一年前，加拿祖為咗加盟車路士，拒絕拜仁、維拉等球會嘅追求，一副「非君不嫁」嘅姿態；車路士亦追足佢大半年，睇準佢同曼聯反面，終於喺轉會窗完結前用 £40m 將心頭好娶返屋企。大團圓結局，出字幕！
當時，我仲寫咗篇《雙向奔赴的愛情故事》，形容呢單轉會唔係普通買賣，而係一個想去倫敦、一個恨咗佢好耐，兩邊一拍即合嘅完美婚姻。
點知蜜月期都未過，今日 Romano 就出嚟爆料：加拿祖願意離開車路士，亦對加盟羅馬持開放態度；車路士同樣無打算死留，只要收到合適嘅永久轉會報價，就可以開門送客。唯一仲未傾得掂嘅，係羅馬只想先借返去「獨家試愛」，車路士就堅持要分手就正式離婚，唔接受冷靜期。
更加神奇嘅係，車路士喺7月9日展開沙比上任後第一課季前操練，球會公開嘅相片同片段入面，偏偏完全見唔到未有任何傷病消息嘅加拿祖。當然，球會無公布原因，暫時亦無證據話佢罷操或者搞事，可能只係獲准遲歸隊，又或者純粹無入鏡；但喺離隊消息滿天飛之際，人又咁啱消失於鏡頭，點都令人覺得有啲可疑……SUS。
一年前仲係非君不嫁，一年後雙方已經準備和平分手。究竟係加拿祖嫌車路士無時間陪佢，定係車路士娶咗返屋企，先發現呢位心頭好根本唔啱用？
你追我返嚟，點解又唔陪我？
首先戴返個頭盔，Romano只係話加拿祖願意離隊，無直接講佢係因為上陣時間不足而扭計。不過睇返佢今季嘅待遇，呢個推論又唔算無中生有。
加拿祖喺曼聯最後一季，英超上陣36場、23次正選，合共踢咗2,199分鐘；轉投車路士之後，就跌到24場、14次正選同1,268分鐘。足足少咗931分鐘，跌幅高達42%。本來以為離開艾摩廉就可以重做男主角，點知嫁到嚟倫敦，戲份仲少過喺舊愛屋企最失意嗰陣。
無錯，佢全季各項賽事上陣43場，睇落絕對唔算被投閒置散，但大部分只係盃賽輪換：8個入球之中，有4球來自僅僅157分鐘嘅聯賽盃。當然，呢個亦唔完全係領隊唔信佢；上季被曼聯掟入炸彈小隊、轉會窗尾先加盟，令佢錯過季前集訓，體能根本追唔上尼圖同二安嗰種滿場飛嘅強度。
偏偏下季車路士連歐洲賽都無，今季9場歐聯同一堆國內盃賽提供嘅「陪伴時間」都會大幅蒸發。如果今季四條戰線都只分到咁多戲份，留低再等一年，分分鐘真係要坐喺後備席睇人曬恩愛。
加拿祖當日同曼聯反面，正正源於佢接受唔到由必然正選變成配角。今次佢無公開發脾氣、無搵傳媒開火，已經算成熟咗；但要佢心甘情願接受一個比曼聯末期更邊緣、下季仲可能繼續縮水嘅角色，似乎又未免太樂觀。
我俾過你機會，你又交咗啲乜？
不過企返喺車路士角度，呢段感情亦唔可以單純歸咎於「追到手就唔珍惜」。球會俾過加拿祖14次英超正選，但最後只換來1個入球，入球效率亦由曼聯最後一季每90分鐘0.25球，急跌至0.07球。
公平啲講，佢唔係完全無貢獻。加拿祖今季有4次英超助攻，G+A/90甚至由曼聯時期嘅0.33微升至0.35。即係佢只係由自己埋門，變成間中肯抬頭交波，未至於踢到人間蒸發。
但4次助攻遮唔住佢嘅老問題：去到Final Third仍然容易短路、面對Low Block無空間就威力大減，個波一失更加隨時防守斷線。經歷馬蛇、羅生同麥法蘭，三任領隊都無辦法令佢坐穩正選，問題似乎唔再只係某一個人唔識用佢。
正如季後點評所講，車迷最初擔心嗰堆更衣室計時炸彈，今季其實無爆。電子煙、IG關公災難、公開頂撞領隊全部無再出現；真正拆唔掂嘅唔係佢嘅性格，而係佢同車路士之間嘅「足球八字不合」。
偏偏新任老公……唔係，新任領隊沙比，又重視窄位配合、無球紀律同防守投入。加拿祖最煞食嗰套推大步波、利用空位爆破，同沙比需要嘅前場球員幾乎反方向發展。連蜜月期都搞唔掂，要球會相信換個領隊之後突然琴瑟和鳴，實在有少少強人所難。
羅馬想獨家試愛，車仔就話要娶即刻娶
羅馬未必單純係無錢，更可能係唔願意即刻承擔全部風險。始終一個一年前價值£40m、英超僅入1球、如今被舊會迅速放上貨架嘅球員，正常買家都會問：你哋追足大半年，娶返屋企一年就想送走，點解我要原價接貨？係咪有咩暗病架？
所以羅馬嘅方案好易理解：先借返去獨家試愛，睇下加拿祖去到空間較多、節奏較慢嘅意甲，能否重新發揮反擊爆破能力；合得嚟先再研究長相廝守。
車路士就有另一套盤算。加拿祖仲得22歲、Homegrown、合約長至2032年，球會自然想趁佢仍然有市場價值時直接套現。借出去踢得好，羅馬未必肯照價買；踢得差，車仔就要收返一件再貶值一年、更加難搵下家嘅貨。
羅馬想先同居，車路士就話唔接受冷靜期：要接手就直接簽紙，唔好諗住試用一年再退貨。至於加拿祖？新歡就搵到喇，但對方肯唔肯正式落聘，就係另一回事。
總結：雙向奔赴一年後，變成雙向放手
其實呢段感情未必有任何奸夫淫婦，甚至無邊個真正辜負邊個。加拿祖想要穩定上陣時間，車路士就需要一個識配合、肯防守、可以融入體系嘅左翼；大家嘅要求都合理，偏偏對方交唔到。
真正值得追究嘅，反而係車路士當日到底愛上佢啲乜。年輕、Homegrown、有英超經驗、推進能力頂級，加上球員非君不嫁，全部都係轉會市場上非常吸引嘅條件；但呢堆條件由頭到尾，都無解答過一個最基本嘅問題：佢嘅踢法到底適唔適合車路士？
一年前，我將呢單轉會形容為「雙向奔赴的愛情故事」。一年後，故事依然係雙向：一個想走，一個願意賣。
可能大家由頭到尾都無變心，純粹係追咗好耐，終於到手一齊生活，先發現彼此愛上嘅，都只係想像中嘅對方。
（我都好佩服自己可以將一單轉會新聞寫成咁。）
當時，我仲寫咗篇《雙向奔赴的愛情故事》，形容呢單轉會唔係普通買賣，而係一個想去倫敦、一個恨咗佢好耐，兩邊一拍即合嘅完美婚姻。
點知蜜月期都未過，今日 Romano 就出嚟爆料：加拿祖願意離開車路士，亦對加盟羅馬持開放態度；車路士同樣無打算死留，只要收到合適嘅永久轉會報價，就可以開門送客。唯一仲未傾得掂嘅，係羅馬只想先借返去「獨家試愛」，車路士就堅持要分手就正式離婚，唔接受冷靜期。
更加神奇嘅係，車路士喺7月9日展開沙比上任後第一課季前操練，球會公開嘅相片同片段入面，偏偏完全見唔到未有任何傷病消息嘅加拿祖。當然，球會無公布原因，暫時亦無證據話佢罷操或者搞事，可能只係獲准遲歸隊，又或者純粹無入鏡；但喺離隊消息滿天飛之際，人又咁啱消失於鏡頭，點都令人覺得有啲可疑……SUS。
一年前仲係非君不嫁，一年後雙方已經準備和平分手。究竟係加拿祖嫌車路士無時間陪佢，定係車路士娶咗返屋企，先發現呢位心頭好根本唔啱用？
你追我返嚟，點解又唔陪我？
首先戴返個頭盔，Romano只係話加拿祖願意離隊，無直接講佢係因為上陣時間不足而扭計。不過睇返佢今季嘅待遇，呢個推論又唔算無中生有。
加拿祖喺曼聯最後一季，英超上陣36場、23次正選，合共踢咗2,199分鐘；轉投車路士之後，就跌到24場、14次正選同1,268分鐘。足足少咗931分鐘，跌幅高達42%。本來以為離開艾摩廉就可以重做男主角，點知嫁到嚟倫敦，戲份仲少過喺舊愛屋企最失意嗰陣。
無錯，佢全季各項賽事上陣43場，睇落絕對唔算被投閒置散，但大部分只係盃賽輪換：8個入球之中，有4球來自僅僅157分鐘嘅聯賽盃。當然，呢個亦唔完全係領隊唔信佢；上季被曼聯掟入炸彈小隊、轉會窗尾先加盟，令佢錯過季前集訓，體能根本追唔上尼圖同二安嗰種滿場飛嘅強度。
偏偏下季車路士連歐洲賽都無，今季9場歐聯同一堆國內盃賽提供嘅「陪伴時間」都會大幅蒸發。如果今季四條戰線都只分到咁多戲份，留低再等一年，分分鐘真係要坐喺後備席睇人曬恩愛。
加拿祖當日同曼聯反面，正正源於佢接受唔到由必然正選變成配角。今次佢無公開發脾氣、無搵傳媒開火，已經算成熟咗；但要佢心甘情願接受一個比曼聯末期更邊緣、下季仲可能繼續縮水嘅角色，似乎又未免太樂觀。
我俾過你機會，你又交咗啲乜？
不過企返喺車路士角度，呢段感情亦唔可以單純歸咎於「追到手就唔珍惜」。球會俾過加拿祖14次英超正選，但最後只換來1個入球，入球效率亦由曼聯最後一季每90分鐘0.25球，急跌至0.07球。
公平啲講，佢唔係完全無貢獻。加拿祖今季有4次英超助攻，G+A/90甚至由曼聯時期嘅0.33微升至0.35。即係佢只係由自己埋門，變成間中肯抬頭交波，未至於踢到人間蒸發。
但4次助攻遮唔住佢嘅老問題：去到Final Third仍然容易短路、面對Low Block無空間就威力大減，個波一失更加隨時防守斷線。經歷馬蛇、羅生同麥法蘭，三任領隊都無辦法令佢坐穩正選，問題似乎唔再只係某一個人唔識用佢。
正如季後點評所講，車迷最初擔心嗰堆更衣室計時炸彈，今季其實無爆。電子煙、IG關公災難、公開頂撞領隊全部無再出現；真正拆唔掂嘅唔係佢嘅性格，而係佢同車路士之間嘅「足球八字不合」。
偏偏新任老公……唔係，新任領隊沙比，又重視窄位配合、無球紀律同防守投入。加拿祖最煞食嗰套推大步波、利用空位爆破，同沙比需要嘅前場球員幾乎反方向發展。連蜜月期都搞唔掂，要球會相信換個領隊之後突然琴瑟和鳴，實在有少少強人所難。
羅馬想獨家試愛，車仔就話要娶即刻娶
羅馬未必單純係無錢，更可能係唔願意即刻承擔全部風險。始終一個一年前價值£40m、英超僅入1球、如今被舊會迅速放上貨架嘅球員，正常買家都會問：你哋追足大半年，娶返屋企一年就想送走，點解我要原價接貨？係咪有咩暗病架？
所以羅馬嘅方案好易理解：先借返去獨家試愛，睇下加拿祖去到空間較多、節奏較慢嘅意甲，能否重新發揮反擊爆破能力；合得嚟先再研究長相廝守。
車路士就有另一套盤算。加拿祖仲得22歲、Homegrown、合約長至2032年，球會自然想趁佢仍然有市場價值時直接套現。借出去踢得好，羅馬未必肯照價買；踢得差，車仔就要收返一件再貶值一年、更加難搵下家嘅貨。
羅馬想先同居，車路士就話唔接受冷靜期：要接手就直接簽紙，唔好諗住試用一年再退貨。至於加拿祖？新歡就搵到喇，但對方肯唔肯正式落聘，就係另一回事。
總結：雙向奔赴一年後，變成雙向放手
其實呢段感情未必有任何奸夫淫婦，甚至無邊個真正辜負邊個。加拿祖想要穩定上陣時間，車路士就需要一個識配合、肯防守、可以融入體系嘅左翼；大家嘅要求都合理，偏偏對方交唔到。
真正值得追究嘅，反而係車路士當日到底愛上佢啲乜。年輕、Homegrown、有英超經驗、推進能力頂級，加上球員非君不嫁，全部都係轉會市場上非常吸引嘅條件；但呢堆條件由頭到尾，都無解答過一個最基本嘅問題：佢嘅踢法到底適唔適合車路士？
一年前，我將呢單轉會形容為「雙向奔赴的愛情故事」。一年後，故事依然係雙向：一個想走，一個願意賣。
可能大家由頭到尾都無變心，純粹係追咗好耐，終於到手一齊生活，先發現彼此愛上嘅，都只係想像中嘅對方。
（我都好佩服自己可以將一單轉會新聞寫成咁。）
請按此登錄後留言。未成為會員? 立即註冊