你無睇錯，今日唔係【車迷觀點】，係【修迷觀點】。因為今日我唔係車路士迷，係修爾斯迷。
「修爾斯……乜撚嘢呀？」
如果你未聽過呢個名，咁只係代表你好後生。翻查香港舊報紙，至少由70年代末去到1990年，香港報章仲會將Chelsea叫做「修爾斯」。
而嗰陣嘅修爾斯，同今日大家認識嗰支車路士亦差好遠。無油王、無摩連奴、無英超冠軍，甚至連穩定前列都講唔上。1979年香港報紙寫佢哋，標題係「三個月來初嘗勝利滋味」；1983年再出場，已經係「面臨存亡一役」。簡單嚟講，就係一支間中贏波都足以上新聞嘅普通英格蘭球隊。
但上一篇Bates爺文章出街之後，有位讀者留低咗一句幾有趣嘅說話：
「因喜歡荷杜而關注車仔，後來其踢法變成車迷至今。」
呢句令我產生咗個疑問。
今日大家因為彭馬入坑、因為歐聯入坑、甚至因為玩FM太多入坑，都唔難理解。但90年代初，一支未長期贏波、未有世界級班主、喺香港報紙仲叫修爾斯嘅球隊，到底憑乜吸引一個遠在香港嘅人？更加奇怪係，荷杜幾年後就走咗，點解佢最後無跟住荷杜離開，反而留下做咗幾十年車迷？
於是，我決定暫時放低我哋熟悉嘅車路士，返去搵一搵嗰支已經消失咗嘅修爾斯。
修爾斯唔出名，但荷杜出名
而家開始睇波，通常係先睇到一支球隊，再慢慢認識入面啲球員。但喺90年代初，香港球迷認識歐洲足球嘅次序，隨時完全相反。
嗰陣無YouTube、無社交媒體，轉播場次亦有限，連每星期睇足同一支球隊都唔係必然。普通球迷接觸英格蘭足球，主要靠報紙、《球迷世界》、明珠台精華，同埋間中一場深夜直播。你可能喺世界盃或者國際賽認識一個球星，但佢返到球會之後踢成點，就未必有條件場場追落去。
荷杜正正就係呢種「個人名氣大過球會曝光」嘅球星。
佢係熱刺名宿、前英格蘭國腳，之後去過摩納哥踢波。到1991年轉投史雲頓做球員兼領隊，香港報紙依然有留意佢。當年香港一個季尾四角賽，主辦方原本仲打算邀請荷杜來港做嘉賓，只係因為佢同時兼任球員同領隊，工作太忙，最後先無辦法成事。
《大公報》1991年「荷杜事忙不能來港」
諗深一層，其實幾誇張。史雲頓又唔係曼聯、利物浦，荷杜當時更加唔係教緊頂級聯賽球隊，但個名依然足以被香港比賽主辦方當成宣傳嘉賓。即係對當年香港球迷嚟講，可能未必知道修爾斯上星期贏定輸，但一定有機會聽過荷杜。
而荷杜亦唔係淨係食緊球員年代嘅老本。
1992/93球季，佢帶領史雲頓踢入升班附加賽決賽，自己以自由人身份正選上陣，仲射入先開紀錄一球，最後以4：3擊敗李斯特城，將球會歷史上第一次帶上英格蘭頂級聯賽。同期英國報章形容史雲頓係國內其中一支最賞心悅目嘅球隊，決賽所展示嘅足球水平，喺嗰季亦相當少見。
四日之後，荷杜就離開啱啱帶上頂級聯賽嘅史雲頓，接掌修爾斯。
所以嗰位讀者話自己「因喜歡荷杜而關注車仔」，一啲都唔奇怪。佢唔係無啦啦喺積分榜第11位抽中一支球隊支持，而係跟住一個本身已經認識、亦相信佢識踢波嘅人，第一次將目光放到修爾斯身上。
問題只係：當佢真正望過去之後，見到嘅又係一支點樣嘅球隊？
荷杜無令修爾斯變勁，只係令佢變得值得睇
但如果你以為荷杜一到，就好似摩連奴咁將修爾斯由泥頭車變成林寶堅尼，咁就諗多咗。
荷杜三季英超排名分別係第14、第11、第11，聯賽入球亦無明顯增加，真係仲衰過四眼羅生。(Bates Out!!!!!)
佢帶嚟自由人、翼衛、由後場開始組織等想法，但個腦行得太快，當時班球員未必完全跟得上。後來古烈治加盟，甚至試過將波傳去佢認為隊友應該出現嘅位置，點知對方根本無諗過走過去。所以，將呢三季直接包裝成成熟嘅「Sexy Football」，其實有少少事後美化。荷杜無將修爾斯變成強隊，佢只係開始改變球隊踢波嘅方向。
不過，成績表以外，修爾斯的確開始變得值得留意。
荷杜第一季就帶隊打入足總盃決賽，雖然最後慘吞曼聯四蛋，但至少令修爾斯重新出現喺溫布萊。之後球隊取得歐洲賽資格，再一路殺入盃賽冠軍盃四強；第三季又打入足總盃四強。
三年內，一次足總盃決賽、一次歐洲四強、一次足總盃四強。佢哋仍然唔識穩定贏波，但開始反覆出現喺海外觀眾較容易見到嘅大舞台。
而荷杜最重要嘅遺產，亦唔係呢幾次盃賽。
1995年夏天，一個香港球迷一早認識嘅世界級名字，突然加盟修爾斯。
1987年金球獎得主、1988年歐國盃冠軍隊長、AC米蘭荷蘭三劍俠之一，無錯，牙Todd唔識果位名宿：古烈治。
一支聯賽第11、二十幾年未贏過重要錦標嘅球隊，竟然簽到前金球獎得主。去到呢一步，修爾斯仍然未係豪門，但大家開始知道，佢哋可能真係準備緊做啲嘢。
修爾斯開始有名，香港亦開始睇得到
古烈治加盟嘅時間，亦啱啱撞正香港人睇波方式開始改變。
有線電視1993年啟播時，最初只有約2,000戶接收到；到1994、95年先逐步擴大覆蓋，1996年再正式取得英超獨家播映權。香港球迷由睇報紙、等精華、撞彩睇直播，慢慢變成每星期真係有波可以追。
而修爾斯偏偏就喺呢個時候，開始將大家認得嘅名逐個搬入史丹福橋。
古烈治之後有曉士、柏杜斯古，荷杜離隊後，再輪到維埃里、迪馬堤奧、拿保夫同蘇拿。呢班唔係要香港球迷由零開始認識嘅陌生外援，而係喺意甲、歐國盃、世界盃早已見過嘅球星。
你未必熟悉修爾斯百年歷史、未必知邊個奧斯古德、甚至唔知史丹福橋喺倫敦邊忽，但見到古烈治、維埃里同蘇拿一齊出現，至少會想撳停個台望多兩眼。
所以，90年代中期香港發生嘅，唔止係英超愈來愈容易睇；修爾斯本身亦由一支要翻報紙先知近況嘅普通球隊，變成一隊就算未睇過，都總有幾個名字認得嘅「國際車」。
荷杜令球迷第一次望過去，但真正令人唔捨得轉台嘅人，先啱啱準備出場。
荷杜走咗，但修迷無走
1996年，荷杜離開修爾斯，接掌英格蘭國家隊。
照道理，如果球迷純粹係跟住荷杜入場，故事去到呢度就應該完結。但修爾斯無因為佢離開而行返轉頭，反而直接將球隊交俾古烈治，繼續沿住國際化同技術足球條路行落去。
然後，蘇拿嚟咗。
佢1996年11月先加盟，連一個完整球季都未踢完，已經當選英格蘭足球先生。對曼聯扭過成條防線、對溫布頓轉身射入、足總盃反勝利物浦，每隔一段時間就整球可以喺精華節目翻播幾十次嘅入球出嚟。
最重要係，呢啲漂亮畫面開始同勝利連埋一齊。
1997年，修爾斯贏得足總盃，結束26年重要錦標荒；翌年再贏聯賽盃同盃賽冠軍盃，之後更加擊敗皇家馬德里，捧走歐洲超級盃。球隊唔係場場都踢得性感，決賽有時甚至幾務實，但總有古烈治、蘇拿、迪馬堤奧呢班人，喺最大舞台留低一個令人記得嘅瞬間。
去到1999年，車仔更加排出英超史上第一個完全無英國或愛爾蘭球員嘅正選陣。當年有人覺得係英格蘭足球已死，但對海外觀眾嚟講，呢支球隊嘅身份反而前所未有咁清楚。
佢哋已經唔再係報紙護級新聞入面嗰支修爾斯，而係一支任何地方嘅球迷，都可能喺入面搵到熟悉面孔嘅國際車。
所以荷杜走咗，球迷無必要跟住走。
因為吸引佢入場嘅可能係荷杜，但令佢留下嘅，已經變成蘇拿、獎盃，同埋成支球隊。
總結：由跟住一個人，到留低支持一間球會
寫到呢度，我當然唔敢話，90年代香港車迷全部都係因為荷杜、蘇拿或者華麗足球入坑。無訪問、無統計，嗰位讀者嘅經歷只能代表佢自己。
但翻查當年嘅報紙同轉播發展，至少可以確認，呢條路的確有可能。
香港球迷本身已經認識荷杜同古烈治；收費電視開始令英超由間中先見到一次，變成每星期可以追看；而修爾斯又啱啱喺同一時間，引入一批大家認得嘅球星，不斷打入決賽，再將漂亮畫面變成真正獎盃。
呢幾件事撞埋一齊，一個人就可以因為荷杜第一次望向修爾斯，再因為古烈治、蘇拿同一場又一場大賽，慢慢由支持一個人，變成支持一支球隊。
今日再睇返，「修爾斯」好似只係一個過時到有少少搞笑嘅舊譯名。但對嗰代球迷嚟講，佢代表嘅可能正正係車路士未成豪門之前，最迷人嗰段時間。
佢因為荷杜認識修爾斯。等修爾斯變成車路士嗰陣，藍色嘅DNA已經入咗血。
你，又係因為乜嘢愛上自己嘅球隊？
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
「修爾斯……乜撚嘢呀？」
如果你未聽過呢個名，咁只係代表你好後生。翻查香港舊報紙，至少由70年代末去到1990年，香港報章仲會將Chelsea叫做「修爾斯」。
而嗰陣嘅修爾斯，同今日大家認識嗰支車路士亦差好遠。無油王、無摩連奴、無英超冠軍，甚至連穩定前列都講唔上。1979年香港報紙寫佢哋，標題係「三個月來初嘗勝利滋味」；1983年再出場，已經係「面臨存亡一役」。簡單嚟講，就係一支間中贏波都足以上新聞嘅普通英格蘭球隊。
但上一篇Bates爺文章出街之後，有位讀者留低咗一句幾有趣嘅說話：
「因喜歡荷杜而關注車仔，後來其踢法變成車迷至今。」
呢句令我產生咗個疑問。
今日大家因為彭馬入坑、因為歐聯入坑、甚至因為玩FM太多入坑，都唔難理解。但90年代初，一支未長期贏波、未有世界級班主、喺香港報紙仲叫修爾斯嘅球隊，到底憑乜吸引一個遠在香港嘅人？更加奇怪係，荷杜幾年後就走咗，點解佢最後無跟住荷杜離開，反而留下做咗幾十年車迷？
於是，我決定暫時放低我哋熟悉嘅車路士，返去搵一搵嗰支已經消失咗嘅修爾斯。
修爾斯唔出名，但荷杜出名
而家開始睇波，通常係先睇到一支球隊，再慢慢認識入面啲球員。但喺90年代初，香港球迷認識歐洲足球嘅次序，隨時完全相反。
嗰陣無YouTube、無社交媒體，轉播場次亦有限，連每星期睇足同一支球隊都唔係必然。普通球迷接觸英格蘭足球，主要靠報紙、《球迷世界》、明珠台精華，同埋間中一場深夜直播。你可能喺世界盃或者國際賽認識一個球星，但佢返到球會之後踢成點，就未必有條件場場追落去。
荷杜正正就係呢種「個人名氣大過球會曝光」嘅球星。
佢係熱刺名宿、前英格蘭國腳，之後去過摩納哥踢波。到1991年轉投史雲頓做球員兼領隊，香港報紙依然有留意佢。當年香港一個季尾四角賽，主辦方原本仲打算邀請荷杜來港做嘉賓，只係因為佢同時兼任球員同領隊，工作太忙，最後先無辦法成事。
《大公報》1991年「荷杜事忙不能來港」
諗深一層，其實幾誇張。史雲頓又唔係曼聯、利物浦，荷杜當時更加唔係教緊頂級聯賽球隊，但個名依然足以被香港比賽主辦方當成宣傳嘉賓。即係對當年香港球迷嚟講，可能未必知道修爾斯上星期贏定輸，但一定有機會聽過荷杜。
而荷杜亦唔係淨係食緊球員年代嘅老本。
1992/93球季，佢帶領史雲頓踢入升班附加賽決賽，自己以自由人身份正選上陣，仲射入先開紀錄一球，最後以4：3擊敗李斯特城，將球會歷史上第一次帶上英格蘭頂級聯賽。同期英國報章形容史雲頓係國內其中一支最賞心悅目嘅球隊，決賽所展示嘅足球水平，喺嗰季亦相當少見。
四日之後，荷杜就離開啱啱帶上頂級聯賽嘅史雲頓，接掌修爾斯。
所以嗰位讀者話自己「因喜歡荷杜而關注車仔」，一啲都唔奇怪。佢唔係無啦啦喺積分榜第11位抽中一支球隊支持，而係跟住一個本身已經認識、亦相信佢識踢波嘅人，第一次將目光放到修爾斯身上。
問題只係：當佢真正望過去之後，見到嘅又係一支點樣嘅球隊？
荷杜無令修爾斯變勁，只係令佢變得值得睇
但如果你以為荷杜一到，就好似摩連奴咁將修爾斯由泥頭車變成林寶堅尼，咁就諗多咗。
荷杜三季英超排名分別係第14、第11、第11，聯賽入球亦無明顯增加，真係仲衰過四眼羅生。(Bates Out!!!!!)
佢帶嚟自由人、翼衛、由後場開始組織等想法，但個腦行得太快，當時班球員未必完全跟得上。後來古烈治加盟，甚至試過將波傳去佢認為隊友應該出現嘅位置，點知對方根本無諗過走過去。所以，將呢三季直接包裝成成熟嘅「Sexy Football」，其實有少少事後美化。荷杜無將修爾斯變成強隊，佢只係開始改變球隊踢波嘅方向。
不過，成績表以外，修爾斯的確開始變得值得留意。
荷杜第一季就帶隊打入足總盃決賽，雖然最後慘吞曼聯四蛋，但至少令修爾斯重新出現喺溫布萊。之後球隊取得歐洲賽資格，再一路殺入盃賽冠軍盃四強；第三季又打入足總盃四強。
三年內，一次足總盃決賽、一次歐洲四強、一次足總盃四強。佢哋仍然唔識穩定贏波，但開始反覆出現喺海外觀眾較容易見到嘅大舞台。
而荷杜最重要嘅遺產，亦唔係呢幾次盃賽。
1995年夏天，一個香港球迷一早認識嘅世界級名字，突然加盟修爾斯。
1987年金球獎得主、1988年歐國盃冠軍隊長、AC米蘭荷蘭三劍俠之一，無錯，牙Todd唔識果位名宿：古烈治。
一支聯賽第11、二十幾年未贏過重要錦標嘅球隊，竟然簽到前金球獎得主。去到呢一步，修爾斯仍然未係豪門，但大家開始知道，佢哋可能真係準備緊做啲嘢。
修爾斯開始有名，香港亦開始睇得到
古烈治加盟嘅時間，亦啱啱撞正香港人睇波方式開始改變。
有線電視1993年啟播時，最初只有約2,000戶接收到；到1994、95年先逐步擴大覆蓋，1996年再正式取得英超獨家播映權。香港球迷由睇報紙、等精華、撞彩睇直播，慢慢變成每星期真係有波可以追。
而修爾斯偏偏就喺呢個時候，開始將大家認得嘅名逐個搬入史丹福橋。
古烈治之後有曉士、柏杜斯古，荷杜離隊後，再輪到維埃里、迪馬堤奧、拿保夫同蘇拿。呢班唔係要香港球迷由零開始認識嘅陌生外援，而係喺意甲、歐國盃、世界盃早已見過嘅球星。
你未必熟悉修爾斯百年歷史、未必知邊個奧斯古德、甚至唔知史丹福橋喺倫敦邊忽，但見到古烈治、維埃里同蘇拿一齊出現，至少會想撳停個台望多兩眼。
所以，90年代中期香港發生嘅，唔止係英超愈來愈容易睇；修爾斯本身亦由一支要翻報紙先知近況嘅普通球隊，變成一隊就算未睇過，都總有幾個名字認得嘅「國際車」。
荷杜令球迷第一次望過去，但真正令人唔捨得轉台嘅人，先啱啱準備出場。
荷杜走咗，但修迷無走
1996年，荷杜離開修爾斯，接掌英格蘭國家隊。
照道理，如果球迷純粹係跟住荷杜入場，故事去到呢度就應該完結。但修爾斯無因為佢離開而行返轉頭，反而直接將球隊交俾古烈治，繼續沿住國際化同技術足球條路行落去。
然後，蘇拿嚟咗。
佢1996年11月先加盟，連一個完整球季都未踢完，已經當選英格蘭足球先生。對曼聯扭過成條防線、對溫布頓轉身射入、足總盃反勝利物浦，每隔一段時間就整球可以喺精華節目翻播幾十次嘅入球出嚟。
最重要係，呢啲漂亮畫面開始同勝利連埋一齊。
1997年，修爾斯贏得足總盃，結束26年重要錦標荒；翌年再贏聯賽盃同盃賽冠軍盃，之後更加擊敗皇家馬德里，捧走歐洲超級盃。球隊唔係場場都踢得性感，決賽有時甚至幾務實，但總有古烈治、蘇拿、迪馬堤奧呢班人，喺最大舞台留低一個令人記得嘅瞬間。
去到1999年，車仔更加排出英超史上第一個完全無英國或愛爾蘭球員嘅正選陣。當年有人覺得係英格蘭足球已死，但對海外觀眾嚟講，呢支球隊嘅身份反而前所未有咁清楚。
佢哋已經唔再係報紙護級新聞入面嗰支修爾斯，而係一支任何地方嘅球迷，都可能喺入面搵到熟悉面孔嘅國際車。
所以荷杜走咗，球迷無必要跟住走。
因為吸引佢入場嘅可能係荷杜，但令佢留下嘅，已經變成蘇拿、獎盃，同埋成支球隊。
總結：由跟住一個人，到留低支持一間球會
寫到呢度，我當然唔敢話，90年代香港車迷全部都係因為荷杜、蘇拿或者華麗足球入坑。無訪問、無統計，嗰位讀者嘅經歷只能代表佢自己。
但翻查當年嘅報紙同轉播發展，至少可以確認，呢條路的確有可能。
香港球迷本身已經認識荷杜同古烈治；收費電視開始令英超由間中先見到一次，變成每星期可以追看；而修爾斯又啱啱喺同一時間，引入一批大家認得嘅球星，不斷打入決賽，再將漂亮畫面變成真正獎盃。
呢幾件事撞埋一齊，一個人就可以因為荷杜第一次望向修爾斯，再因為古烈治、蘇拿同一場又一場大賽，慢慢由支持一個人，變成支持一支球隊。
今日再睇返，「修爾斯」好似只係一個過時到有少少搞笑嘅舊譯名。但對嗰代球迷嚟講，佢代表嘅可能正正係車路士未成豪門之前，最迷人嗰段時間。
佢因為荷杜認識修爾斯。等修爾斯變成車路士嗰陣，藍色嘅DNA已經入咗血。
你，又係因為乜嘢愛上自己嘅球隊？
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊