因為車仔太有錢…真的非常有錢…而且有錢到不行…(講笑。)
今朝寫完羅渣士篇文，BlueCo用£117m正式埋單，留言區最先討論嘅唔係「佢值唔值」，而係另一條更加現實嘅問題：
「車路士唔係連歐洲賽都無咩，邊度嚟咁多錢？」
有巴打即刻撳起計數機：古古尼亞£50m、山度士£48m，再預埋查洛巴同馬蛇嗰筆賠償，減返Palestra同羅渣士，Net Spend好似只係二千幾萬，濕濕碎啦。
但另一邊又有人問：賣人唔係要扣返未攤銷嘅買入價咩？咁買人又可唔可以分期攤銷？如果條數真係咁鬆動，點解之前又話車仔財政繃緊？羅渣士突然上車，係咪代表安素已經半隻腳踏出史丹福橋？
結果一單轉會，留言區同時出現幾條完全唔同嘅數。最神奇係，大家又唔可以話完全錯，只係各自攞住現金流、Net Spend同會計帳目其中一角，然後當自己睇到成隻大笨象。
既然大家問到咁肉緊，我都唯有再次打開BlueCo本天書。
今篇唔講羅渣士值唔值，亦唔打算將大家浸死喺UEFA條文入面，只集中拆一條問題：一間下季無歐洲賽、早幾個月仲俾人擔心會爆數嘅車路士，究竟憑乜突然簽下一個£117m球員？
唔通真係唔使觀音借庫，BlueCo自己識印銀紙？
£117m唔係一炮過，但首先戴返個頭盔
計數之前要講明，我唔係車路士會計部職員，無睇過羅渣士份轉會合約，更加唔知道BlueCo銀行戶口有幾多錢。
外界目前知道嘅，只有媒體報道嘅£117m總價同合約年期。至於首期幾多、餘款分幾期、附加條款點計，全部無公開。所以我都只係其中一個摸象嘅人，今次只能按公開資料砌圖，唔會扮自己睇過BlueCo盤數。
但有一點可以肯定：£117m轉會費，唔等於車路士今季帳目即刻扣走£117m。
羅渣士雖然簽約至2032年，但按照現行財務規例，轉會費攤銷最多只可以計五年。用最簡化嘅方法計：
£117m除以五，即係每季約£23.4m。
新聞標題係豪擲£117m，落到今季帳目，首先出現嘅轉會費成本大約係£23.4m。當然，人工、簽字費同經理人佣金要另外再計，所以唔可以見到二千幾萬就即刻宣布濕濕碎。
至於銀行戶口係咪都只需要即刻俾£23.4m？又唔係。
攤銷只係會計入帳方法，唔等於實際付款。車路士可能分期俾維拉，亦可能先付一大筆首期；無合約資料，外界根本計唔到。Net Spend只能顯示今個轉會窗買多過賣幾多，唔會話俾你知BlueCo今日實際過咗幾多錢。
未來慢慢找數，今季先靠賣人開路
買人可以攤分，賣人就係另一種玩法。
球員出售嗰一刻，球會可以將轉會費扣除剩餘帳面值，所得利潤喺今季即時入帳。買人慢慢扣、賣人即刻賺，呢個時間差先係BlueCo今夏繼續碌卡嘅關鍵。
用古古尼亞做例子。車路士當年以總值約£62m將佢買返嚟，簽約六年；經過四季攤銷後，今夏剩餘帳面值粗略估計約£21m。皇家馬德里支付嘅固定轉會費約£47.5m，所以車路士帳面利潤大約係£27m。
山度士亦一樣。當年買入價據報約£18m，經過三年幾攤銷，再以£48m出售，估計可以製造約£37m至£42m帳面利潤。
再加埋青訓出身、轉會費幾乎可以全數當利潤嘅佐治仔，以及細額出售嘅Jimmy-Jay Morgan，車路士今夏幾宗主要交易，粗略已經製造咗約£83m至£92m帳面利潤。
為方便閱讀，就當約£90m。
咁再望返買人：羅渣士今季攤銷約£23.4m；即使連Palestra同昆達一齊計，三個人每季新增嘅轉會費攤銷亦大約係£41m。
呢個先係成條數運作到嘅原因：今夏約£90m賣人利潤即時入帳，羅渣士、Palestra同昆達超過£200m嘅買入成本，就逐年處理。BlueCo嘅空間唔係憑空變出嚟，而係來自買賣入帳時間嘅差距。
當然，呢個唔代表£90m減£41m之後，BlueCo仲有£49m任使；球會原有人工、舊轉會攤銷同經理人費仍然要計。呢個比較只能解釋今夏幾宗出售點樣大幅增加空間，唔係替車路士成盤數宣布合格。
所以安素係咪要執Locker？
至少羅渣士加盟本身，證明唔到。
即使安素賣到£100m，車路士亦唔會帳面淨賺£100m。佢當年加盟嘅成本仍有相當部分未攤銷，扣除剩餘帳面值後，估計真正利潤只係約£30m至£40m，係，賣一個£100m安素，帳面利潤分分鐘只係兩個佐治仔左右。
賣安素當然可以帶來現金、減走人工，亦釋放未來帳目空間；但以現有公開資料，至少唔能夠單憑羅渣士加盟，就倒推出BlueCo已經決定賣安素。如果佢最終離隊，可能係沙比嘅陣容決定，亦可能係球員自己想走，兩件事未必存在必然關係。
至於查洛巴、古斯圖、積臣等人，餘下轉會窗當然仍有可能被套現。不過嗰係BlueCo為下一輪買人同未來球季繼續騰位，唔係羅渣士上車前必須完成嘅祭品。
總結：唔係觀音借庫，只係問未來攞錢
所以法官大人，BlueCo筆£117m究竟邊度嚟？
唔係安素已經暗中賣咗，亦唔係高層識印銀紙。真正答案，係今夏幾宗出售大幅增加咗帳面空間，再配合買人成本逐年攤銷，令車路士可以先將羅渣士塞入數簿。
但「入到帳」唔等於「免費」。
今夏嘅賣人利潤只用得一次，羅渣士條數就會連續跟住幾年。BlueCo唔係變出£117m，只係將今日嘅豪爽，寄單俾未來嘅自己。
所以羅渣士買得到，答案已經搵到；最終供唔供得起，就要睇佢能唔能夠踢出£117m身價。
否則幾年後回頭再睇，先會發現BlueCo請返嚟嘅唔係左翼救世主，而係一尊全球最貴、每年自動追數嘅觀音像。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
今朝寫完羅渣士篇文，BlueCo用£117m正式埋單，留言區最先討論嘅唔係「佢值唔值」，而係另一條更加現實嘅問題：
「車路士唔係連歐洲賽都無咩，邊度嚟咁多錢？」
有巴打即刻撳起計數機：古古尼亞£50m、山度士£48m，再預埋查洛巴同馬蛇嗰筆賠償，減返Palestra同羅渣士，Net Spend好似只係二千幾萬，濕濕碎啦。
但另一邊又有人問：賣人唔係要扣返未攤銷嘅買入價咩？咁買人又可唔可以分期攤銷？如果條數真係咁鬆動，點解之前又話車仔財政繃緊？羅渣士突然上車，係咪代表安素已經半隻腳踏出史丹福橋？
結果一單轉會，留言區同時出現幾條完全唔同嘅數。最神奇係，大家又唔可以話完全錯，只係各自攞住現金流、Net Spend同會計帳目其中一角，然後當自己睇到成隻大笨象。
既然大家問到咁肉緊，我都唯有再次打開BlueCo本天書。
今篇唔講羅渣士值唔值，亦唔打算將大家浸死喺UEFA條文入面，只集中拆一條問題：一間下季無歐洲賽、早幾個月仲俾人擔心會爆數嘅車路士，究竟憑乜突然簽下一個£117m球員？
唔通真係唔使觀音借庫，BlueCo自己識印銀紙？
£117m唔係一炮過，但首先戴返個頭盔
計數之前要講明，我唔係車路士會計部職員，無睇過羅渣士份轉會合約，更加唔知道BlueCo銀行戶口有幾多錢。
外界目前知道嘅，只有媒體報道嘅£117m總價同合約年期。至於首期幾多、餘款分幾期、附加條款點計，全部無公開。所以我都只係其中一個摸象嘅人，今次只能按公開資料砌圖，唔會扮自己睇過BlueCo盤數。
但有一點可以肯定：£117m轉會費，唔等於車路士今季帳目即刻扣走£117m。
羅渣士雖然簽約至2032年，但按照現行財務規例，轉會費攤銷最多只可以計五年。用最簡化嘅方法計：
£117m除以五，即係每季約£23.4m。
新聞標題係豪擲£117m，落到今季帳目，首先出現嘅轉會費成本大約係£23.4m。當然，人工、簽字費同經理人佣金要另外再計，所以唔可以見到二千幾萬就即刻宣布濕濕碎。
至於銀行戶口係咪都只需要即刻俾£23.4m？又唔係。
攤銷只係會計入帳方法，唔等於實際付款。車路士可能分期俾維拉，亦可能先付一大筆首期；無合約資料，外界根本計唔到。Net Spend只能顯示今個轉會窗買多過賣幾多，唔會話俾你知BlueCo今日實際過咗幾多錢。
未來慢慢找數，今季先靠賣人開路
買人可以攤分，賣人就係另一種玩法。
球員出售嗰一刻，球會可以將轉會費扣除剩餘帳面值，所得利潤喺今季即時入帳。買人慢慢扣、賣人即刻賺，呢個時間差先係BlueCo今夏繼續碌卡嘅關鍵。
用古古尼亞做例子。車路士當年以總值約£62m將佢買返嚟，簽約六年；經過四季攤銷後，今夏剩餘帳面值粗略估計約£21m。皇家馬德里支付嘅固定轉會費約£47.5m，所以車路士帳面利潤大約係£27m。
山度士亦一樣。當年買入價據報約£18m，經過三年幾攤銷，再以£48m出售，估計可以製造約£37m至£42m帳面利潤。
再加埋青訓出身、轉會費幾乎可以全數當利潤嘅佐治仔，以及細額出售嘅Jimmy-Jay Morgan，車路士今夏幾宗主要交易，粗略已經製造咗約£83m至£92m帳面利潤。
為方便閱讀，就當約£90m。
咁再望返買人：羅渣士今季攤銷約£23.4m；即使連Palestra同昆達一齊計，三個人每季新增嘅轉會費攤銷亦大約係£41m。
呢個先係成條數運作到嘅原因：今夏約£90m賣人利潤即時入帳，羅渣士、Palestra同昆達超過£200m嘅買入成本，就逐年處理。BlueCo嘅空間唔係憑空變出嚟，而係來自買賣入帳時間嘅差距。
當然，呢個唔代表£90m減£41m之後，BlueCo仲有£49m任使；球會原有人工、舊轉會攤銷同經理人費仍然要計。呢個比較只能解釋今夏幾宗出售點樣大幅增加空間，唔係替車路士成盤數宣布合格。
所以安素係咪要執Locker？
至少羅渣士加盟本身，證明唔到。
即使安素賣到£100m，車路士亦唔會帳面淨賺£100m。佢當年加盟嘅成本仍有相當部分未攤銷，扣除剩餘帳面值後，估計真正利潤只係約£30m至£40m，係，賣一個£100m安素，帳面利潤分分鐘只係兩個佐治仔左右。
賣安素當然可以帶來現金、減走人工，亦釋放未來帳目空間；但以現有公開資料，至少唔能夠單憑羅渣士加盟，就倒推出BlueCo已經決定賣安素。如果佢最終離隊，可能係沙比嘅陣容決定，亦可能係球員自己想走，兩件事未必存在必然關係。
至於查洛巴、古斯圖、積臣等人，餘下轉會窗當然仍有可能被套現。不過嗰係BlueCo為下一輪買人同未來球季繼續騰位，唔係羅渣士上車前必須完成嘅祭品。
總結：唔係觀音借庫，只係問未來攞錢
所以法官大人，BlueCo筆£117m究竟邊度嚟？
唔係安素已經暗中賣咗，亦唔係高層識印銀紙。真正答案，係今夏幾宗出售大幅增加咗帳面空間，再配合買人成本逐年攤銷，令車路士可以先將羅渣士塞入數簿。
但「入到帳」唔等於「免費」。
今夏嘅賣人利潤只用得一次，羅渣士條數就會連續跟住幾年。BlueCo唔係變出£117m，只係將今日嘅豪爽，寄單俾未來嘅自己。
所以羅渣士買得到，答案已經搵到；最終供唔供得起，就要睇佢能唔能夠踢出£117m身價。
否則幾年後回頭再睇，先會發現BlueCo請返嚟嘅唔係左翼救世主，而係一尊全球最貴、每年自動追數嘅觀音像。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊