國米：「食！」
車仔：「咪住，截糊！」
係咪無估到呢？我都無。臨天光起身睇英格蘭對加納，無諗過會有突發文要出，正好一路睇波一路寫。而今次嘅主角，係一個英超球迷可能比較陌生嘅名：馬高·柏利斯查（少睇意甲，唔肯定中文點譯，放低英文：Marco Palestra）。
大神 David Ornstein 爆料，原本國米已經非常接近簽走呢位 21 歲阿特蘭大嘅邊路新星，但沙比阿朗素居然指示車仔強行介入，開出總價55m + 5m浮動條款嘅天價，仲要將個人年薪直接翻倍，成功說服呢位新晉意大利國腳轉投英超。
OK，開場白廢話夠多，按我嘅節奏即刻介紹下呢位意甲新星。
背景：由中場變翼衛嘅非典型意甲防守神童
先講下柏利斯查嘅背景。今年 21 歲嘅佢，擁有 1.86 米高大而粗壯嘅身體。同一般傳統右閘唔同，柏利斯查喺阿特蘭大青年軍時期其實係打中場中，之後又試過推前做翼鋒，最後先被改造做右閘同右翼衛。呢種非典型嘅成長經歷，令佢具備咗一般後衛極之少有嘅抗壓控球技術同大局觀，以及左右腳極之平衡嘅出球路線。
上季佢被外借去意甲嘅卡利亞里，全季在聯賽狂踢 37 場，有耐力之餘，仲喺今年 3 月完成咗國家隊地標戰，季尾仲被官方選為意甲最佳防守球員，仲拎埋意甲官方速度獎，實力與速度都獲得官方雙重認證。
Well，至少喺背景度，佢唔係無憑無據只靠感覺簽嘅「PPT妖人」先。
踢法與數據：邊路過人機器 & 鐵血戰士
大拿拿拎咗55M出去買人，點都要望下數字，特別係上季佢喺意甲中下游卡利亞里踢波，可以用Low Block嘅諗法去睇下佢到底踢成點。首先係場均 21.54 次成功傳球，加埋 85.1% 嘅傳球成功率，長傳準確率亦有五成半，出球基本功算係非常穩健。
而佢最搶眼嘅，係場均交出高達 2.04 次成功過人，盤帶過人能力喺閘位球員入面算係最Top，直逼一流翼鋒。佢極之擅長利用中場出身嘅微觀轉身，喺窄空間突破對方壓迫。場均又成功博到 3.15 次犯規，護球同控節奏能力相當突出，對手想喺佢腳下搶波，基本上只能選擇犯規。
防守數據，我會話佢係相當硬淨。場均贏得 7.24 次對抗，對抗成功率接近六成，同位置一樣係相當優秀。雖然佢踢法侵略性強，但佢防守其實極之乾淨，上季更交出零紅牌嘅完美成績表，防守大局觀同出腳時機把握得恰到好處，唔似我哋班後防炸彈人咁……(望)
因為有翼鋒經驗，場均喺對手禁區觸球 2.33 次，禁區存在感極強，傳中成功率同創造機會能力都極佳，完美解釋咗點解沙比阿朗素一睇到佢就流晒口水。
弱點位：防空黑洞同欠缺英超經驗
上面就吹到佢天上有地下無，但有強自然有弱，佢弱果一面都相當明顯。
要數最大嘅硬傷係制空力。數據顯示，柏利斯查場均只贏得 0.44 次空中對抗，空中爭頂成功率僅得四成左右。1.86 米嘅身高按道理唔算矮 (矮我20cm左右)，但佢爭頂時機麻麻同彈跳力都一般。嚟到英超呢個經常有高波轟炸嘅環境……嗯，大家應該想像到，唔使我多講。
其次係防守數據量偏低。上面話佢硬淨，但事實上場均攔截 只有 0.58 次 同Clearence 只有 1.23 次，兩者都處於中下游水準。雖然喺卡利亞里踢得比較前影響咗數據，但亦反映出佢防禦時比較依賴身體正面纏鬥同用速度回追，而唔係用預判去做準確防守。
最後就係智商稅……打錯，係意甲稅嘅老問題。佢得 21 歲，職業生涯實際上只得一季卡利亞里嘅一線隊正選經驗。但我哋都見唔少意甲神兵去到英超就啞火，車仔用接近 55m 買一個只踢咗一季意甲嘅後生仔，話就話其他球會都積極搶人，但會唔會去到英超就水土不服？
車仔契合度：沙比體系嘅變形齒輪
沙比阿朗素入主，對柏利斯查嚟講絕對係夢幻舞台。沙比喺車仔會點排未知，但佢要求左右翼衛/閘位要具備極強嘅戰術適應力，柏利斯查嘅多功能特質，至少睇落係符合嘅。
第一樣，當然係解放中場嘅出球壓力。如果當佢係右路嘅古古，當佢內收做防中時，佢天然嘅中場基本功可以分擔出球解壓嘅任務，令中場球員可以更頻繁前插進入進攻三區，亦能幫卡些度補位，分擔中路防禦工作嘅壓力。
第二樣，係佢作為右中堅嘅可改造性。有速度、可以正面攔截、必要時可以自己帶波殺上去、左右腳都可以出波、護球能力強、耐用性高又健康、仲唔會輕易食紅，法官大人，我無嘢補充啦。
同時又傳緊曼城有可能會買走古斯圖，唔講科芬拿，右閘一換一嚟講暫時都覺得係升級嘅…
總結與轉會博弈
拿，紙面睇我自己就覺得呢單Deal OK架啦，最後就係意甲稅會唔會又佔咗九成同埋高空弱點會唔會無限被放大。
一路睇住英格蘭嘅悶波，一路寫完呢篇突發文。希望沙比今次買人會連埋佢本使用說明書，唔好又天價買水貨俾人笑足兩年同變成Blue Co Out嘅籍口啦。買定花生等 24 小時內官宣啦，車迷巴打們。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
車仔：「咪住，截糊！」
係咪無估到呢？我都無。臨天光起身睇英格蘭對加納，無諗過會有突發文要出，正好一路睇波一路寫。而今次嘅主角，係一個英超球迷可能比較陌生嘅名：馬高·柏利斯查（少睇意甲，唔肯定中文點譯，放低英文：Marco Palestra）。
大神 David Ornstein 爆料，原本國米已經非常接近簽走呢位 21 歲阿特蘭大嘅邊路新星，但沙比阿朗素居然指示車仔強行介入，開出總價55m + 5m浮動條款嘅天價，仲要將個人年薪直接翻倍，成功說服呢位新晉意大利國腳轉投英超。
OK，開場白廢話夠多，按我嘅節奏即刻介紹下呢位意甲新星。
背景：由中場變翼衛嘅非典型意甲防守神童
先講下柏利斯查嘅背景。今年 21 歲嘅佢，擁有 1.86 米高大而粗壯嘅身體。同一般傳統右閘唔同，柏利斯查喺阿特蘭大青年軍時期其實係打中場中，之後又試過推前做翼鋒，最後先被改造做右閘同右翼衛。呢種非典型嘅成長經歷，令佢具備咗一般後衛極之少有嘅抗壓控球技術同大局觀，以及左右腳極之平衡嘅出球路線。
上季佢被外借去意甲嘅卡利亞里，全季在聯賽狂踢 37 場，有耐力之餘，仲喺今年 3 月完成咗國家隊地標戰，季尾仲被官方選為意甲最佳防守球員，仲拎埋意甲官方速度獎，實力與速度都獲得官方雙重認證。
Well，至少喺背景度，佢唔係無憑無據只靠感覺簽嘅「PPT妖人」先。
踢法與數據：邊路過人機器 & 鐵血戰士
大拿拿拎咗55M出去買人，點都要望下數字，特別係上季佢喺意甲中下游卡利亞里踢波，可以用Low Block嘅諗法去睇下佢到底踢成點。首先係場均 21.54 次成功傳球，加埋 85.1% 嘅傳球成功率，長傳準確率亦有五成半，出球基本功算係非常穩健。
而佢最搶眼嘅，係場均交出高達 2.04 次成功過人，盤帶過人能力喺閘位球員入面算係最Top，直逼一流翼鋒。佢極之擅長利用中場出身嘅微觀轉身，喺窄空間突破對方壓迫。場均又成功博到 3.15 次犯規，護球同控節奏能力相當突出，對手想喺佢腳下搶波，基本上只能選擇犯規。
防守數據，我會話佢係相當硬淨。場均贏得 7.24 次對抗，對抗成功率接近六成，同位置一樣係相當優秀。雖然佢踢法侵略性強，但佢防守其實極之乾淨，上季更交出零紅牌嘅完美成績表，防守大局觀同出腳時機把握得恰到好處，唔似我哋班後防炸彈人咁……(望)
因為有翼鋒經驗，場均喺對手禁區觸球 2.33 次，禁區存在感極強，傳中成功率同創造機會能力都極佳，完美解釋咗點解沙比阿朗素一睇到佢就流晒口水。
弱點位：防空黑洞同欠缺英超經驗
上面就吹到佢天上有地下無，但有強自然有弱，佢弱果一面都相當明顯。
要數最大嘅硬傷係制空力。數據顯示，柏利斯查場均只贏得 0.44 次空中對抗，空中爭頂成功率僅得四成左右。1.86 米嘅身高按道理唔算矮 (矮我20cm左右)，但佢爭頂時機麻麻同彈跳力都一般。嚟到英超呢個經常有高波轟炸嘅環境……嗯，大家應該想像到，唔使我多講。
其次係防守數據量偏低。上面話佢硬淨，但事實上場均攔截 只有 0.58 次 同Clearence 只有 1.23 次，兩者都處於中下游水準。雖然喺卡利亞里踢得比較前影響咗數據，但亦反映出佢防禦時比較依賴身體正面纏鬥同用速度回追，而唔係用預判去做準確防守。
最後就係智商稅……打錯，係意甲稅嘅老問題。佢得 21 歲，職業生涯實際上只得一季卡利亞里嘅一線隊正選經驗。但我哋都見唔少意甲神兵去到英超就啞火，車仔用接近 55m 買一個只踢咗一季意甲嘅後生仔，話就話其他球會都積極搶人，但會唔會去到英超就水土不服？
車仔契合度：沙比體系嘅變形齒輪
沙比阿朗素入主，對柏利斯查嚟講絕對係夢幻舞台。沙比喺車仔會點排未知，但佢要求左右翼衛/閘位要具備極強嘅戰術適應力，柏利斯查嘅多功能特質，至少睇落係符合嘅。
第一樣，當然係解放中場嘅出球壓力。如果當佢係右路嘅古古，當佢內收做防中時，佢天然嘅中場基本功可以分擔出球解壓嘅任務，令中場球員可以更頻繁前插進入進攻三區，亦能幫卡些度補位，分擔中路防禦工作嘅壓力。
第二樣，係佢作為右中堅嘅可改造性。有速度、可以正面攔截、必要時可以自己帶波殺上去、左右腳都可以出波、護球能力強、耐用性高又健康、仲唔會輕易食紅，法官大人，我無嘢補充啦。
同時又傳緊曼城有可能會買走古斯圖，唔講科芬拿，右閘一換一嚟講暫時都覺得係升級嘅…
總結與轉會博弈
拿，紙面睇我自己就覺得呢單Deal OK架啦，最後就係意甲稅會唔會又佔咗九成同埋高空弱點會唔會無限被放大。
一路睇住英格蘭嘅悶波，一路寫完呢篇突發文。希望沙比今次買人會連埋佢本使用說明書，唔好又天價買水貨俾人笑足兩年同變成Blue Co Out嘅籍口啦。買定花生等 24 小時內官宣啦，車迷巴打們。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊