個故事係咁嘅：新特蘭上年用咗15m買入沙卡，簽3年約，用咗一年，帳面值仲有 10m。車仔高層聽到沙比阿朗素講，話想要沙卡，於是諗都唔諗，就上《Transfermarkt》望下沙卡而家身價：8m。
於是我哋嘅SD就走去問黑貓：「喂~蘭哥，一口價8m買你沙卡，我肯買你偷笑啦。」結果對面唔止Cup線仲要wtsapp都Block埋我哋。無錯，現實就係類似咁荒謬，車仔無諗過人哋用幾錢買，而家8m賣會唔會蝕錢，真係開口問人…
當然，買嘢講價由低叫起其實無錯……但點解車仔要苦苦追求呢位中場？唔通真係為咗賣安素而鋪路？我估唔少讀者巴打，特別係阿迷巴打，比起我更加清楚沙卡嘅背景，所以今份球探報告就唔多花口水講果d嘢。
集中講下沙比x沙卡，同沙卡上年其實踢成點。
點解要買佢？沙比阿朗素嘅「中場戰術翻譯官」
如果你記得馬蛇上上季專登帶舊部 KDH（Dewsbury-Hall）過嚟做戰術翻譯官，咁沙比阿朗素一上車就點名要買格列沙卡，背後邏輯其實唔難理解，畢竟沙卡係最熟悉阿朗素 3-2-5 體系嘅人。
但轉個手變現金卷嘅 KDH 唔同，33 歲嘅沙卡如果上車，戲份大概會比KDH來得更多。阿朗素之所以咁執著要沙卡，主要有三大戰術考量：
首先，佢係整治青年軍情緒失控嘅鐵血領袖。眾所鳩知，車仔平均年齡得 23.8 歲，個個毛都未出齊，上季狂攞 7 張紅牌。而沙卡，薑越老越辣，上季喺新特蘭正選 32 場（上陣 2,901 分鐘）交出 8 黃 0 紅，正正可以幫車仔呢支「青年軍」注入急需嘅大賽經驗與紀律，順便安撫一下日日叫Blue Co out想要老將嘅車迷。(唔啱可以買埋三浦知良。)
其次，佢係卡些度嘅解放制。卡些度防守強，但被迫喺深位轉身出球時顯得吃力。沙卡加盟後能落位深撤發牌，有咗佢做發牌 CPU，卡些度就可以被推前，好似利華古遜時期嘅柏拉斯奧斯咁專職做第一線高位搶斷，唔使再喺後場做粗重功夫，釋放佢嘅防守天賦，順便俾機會佢後上射門。
最後，算係防安素離隊嘅保險。安素走唔走人仲未有定案，但沙卡如果真係唔貴就買到，多個人唔係壞事。
佢上季喺新特蘭其實踢成點？
但，33歲喎，會唔會跑唔郁架？所以，拎返佢上季嘅數據出嚟做參考就最好不過。沙卡上季喺新特蘭嘅出勤數拍得印尼工人姐姐，全季上陣 34 場（累積 3,254 分鐘），帶領黑貓衝上英超第 7，表現亦唔多似一個30+嘅球員。(數據來自Wyscout，大家可以去FC一下)
有波在腳，沙卡就係場上就是新特蘭嘅中場處理器。全季佢送出 1,637 次傳球（場均 45.28 次），喺大量直線傳送嘅情況下，依然維持住 85.46% 嘅傳球成功率，控球極穩。
其次係傳球推進力，佢場均送出 8.38 次 Final 3rd 傳球（整季達 303 次，排英超最前），以及場均 7.3 次推進傳球，兩項數據甚至比安素更高 (前者7.68，後者7.17)。
仲有就當然係佢精準嘅左腳，可以踢出平直而且球速快嘅 60 碼大範圍對角斜傳，直接打穿對手嘅Low Block同拉扯對方防線，為兩翼創造 1v1 爆破機會。上季佢亦憑咁樣交出 6 次助攻。
「有波在腳大晒？無嘅時候佢跑唔跑得郁做協防呀？」問得好。
無波在腳時沙卡同樣唔錯，因為沙卡並非盲目出腳嘅破壞型工兵，佢靠嘅係遮線。出色嘅大局觀，令佢可以守住中圈核心區域，場均交出 9.46 次奪回球權（整季 342 次）同 4.73 次攔截（整季 171 次，聯賽頂級），同安素比都一樣係更勝一籌。
「你老味，讚到天上有地下無，佢無弱點架？」
有，同安素比，進攻力係最大弱點。佢全季僅有 1 個入球，場均射門只有 0.53 次，我樓下隻芝娃娃嘅威脅都大過佢。而且佢唔擅長盤帶，場均盤扭嘗試僅 0.28 次，放個雪糕筒喺中場佢都扭唔過。佢係純粹嘅傳球體系大師，唔好指望佢會過人或者前插破門。
總結：17億散沙嘅速效止咳藥
引進33碎嘅沙卡，你同我仲有單眼佬都知唔係一筆面向未來嘅長遠投資，而係沙比阿朗素自用嘅速效止咳藥。
開心嘅一面，自然係因為樂意見到車仔唔再固執只買25歲以下球員，唯才是用先係大球會本色。
買沙卡，正正係要打破過去幾年嘅困境。喺一堆 20 歲出頭嘅新星入面，你塞入一舊成熟、硬淨嘅老骨頭，先可以將呢堆身價高達 17 億英鎊嘅散沙，痴返埋做一支真正識得贏波嘅團隊。
當然，大前提係我哋嘅體育總監要醒醒定定，唔好再拎住部手機睇《Transfermarkt》開 8m 問人。人哋黑貓同你車路十唔同，下季要踢歐霸，唔開夠 2,500 萬鎊以上，人哋真係 WhatsApp 都費事覆你。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
於是我哋嘅SD就走去問黑貓：「喂~蘭哥，一口價8m買你沙卡，我肯買你偷笑啦。」結果對面唔止Cup線仲要wtsapp都Block埋我哋。無錯，現實就係類似咁荒謬，車仔無諗過人哋用幾錢買，而家8m賣會唔會蝕錢，真係開口問人…
當然，買嘢講價由低叫起其實無錯……但點解車仔要苦苦追求呢位中場？唔通真係為咗賣安素而鋪路？我估唔少讀者巴打，特別係阿迷巴打，比起我更加清楚沙卡嘅背景，所以今份球探報告就唔多花口水講果d嘢。
集中講下沙比x沙卡，同沙卡上年其實踢成點。
點解要買佢？沙比阿朗素嘅「中場戰術翻譯官」
如果你記得馬蛇上上季專登帶舊部 KDH（Dewsbury-Hall）過嚟做戰術翻譯官，咁沙比阿朗素一上車就點名要買格列沙卡，背後邏輯其實唔難理解，畢竟沙卡係最熟悉阿朗素 3-2-5 體系嘅人。
但轉個手變現金卷嘅 KDH 唔同，33 歲嘅沙卡如果上車，戲份大概會比KDH來得更多。阿朗素之所以咁執著要沙卡，主要有三大戰術考量：
首先，佢係整治青年軍情緒失控嘅鐵血領袖。眾所鳩知，車仔平均年齡得 23.8 歲，個個毛都未出齊，上季狂攞 7 張紅牌。而沙卡，薑越老越辣，上季喺新特蘭正選 32 場（上陣 2,901 分鐘）交出 8 黃 0 紅，正正可以幫車仔呢支「青年軍」注入急需嘅大賽經驗與紀律，順便安撫一下日日叫Blue Co out想要老將嘅車迷。(唔啱可以買埋三浦知良。)
其次，佢係卡些度嘅解放制。卡些度防守強，但被迫喺深位轉身出球時顯得吃力。沙卡加盟後能落位深撤發牌，有咗佢做發牌 CPU，卡些度就可以被推前，好似利華古遜時期嘅柏拉斯奧斯咁專職做第一線高位搶斷，唔使再喺後場做粗重功夫，釋放佢嘅防守天賦，順便俾機會佢後上射門。
最後，算係防安素離隊嘅保險。安素走唔走人仲未有定案，但沙卡如果真係唔貴就買到，多個人唔係壞事。
佢上季喺新特蘭其實踢成點？
但，33歲喎，會唔會跑唔郁架？所以，拎返佢上季嘅數據出嚟做參考就最好不過。沙卡上季喺新特蘭嘅出勤數拍得印尼工人姐姐，全季上陣 34 場（累積 3,254 分鐘），帶領黑貓衝上英超第 7，表現亦唔多似一個30+嘅球員。(數據來自Wyscout，大家可以去FC一下)
有波在腳，沙卡就係場上就是新特蘭嘅中場處理器。全季佢送出 1,637 次傳球（場均 45.28 次），喺大量直線傳送嘅情況下，依然維持住 85.46% 嘅傳球成功率，控球極穩。
其次係傳球推進力，佢場均送出 8.38 次 Final 3rd 傳球（整季達 303 次，排英超最前），以及場均 7.3 次推進傳球，兩項數據甚至比安素更高 (前者7.68，後者7.17)。
仲有就當然係佢精準嘅左腳，可以踢出平直而且球速快嘅 60 碼大範圍對角斜傳，直接打穿對手嘅Low Block同拉扯對方防線，為兩翼創造 1v1 爆破機會。上季佢亦憑咁樣交出 6 次助攻。
「有波在腳大晒？無嘅時候佢跑唔跑得郁做協防呀？」問得好。
無波在腳時沙卡同樣唔錯，因為沙卡並非盲目出腳嘅破壞型工兵，佢靠嘅係遮線。出色嘅大局觀，令佢可以守住中圈核心區域，場均交出 9.46 次奪回球權（整季 342 次）同 4.73 次攔截（整季 171 次，聯賽頂級），同安素比都一樣係更勝一籌。
「你老味，讚到天上有地下無，佢無弱點架？」
有，同安素比，進攻力係最大弱點。佢全季僅有 1 個入球，場均射門只有 0.53 次，我樓下隻芝娃娃嘅威脅都大過佢。而且佢唔擅長盤帶，場均盤扭嘗試僅 0.28 次，放個雪糕筒喺中場佢都扭唔過。佢係純粹嘅傳球體系大師，唔好指望佢會過人或者前插破門。
總結：17億散沙嘅速效止咳藥
引進33碎嘅沙卡，你同我仲有單眼佬都知唔係一筆面向未來嘅長遠投資，而係沙比阿朗素自用嘅速效止咳藥。
開心嘅一面，自然係因為樂意見到車仔唔再固執只買25歲以下球員，唯才是用先係大球會本色。
買沙卡，正正係要打破過去幾年嘅困境。喺一堆 20 歲出頭嘅新星入面，你塞入一舊成熟、硬淨嘅老骨頭，先可以將呢堆身價高達 17 億英鎊嘅散沙，痴返埋做一支真正識得贏波嘅團隊。
當然，大前提係我哋嘅體育總監要醒醒定定，唔好再拎住部手機睇《Transfermarkt》開 8m 問人。人哋黑貓同你車路十唔同，下季要踢歐霸，唔開夠 2,500 萬鎊以上，人哋真係 WhatsApp 都費事覆你。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊