如果要用一個畫面形容25/26球季嘅車路士，我會揀停電。
由季初高維爾ACL倒下，到馬蛇離隊、羅生上任再落鑊，戰術線路燒完一條又一條。彭馬長期養傷，戴納入球失蹤，防線就輪流派膠同領紅。成隊波由爭冠幻想一路跌到第10，史丹福橋唔止熄燈，直頭連後備發電機都壞埋。
就喺大家逐漸習慣黑暗嗰陣，祖奧柏度就變成果一點點光。
佢無施展咩主角級必殺技，亦無能力一個人將車路士由谷底抬返上歐洲賽。只係每當成隊波就快完全熄滅，佢總會喺某個角落閃一下。可能係一個近門執雞、一記頭槌、一腳遠射，間中甚至係倒掛，提醒大家呢支球隊仲未完全斷氣。
螢火蟲當然照唔光整個黑夜。
但喺一個連月光都無嘅球季，嗰點微弱嘅光已經足以令人追住望。更加值得問嘅係，當天光之後再望清楚，祖奧柏度究竟只係因為身邊所有人都熄咗，先顯得特別光？定係我哋喺黑暗入面，真係見證咗一個全新版本嘅佢？
當初買輔鋒，最後收到20球前鋒
望返祖奧柏度加盟時嗰篇球探報告，我當時用咗一個幾曖昧嘅形容：前鋒身，中場魂。
佢踢過正前鋒、假九、攻中甚至左翼，鍾意墮後接波、盤扭同為隊友製造機會。入球能力唔差，但白禮頓時期唔少產量都來自十二碼。剝走十二碼之後，佢更加似一個識入波嘅攻擊中場，而唔係可以長期承包火力嘅中鋒。
所以當車路士用超過£50m簽入佢，我理解中買返嚟嘅係一個前場問題解決者，而唔係保證每季20球嘅射手。
結果，車路士收到嘅版本同說明書有少少唔同。
祖奧柏度25/26球季各項賽事上陣50場、42次正選，交出20入球6助攻。單計英超已經有15球，更加估佢唔到嘅係，20球全部都唔係十二碼。
成件事好似你買咗部瑞士刀返嚟，原本貪佢有較剪、開罐器同螺絲批，拆盒開出嚟先發現入面仲收埋把倚天劍。
而且呢20球唔係一輪腳風順刷出嚟。由作客熱刺一箭定江山，到歐聯對拿玻里梅開二度，再去維拉公園完成帽子戲法，祖奧柏度最後22次上陣攻入13球，球季愈混亂，佢反而愈似一個真正嘅主力射手。
最終佢以超過六成票數當選球會年度最佳球員。喺一支最後只排第10、幾乎每個位置都搵到爆炸點嘅球隊入面，至少球迷肯定咗佢。
車路士當初買咗一個識入波嘅輔鋒，最後收到嘅，係一個識串連嘅20球前鋒。
少掂個波，反而更加接近入球
祖奧柏度季初踢正前鋒時，個「中場魂」仍然太重。
當球隊推進困難，佢會本能地離開禁區幫手接波；隊友受壓，佢又會行近提供短傳選擇。每一下單獨睇都係合理決定，但當正前鋒次次返落中場救火，最後一傳出現嗰刻，禁區自然無人接應。
今季真正嘅轉變，係佢逐漸減少參與無需要參與嘅部分，將更多體力同跑動留俾禁區。
作客維拉個帽子戲法就係代表作。祖奧柏度全場只有42次觸球，係車路士所有正選球員之中最少，但同時完成5次射門、4次中龍，最後入3球。
以前見到前鋒掂得少波，我哋會話佢隱形；今季祖奧柏度開始證明，企啱位置等最後一下，本身都係一種貢獻。數據亦證明，呢段入球潮唔只係突然腳風順。
祖奧柏度英超攻入15球，預期入球係14.96，xGOT亦係15.16。三個數字幾乎完全重疊，代表佢唔係靠超額射術將普通機會夾硬變成入球。
真正突出嘅係機會質素。佢全季73次射門製造接近15 xG，平均每腳射門約有0.205 xG。大部分機會都來自禁區中央、近門搶點或者防線失位後嘅高價值位置。
拿玻里遠射同森林倒掛證明佢有天份，但20球真正嘅基礎，係佢終於學識一個對全能球員可能最困難嘅道理：有時你唔需要參與每一腳波。
螢火蟲夠光，但仲未係太陽
變成入球前鋒之後，祖奧柏度原本嘅輔鋒能力並無消失。
佢英超除咗15個入球，仲交出5次助攻、創造29次射門機會，完成40次盤扭，並為球隊搏到3個十二碼。當車路士被對手壓住，佢仍然可以墮後護波、帶球推進，再幫隊友接上攻勢。
佢仍然係前鋒身、中場魂，只係終於知道幾時應該要個中場魂收聲。不過，佢亦未去到可以單人照亮全隊。
5次助攻只來自2.00 xA，實際產量有隊友把握力幫忙；全季亦有55次被搶走球權，盤扭同持球始終帶住代價。去到二月底，佢11個聯賽入球之中有9球來自下半版球隊，面對頂級防線嘅持續統治力仍未完全證明到自己。
後來對拿玻里同維拉嘅入球，至少證明佢唔係只識食弱隊。但由「入到強隊波」去到杜奧巴咁「每逢大戰都可以接管比賽」，中間仍然有一段距離。
祖奧柏度可以成為一套進攻體系非常完整嘅終點，但未必係由起點一路鋪到終點嗰個人。
所以下季最重要嘅唔係繼續發掘佢識踢幾多個位置，而係保留今季終於出現嘅中鋒版本。佢可以墮後幫手，但唔應該再次因為乜都識做，就變成前場萬能水泡。
車路士要諗嘅，唔係祖奧柏度仲可以為其他人補啲乜，而係點樣將個波送到佢面前。
評級：A+
50場、20入球6助攻，而且20球全部唔係十二碼。由全能輔鋒變成車路士最可靠嘅入球來源，祖奧柏度交出咗一個遠超加盟預期嘅球季。
但佢未去到全季統治比賽。秋季曾經沉寂，面對頂級對手亦證明佢未完整，距離無論體系幾亂都可以獨力決定球季嘅超級巨星，仍然差最後一段路。
25/26球季嘅車路士實在太黑，一隻螢火蟲當然救唔返成間球會。但天光之後再望清楚，我哋先發現祖奧柏度唔係因為身邊所有人都熄咗，先顯得特別光。佢自己，真係值得一個A+。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
由季初高維爾ACL倒下，到馬蛇離隊、羅生上任再落鑊，戰術線路燒完一條又一條。彭馬長期養傷，戴納入球失蹤，防線就輪流派膠同領紅。成隊波由爭冠幻想一路跌到第10，史丹福橋唔止熄燈，直頭連後備發電機都壞埋。
就喺大家逐漸習慣黑暗嗰陣，祖奧柏度就變成果一點點光。
佢無施展咩主角級必殺技，亦無能力一個人將車路士由谷底抬返上歐洲賽。只係每當成隊波就快完全熄滅，佢總會喺某個角落閃一下。可能係一個近門執雞、一記頭槌、一腳遠射，間中甚至係倒掛，提醒大家呢支球隊仲未完全斷氣。
螢火蟲當然照唔光整個黑夜。
但喺一個連月光都無嘅球季，嗰點微弱嘅光已經足以令人追住望。更加值得問嘅係，當天光之後再望清楚，祖奧柏度究竟只係因為身邊所有人都熄咗，先顯得特別光？定係我哋喺黑暗入面，真係見證咗一個全新版本嘅佢？
當初買輔鋒，最後收到20球前鋒
望返祖奧柏度加盟時嗰篇球探報告，我當時用咗一個幾曖昧嘅形容：前鋒身，中場魂。
佢踢過正前鋒、假九、攻中甚至左翼，鍾意墮後接波、盤扭同為隊友製造機會。入球能力唔差，但白禮頓時期唔少產量都來自十二碼。剝走十二碼之後，佢更加似一個識入波嘅攻擊中場，而唔係可以長期承包火力嘅中鋒。
所以當車路士用超過£50m簽入佢，我理解中買返嚟嘅係一個前場問題解決者，而唔係保證每季20球嘅射手。
結果，車路士收到嘅版本同說明書有少少唔同。
祖奧柏度25/26球季各項賽事上陣50場、42次正選，交出20入球6助攻。單計英超已經有15球，更加估佢唔到嘅係，20球全部都唔係十二碼。
成件事好似你買咗部瑞士刀返嚟，原本貪佢有較剪、開罐器同螺絲批，拆盒開出嚟先發現入面仲收埋把倚天劍。
而且呢20球唔係一輪腳風順刷出嚟。由作客熱刺一箭定江山，到歐聯對拿玻里梅開二度，再去維拉公園完成帽子戲法，祖奧柏度最後22次上陣攻入13球，球季愈混亂，佢反而愈似一個真正嘅主力射手。
最終佢以超過六成票數當選球會年度最佳球員。喺一支最後只排第10、幾乎每個位置都搵到爆炸點嘅球隊入面，至少球迷肯定咗佢。
車路士當初買咗一個識入波嘅輔鋒，最後收到嘅，係一個識串連嘅20球前鋒。
少掂個波，反而更加接近入球
祖奧柏度季初踢正前鋒時，個「中場魂」仍然太重。
當球隊推進困難，佢會本能地離開禁區幫手接波；隊友受壓，佢又會行近提供短傳選擇。每一下單獨睇都係合理決定，但當正前鋒次次返落中場救火，最後一傳出現嗰刻，禁區自然無人接應。
今季真正嘅轉變，係佢逐漸減少參與無需要參與嘅部分，將更多體力同跑動留俾禁區。
作客維拉個帽子戲法就係代表作。祖奧柏度全場只有42次觸球，係車路士所有正選球員之中最少，但同時完成5次射門、4次中龍，最後入3球。
以前見到前鋒掂得少波，我哋會話佢隱形；今季祖奧柏度開始證明，企啱位置等最後一下，本身都係一種貢獻。數據亦證明，呢段入球潮唔只係突然腳風順。
祖奧柏度英超攻入15球，預期入球係14.96，xGOT亦係15.16。三個數字幾乎完全重疊，代表佢唔係靠超額射術將普通機會夾硬變成入球。
真正突出嘅係機會質素。佢全季73次射門製造接近15 xG，平均每腳射門約有0.205 xG。大部分機會都來自禁區中央、近門搶點或者防線失位後嘅高價值位置。
拿玻里遠射同森林倒掛證明佢有天份，但20球真正嘅基礎，係佢終於學識一個對全能球員可能最困難嘅道理：有時你唔需要參與每一腳波。
螢火蟲夠光，但仲未係太陽
變成入球前鋒之後，祖奧柏度原本嘅輔鋒能力並無消失。
佢英超除咗15個入球，仲交出5次助攻、創造29次射門機會，完成40次盤扭，並為球隊搏到3個十二碼。當車路士被對手壓住，佢仍然可以墮後護波、帶球推進，再幫隊友接上攻勢。
佢仍然係前鋒身、中場魂，只係終於知道幾時應該要個中場魂收聲。不過，佢亦未去到可以單人照亮全隊。
5次助攻只來自2.00 xA，實際產量有隊友把握力幫忙；全季亦有55次被搶走球權，盤扭同持球始終帶住代價。去到二月底，佢11個聯賽入球之中有9球來自下半版球隊，面對頂級防線嘅持續統治力仍未完全證明到自己。
後來對拿玻里同維拉嘅入球，至少證明佢唔係只識食弱隊。但由「入到強隊波」去到杜奧巴咁「每逢大戰都可以接管比賽」，中間仍然有一段距離。
祖奧柏度可以成為一套進攻體系非常完整嘅終點，但未必係由起點一路鋪到終點嗰個人。
所以下季最重要嘅唔係繼續發掘佢識踢幾多個位置，而係保留今季終於出現嘅中鋒版本。佢可以墮後幫手，但唔應該再次因為乜都識做，就變成前場萬能水泡。
車路士要諗嘅，唔係祖奧柏度仲可以為其他人補啲乜，而係點樣將個波送到佢面前。
評級：A+
50場、20入球6助攻，而且20球全部唔係十二碼。由全能輔鋒變成車路士最可靠嘅入球來源，祖奧柏度交出咗一個遠超加盟預期嘅球季。
但佢未去到全季統治比賽。秋季曾經沉寂，面對頂級對手亦證明佢未完整，距離無論體系幾亂都可以獨力決定球季嘅超級巨星，仍然差最後一段路。
25/26球季嘅車路士實在太黑，一隻螢火蟲當然救唔返成間球會。但天光之後再望清楚，我哋先發現祖奧柏度唔係因為身邊所有人都熄咗，先顯得特別光。佢自己，真係值得一個A+。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊