「曾經有一段真摯嘅……」西遊記對白之前用過，再寫又會俾人話我呃稿費。事緣安素離開車仔嘅傳聞每日都會有，仲密過大公報寫移英壞處嘅每日一篇。作為車迷，自然會有興趣想知一個問題：
「仆街啦，安素真係走咗嘅話，到時邊個頂佢個位？」話就話一個問題，實際上係兩個。因為牽涉到：
一、其實安素喺車路士做緊咩角色？
二、市面上有無人可以代替佢？
不過講明，呢篇文其實有兩個主觀問題，如果你唔同意，就唔使睇落去，因為安素係咩類型嘅球員，好主觀，就算用數字去解釋都一樣有多種解法；另一樣係，安素離隊，要唔要搵一個同佢差唔多嘅人上車都係另一個疑點，古有雙防中、現有4-2-2-2，唔用中場唔係唔可能，所以，呢篇文算係建立於要搵邊個頂安素嘅前題去寫。
前言講完，去馬。
橫跨三季嘅角色進化史：從節奏大師到前插得分手
我諗，安素嘈得最多，一定係佢嘅角色問題。喺你眼中，安素到底係一個咩球員？節拍機？前插中場？萬能插？屎忽鬼？
要答呢個問題，唔可以用單一球季去講，所以更應該問，安素其實可以做到D咩，橫跨三季，我哋可以得到少少答案。
橫跨過去三季，當安素喺合適嘅戰術定位下，佢喺有波在腳時絕對係全歐洲數一數二嘅頂級球員。佢能夠做到嘅嘢，主要有以下三樣：
一、世界級嘅解搶迫同 60 碼長傳轉邊
應該無人會否認安素係一個後場組織軸心。當隊友面對高壓迫、轉身有困難嘅時候，安素退到三中堅甚至龍門身嘅抗壓能力極強。佢最拿手嘅，係利用視野送出大範圍嘅 60 碼斜傳直接拉扯防線。喺最傳統嘅深位中場時期，佢每 90 分鐘可以送出超過 5.0 次精確長傳，係全隊唯一一個可以「一腳轉移、撕裂防線」嘅中場大師。
二、世界級嘅Half Space創造力
當被推前去到進攻三區，佢穿透力高嘅傳球，質量之高應該同樣無人反對。喺馬蛇執教初期，佢場均創造達到 0.4 次、關鍵傳球達 2.4 次以上，呢個創造力產出基本上係英超最頂尖，可以為前鋒提供源源不絕嘅炮彈。(當然，前鋒射唔射得入又係另一件事)
三、頂尖嘅無球跑動與 Finishing
當彭馬受傷、前場無人入波時，安素被推前去到十號位甚至左翼，展現出極強嘅得分直覺。佢場均射門超過 2.0 次，而且射門質量極高，上季各項賽事累積攻入 15 球，甚至開發出後插上頭槌轟炸（場均 0.26 次頭槌射門）。唔少車迷甚至話喺佢身上見到當年林伯嘅影子。
但世上無完美嘅球員，安素亦唔例外。佢嘅弱點同限制同樣明顯，一旦做錯安裝，就會暴露出勁大嘅嘅硬傷：
一、防守橫移不足，無法單兵掃蕩
安素從來都唔係一個稱職嘅防守中場。佢防守橫移速度偏慢，面對速度快、靈活度高嘅翼鋒時，出腳同纏鬥都會顯得吃力。你唔可以指望佢好似卡些度咁做清道夫，佢嘅防守更多係靠預判同落腳反搶。
從不喜歡孤單一個，可惜偏偏孤獨一個
「我不懂得跟我，獨自對坐…原來沒有你做人相當痛楚」
安素最怕嘅，係隊友組織抗壓不足，逼到佢要「既要退後現身，又要前插射門」。呢種要求大範圍覆蓋會令佢體能提早透支。當佢體能耗盡，佢嘅持球安全度就會大跌，上季場均被奪球權次數升到 1.18 次，而且因為疲於折返跑，防守戰術犯規增多，食牌率亦隨之飆升。佢需要有個有強而有力臂彎嘅隊友幫佢分擔，先可以發揮最大威力。
內部調配：更衣室現有人腳，邊個頂到啲咩？
如果安素真係以天價轉投皇馬，高層數緊銀紙嘅同時，班教練團第一個任務，肯定係望向自家更衣室：到底現有嘅人腳入面，邊個可以繼承到安素留低空缺？
卡些度
卡些度：「屌，乜都係我？」
卡些度上季交出咗鐵人般嘅數據（正選上陣 33 場，累積超過 4,100 分鐘），佢可以完美承接、甚至超越安素做唔到嘅嘢，中路嘅防守掃蕩、肉搏攔截，以及攻守轉換時嘅就地反搶。
但問題係，佢無法提供安素嗰種大局觀、長傳轉邊以及前插射門。卡些度嘅戰術定位係一個防守中場，佢喺面對壓迫時嘅抗壓轉身唔夠細膩，一旦無咗安素幫手，要佢一個人做中場出球軸心，車仔後場好容易會被逼搶到原地爆炸。
山度士
外借回歸嘅山度士上季表現非常穩健（上陣 27 場），佢嘅優勢在於唔錯嘅身體對抗、高空波防守，以及極具侵略性嘅無球前插。佢擁有一種「影子前鋒」嘅直覺，經常能後上衝擊禁區得分。(雖然上季入波偏少)
然而，安素喺狹窄空間入面一腳出球嘅細緻度，以及大範圍長傳嘅功力，山度士完全複製唔到。佢踢法相對大開大合，喺中場做細膩嘅控節奏同洗球時，技術細節依然顯得有少少粗糙。
拉維亞
單論技術規格，拉維亞係最好果個。佢擁有一流嘅中路抗壓能力、又可以做到窄位 180 度轉身，短傳過渡又快又準，解搶迫壓力、長傳、轉守為攻，有佢喺度，車仔後場 build-up 嘅流暢度完全唔成問題，入波？交俾前場做飽佢就搞掂。
但前提係，「有佢喺度。」
大家都知佢係玻璃工藝品，可遠觀而不可褻玩焉，上季佢斷斷續續只踢咗 12 場波（累積 700 多分鐘），放佢落場，就要擔心佢會唔會打直入去打橫返出嚟，你根本無法將整季交託喺一個出勤率極低嘅球員身上。
外部補完：1.2億在手，阿朗素戰術板上嘅 3 個黃金候選人
內部三件睇落都唔Work，唔怕！賣得安素代表有錢落袋，有 120m 你怕買唔到好嘢？
沙比阿朗素上車之後點踢未知，但以代替安素嚟講，以下 3 位係我自己覺得唔錯嘅：
阿當·禾頓
本身係有曼迷朋友問開先有留意佢，禾頓係目前英超罕見嘅控制型中場。佢視覺掃描頻率又高、空間感知能力又強，即使喺對手逼搶嘅狹窄空間入面，佢依然可以好冷靜咁送出穿透對方防線嘅直線直傳。喺水晶宮嘅 3-4-2-1 體系下，佢展現出法比加斯咁款嘅控節奏能力，上季更以絕對主力身份踢足歐協聯決賽 90 分鐘並奪得 MVP。
至於唔似嘅地方，係進攻能力，禾頓完全無後上能力，入波能力同安素差天共地，買佢，姐係要前場自己諗掂點入波。
不過，你要買水晶宮嘅當紅炸子雞？禾頓身價高達 8,000 萬至 1 億鎊。水晶宮態度強硬，但車仔一直對佢口水流，安素走後留低嘅巨款，可以直接用嚟買斷呢位英格蘭未來嘅中場基石。
艾達古拿 (Arda Güler)
21 歲，皇馬進攻中場。
應該大家都識佢呱？古拿係內切 8/10 號位，具備極強嘅輸送能力、小範圍一對一盤帶又勁。沙比阿朗素喺皇馬時期就對古拿讚賞有加，非常清楚點樣發揮佢嘅無球跑動同埋門一腳。
皇馬為咗籌措安素 1.2 億鎊嘅高昂轉會費，必然要清洗隊內高身價邊緣球員。車仔已經將古拿列為引援目標之一，將古拿直接納入安素嘅交易之中進行「對位交換」，對兩會同球員嚟講都係皆大歡喜嘅三贏方案。
(亦因為佢同安素幾似……我自己就睇唔到皇馬會棄古拿……)
巴高 (Valentín Barco)
由白禮頓外借至史特拉斯堡後被買斷，現時幾乎篤定今夏正式過檔車仔。
之前我寫球探報告都分析過，巴高喺史堡被四眼徹底改造，由左閘轉型做「外撤閘 / 防守中場」 (就古古嘅相反)。佢喺法甲交出嘅數據就無得彈架啦：
一對一攔截成功率高達 85%（全法甲第 3）
場均送出 7.7 次向前傳球，預期助攻（0.34 xAG）[古古嘅兩倍]。
要有防守有防守，要推進有推進，佢可以話係個完美嘅戰術適配者。除咗前插弱少少同唔太多入波之外，巴高幾乎完美代替到安素。
至於轉會費？史堡喎……
(出稿之前有傳車仔想買沙卡，之後會再另外寫一篇球探報告講)
總結：拆散 1.2 億嘅中場重構方程式
又咁講，皇馬真係肯開出一億二千萬鎊嘅癲價，而安素又真係心向西甲，好鍾意馬德里嘅天氣，車路士最聰明嘅做法，絕對唔係好似以前咁水魚上身，盲目花一億去搵安素嘅複製品。喺現代足球世界，要搵一個同安素完全一樣「能傳、能射、能解壓」嘅全能核心，基本上係無可能；而且如果下季彭馬歸位、重新接管進攻三區，我哋可能無需要重疊多一個高得分產出嘅中場 8 號。安素都唔係無缺點，所以要搵嘅，或者唔係安素嘅代替品，而係一個適合沙比阿朗素嘅中場。
如果摩佬同皇馬真係咁有品味，願意做呢個「一億二千萬」嘅白手套，咁車仔高層都唔好諗咁多，拿臨幫皇馬做埋包郵，買張單程機票，順便送多個保利親自簽名，親自車埋佢去希斯路機場都仲得。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
「仆街啦，安素真係走咗嘅話，到時邊個頂佢個位？」話就話一個問題，實際上係兩個。因為牽涉到：
一、其實安素喺車路士做緊咩角色？
二、市面上有無人可以代替佢？
不過講明，呢篇文其實有兩個主觀問題，如果你唔同意，就唔使睇落去，因為安素係咩類型嘅球員，好主觀，就算用數字去解釋都一樣有多種解法；另一樣係，安素離隊，要唔要搵一個同佢差唔多嘅人上車都係另一個疑點，古有雙防中、現有4-2-2-2，唔用中場唔係唔可能，所以，呢篇文算係建立於要搵邊個頂安素嘅前題去寫。
前言講完，去馬。
橫跨三季嘅角色進化史：從節奏大師到前插得分手
我諗，安素嘈得最多，一定係佢嘅角色問題。喺你眼中，安素到底係一個咩球員？節拍機？前插中場？萬能插？屎忽鬼？
要答呢個問題，唔可以用單一球季去講，所以更應該問，安素其實可以做到D咩，橫跨三季，我哋可以得到少少答案。
橫跨過去三季，當安素喺合適嘅戰術定位下，佢喺有波在腳時絕對係全歐洲數一數二嘅頂級球員。佢能夠做到嘅嘢，主要有以下三樣：
一、世界級嘅解搶迫同 60 碼長傳轉邊
應該無人會否認安素係一個後場組織軸心。當隊友面對高壓迫、轉身有困難嘅時候，安素退到三中堅甚至龍門身嘅抗壓能力極強。佢最拿手嘅，係利用視野送出大範圍嘅 60 碼斜傳直接拉扯防線。喺最傳統嘅深位中場時期，佢每 90 分鐘可以送出超過 5.0 次精確長傳，係全隊唯一一個可以「一腳轉移、撕裂防線」嘅中場大師。
二、世界級嘅Half Space創造力
當被推前去到進攻三區，佢穿透力高嘅傳球，質量之高應該同樣無人反對。喺馬蛇執教初期，佢場均創造達到 0.4 次、關鍵傳球達 2.4 次以上，呢個創造力產出基本上係英超最頂尖，可以為前鋒提供源源不絕嘅炮彈。(當然，前鋒射唔射得入又係另一件事)
三、頂尖嘅無球跑動與 Finishing
當彭馬受傷、前場無人入波時，安素被推前去到十號位甚至左翼，展現出極強嘅得分直覺。佢場均射門超過 2.0 次，而且射門質量極高，上季各項賽事累積攻入 15 球，甚至開發出後插上頭槌轟炸（場均 0.26 次頭槌射門）。唔少車迷甚至話喺佢身上見到當年林伯嘅影子。
但世上無完美嘅球員，安素亦唔例外。佢嘅弱點同限制同樣明顯，一旦做錯安裝，就會暴露出勁大嘅嘅硬傷：
一、防守橫移不足，無法單兵掃蕩
安素從來都唔係一個稱職嘅防守中場。佢防守橫移速度偏慢，面對速度快、靈活度高嘅翼鋒時，出腳同纏鬥都會顯得吃力。你唔可以指望佢好似卡些度咁做清道夫，佢嘅防守更多係靠預判同落腳反搶。
從不喜歡孤單一個，可惜偏偏孤獨一個
「我不懂得跟我，獨自對坐…原來沒有你做人相當痛楚」
安素最怕嘅，係隊友組織抗壓不足，逼到佢要「既要退後現身，又要前插射門」。呢種要求大範圍覆蓋會令佢體能提早透支。當佢體能耗盡，佢嘅持球安全度就會大跌，上季場均被奪球權次數升到 1.18 次，而且因為疲於折返跑，防守戰術犯規增多，食牌率亦隨之飆升。佢需要有個有強而有力臂彎嘅隊友幫佢分擔，先可以發揮最大威力。
內部調配：更衣室現有人腳，邊個頂到啲咩？
如果安素真係以天價轉投皇馬，高層數緊銀紙嘅同時，班教練團第一個任務，肯定係望向自家更衣室：到底現有嘅人腳入面，邊個可以繼承到安素留低空缺？
卡些度
卡些度：「屌，乜都係我？」
卡些度上季交出咗鐵人般嘅數據（正選上陣 33 場，累積超過 4,100 分鐘），佢可以完美承接、甚至超越安素做唔到嘅嘢，中路嘅防守掃蕩、肉搏攔截，以及攻守轉換時嘅就地反搶。
但問題係，佢無法提供安素嗰種大局觀、長傳轉邊以及前插射門。卡些度嘅戰術定位係一個防守中場，佢喺面對壓迫時嘅抗壓轉身唔夠細膩，一旦無咗安素幫手，要佢一個人做中場出球軸心，車仔後場好容易會被逼搶到原地爆炸。
山度士
外借回歸嘅山度士上季表現非常穩健（上陣 27 場），佢嘅優勢在於唔錯嘅身體對抗、高空波防守，以及極具侵略性嘅無球前插。佢擁有一種「影子前鋒」嘅直覺，經常能後上衝擊禁區得分。(雖然上季入波偏少)
然而，安素喺狹窄空間入面一腳出球嘅細緻度，以及大範圍長傳嘅功力，山度士完全複製唔到。佢踢法相對大開大合，喺中場做細膩嘅控節奏同洗球時，技術細節依然顯得有少少粗糙。
拉維亞
單論技術規格，拉維亞係最好果個。佢擁有一流嘅中路抗壓能力、又可以做到窄位 180 度轉身，短傳過渡又快又準，解搶迫壓力、長傳、轉守為攻，有佢喺度，車仔後場 build-up 嘅流暢度完全唔成問題，入波？交俾前場做飽佢就搞掂。
但前提係，「有佢喺度。」
大家都知佢係玻璃工藝品，可遠觀而不可褻玩焉，上季佢斷斷續續只踢咗 12 場波（累積 700 多分鐘），放佢落場，就要擔心佢會唔會打直入去打橫返出嚟，你根本無法將整季交託喺一個出勤率極低嘅球員身上。
外部補完：1.2億在手，阿朗素戰術板上嘅 3 個黃金候選人
內部三件睇落都唔Work，唔怕！賣得安素代表有錢落袋，有 120m 你怕買唔到好嘢？
沙比阿朗素上車之後點踢未知，但以代替安素嚟講，以下 3 位係我自己覺得唔錯嘅：
阿當·禾頓
本身係有曼迷朋友問開先有留意佢，禾頓係目前英超罕見嘅控制型中場。佢視覺掃描頻率又高、空間感知能力又強，即使喺對手逼搶嘅狹窄空間入面，佢依然可以好冷靜咁送出穿透對方防線嘅直線直傳。喺水晶宮嘅 3-4-2-1 體系下，佢展現出法比加斯咁款嘅控節奏能力，上季更以絕對主力身份踢足歐協聯決賽 90 分鐘並奪得 MVP。
至於唔似嘅地方，係進攻能力，禾頓完全無後上能力，入波能力同安素差天共地，買佢，姐係要前場自己諗掂點入波。
不過，你要買水晶宮嘅當紅炸子雞？禾頓身價高達 8,000 萬至 1 億鎊。水晶宮態度強硬，但車仔一直對佢口水流，安素走後留低嘅巨款，可以直接用嚟買斷呢位英格蘭未來嘅中場基石。
艾達古拿 (Arda Güler)
21 歲，皇馬進攻中場。
應該大家都識佢呱？古拿係內切 8/10 號位，具備極強嘅輸送能力、小範圍一對一盤帶又勁。沙比阿朗素喺皇馬時期就對古拿讚賞有加，非常清楚點樣發揮佢嘅無球跑動同埋門一腳。
皇馬為咗籌措安素 1.2 億鎊嘅高昂轉會費，必然要清洗隊內高身價邊緣球員。車仔已經將古拿列為引援目標之一，將古拿直接納入安素嘅交易之中進行「對位交換」，對兩會同球員嚟講都係皆大歡喜嘅三贏方案。
(亦因為佢同安素幾似……我自己就睇唔到皇馬會棄古拿……)
巴高 (Valentín Barco)
由白禮頓外借至史特拉斯堡後被買斷，現時幾乎篤定今夏正式過檔車仔。
之前我寫球探報告都分析過，巴高喺史堡被四眼徹底改造，由左閘轉型做「外撤閘 / 防守中場」 (就古古嘅相反)。佢喺法甲交出嘅數據就無得彈架啦：
一對一攔截成功率高達 85%（全法甲第 3）
場均送出 7.7 次向前傳球，預期助攻（0.34 xAG）[古古嘅兩倍]。
要有防守有防守，要推進有推進，佢可以話係個完美嘅戰術適配者。除咗前插弱少少同唔太多入波之外，巴高幾乎完美代替到安素。
至於轉會費？史堡喎……
(出稿之前有傳車仔想買沙卡，之後會再另外寫一篇球探報告講)
總結：拆散 1.2 億嘅中場重構方程式
又咁講，皇馬真係肯開出一億二千萬鎊嘅癲價，而安素又真係心向西甲，好鍾意馬德里嘅天氣，車路士最聰明嘅做法，絕對唔係好似以前咁水魚上身，盲目花一億去搵安素嘅複製品。喺現代足球世界，要搵一個同安素完全一樣「能傳、能射、能解壓」嘅全能核心，基本上係無可能；而且如果下季彭馬歸位、重新接管進攻三區，我哋可能無需要重疊多一個高得分產出嘅中場 8 號。安素都唔係無缺點，所以要搵嘅，或者唔係安素嘅代替品，而係一個適合沙比阿朗素嘅中場。
如果摩佬同皇馬真係咁有品味，願意做呢個「一億二千萬」嘅白手套，咁車仔高層都唔好諗咁多，拿臨幫皇馬做埋包郵，買張單程機票，順便送多個保利親自簽名，親自車埋佢去希斯路機場都仲得。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊