呢篇，實爆。因為香港人係鍾意睇人仆街嘅生物，講起戴納，你一定會覺得佢係垃圾佢係水貨，亦因為咁，就越多人會想睇我點寫佢25/26球季嘅廢柴表現。
的確，佢真係廢到痴線、仲要不幸到傻。或者你唔鍾意佢，但佢仲係車路士球員，我就會不離不棄，呢篇文，就一齊回顧下佢廢到有病嘅第一個球季啦。
支離破碎嘅處子球季：傷病、紅牌與消失嘅師徒情
戴納喺車路士嘅起步，個劇本本身好美好。世冠盃揭幕戰，佢初登場就用精準嘅助攻幫安素破門，又喺隨後嘅比賽中轟入藍軍生涯處子球。當佢高舉世冠盃冠軍獎盃、兼且獲得 PFA 年度最佳年輕球員提名嗰陣，邊個會諗到，跟住佢嘅發展會失速急墜？
開季僅僅去到第三輪，戴納 Hamstring 就降臨係佢身上，一抖就係兩個幾月。對於一個極度依賴爆發力同無球衝刺嘅推土機嚟講 (至少我之前幾篇文都係咁形容佢)，hamstring 受傷簡直係攞咗佢半條命。捱到 10 月底終於復出，佢又喺作客狼隊嘅聯賽盃入面，因為粗野動作自己申請紅牌離場。
一開季就傷、一復出就紅，但咁都仲未完，去到 12 月對般尼茅夫，佢又不幸地膊頭關節甩骹。接二連三嘅受傷同停賽，直接摧毀咗佢同隊友間建立化學反應嘅黃金時間。
不幸仲未完，場內嘅事係自己問題，但當初搵佢返嚟嘅馬蛇，居然除夕夜就離隊。直接連最後一個願意信佢嘅人都走埋。
接任嘅無論係羅生定係麥法蘭，兩者為咗穩住陣腳，都將進攻權全面交俾祖奧柏度。彭馬無態，加上出場時間唔穩定、缺乏系統性地面推進嘅體系入面，戴納，瞬間就由季前嘅推土機退化成隱形戰機，Sor，嚴格嚟講，戰嘅功能都無乜。
80% 盤扭神話與 2.78% 轉化率嘅極度對比
上面，只係寫咗佢嘅故事，數據先至誇張。今季佢嘅數據唔係單方面嘅滿堂紅。當中最靚仔嘅，係引球推進數據。
戴納喺場上只要一拎波向前衝，佢嗰種乜都撞爆你嘅破壞力，喺數據上完全無需要懷疑。每場平均交出 2.14 次盤扭，成功率高達不可思議嘅 80.65%，喺全英超前鋒之中屬於最頂尖嘅異類。配合埋每場 1.04 次嘅引球推進，只要俾空間佢全速推進，佢真係好似一部重型坦克，對手防線一撞埋嚟就會被佢彈開。
但係，當呢部坦克衝到去最關鍵嘅禁區打陣地戰、需要臨門一腳食糊嘅時候，畫面就即刻由戰爭片變咗做災難片。
喺 1,102 分鐘嘅聯賽時間裏面，戴納狂射咗 36 腳，只得 11 腳射正，最重要嘅射門轉化率低見 2.78%。平均每場嘅入球數字低至 0.08 球，全季聯賽入球……得 1 個。
明明佢今季嘅累計 xG 有 4.47，但實際產出得 1 球，嗯，差距有幾大，你明我明。
更攞命嘅係，大眾，包括你同我嘅體感一直覺得戴納有 1.87 米，又高又大隻，理所當然可以喺前場做背身站樁、高空爭頂嘅硬漢。但………嗯。
戴納整季嘅一對一對抗成功率只有 39.1%，而空中爭頂成功率更加低見 30.65%。
即係話，每當面對中堅嘅防守，戴納喺背身控球時會有 60% 機會失去球權。原因，你可以話佢技術細節太粗糙、控波重心不穩，總之，佢因為一連串不幸事件，變成一個一無是處嘅前鋒。
沙比阿朗素可以點救佢……
首先，換撚咗件9號波衫佢先。唔好唔信邪，分分鐘一換就見效架啦。(講笑)
雖然好多人會想球會夏天賣走佢，但合約仲有6年，要搵人接手唔易，上面嘅數據已經講咗，要繼續勉強戴納做前場支點，背身護波，同佢叫唔好再踢波完全無分別。
所以掉轉講，更加要利用佢嘅推進力同盤扭能力而唔係要佢硬碰硬。喺佢仲未搵返自己嘅射門觸覺同護波能力之前，盡量安排佢喺比賽後半段、或者球隊進入快速反擊嘅攻防轉換階段，利用佢怪獸級嘅無球衝刺速度去進行直線衝擊。將佢當成一部動態坦克，去衝散、撕裂對手嘅防線，從而幫彭馬、尼圖、二安製造更多後上嘅進攻空間。
與此同時，既然佢護波能力唔好，就唔好要佢離開禁區咁遠，戴納今季 36 腳嘅射門大多數嚟自遠離禁區嘅浪射，要提高入球轉化率，最簡單就係避免戴納過度遠離禁區。要利用佢喺葉士域治時期培養出嚟嘅搶點直覺，將佢直接擺喺十二碼至六碼區，一腳定乾坤。
總結評級：
今季表現與評級：D+
有人會有異議嗎？30m身價，踢出嚟連3m都唔值。
傷病又好換帥又好呢d就當佢係不幸，但佢自己無帶個腦落場領紅，未有機會就急住起腳呢d場內因素，係佢自己做成。甚至因為佢嘅存在，壓縮咗古爾嘅出場時間，仲有D+，因為有兩級都係我嘅感情分嚟。
當然，入貨價唔算高，仲要拎住本英國護照，真係要割價轉讓唔易，但唔係完全無可能，戴納暫時話想留係車仔挑戰多季，就希望佢可以搵返自己節奏……同埋運氣啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
的確，佢真係廢到痴線、仲要不幸到傻。或者你唔鍾意佢，但佢仲係車路士球員，我就會不離不棄，呢篇文，就一齊回顧下佢廢到有病嘅第一個球季啦。
支離破碎嘅處子球季：傷病、紅牌與消失嘅師徒情
戴納喺車路士嘅起步，個劇本本身好美好。世冠盃揭幕戰，佢初登場就用精準嘅助攻幫安素破門，又喺隨後嘅比賽中轟入藍軍生涯處子球。當佢高舉世冠盃冠軍獎盃、兼且獲得 PFA 年度最佳年輕球員提名嗰陣，邊個會諗到，跟住佢嘅發展會失速急墜？
開季僅僅去到第三輪，戴納 Hamstring 就降臨係佢身上，一抖就係兩個幾月。對於一個極度依賴爆發力同無球衝刺嘅推土機嚟講 (至少我之前幾篇文都係咁形容佢)，hamstring 受傷簡直係攞咗佢半條命。捱到 10 月底終於復出，佢又喺作客狼隊嘅聯賽盃入面，因為粗野動作自己申請紅牌離場。
一開季就傷、一復出就紅，但咁都仲未完，去到 12 月對般尼茅夫，佢又不幸地膊頭關節甩骹。接二連三嘅受傷同停賽，直接摧毀咗佢同隊友間建立化學反應嘅黃金時間。
不幸仲未完，場內嘅事係自己問題，但當初搵佢返嚟嘅馬蛇，居然除夕夜就離隊。直接連最後一個願意信佢嘅人都走埋。
接任嘅無論係羅生定係麥法蘭，兩者為咗穩住陣腳，都將進攻權全面交俾祖奧柏度。彭馬無態，加上出場時間唔穩定、缺乏系統性地面推進嘅體系入面，戴納，瞬間就由季前嘅推土機退化成隱形戰機，Sor，嚴格嚟講，戰嘅功能都無乜。
80% 盤扭神話與 2.78% 轉化率嘅極度對比
上面，只係寫咗佢嘅故事，數據先至誇張。今季佢嘅數據唔係單方面嘅滿堂紅。當中最靚仔嘅，係引球推進數據。
戴納喺場上只要一拎波向前衝，佢嗰種乜都撞爆你嘅破壞力，喺數據上完全無需要懷疑。每場平均交出 2.14 次盤扭，成功率高達不可思議嘅 80.65%，喺全英超前鋒之中屬於最頂尖嘅異類。配合埋每場 1.04 次嘅引球推進，只要俾空間佢全速推進，佢真係好似一部重型坦克，對手防線一撞埋嚟就會被佢彈開。
但係，當呢部坦克衝到去最關鍵嘅禁區打陣地戰、需要臨門一腳食糊嘅時候，畫面就即刻由戰爭片變咗做災難片。
喺 1,102 分鐘嘅聯賽時間裏面，戴納狂射咗 36 腳，只得 11 腳射正，最重要嘅射門轉化率低見 2.78%。平均每場嘅入球數字低至 0.08 球，全季聯賽入球……得 1 個。
明明佢今季嘅累計 xG 有 4.47，但實際產出得 1 球，嗯，差距有幾大，你明我明。
更攞命嘅係，大眾，包括你同我嘅體感一直覺得戴納有 1.87 米，又高又大隻，理所當然可以喺前場做背身站樁、高空爭頂嘅硬漢。但………嗯。
戴納整季嘅一對一對抗成功率只有 39.1%，而空中爭頂成功率更加低見 30.65%。
即係話，每當面對中堅嘅防守，戴納喺背身控球時會有 60% 機會失去球權。原因，你可以話佢技術細節太粗糙、控波重心不穩，總之，佢因為一連串不幸事件，變成一個一無是處嘅前鋒。
沙比阿朗素可以點救佢……
首先，換撚咗件9號波衫佢先。唔好唔信邪，分分鐘一換就見效架啦。(講笑)
雖然好多人會想球會夏天賣走佢，但合約仲有6年，要搵人接手唔易，上面嘅數據已經講咗，要繼續勉強戴納做前場支點，背身護波，同佢叫唔好再踢波完全無分別。
所以掉轉講，更加要利用佢嘅推進力同盤扭能力而唔係要佢硬碰硬。喺佢仲未搵返自己嘅射門觸覺同護波能力之前，盡量安排佢喺比賽後半段、或者球隊進入快速反擊嘅攻防轉換階段，利用佢怪獸級嘅無球衝刺速度去進行直線衝擊。將佢當成一部動態坦克，去衝散、撕裂對手嘅防線，從而幫彭馬、尼圖、二安製造更多後上嘅進攻空間。
與此同時，既然佢護波能力唔好，就唔好要佢離開禁區咁遠，戴納今季 36 腳嘅射門大多數嚟自遠離禁區嘅浪射，要提高入球轉化率，最簡單就係避免戴納過度遠離禁區。要利用佢喺葉士域治時期培養出嚟嘅搶點直覺，將佢直接擺喺十二碼至六碼區，一腳定乾坤。
總結評級：
今季表現與評級：D+
有人會有異議嗎？30m身價，踢出嚟連3m都唔值。
傷病又好換帥又好呢d就當佢係不幸，但佢自己無帶個腦落場領紅，未有機會就急住起腳呢d場內因素，係佢自己做成。甚至因為佢嘅存在，壓縮咗古爾嘅出場時間，仲有D+，因為有兩級都係我嘅感情分嚟。
當然，入貨價唔算高，仲要拎住本英國護照，真係要割價轉讓唔易，但唔係完全無可能，戴納暫時話想留係車仔挑戰多季，就希望佢可以搵返自己節奏……同埋運氣啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊