兩個月前，我先寫完一篇【Re: 球探報告】，重新審視摩根羅渣士。當時我承認自己低估咗佢嘅進步，但轉會判決仍然維持原判：傳球唔穩、位置同彭馬重疊，車路士連領隊同踢法都未定，用£70m至£80m買佢完全講唔通兼On9。
文章最後，我仲好口臭咁寫：「除非彭馬扭計，死都要高層買個英格蘭國家隊FD子返嚟陪佢踢波。」
結果兩個月後，車路士真係用£117m簽咗佢，仲講明會踢左翼正選，與彭馬並肩作戰。
嗯。
啪啪啪啪啪啪啪啪啪啪。（瘋狂打面嘅聲音）
如果第一篇係初審、第二篇係上訴，咁BlueCo今次就係拎住一億一千七百萬鎊衝入法庭，要求案件發還重審。更麻煩嘅係，當日我提出嘅「邊個教、踢咩、企邊」，而家真係有晒答案。沙比阿朗素親自打電話、講解戰術計劃，連左翼個位都預先留埋俾佢。
新證據擺到上枱，再為咗面死撐就無意思。今次唯有第三次開庭，睇下係我判錯案，定係BlueCo買咗張全世界最貴嘅上訴狀。
判完之後，發生咗啲乜？
傳聞阿仙奴追咗羅渣士超過一年，已經同球員深入接觸，準備正式向維拉出價；但車路士突然殺入，沙比親自落場說客，高層亦直接拎住£117m要求成交。
Romano形容呢次係「Pre-hijack」。阿仙奴連正式出價都未嚟得切，車路士已經連人帶枱成張搬走。
所以今次唔係減價清貨，亦唔係BlueCo順手執雞。車路士明知佢貴、明知有人爭，仍然將佢視為沙比上任後嘅核心收購。
問題係：沙比究竟睇到啲乜，我之前睇唔到？
世盃無證明佢係左翼，反而證明我睇窄咗佢
雖然車路士話會將羅渣士擺喺左翼，但英格蘭喺世盃根本無點樣用佢踢左翼。對巴拿馬係正選10號，對阿根廷由右翼起步，對挪威後備入場後，甚至一度墜後連接中場。
所以呢批數據證明嘅唔係「羅渣士識踢左翼」，而係佢比我想像中更願意因應體系改變自己。
（講明先，寫呢段嗰陣英格蘭仲未對法國，以下數據截至四強。）
羅渣士大約踢咗247分鐘，只得2次射門、0.07 xG，禁區內觸球亦只有7次，同維拉嗰個見窿就射嘅終結型影子前鋒幾乎係兩個人。
但佢嘅威脅無消失，只係轉移咗出口：1次助攻、0.83 xA、5次創造機會，當中包括2次重大機會。對巴拿馬，佢用直線送馬杜基起腳；對阿根廷就助攻哥頓；對挪威嘅遠射亦令門將甩手，由比寧咸執雞射入。
上一篇我話佢只會霸住禁區頂，同彭馬撞埋同一個位。至少喺英格蘭，呢條控罪已經企唔穩。佢可以收起射門慾，轉去負責連接、創造甚至填補中場。
最大死穴亦有改善，但未到康復。佢世盃只被直接搶斷2次，5次過人成功3次；傳球成功率則仍然只有80%。即係無以前咁容易自己帶到斷纜，但傳送穩定性依然未算理想。
所以第一項改判，我認。世盃無證明羅渣士值£117m，但證明我將佢定義成「只識霸住中路起腳嘅影子前鋒」，的確判得太窄。
沙比要嘅左翼，可能根本唔係左翼
沙比喺利華古遜最常用3-4-2-1，真正負責拉闊嘅係兩邊翼衛。Grimaldo沿住左線上落，域斯就名義上由左邊出發，實際長時間留喺左Half-space接波、轉身同串連。
羅渣士當然唔係域斯。叫一個傳球成功率得80%嘅球員照抄佢份功課，未開季已經可以準備定重考。
但沙比可能想要嘅，係一個更重型、更直接嘅左10號。羅渣士可以喺左Half-space用身體護波，轉身撞穿第一層防線，再自己起腳、同中鋒撞牆，或者將最後一腳交俾隊友。
咁樣用，佢同彭馬未必會撞到七彩。羅渣士由左邊負責推進同衝擊，彭馬留喺右Half-space或者中央處理最後一腳，兩個人唔需要長期爭同一格地板。
不過呢套玩法有一個前設：左邊必須有人拉闊。
古古尼亞已經離隊，哈圖始終偏向中堅型左閘；車路士最近追查華利亞，可能正正係想搵一個可以沿住左線上落嘅人。如果最終要羅渣士自己黐住邊線一對一爆閘，成份使用說明書又要重新寫過。
所以車路士口中嘅左翼，可能只係排陣圖上企左邊；實際買返嚟嘅，係一個由左路起步、隨時撞入中路嘅重型攻擊中場。
說明書搵到，但張單依然貴到仆街
去到呢度，我可以承認上一篇其中一項判斷已經過時。今次車路士有教練、有位置、有戰術計劃，至少唔係見到英格蘭國腳就兩眼發光、碌卡再算。
但「知道點用」同「值得£117m」，始終係兩回事。
如果係原先傳聞嘅£70m至£80m，我仲可以當係買一個23歲、證明過自己踢得掂英超，又可以踢多個位置嘅本土攻擊手，再加英人稅同維拉嘅趕客價。
£117m就係另一個標準。
呢個價錢唔容許羅渣士慢慢適應，亦唔容許佢最後只係成為一件好用嘅多功能工具。車路士買返嚟嘅必須係即時核心，穩定交出入球同助攻，仲要令沙比成套進攻提升一個層次。
當然，佢得23歲，有英超經驗、有產量、有多位置能力，阿仙奴亦追咗超過一年。呢啲可以解釋BlueCo點解肯俾，卻未足以令張單變得合理。
講到尾，車路士可能搵到一個適合羅渣士嘅角色；問題係佢哋用接近世界最佳球員嘅價錢，買咗一個仍然需要由沙比重新定位嘅球員。
總結：球員改判，張單維持原判
法官大人，第三次審完，我唔打算死撐。
球員本身，我改判；戰術契合度，我由「八字唔夾」改成「有條件成立」。至少今次車路士知道由邊個教、擺喺邊，同彭馬亦有共存方法。
唯獨£117m，我仍然維持原判。沙比搵到使用說明書，只能證明車路士知道自己買緊乜，唔代表個價錢牌突然變得合理。
所以今次終極上訴，羅渣士本人無罪釋放；至於BlueCo張信用卡，就繼續扣押候審。等開季之後，睇下係沙比成功將佢改造成左路核心，定係我一年後要寫篇【死因研究】。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
文章最後，我仲好口臭咁寫：「除非彭馬扭計，死都要高層買個英格蘭國家隊FD子返嚟陪佢踢波。」
結果兩個月後，車路士真係用£117m簽咗佢，仲講明會踢左翼正選，與彭馬並肩作戰。
嗯。
啪啪啪啪啪啪啪啪啪啪。（瘋狂打面嘅聲音）
如果第一篇係初審、第二篇係上訴，咁BlueCo今次就係拎住一億一千七百萬鎊衝入法庭，要求案件發還重審。更麻煩嘅係，當日我提出嘅「邊個教、踢咩、企邊」，而家真係有晒答案。沙比阿朗素親自打電話、講解戰術計劃，連左翼個位都預先留埋俾佢。
新證據擺到上枱，再為咗面死撐就無意思。今次唯有第三次開庭，睇下係我判錯案，定係BlueCo買咗張全世界最貴嘅上訴狀。
判完之後，發生咗啲乜？
傳聞阿仙奴追咗羅渣士超過一年，已經同球員深入接觸，準備正式向維拉出價；但車路士突然殺入，沙比親自落場說客，高層亦直接拎住£117m要求成交。
Romano形容呢次係「Pre-hijack」。阿仙奴連正式出價都未嚟得切，車路士已經連人帶枱成張搬走。
所以今次唔係減價清貨，亦唔係BlueCo順手執雞。車路士明知佢貴、明知有人爭，仍然將佢視為沙比上任後嘅核心收購。
問題係：沙比究竟睇到啲乜，我之前睇唔到？
世盃無證明佢係左翼，反而證明我睇窄咗佢
雖然車路士話會將羅渣士擺喺左翼，但英格蘭喺世盃根本無點樣用佢踢左翼。對巴拿馬係正選10號，對阿根廷由右翼起步，對挪威後備入場後，甚至一度墜後連接中場。
所以呢批數據證明嘅唔係「羅渣士識踢左翼」，而係佢比我想像中更願意因應體系改變自己。
（講明先，寫呢段嗰陣英格蘭仲未對法國，以下數據截至四強。）
羅渣士大約踢咗247分鐘，只得2次射門、0.07 xG，禁區內觸球亦只有7次，同維拉嗰個見窿就射嘅終結型影子前鋒幾乎係兩個人。
但佢嘅威脅無消失，只係轉移咗出口：1次助攻、0.83 xA、5次創造機會，當中包括2次重大機會。對巴拿馬，佢用直線送馬杜基起腳；對阿根廷就助攻哥頓；對挪威嘅遠射亦令門將甩手，由比寧咸執雞射入。
上一篇我話佢只會霸住禁區頂，同彭馬撞埋同一個位。至少喺英格蘭，呢條控罪已經企唔穩。佢可以收起射門慾，轉去負責連接、創造甚至填補中場。
最大死穴亦有改善，但未到康復。佢世盃只被直接搶斷2次，5次過人成功3次；傳球成功率則仍然只有80%。即係無以前咁容易自己帶到斷纜，但傳送穩定性依然未算理想。
所以第一項改判，我認。世盃無證明羅渣士值£117m，但證明我將佢定義成「只識霸住中路起腳嘅影子前鋒」，的確判得太窄。
沙比要嘅左翼，可能根本唔係左翼
沙比喺利華古遜最常用3-4-2-1，真正負責拉闊嘅係兩邊翼衛。Grimaldo沿住左線上落，域斯就名義上由左邊出發，實際長時間留喺左Half-space接波、轉身同串連。
羅渣士當然唔係域斯。叫一個傳球成功率得80%嘅球員照抄佢份功課，未開季已經可以準備定重考。
但沙比可能想要嘅，係一個更重型、更直接嘅左10號。羅渣士可以喺左Half-space用身體護波，轉身撞穿第一層防線，再自己起腳、同中鋒撞牆，或者將最後一腳交俾隊友。
咁樣用，佢同彭馬未必會撞到七彩。羅渣士由左邊負責推進同衝擊，彭馬留喺右Half-space或者中央處理最後一腳，兩個人唔需要長期爭同一格地板。
不過呢套玩法有一個前設：左邊必須有人拉闊。
古古尼亞已經離隊，哈圖始終偏向中堅型左閘；車路士最近追查華利亞，可能正正係想搵一個可以沿住左線上落嘅人。如果最終要羅渣士自己黐住邊線一對一爆閘，成份使用說明書又要重新寫過。
所以車路士口中嘅左翼，可能只係排陣圖上企左邊；實際買返嚟嘅，係一個由左路起步、隨時撞入中路嘅重型攻擊中場。
說明書搵到，但張單依然貴到仆街
去到呢度，我可以承認上一篇其中一項判斷已經過時。今次車路士有教練、有位置、有戰術計劃，至少唔係見到英格蘭國腳就兩眼發光、碌卡再算。
但「知道點用」同「值得£117m」，始終係兩回事。
如果係原先傳聞嘅£70m至£80m，我仲可以當係買一個23歲、證明過自己踢得掂英超，又可以踢多個位置嘅本土攻擊手，再加英人稅同維拉嘅趕客價。
£117m就係另一個標準。
呢個價錢唔容許羅渣士慢慢適應，亦唔容許佢最後只係成為一件好用嘅多功能工具。車路士買返嚟嘅必須係即時核心，穩定交出入球同助攻，仲要令沙比成套進攻提升一個層次。
當然，佢得23歲，有英超經驗、有產量、有多位置能力，阿仙奴亦追咗超過一年。呢啲可以解釋BlueCo點解肯俾，卻未足以令張單變得合理。
講到尾，車路士可能搵到一個適合羅渣士嘅角色；問題係佢哋用接近世界最佳球員嘅價錢，買咗一個仍然需要由沙比重新定位嘅球員。
總結：球員改判，張單維持原判
法官大人，第三次審完，我唔打算死撐。
球員本身，我改判；戰術契合度，我由「八字唔夾」改成「有條件成立」。至少今次車路士知道由邊個教、擺喺邊，同彭馬亦有共存方法。
唯獨£117m，我仍然維持原判。沙比搵到使用說明書，只能證明車路士知道自己買緊乜，唔代表個價錢牌突然變得合理。
所以今次終極上訴，羅渣士本人無罪釋放；至於BlueCo張信用卡，就繼續扣押候審。等開季之後，睇下係沙比成功將佢改造成左路核心，定係我一年後要寫篇【死因研究】。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊