基頓斯，JBG。5000 萬鎊嘅身價，七年嘅長約。大家睇咗佢一季，你對佢嘅印象係咩？
笑死，咩鬼對佢嘅印象，佢傷出嘅時間比佢上場仲要多。明明世冠盃果時佢已經係球會自己加操準備開季，但最後都係敵唔過傷患，進入文員部報到。
要講佢25/26球季，只可以話佢唔係踢得差，係根本冇機會俾你評。但5000萬係真實嘅數字，唔可以當冇呢回事。
一齊嚟睇下呢位前德甲盤扭之王25/26球季係車仔發生咩事。
回帶：當初我嘅球探報告點睇佢？
基頓斯正式加盟之前，我寫過一篇球探分析。
【球探報告】車仔拜仁阿記齊齊爭 多蒙特基頓斯長文分析
嗰時我得出嘅結論係：天賦係有，但要花大錢買一個仲要「等佢成長」嘅半製成品，我嘅答案係：「多謝，不了。」
嗰陣我最擔心嘅兩件事：
一、佢喺進攻三區決策唔夠好，往往淨係識得 Dup低頭帶波，最後一傳點算？二、由德甲轉戰英超，佢嘅身體對抗同適應期頂唔頂得順？
一季過後，兩個問題都有咗答案。
對住阿積士場歐聯，佢單場創造 5 次絕對機會，打破咗夏薩特喺 2012 年創下「單場歐聯創造 5 次機會最年輕車路士球員」嘅紀錄：佢嘅盤扭同爆發力，真心勁嘅。
但一返到英超，16 場聯賽 0 入球，完全超越咗007嘅稱號，射門命中率得 20%，最後仲要斷埋條Hamstring：英超嘅高壓同防守強度，將佢完全摧毀。
兩樣嘢都預測中咗。只不過我冇諗過，佢喺英超撞板嘅聲都未響得夠大，就已經俾傷患直接強制登出咗。
今季實際交貨：歐聯嘅高光，掩蓋唔到英超嘅災難
一季落嚟，基頓斯各項賽事踢咗 27 場，交出 1 入球 5 助攻。如果淨係計英超，16 場入面得 5 場正選，0 入球 2 助攻。以一個 5000 萬鎊身價嘅進攻核心嚟講，呢張成績表同食蛋完全無分別，直頭可以入選本季英超最差收購。
你話佢完全廢？又唔係。歐聯大炒阿積士嗰場，佢喺左路見人過人，上面都講咗佢創造 5 次機會兼助攻卡些度，攞埋 MOTM。佢證明咗只要對手防線有身後空間俾佢衝，佢依然係嗰部德甲頂級跑車。
但再好J嘅紀錄，都敵唔過英超嘅現實同庸醫嘅摧殘。
一返到英超，面對密集防守同肌肉碰撞，佢完全發揮唔到爆破力。禁區觸球全季得 28 次，焗住喺禁區外浪射，xG 跌到得 0.82。最慘嘅係，佢副偈根本承受唔住英超嘅極限衝刺負荷。1月尾對韋斯咸大腿後肌撕裂，唞咗兩個月；4月原本諗住復出，點知操練嗰陣同一位置再斷過，直接收咧。
傷病缺陣差唔多 100 日，佢交出嚟嘅，唔係對手後衛嘅噩夢，而係自己嘅醫療報告。呢個就係今季最真實、亦最無奈嘅結果。
數據與場上解讀：肯防守嘅乖仔，但患上末期隧道視野
好多人會以為佢身形單薄，由德甲嚟到英超一定係唔回防嘅少爺仔。
但出奇地，數據話俾我哋聽，佢喺無球狀態下其實完全唔錫身 (都唔知笑好定喊好…)。16 場英超，交出 40 次奪回控球權、40 次搶截。最估唔到嘅係，佢地面對抗勝率高達 67.5%，甚至硬淨過同一季加盟嘅加拿祖，完全唔怕同英超後衛埋身肉搏。
但勤力，唔代表踢得聰明。
基頓斯最大嘅死穴，就係球評家成日講嘅「隧道視野」（Tunnel Vision）。佢一攞到波，個頭就 Dup 低，眼入面只有前面個防守球員，完全無視隊友走位同球場大局。
再睇數據，佢英超傳中成功率係災難級嘅 23%。佢喺邊線無壓力傳波仲有接近八成準，但只要一推入中路人多嘅地方，準確率就暴跌去 62.5%。（呢度係傳中同傳球分開計）
用人話講：佢的確可以憑爆發力過到對手，但扭完之後嗰腳，一係傳出界，一係直接交俾對手。佢嘅突破，好多時只係得個樣，轉化唔到做實質威脅，甚至白白浪費咗球權。
問題位：戰術孤立，與及被英超強度摧毀嘅肉體
除咗自己決策盲，車路士今季嘅戰術環境對佢嚟講同樣係一場災難。
上半季馬蛇主打位置體系，基頓斯被安排做左路嘅邊線孤立點。但成套戰術，根本極少安排左閘做 Overlapping 後上幫佢扯開防守。
結果呢？基頓斯一接波，永遠都係自己一個喺死胡俾面對兩三個大漢夾擊。冇隊友幫手，冇反擊空間，佢引以為傲嘅衝擊力被大巴陣徹底廢晒武功。
到一月羅生接手，改打高壓同快速轉換，原本呢套鬥跑嘅踢法最啱佢發揮。
但最諷刺嘅事發生咗。戰術空間出咗嚟，但佢副偈頂唔順。英超嗰種無休止、無冬歇嘅極限衝刺負荷，直接將佢摧毀。由以前多蒙特時期嘅硬傷，變成無間斷嘅疲勞傷。大腿後肌撕裂完，抖足兩個月，操練嗰陣同一位置再斷過。
天賦破唔到密集，肌肉又頂唔順衝刺。呢個生存難題，搞到佢連證明自己嘅機會都冇埋。
下季定位：放棄即食幻想，做住超級後備先
跌咗 5000 萬鎊落海，基頓斯現階段，絕對承擔唔起車路士正選左翼嘅重任。
左路嘅首選，毫無懸念係尼圖 (居然連加拿祖都唔係，笑死)。就算尼圖本身唔係左翼，但踢左邊一樣有防守紀律，有戰術執行力。喺尼圖面前，基頓斯只係一個仲未學識點樣同隊友配合嘅BB仔。如果下季夾硬要佢踢正選，唔單止會放大佢決策上嘅弱點，更會令佢條大腿後肌隨時再收皮。
咁下季佢點算？答案係：褪落後備席，重新出發。
同二安一樣，將佢放喺最後 30 分鐘落場，對住對手跑到無晒氣嘅防線，佢嘅絕對爆發力先可以發揮最大作用。做一個純粹嘅「破局者」，壓力細啲，受傷風險亦都低啲。
但長遠嚟講，要拯救呢筆投資，教練同醫療團隊有兩大死任務。硬件上，班黃綠醫生唔該搞掂個負荷管理，查清楚點解佢啲肌肉會一衝就斷；軟件上，教練團要逼佢睇片又好，戴VR裝置又好，醫好佢個隧道視野，教識佢扭完之後幾時應該交波。
醫唔好呢兩樣嘢，佢下季依然只會係水貨之王。
總結評級：天賦未兌現，肉體先打柴
今季表現：E
5000 萬鎊身價，英超 0 入球，射門命中率得兩成，加上缺陣接近 100 日。就算歐聯有一場破紀錄嘅高光時刻，都補唔番聯賽災難級嘅表現。作為一個被寄予厚望嘅進攻核心，呢張成績表無任何藉口，絕對係嚴重唔合格。
期待達成度：D （但係我嘅預測達成度係 A）
如果你睇過我嗰篇球探報告，我當時嘅結論係「多謝，不了」。最後佢嚟到英超，完美印證咗我當時嘅判斷。由呢個角度嚟睇，我嘅期望係100%達成：只係痛苦嘅係，車仔無、亦唔會聽我講。
如果以球會同球迷嘅期望嚟評，加盟前吹到天花龍鳳嘅盤扭之王，嚟到英超變成一撞就跌、一帶就甩嘅無頭蒼蠅。唯一慶幸嘅係，佢地面對抗同防守積極性比預期中好，同埋阿積士嗰場證明咗佢嘅上限依然喺度，未至於係完全呃飯食嘅水貨。
我俾個 D 佢，算宅心仁厚啦。
下季信任度：D+
我唔知要點樣去信任一個跑兩步就斷筋、推入中路就唔識傳波嘅球員……堅唔知。下季無論邊個做領隊，對佢嘅態度只可以係當課金抽卡。一日佢未證明自己可以健健康康踢足三個月，一日未學識抬起個頭踢波，佢喺車路士嘅前途，依然係一片灰暗。
基頓斯嘅第一季，就係一個血淋淋嘅教訓：德甲嘅超新星，撞埋英超嘅高壓壁壘，原來可以碎得咁徹底。希望呢 5000 萬鎊嘅學費，最後唔會真係倒咗落海。
========================================
Facebook 同 主頁 已經開咗啦！如果鍾意我的文章可以入嚟按個讚！⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
笑死，咩鬼對佢嘅印象，佢傷出嘅時間比佢上場仲要多。明明世冠盃果時佢已經係球會自己加操準備開季，但最後都係敵唔過傷患，進入文員部報到。
要講佢25/26球季，只可以話佢唔係踢得差，係根本冇機會俾你評。但5000萬係真實嘅數字，唔可以當冇呢回事。
一齊嚟睇下呢位前德甲盤扭之王25/26球季係車仔發生咩事。
回帶：當初我嘅球探報告點睇佢？
基頓斯正式加盟之前，我寫過一篇球探分析。
【球探報告】車仔拜仁阿記齊齊爭 多蒙特基頓斯長文分析
嗰時我得出嘅結論係：天賦係有，但要花大錢買一個仲要「等佢成長」嘅半製成品，我嘅答案係：「多謝，不了。」
嗰陣我最擔心嘅兩件事：
一、佢喺進攻三區決策唔夠好，往往淨係識得 Dup低頭帶波，最後一傳點算？二、由德甲轉戰英超，佢嘅身體對抗同適應期頂唔頂得順？
一季過後，兩個問題都有咗答案。
對住阿積士場歐聯，佢單場創造 5 次絕對機會，打破咗夏薩特喺 2012 年創下「單場歐聯創造 5 次機會最年輕車路士球員」嘅紀錄：佢嘅盤扭同爆發力，真心勁嘅。
但一返到英超，16 場聯賽 0 入球，完全超越咗007嘅稱號，射門命中率得 20%，最後仲要斷埋條Hamstring：英超嘅高壓同防守強度，將佢完全摧毀。
兩樣嘢都預測中咗。只不過我冇諗過，佢喺英超撞板嘅聲都未響得夠大，就已經俾傷患直接強制登出咗。
今季實際交貨：歐聯嘅高光，掩蓋唔到英超嘅災難
一季落嚟，基頓斯各項賽事踢咗 27 場，交出 1 入球 5 助攻。如果淨係計英超，16 場入面得 5 場正選，0 入球 2 助攻。以一個 5000 萬鎊身價嘅進攻核心嚟講，呢張成績表同食蛋完全無分別，直頭可以入選本季英超最差收購。
你話佢完全廢？又唔係。歐聯大炒阿積士嗰場，佢喺左路見人過人，上面都講咗佢創造 5 次機會兼助攻卡些度，攞埋 MOTM。佢證明咗只要對手防線有身後空間俾佢衝，佢依然係嗰部德甲頂級跑車。
但再好J嘅紀錄，都敵唔過英超嘅現實同庸醫嘅摧殘。
一返到英超，面對密集防守同肌肉碰撞，佢完全發揮唔到爆破力。禁區觸球全季得 28 次，焗住喺禁區外浪射，xG 跌到得 0.82。最慘嘅係，佢副偈根本承受唔住英超嘅極限衝刺負荷。1月尾對韋斯咸大腿後肌撕裂，唞咗兩個月；4月原本諗住復出，點知操練嗰陣同一位置再斷過，直接收咧。
傷病缺陣差唔多 100 日，佢交出嚟嘅，唔係對手後衛嘅噩夢，而係自己嘅醫療報告。呢個就係今季最真實、亦最無奈嘅結果。
數據與場上解讀：肯防守嘅乖仔，但患上末期隧道視野
好多人會以為佢身形單薄，由德甲嚟到英超一定係唔回防嘅少爺仔。
但出奇地，數據話俾我哋聽，佢喺無球狀態下其實完全唔錫身 (都唔知笑好定喊好…)。16 場英超，交出 40 次奪回控球權、40 次搶截。最估唔到嘅係，佢地面對抗勝率高達 67.5%，甚至硬淨過同一季加盟嘅加拿祖，完全唔怕同英超後衛埋身肉搏。
但勤力，唔代表踢得聰明。
基頓斯最大嘅死穴，就係球評家成日講嘅「隧道視野」（Tunnel Vision）。佢一攞到波，個頭就 Dup 低，眼入面只有前面個防守球員，完全無視隊友走位同球場大局。
再睇數據，佢英超傳中成功率係災難級嘅 23%。佢喺邊線無壓力傳波仲有接近八成準，但只要一推入中路人多嘅地方，準確率就暴跌去 62.5%。（呢度係傳中同傳球分開計）
用人話講：佢的確可以憑爆發力過到對手，但扭完之後嗰腳，一係傳出界，一係直接交俾對手。佢嘅突破，好多時只係得個樣，轉化唔到做實質威脅，甚至白白浪費咗球權。
問題位：戰術孤立，與及被英超強度摧毀嘅肉體
除咗自己決策盲，車路士今季嘅戰術環境對佢嚟講同樣係一場災難。
上半季馬蛇主打位置體系，基頓斯被安排做左路嘅邊線孤立點。但成套戰術，根本極少安排左閘做 Overlapping 後上幫佢扯開防守。
結果呢？基頓斯一接波，永遠都係自己一個喺死胡俾面對兩三個大漢夾擊。冇隊友幫手，冇反擊空間，佢引以為傲嘅衝擊力被大巴陣徹底廢晒武功。
到一月羅生接手，改打高壓同快速轉換，原本呢套鬥跑嘅踢法最啱佢發揮。
但最諷刺嘅事發生咗。戰術空間出咗嚟，但佢副偈頂唔順。英超嗰種無休止、無冬歇嘅極限衝刺負荷，直接將佢摧毀。由以前多蒙特時期嘅硬傷，變成無間斷嘅疲勞傷。大腿後肌撕裂完，抖足兩個月，操練嗰陣同一位置再斷過。
天賦破唔到密集，肌肉又頂唔順衝刺。呢個生存難題，搞到佢連證明自己嘅機會都冇埋。
下季定位：放棄即食幻想，做住超級後備先
跌咗 5000 萬鎊落海，基頓斯現階段，絕對承擔唔起車路士正選左翼嘅重任。
左路嘅首選，毫無懸念係尼圖 (居然連加拿祖都唔係，笑死)。就算尼圖本身唔係左翼，但踢左邊一樣有防守紀律，有戰術執行力。喺尼圖面前，基頓斯只係一個仲未學識點樣同隊友配合嘅BB仔。如果下季夾硬要佢踢正選，唔單止會放大佢決策上嘅弱點，更會令佢條大腿後肌隨時再收皮。
咁下季佢點算？答案係：褪落後備席，重新出發。
同二安一樣，將佢放喺最後 30 分鐘落場，對住對手跑到無晒氣嘅防線，佢嘅絕對爆發力先可以發揮最大作用。做一個純粹嘅「破局者」，壓力細啲，受傷風險亦都低啲。
但長遠嚟講，要拯救呢筆投資，教練同醫療團隊有兩大死任務。硬件上，班黃綠醫生唔該搞掂個負荷管理，查清楚點解佢啲肌肉會一衝就斷；軟件上，教練團要逼佢睇片又好，戴VR裝置又好，醫好佢個隧道視野，教識佢扭完之後幾時應該交波。
醫唔好呢兩樣嘢，佢下季依然只會係水貨之王。
總結評級：天賦未兌現，肉體先打柴
今季表現：E
5000 萬鎊身價，英超 0 入球，射門命中率得兩成，加上缺陣接近 100 日。就算歐聯有一場破紀錄嘅高光時刻，都補唔番聯賽災難級嘅表現。作為一個被寄予厚望嘅進攻核心，呢張成績表無任何藉口，絕對係嚴重唔合格。
期待達成度：D （但係我嘅預測達成度係 A）
如果你睇過我嗰篇球探報告，我當時嘅結論係「多謝，不了」。最後佢嚟到英超，完美印證咗我當時嘅判斷。由呢個角度嚟睇，我嘅期望係100%達成：只係痛苦嘅係，車仔無、亦唔會聽我講。
如果以球會同球迷嘅期望嚟評，加盟前吹到天花龍鳳嘅盤扭之王，嚟到英超變成一撞就跌、一帶就甩嘅無頭蒼蠅。唯一慶幸嘅係，佢地面對抗同防守積極性比預期中好，同埋阿積士嗰場證明咗佢嘅上限依然喺度，未至於係完全呃飯食嘅水貨。
我俾個 D 佢，算宅心仁厚啦。
下季信任度：D+
我唔知要點樣去信任一個跑兩步就斷筋、推入中路就唔識傳波嘅球員……堅唔知。下季無論邊個做領隊，對佢嘅態度只可以係當課金抽卡。一日佢未證明自己可以健健康康踢足三個月，一日未學識抬起個頭踢波，佢喺車路士嘅前途，依然係一片灰暗。
基頓斯嘅第一季，就係一個血淋淋嘅教訓：德甲嘅超新星，撞埋英超嘅高壓壁壘，原來可以碎得咁徹底。希望呢 5000 萬鎊嘅學費，最後唔會真係倒咗落海。
========================================
Facebook 同 主頁 已經開咗啦！如果鍾意我的文章可以入嚟按個讚！⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊