻想拉返落現實。
市場最無情，理得你當初吹得幾高。當神話破滅、數據現形嗰陣，你飛得幾高，就可以跌得幾甘。
呢2000萬嘅蒸發，正正係市場對SD高價囤積超新星政策最直接嘅回應。
拉維亞：坐正做文員部經理（€40m → €22m，估值縮水 -€18m）
如果計跌幅百分比，拉維亞比基頓斯更加慘。
佢嘅身價由4000萬縮水到2200萬歐元，跌幅高達45%。轉會市場嘅精算師好現實：任你潛力吹到幾大，你連續幾年都無辦法穩定上場，就一定要跌。
加盟三季，大半時間都喺文員部打字。每次復出踢幾場，又因為另一個問題消失，連麥花臣啲阿伯踢波都密過佢。
拉維亞踢得健康嗰陣，閱讀球賽、轉身擺脫同接應能力仍然證明到佢有料。但市場估值從來唔會只計「如果健康」。當身體耐用度本身已經變成最大問號，再高嘅技術上限都要打折。
高層當初諗住買一筆長線投資，依家變成賣又唔係、留又唔知幾時用得着，估值仲每隔幾個月繼續流失嘅呆壞賬。
加拿祖：曼迷嘅祝福開始應驗（€45m → €28m，估值縮水 -€17m）
另一個大幅向下修正嘅新兵，就係由隔離隊過檔、被無數曼迷「寄予厚望」嘅加拿祖。
佢嘅身價由4500萬跌到2800萬歐元，一季蒸發1700萬，跌幅接近38%。
公平啲講，加拿祖全季各項賽事仍然有8個入球，唔係完全無貢獻。但去到英超就只得1球，組織能力不足、單打獨鬥同決策飄忽嘅問題，喺車路士呢盤散沙入面被完全放大。
無咗曼聯「夢劇場主角光環」加持之後，市場唔再為佢嘅名氣同想像空間支付咁高溢價，估值自然要向下修正。
曼迷睇住佢由4500萬跌到2800萬，大概會好有禮貌咁講一句：
恭喜恭喜。
8個新兵總結：兩隻神股，抬住成個倉
去到呢度，先係成篇最精彩嘅一條數。
將2025年夏天正式加入、25/26球季曾經為車路士一隊上陣嘅8名永久新兵，全部用加盟前估值同25/26季尾估值比較：
沙亞由2000萬升到2200萬哈圖由3500萬升到4000萬
艾素高由2000萬跌到1500萬
加拿祖由4500萬跌到2800萬
基頓斯由5000萬跌到3000萬
二安由6000萬升到8000萬
祖奧柏度由5000萬升到8000萬
戴納由4000萬跌到2800萬
（以上係我用Excel Gen出嚟嘅）8條友加盟前總身價合共3億2000萬歐元。
季尾係幾多？3億2300萬。
即係兩位SD花咗成個夏天，精挑細選、數據建模、全球掃貨，再簽一堆超長合約，最後成個新兵組合嘅估值只係升咗300萬歐元，回報率約0.9%。
更加精彩嘅係，祖奧柏度同二安兩個人已經合力拉高咗5000萬。扣除佢哋之後，就算計埋沙亞同哈圖兩位微升小超人，其餘六名新兵仍然合計蒸發4700萬。
兩隻神股，勉強抬住成個蟹貨倉。嗯，比我嘅日股倉健康得多。
總結：Excel建軍法嘅真正成績表
平心而論，BlueCo想透過買賣球員幫球會資產增值，本來無錯。生意人睇重投資回報率，同球迷希望球隊強大嘅目標，理論上唔衝突，甚至大部分時間方向一致。
問題係，你唔可以將「後生」當成必然升值，亦唔可以覺得長約簽得夠耐，時間自然會幫你將所有潛力變成現金。
25/26球季完結後，車路士由英超第4跌到第10，全隊身價亦由約13億2000萬跌到約11億1000萬，成為歐洲五大聯賽最大跌幅。
真正幫球會頂住估值嘅，一部分係占士、細查呢班留落嚟嘅老臣青訓，當中細查甚至差點被你哋強行賣走變現；另一部分，就係一蚊轉會費都唔使出、啱啱由青訓升上一隊嘅艾殊邦。
至於能夠證明課金Formula真係有效嘅，暫時主要就係祖奧柏度同艾斯迪華奧兩個例外。
而高層親自挑選嘅八名新兵，已經俾盡兩隻成功神股幫手拉高，最後成個組合仍然只係升值0.9%。
連新股上市最基本嘅蜜月期都近乎睇唔到，一買入就有幾隻即刻插水，堪稱轉會市場明燈。
嗯，下季繼續抽卡吖。
我就放長雙眼，望下你哋仲可以捱幾耐唔使揹飛。
【數據方法論備註】戴頭盔時間：
以上身價全部嚟自Transfermarkt，由小弟親手逐個Copy落嚟再加減，有錯好正常。
先講全隊由€1.32bn跌到€1.11bn呢條數，Transfermarkt比較緊兩個時間點嘅球會陣容，期間有人買入、有人賣走，所以唔代表原班人馬齊齊蒸發咗€207m。
另外，€1.32bn同€1.11bn都係網站四捨五入後嘅顯示數字，所以表面相減會係€210m，同Transfermarkt按未四捨五入數字列出嘅€207m跌幅有少量差距。
至於個別球員同八名新兵，就係比較佢哋進入25/26球季前最後一次估值，同Transfermarkt喺2026年6月3日完成嘅英超季尾更新。
最後再戴多層頭盔：Transfermarkt身價唔等同轉會費，亦唔代表聽日真係有人肯用呢個價買。文中所講嘅「升值、縮水、神股、蟹貨」，純粹係投資比喻同方便小弟抽水，請各位精算師巴打高抬貴手。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊