沙比阿朗素即將喺 7 月 1 號正式帶隊，新一季嘅車路士防線到底要點排，相信係唔少車迷呢排茶餘飯後嘅話題。高維爾已經復出，26/27 球季基本上可以鎖定一個左中堅嘅位置。但問題嚟啦，邊個喺右邊同佢拍檔？
望下右中堅呢個位，人選真係…………
科芬拿？健康嗰陣防守上限的確高嘅，可惜玻璃屬性全滿，場場睇波都要祈禱唔好又受傷，唔好彩遇上齋戒月又會跌Wolt……
托辛……明明簽佢返嚟想做老大哥，點知轉身同回追速度慢到好似巴士上斜咁，打高位防線根本係自殺式襲擊；
至於細查，已經算係表現最平穩嗰個，但真係平穩過頭、無起伏無驚喜無期待；
巴迪亞舒尼……佢係邊個？我哋有咁嘅中堅咩？
防線要升級，高位身後嘅真空地帶需要有人回追，球探部門最新睇中嘅獵物，就係水晶宮防線嘅核心：法國中堅麥辛斯拿確斯（唔肯定中文係咪咁譯，放低個英文俾大家：Maxence Lacroix）。
嗯，又係法國人？係……不過呢個好似有少少唔同。
背景：古希走位後嘅晶宮大佬
先講下拿確斯嘅基本盤。今年 26 歲嘅佢，身高 1.90 米，體重 88 公斤，正值中堅黃金年齡嘅起步點，單睇數字就已經覺得唔錯。2024 年，水晶宮用咗 1,800 萬鎊（外加 300 萬鎊浮動條款），靜靜雞將佢由德甲禾夫斯堡帶到英超。依家睇返轉頭，水晶宮呢單Deal做得堅唔錯。
皆因過去呢兩季，拿確斯喺水晶宮直情打出咗鐵人般嘅身價：
24/25球季，英超上陣 35 場全正選，各項賽事踢咗 43 場，仲幫水晶宮喺足總盃決賽 1-0 砌低曼城奪冠，大賽抗壓性爆燈；
25/26球季，又係踢咗 35 場英超，各項賽事夾埋狂踢 55 場，除咗幫球隊贏歐協聯同社區盾之外，仲入選埋歐協聯年度最佳陣容。多線作戰能力高到飛起。
自從古希喺 26 年 1 月被曼城用高價挖走之後，拿確斯就正式變成水晶宮嘅防線大佬，展現出成熟嘅領袖氣質，帶領球隊零封華歷簡奴捧走歐協聯。亦因為咁，佢成功入選咗法國 26 人大名單，身價隨住世界盃開鑼肯定又會再升。
踢法與數據：極速防線保險，定係高風險炸彈？
拿確斯之所以令車仔流口水，首要原因係佢將 1.90 米嘅巨人身型，同高達 35.39 km/h 嘅極限回追速度。喺高位壓迫嘅體系下，中堅經常要推到中圈，拿確斯簡直係防線後方嘅超人。
睇數據，佢場均交出 5.11 次攔截同 11.27 次奪回球權，防守覆蓋率喺英超同行之中數一數二，直情係一部後場吸塵機。而一對一防守成功率更加高達 73.82%，屬於聯賽最頂尖，鋒線正面同佢硬碰硬基本上實食無痴牙。
除咗防守，佢嘅出球能力一樣唔差。場均傳出 23.72 次直線傳球，而且成功率接近 98%，佢好叻喺面向邊路嗰陣，利用腳腕變化傳出穿透中場嘅直線，對破密集非常有用。加上場均喺對方禁區觸球 2.16 次，比我呢種毒撚更加有存在感，有六成以上射門係頭槌，絕對係死球遠柱戰術嘅殺手。
不過，有好亦有壞。拿確斯防守侵略性太強，佢唔係預判嘅能手，所以有極高嘅紀律風險，職業生涯累積高達 7 張紅牌，屬於典型的防線計時炸彈。
上季就最經典：先係對阿仙奴射入烏龍波兼12碼射失；對曼聯頂入頭槌領先後，又因為企位太貼被轉身擺脫，拉人送十二碼加直接食紅牌返更衣室沖涼。呢種高上限但伴隨自爆傾向嘅特質……嗯，同當年嘅大衛雷斯有得比。
車仔契合度：沙比體系嘅夢幻拼圖
沙比阿朗素入主，對拿確斯嚟講直情係天作之合。唔理沙比係踢 3-2-5 控球定係沿用4-2-3-1，佢都極度需要同時有對抗、速度同出球能力嘅中堅。拿確斯嘅空間防守覆蓋同推進能力，完全係為呢套戰術度身訂造。
如果拿確斯真係上車，佢會被擺喺最擅長嘅右中堅位置。當右翼衛瘋狂壓上至對方底線嗰陣，拿確斯就可以用佢速度，喺右路防線掃蕩。相對於轉身慢嘅托辛，拿確斯可以解放前場邊翼線嘅進攻火力。
更正嘅係，高維爾已經好返復出。高維爾作為左腳左中堅，負責細緻嘅後場組織同長傳轉邊；而右腳嘅拿確斯就負責用身體同速度去成為防中身後嘅第一點防線。一個文雅出波，一個粗暴掃蕩，一柔一剛，剛好砌成完美的互補，亦可以完美掩護返高維爾回追偏慢嘅弱點。
但拿確斯同樣要克制下自己主動上搶嘅衝動，如果沙比係想踢四後，因為四後衛體系對防禦企位嘅要求更高，無咗多一個中堅喺後面做補位，佢一旦撲得太前標波失誤，好易又會再衝血上腦拎紅牌。
總結與可行性：6,000 萬嘅轉會拉鋸戰
總結講，拿確斯唔算係水晶宮體系包裝出嚟嘅體系球員，而係一個有能力立足豪門防線嘅即食戰力。佢嘅能力睇落就係我哋依家最缺嘅嘢。
但我一樣對住YUNA流口水啦，流口水係一回事，買唔買到先係最現實嘅問題。水晶宮喺 1 月將古希高價賣俾曼城之後，依家荷包脹到放唔落褲袋，下季又有歐霸踢，根本無急切需要拋售核心球員。人哋依家企硬 6,000 萬歐元，少個崩都唔同你傾。
我哋兩位智將……咳……我指體育總監想用4,000 萬歐元加托辛去換，水晶宮高層又唔係傻嘅，望到托辛嘅表現人哋根本唔想接貨。如果車仔唔將現金加碼到 5,000 萬以上，呢單 Deal 基本上好難成事，隨時人哋轉頭同佢加薪續約，就乜希望都無晒。
所以，簽到再講啦笑死。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
望下右中堅呢個位，人選真係…………
科芬拿？健康嗰陣防守上限的確高嘅，可惜玻璃屬性全滿，場場睇波都要祈禱唔好又受傷，唔好彩遇上齋戒月又會跌Wolt……
托辛……明明簽佢返嚟想做老大哥，點知轉身同回追速度慢到好似巴士上斜咁，打高位防線根本係自殺式襲擊；
至於細查，已經算係表現最平穩嗰個，但真係平穩過頭、無起伏無驚喜無期待；
巴迪亞舒尼……佢係邊個？我哋有咁嘅中堅咩？
防線要升級，高位身後嘅真空地帶需要有人回追，球探部門最新睇中嘅獵物，就係水晶宮防線嘅核心：法國中堅麥辛斯拿確斯（唔肯定中文係咪咁譯，放低個英文俾大家：Maxence Lacroix）。
嗯，又係法國人？係……不過呢個好似有少少唔同。
背景：古希走位後嘅晶宮大佬
先講下拿確斯嘅基本盤。今年 26 歲嘅佢，身高 1.90 米，體重 88 公斤，正值中堅黃金年齡嘅起步點，單睇數字就已經覺得唔錯。2024 年，水晶宮用咗 1,800 萬鎊（外加 300 萬鎊浮動條款），靜靜雞將佢由德甲禾夫斯堡帶到英超。依家睇返轉頭，水晶宮呢單Deal做得堅唔錯。
皆因過去呢兩季，拿確斯喺水晶宮直情打出咗鐵人般嘅身價：
24/25球季，英超上陣 35 場全正選，各項賽事踢咗 43 場，仲幫水晶宮喺足總盃決賽 1-0 砌低曼城奪冠，大賽抗壓性爆燈；
25/26球季，又係踢咗 35 場英超，各項賽事夾埋狂踢 55 場，除咗幫球隊贏歐協聯同社區盾之外，仲入選埋歐協聯年度最佳陣容。多線作戰能力高到飛起。
自從古希喺 26 年 1 月被曼城用高價挖走之後，拿確斯就正式變成水晶宮嘅防線大佬，展現出成熟嘅領袖氣質，帶領球隊零封華歷簡奴捧走歐協聯。亦因為咁，佢成功入選咗法國 26 人大名單，身價隨住世界盃開鑼肯定又會再升。
踢法與數據：極速防線保險，定係高風險炸彈？
拿確斯之所以令車仔流口水，首要原因係佢將 1.90 米嘅巨人身型，同高達 35.39 km/h 嘅極限回追速度。喺高位壓迫嘅體系下，中堅經常要推到中圈，拿確斯簡直係防線後方嘅超人。
睇數據，佢場均交出 5.11 次攔截同 11.27 次奪回球權，防守覆蓋率喺英超同行之中數一數二，直情係一部後場吸塵機。而一對一防守成功率更加高達 73.82%，屬於聯賽最頂尖，鋒線正面同佢硬碰硬基本上實食無痴牙。
除咗防守，佢嘅出球能力一樣唔差。場均傳出 23.72 次直線傳球，而且成功率接近 98%，佢好叻喺面向邊路嗰陣，利用腳腕變化傳出穿透中場嘅直線，對破密集非常有用。加上場均喺對方禁區觸球 2.16 次，比我呢種毒撚更加有存在感，有六成以上射門係頭槌，絕對係死球遠柱戰術嘅殺手。
不過，有好亦有壞。拿確斯防守侵略性太強，佢唔係預判嘅能手，所以有極高嘅紀律風險，職業生涯累積高達 7 張紅牌，屬於典型的防線計時炸彈。
上季就最經典：先係對阿仙奴射入烏龍波兼12碼射失；對曼聯頂入頭槌領先後，又因為企位太貼被轉身擺脫，拉人送十二碼加直接食紅牌返更衣室沖涼。呢種高上限但伴隨自爆傾向嘅特質……嗯，同當年嘅大衛雷斯有得比。
車仔契合度：沙比體系嘅夢幻拼圖
沙比阿朗素入主，對拿確斯嚟講直情係天作之合。唔理沙比係踢 3-2-5 控球定係沿用4-2-3-1，佢都極度需要同時有對抗、速度同出球能力嘅中堅。拿確斯嘅空間防守覆蓋同推進能力，完全係為呢套戰術度身訂造。
如果拿確斯真係上車，佢會被擺喺最擅長嘅右中堅位置。當右翼衛瘋狂壓上至對方底線嗰陣，拿確斯就可以用佢速度，喺右路防線掃蕩。相對於轉身慢嘅托辛，拿確斯可以解放前場邊翼線嘅進攻火力。
更正嘅係，高維爾已經好返復出。高維爾作為左腳左中堅，負責細緻嘅後場組織同長傳轉邊；而右腳嘅拿確斯就負責用身體同速度去成為防中身後嘅第一點防線。一個文雅出波，一個粗暴掃蕩，一柔一剛，剛好砌成完美的互補，亦可以完美掩護返高維爾回追偏慢嘅弱點。
但拿確斯同樣要克制下自己主動上搶嘅衝動，如果沙比係想踢四後，因為四後衛體系對防禦企位嘅要求更高，無咗多一個中堅喺後面做補位，佢一旦撲得太前標波失誤，好易又會再衝血上腦拎紅牌。
總結與可行性：6,000 萬嘅轉會拉鋸戰
總結講，拿確斯唔算係水晶宮體系包裝出嚟嘅體系球員，而係一個有能力立足豪門防線嘅即食戰力。佢嘅能力睇落就係我哋依家最缺嘅嘢。
但我一樣對住YUNA流口水啦，流口水係一回事，買唔買到先係最現實嘅問題。水晶宮喺 1 月將古希高價賣俾曼城之後，依家荷包脹到放唔落褲袋，下季又有歐霸踢，根本無急切需要拋售核心球員。人哋依家企硬 6,000 萬歐元，少個崩都唔同你傾。
我哋兩位智將……咳……我指體育總監想用4,000 萬歐元加托辛去換，水晶宮高層又唔係傻嘅，望到托辛嘅表現人哋根本唔想接貨。如果車仔唔將現金加碼到 5,000 萬以上，呢單 Deal 基本上好難成事，隨時人哋轉頭同佢加薪續約，就乜希望都無晒。
所以，簽到再講啦笑死。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊