邊撚個大力呀？李力持呀？的確係車迷都未必記得，而如果你唔係車迷，甚至唔會對呢個球員有印象。
我講緊嘅係 Jesse Derry，我叫開佢做大力，佢上年加盟車仔嗰陣，我曾經寫過佢未來有三條路：一係成為下一個赫切臣，外借升值再變成FFP現金券；一係閃閃發光咁變成 SSR，打入車路士一隊；最衰就係發展停滯，成為賣又賣唔出、用又未夠班嘅死貨。
然後26年初，呢個傻仔仲喺青年足總盃笠住個獅子頭套扮吉祥物，四日後就突然代表車路士一隊上演地標戰。之後再踢足總盃、英超首次正選 (雖然最後失去意識離場)，成條Pathway行得快過我寫文。今個夏天，車路士更加一口氣同佢續約到2032年，再將佢送去有歐聯踢嘅士砵亭。
由100萬鎊搶返嚟嘅水晶宮幼幼，到U21入球機器；由場邊吉祥物，到葡超爭標球隊嘅歐聯外借生，大力用咗一年時間，將自己由一張R卡升到至少有得練嘅SR。但問題亦正正喺呢度：車路士今次係真心替佢鋪路，等佢一年後返嚟挑戰一隊；定係先送去葡萄牙升Lv，等張身價高咗之後再拎去會計部兌現？
昆達走咗，張櫈係咪真係留俾大力？
《The Athletic》認為今次外借其中一個重要原因，係昆達今夏正式由士砵亭加盟車路士，變相為大力騰出咗側翼位置。(幫你哋講埋：邊撚個昆達呀？ 答：Quenda，自己Google下)
聽落好似完美交接：車路士拎走人哋一隻翼，再借返另一隻過去，兩間球會交換人質，大家都有光明嘅未來，大團圓結局，BBQ~Yeah。
昆達上季為士砵亭各項賽事上陣32場，交出6球9助攻，但總上陣時間其實只有1,615分鐘，即係大約18場完整比賽。換言之，佢留低嘅唔係一個逢大戰必定正選嘅空缺，而係一個橫跨聯賽、盃賽同歐聯嘅高質輪換席位。
士砵亭真正不可動搖嘅前場核心，仍然係右側負責創造嘅卓卡奧、由左路入Half-space兼攻門嘅Pote，同埋提供速度與闊度嘅Catamo。大力喺葡萄牙一落機，唔會有人拎住件正選波衫搖晒旗仔喺機場迎接佢；佢首先要爭贏嘅，其實係Luís Guilherme同Faye呢批後備競爭者。
昆達離隊，的確為大力打開咗一隻門，但無幫佢清空間房。比較現實嘅劇本，係先由盃賽、聯賽後備同Pote輪換開始，再靠表現爭取歐聯分鐘。對一個只踢過三場車路士一隊比賽嘅19歲球員嚟講，呢條晉升階梯其實啱啱好；問題只係，士砵亭套踢法係咪真係適合佢……
士砵亭，係咪大力嘅高級新手村？
戴返頭盔先，我睇葡超只係為咗睇昆達，對戰術嘅深入程度一定無死忠咁高，有錯可以去我Facebook插，但唔好咁用力。
我自己嘅答案係：睇落幾適合。士砵領隊 Rui Borges上季主要使用4-2-3-1，亦唔係一隊縮喺後面等反擊嘅葡萄牙水晶宮。佢哋場均控球接近62%，無論總xG、場均中龍定製造Big Chance都係葡超第一。簡單嚟講，大部分時間都係佢哋壓住人哋半場打。
呢種環境對大力有兩個好處。第一，佢唔使突然轉職做一隻貼住邊線鬥跑嘅純速度翼鋒。Rui Borges體系下嘅進攻球員會頻繁走入Half-space，同中鋒、攻中互換位置；大力最熟悉嘅，正正就係由左路內切，靠節奏變化、傳球同射門參與進攻。
第二，士砵亭長期面對Low Block，大力每場都要喺一堆人腳之間搵位。佢喺PL2最突出嘅唔只係入球，而係極高嘅射門、禁區觸球、創造機會同成功傳中產量。所以，佢最擅長嘅嘢同士砵亭要嘅嘢，基本上屬於同一種類。
當然，青年軍屈機同葡超拆牆係兩回事。PL2後衛可能見你扭兩扭就投降，但成年球員會直接封死你隻右腳，再順便用膊頭送你去親吻廣告牌。士砵亭可以俾大力大量喺進攻三區做決定嘅機會，但同時亦會將佢目前幾個未修好嘅Bug放到最大。
所以，地圖本身係揀啱咗；下一步就要睇個角色能力夠唔夠。大力去到葡萄牙，至少有三份功課一定走唔甩。
三份功課：唔係識扭識射就可以做勇者
咁喺新手村，大力到底要做到D咩。
第一份功課，係射得精明啲。大力喺PL2每90分鐘起腳超過4次，射門同中龍次數都係同位置球員之中數一數二，但最後大約每10次射門先換到一球。無xG數據之前，我唔會屈佢係浪射王，不過至少可以肯定：佢非常識得搵起腳機會，只係最後選擇同埋把握力仲未完全追上產量。去到成年隊，未必會有咁多機會，呢點一定要注意。
第二份功課，係戒甩青年軍嗰種「扭咗先講」嘅習慣。大力每90分鐘大約嘗試5次盤帶，但成功率只有38%。高頻盤帶本身唔係罪，卓卡奧同Catamo上季其實都係十次得四次左右；分別在於，人哋扭失之後識得即時反搶，亦有足夠入球同創造力補返條數。去到葡超，大力唔係要戒扭，而係學識邊個時候值得博幾時要傳。
第三份功課，就係將肯守變成識守。大力嘅落腳搶斷同對抗數據其實非常突出，完全唔似一般人想像中嗰種企喺前面等波、失控球權就兩手一攤嘅幼幼翼鋒。但佢截斷傳球同搶回控球嘅數字只屬一般，反映佢積極埋身同人隻揪，仲未證明自己識得靠企位、預判同成隊一齊封鎖傳球路線。
上面三樣夾埋講，大力唔係無武器，而係武器太多又未升夠熟練度。射門、盤帶、傳中、對抗，佢樣樣都肯做；士砵亭要教佢嘅，就係幾時做、點樣做，同埋做錯咗之後點樣補鑊。只要呢三科唔肥佬，今次外借就唔止係坐喺歐聯後備席，聽住首歌影張靚相笑下車仔無歐聯踢咁簡單。
總結：勇者完成任務，返到城鎮先發現隊伍已滿
最後…就算大力喺士砵亭成功升Lv真係變咗傳說中嘅勇者都好，真正最難嗰關可能係一年後返車路士。到時右路有二安；昆達同柏度尼圖左右都踢得；左路仲有基頓斯、加拿祖。大力做到「踢得唔錯」並不足夠，佢要好到逼使球會主動為佢騰出位置。
但最殘酷，亦最BlueCo嘅地方，就係「進入一隊」同「成為現金券」根本唔係兩條分開嘅路。大力踢得愈好，就愈有資格返車路士；但同一時間，佢身價亦會愈高，出售誘惑亦愈大。培養球員同資產升值，過程根本一模一樣，只有最後管理層決定留低定Cash Out，我哋先知道球會養緊嘅係勇者，定一張現金卷。
我自己對今次外借就覺得正面。士砵亭有適合佢嘅踢法、昆達留下嘅輪換空間，亦有葡超爭標同歐聯呢啲PL2永遠模擬唔到嘅壓力。呢條Pathway真係存在，只係終點未必一定係史丹福橋。
一年前，大力只係100萬鎊搶返嚟嘅水晶宮幼幼；半年前，佢仲笠住獅子頭套扮吉祥物；今日，佢已經準備去歐聯聽主題曲。至於一年後，佢會着住車路士波衫返嚟，定着住西裝去會計部幫BlueCo埋數……個答案，就要由大力自己喺里斯本逐場踢出嚟。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
我講緊嘅係 Jesse Derry，我叫開佢做大力，佢上年加盟車仔嗰陣，我曾經寫過佢未來有三條路：一係成為下一個赫切臣，外借升值再變成FFP現金券；一係閃閃發光咁變成 SSR，打入車路士一隊；最衰就係發展停滯，成為賣又賣唔出、用又未夠班嘅死貨。
然後26年初，呢個傻仔仲喺青年足總盃笠住個獅子頭套扮吉祥物，四日後就突然代表車路士一隊上演地標戰。之後再踢足總盃、英超首次正選 (雖然最後失去意識離場)，成條Pathway行得快過我寫文。今個夏天，車路士更加一口氣同佢續約到2032年，再將佢送去有歐聯踢嘅士砵亭。
由100萬鎊搶返嚟嘅水晶宮幼幼，到U21入球機器；由場邊吉祥物，到葡超爭標球隊嘅歐聯外借生，大力用咗一年時間，將自己由一張R卡升到至少有得練嘅SR。但問題亦正正喺呢度：車路士今次係真心替佢鋪路，等佢一年後返嚟挑戰一隊；定係先送去葡萄牙升Lv，等張身價高咗之後再拎去會計部兌現？
昆達走咗，張櫈係咪真係留俾大力？
《The Athletic》認為今次外借其中一個重要原因，係昆達今夏正式由士砵亭加盟車路士，變相為大力騰出咗側翼位置。(幫你哋講埋：邊撚個昆達呀？ 答：Quenda，自己Google下)
聽落好似完美交接：車路士拎走人哋一隻翼，再借返另一隻過去，兩間球會交換人質，大家都有光明嘅未來，大團圓結局，BBQ~Yeah。
昆達上季為士砵亭各項賽事上陣32場，交出6球9助攻，但總上陣時間其實只有1,615分鐘，即係大約18場完整比賽。換言之，佢留低嘅唔係一個逢大戰必定正選嘅空缺，而係一個橫跨聯賽、盃賽同歐聯嘅高質輪換席位。
士砵亭真正不可動搖嘅前場核心，仍然係右側負責創造嘅卓卡奧、由左路入Half-space兼攻門嘅Pote，同埋提供速度與闊度嘅Catamo。大力喺葡萄牙一落機，唔會有人拎住件正選波衫搖晒旗仔喺機場迎接佢；佢首先要爭贏嘅，其實係Luís Guilherme同Faye呢批後備競爭者。
昆達離隊，的確為大力打開咗一隻門，但無幫佢清空間房。比較現實嘅劇本，係先由盃賽、聯賽後備同Pote輪換開始，再靠表現爭取歐聯分鐘。對一個只踢過三場車路士一隊比賽嘅19歲球員嚟講，呢條晉升階梯其實啱啱好；問題只係，士砵亭套踢法係咪真係適合佢……
士砵亭，係咪大力嘅高級新手村？
戴返頭盔先，我睇葡超只係為咗睇昆達，對戰術嘅深入程度一定無死忠咁高，有錯可以去我Facebook插，但唔好咁用力。
我自己嘅答案係：睇落幾適合。士砵領隊 Rui Borges上季主要使用4-2-3-1，亦唔係一隊縮喺後面等反擊嘅葡萄牙水晶宮。佢哋場均控球接近62%，無論總xG、場均中龍定製造Big Chance都係葡超第一。簡單嚟講，大部分時間都係佢哋壓住人哋半場打。
呢種環境對大力有兩個好處。第一，佢唔使突然轉職做一隻貼住邊線鬥跑嘅純速度翼鋒。Rui Borges體系下嘅進攻球員會頻繁走入Half-space，同中鋒、攻中互換位置；大力最熟悉嘅，正正就係由左路內切，靠節奏變化、傳球同射門參與進攻。
第二，士砵亭長期面對Low Block，大力每場都要喺一堆人腳之間搵位。佢喺PL2最突出嘅唔只係入球，而係極高嘅射門、禁區觸球、創造機會同成功傳中產量。所以，佢最擅長嘅嘢同士砵亭要嘅嘢，基本上屬於同一種類。
當然，青年軍屈機同葡超拆牆係兩回事。PL2後衛可能見你扭兩扭就投降，但成年球員會直接封死你隻右腳，再順便用膊頭送你去親吻廣告牌。士砵亭可以俾大力大量喺進攻三區做決定嘅機會，但同時亦會將佢目前幾個未修好嘅Bug放到最大。
所以，地圖本身係揀啱咗；下一步就要睇個角色能力夠唔夠。大力去到葡萄牙，至少有三份功課一定走唔甩。
三份功課：唔係識扭識射就可以做勇者
咁喺新手村，大力到底要做到D咩。
第一份功課，係射得精明啲。大力喺PL2每90分鐘起腳超過4次，射門同中龍次數都係同位置球員之中數一數二，但最後大約每10次射門先換到一球。無xG數據之前，我唔會屈佢係浪射王，不過至少可以肯定：佢非常識得搵起腳機會，只係最後選擇同埋把握力仲未完全追上產量。去到成年隊，未必會有咁多機會，呢點一定要注意。
第二份功課，係戒甩青年軍嗰種「扭咗先講」嘅習慣。大力每90分鐘大約嘗試5次盤帶，但成功率只有38%。高頻盤帶本身唔係罪，卓卡奧同Catamo上季其實都係十次得四次左右；分別在於，人哋扭失之後識得即時反搶，亦有足夠入球同創造力補返條數。去到葡超，大力唔係要戒扭，而係學識邊個時候值得博幾時要傳。
第三份功課，就係將肯守變成識守。大力嘅落腳搶斷同對抗數據其實非常突出，完全唔似一般人想像中嗰種企喺前面等波、失控球權就兩手一攤嘅幼幼翼鋒。但佢截斷傳球同搶回控球嘅數字只屬一般，反映佢積極埋身同人隻揪，仲未證明自己識得靠企位、預判同成隊一齊封鎖傳球路線。
上面三樣夾埋講，大力唔係無武器，而係武器太多又未升夠熟練度。射門、盤帶、傳中、對抗，佢樣樣都肯做；士砵亭要教佢嘅，就係幾時做、點樣做，同埋做錯咗之後點樣補鑊。只要呢三科唔肥佬，今次外借就唔止係坐喺歐聯後備席，聽住首歌影張靚相笑下車仔無歐聯踢咁簡單。
總結：勇者完成任務，返到城鎮先發現隊伍已滿
最後…就算大力喺士砵亭成功升Lv真係變咗傳說中嘅勇者都好，真正最難嗰關可能係一年後返車路士。到時右路有二安；昆達同柏度尼圖左右都踢得；左路仲有基頓斯、加拿祖。大力做到「踢得唔錯」並不足夠，佢要好到逼使球會主動為佢騰出位置。
但最殘酷，亦最BlueCo嘅地方，就係「進入一隊」同「成為現金券」根本唔係兩條分開嘅路。大力踢得愈好，就愈有資格返車路士；但同一時間，佢身價亦會愈高，出售誘惑亦愈大。培養球員同資產升值，過程根本一模一樣，只有最後管理層決定留低定Cash Out，我哋先知道球會養緊嘅係勇者，定一張現金卷。
我自己對今次外借就覺得正面。士砵亭有適合佢嘅踢法、昆達留下嘅輪換空間，亦有葡超爭標同歐聯呢啲PL2永遠模擬唔到嘅壓力。呢條Pathway真係存在，只係終點未必一定係史丹福橋。
一年前，大力只係100萬鎊搶返嚟嘅水晶宮幼幼；半年前，佢仲笠住獅子頭套扮吉祥物；今日，佢已經準備去歐聯聽主題曲。至於一年後，佢會着住車路士波衫返嚟，定着住西裝去會計部幫BlueCo埋數……個答案，就要由大力自己喺里斯本逐場踢出嚟。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊