「感謝主……令二安嘅傷患有極大進展。」先講明，我唔係基督徒，亦唔係抽緊教徒水。上個月，我寫過一篇文，好嚴肅咁同大家科普咗二安嘅傷勢，當時球會醫生講明，二安嘅傷係4級撕裂，球會高層夾硬要推佢入手術室，二安同巴西足總想做保守治療。最後，二安拒絕開刀，選擇返去聖保羅養傷兼散心，當時我話：保守治療同玩俄羅斯輪盤無分別。
點知……或者我估漏咗一個變數。件事，難奇到令我有少少懷疑自己嘅科學信仰。
磁力共振結果嚇咗大家一跳
事源係咁。
二安前幾日喺家鄉，巴西法蘭卡一間佢去開嘅教會做崇拜，佢係過程中向台下嘅教友分享咗自己呢段時間同車路士高層、軍醫隔空對戰嘅幕後花絮。畢竟大家都知，佢4級撕裂唔係講笑。
但佢兩星期前去照第二次磁力共振時。奇蹟就發生咗……二安話當時負責照影像個醫生睇住個螢幕，成個人呆咗，個醫生好驚訝咁問二安：「你依家隻大髀仲有冇痛？有冇邊度唔舒服？」
二安笑笑口咁同佢講：「無啊醫生，我依家超級無敵舒服，直頭可以踢波喇（笑）。」
個醫生聽完搖晒頭，指住張片話，影像顯示之前嗰條Hamstring，依家居然完好無缺、結構睇落健康，喺呢個短時間根本唔應該好得咁快、更睇唔到有傷……咁話。醫生甚至直接質疑，話自己根本唔明白，點解當初車路士嗰邊班高層同軍醫，會要佢入手術室開刀。
二安亦首次公開咗當日決定「唔開刀」嘅巨大壓力。當時車路士由軍醫到大老闆全部出動，企硬要佢做手術，休養大半年。二安坦言，自己得 18 歲，面對住英超大球會、老闆嘅權威，四面八方嘅壓力和輿論排山倒海咁湧過嚟，自己一個人真係好難做決定。好彩有父母一直陪住，最後一齊決定博保守治療，拒絕開刀。佢最後好感性咁講左句：「Deus está no controle（上帝掌管一切）。」
先戴個頭盔，呢單嘢絕對唔係網上啲呃流量嘅 IG 傳聞或者AI假文。爆料嘅媒體叫《GE》（Globo Esporte），佢哋喺巴西體育界嘅地位就等同於美國嘅 ESPN 或者你我都睇開嘅The Athletic，屬於有公信力嘅官方大媒體。雖然唔係直接訪問，不過可信性都高…呢下先神奇。
醫學角度：到底係神蹟，定係大自然嘅奧妙？
聽完二安喺教堂嘅分享，相信唔少巴打（包括我）第一反應都係捽下眼，懷疑下自己有無睇錯字，再懷疑下係咪 AI 生成嘅幻覺文，最後先會吞得落。
但……有問咗熟識運動科學嘅朋友，佢就咁講…
上一篇文我講嘅嘢唔係錯，不過可能係我寫得太肯定，搞到件事個Tone錯錯哋咁Feel。當初英國瘋傳嘅「4級拉傷、80%撕裂」，喺嚴格嘅醫學分類上，其實應該叫做 High-grade partial tear，中文叫嚴重局部撕裂，同整條Hamstring 斷晒、成條甩出嚟嘅 Grade 4 Complete rupture，姐係完全斷裂，喺本質上係有分別嘅。只要條筋唔係全斷、仲有一絲微弱嘅組織連住條骨，身體嘅自我修復功能就會好似地盤工人咁，自動波開始開工修補。
然後係，二安今年先得 18 歲。18 歲嘅青春肉體，體內嘅細胞修復速度同膠原蛋白再生能力，基本上係我哋呢班坐喺茶記飲凍奶茶、步入中年嘅肥肚腩阿叔嘅幾倍。對一個頂級運動員嚟講，呢種新陳代謝嘅強勁，往往可以將科學預計嘅康復時間壓縮。
當然，朋友就話，磁力共振影像上面顯示「無見到傷患」，意思係代表患處嘅結疤組織生得靚又密，結構完整。但「結構生得靚同完整」唔等於佢已經 100% 回復到原本嘅韌度。二安話佢可以上場都只係講笑，醫生嘅意思係佢恢復進度比想像中好。
無論如何，喺唔開刀嘅情況下可以影到呢張靚仔相，對車仔、對巴西、對所有偏心二安嘅球迷嚟講，都肯定係一個好到不能再好嘅消息。
神蹟定科學？等埋時間證明一切
講到尾，到底呢次係上帝顯靈、定係 18 歲青春無敵嘅科學奇蹟？呢一刻無人夠膽講。
但作為一個二安迷，佢話自己依家可以喺彭美拉斯嘅訓練基地著鞋慢跑，甚至連彭美拉斯嘅隊醫都行埋去同佢握手祝賀，我理X得佢係神蹟定係科學？總之條筋生得返、個球員唔洗挨刀、爆發力喺度，就已經係最好嘅結局。
呢單小小新聞，或者只係一個美好嘅消息，但車迷們都要記得，要等二安真真正正係場上踢到90分鐘先算係康復，我哋等時間證明一切啦。
我唔係第一次被現實打臉，相信都唔係最後一次。我個科學信仰今次睇落輸咗俾一個18歲後生仔同佢父母，但我輸得心服口服。今次打得抵。
醬汁係度：
https://ge.globo.com/sp/ribeirao-preto-e-regiao/futebol/noticia/2026/06/04/estevao-revela-surpresa-de-medico-apos-novo-exame-na-coxa-disse-que-nao-via-mais-lesao.ghtml
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
點知……或者我估漏咗一個變數。件事，難奇到令我有少少懷疑自己嘅科學信仰。
磁力共振結果嚇咗大家一跳
事源係咁。
二安前幾日喺家鄉，巴西法蘭卡一間佢去開嘅教會做崇拜，佢係過程中向台下嘅教友分享咗自己呢段時間同車路士高層、軍醫隔空對戰嘅幕後花絮。畢竟大家都知，佢4級撕裂唔係講笑。
但佢兩星期前去照第二次磁力共振時。奇蹟就發生咗……二安話當時負責照影像個醫生睇住個螢幕，成個人呆咗，個醫生好驚訝咁問二安：「你依家隻大髀仲有冇痛？有冇邊度唔舒服？」
二安笑笑口咁同佢講：「無啊醫生，我依家超級無敵舒服，直頭可以踢波喇（笑）。」
個醫生聽完搖晒頭，指住張片話，影像顯示之前嗰條Hamstring，依家居然完好無缺、結構睇落健康，喺呢個短時間根本唔應該好得咁快、更睇唔到有傷……咁話。醫生甚至直接質疑，話自己根本唔明白，點解當初車路士嗰邊班高層同軍醫，會要佢入手術室開刀。
二安亦首次公開咗當日決定「唔開刀」嘅巨大壓力。當時車路士由軍醫到大老闆全部出動，企硬要佢做手術，休養大半年。二安坦言，自己得 18 歲，面對住英超大球會、老闆嘅權威，四面八方嘅壓力和輿論排山倒海咁湧過嚟，自己一個人真係好難做決定。好彩有父母一直陪住，最後一齊決定博保守治療，拒絕開刀。佢最後好感性咁講左句：「Deus está no controle（上帝掌管一切）。」
先戴個頭盔，呢單嘢絕對唔係網上啲呃流量嘅 IG 傳聞或者AI假文。爆料嘅媒體叫《GE》（Globo Esporte），佢哋喺巴西體育界嘅地位就等同於美國嘅 ESPN 或者你我都睇開嘅The Athletic，屬於有公信力嘅官方大媒體。雖然唔係直接訪問，不過可信性都高…呢下先神奇。
醫學角度：到底係神蹟，定係大自然嘅奧妙？
聽完二安喺教堂嘅分享，相信唔少巴打（包括我）第一反應都係捽下眼，懷疑下自己有無睇錯字，再懷疑下係咪 AI 生成嘅幻覺文，最後先會吞得落。
但……有問咗熟識運動科學嘅朋友，佢就咁講…
上一篇文我講嘅嘢唔係錯，不過可能係我寫得太肯定，搞到件事個Tone錯錯哋咁Feel。當初英國瘋傳嘅「4級拉傷、80%撕裂」，喺嚴格嘅醫學分類上，其實應該叫做 High-grade partial tear，中文叫嚴重局部撕裂，同整條Hamstring 斷晒、成條甩出嚟嘅 Grade 4 Complete rupture，姐係完全斷裂，喺本質上係有分別嘅。只要條筋唔係全斷、仲有一絲微弱嘅組織連住條骨，身體嘅自我修復功能就會好似地盤工人咁，自動波開始開工修補。
然後係，二安今年先得 18 歲。18 歲嘅青春肉體，體內嘅細胞修復速度同膠原蛋白再生能力，基本上係我哋呢班坐喺茶記飲凍奶茶、步入中年嘅肥肚腩阿叔嘅幾倍。對一個頂級運動員嚟講，呢種新陳代謝嘅強勁，往往可以將科學預計嘅康復時間壓縮。
當然，朋友就話，磁力共振影像上面顯示「無見到傷患」，意思係代表患處嘅結疤組織生得靚又密，結構完整。但「結構生得靚同完整」唔等於佢已經 100% 回復到原本嘅韌度。二安話佢可以上場都只係講笑，醫生嘅意思係佢恢復進度比想像中好。
無論如何，喺唔開刀嘅情況下可以影到呢張靚仔相，對車仔、對巴西、對所有偏心二安嘅球迷嚟講，都肯定係一個好到不能再好嘅消息。
神蹟定科學？等埋時間證明一切
講到尾，到底呢次係上帝顯靈、定係 18 歲青春無敵嘅科學奇蹟？呢一刻無人夠膽講。
但作為一個二安迷，佢話自己依家可以喺彭美拉斯嘅訓練基地著鞋慢跑，甚至連彭美拉斯嘅隊醫都行埋去同佢握手祝賀，我理X得佢係神蹟定係科學？總之條筋生得返、個球員唔洗挨刀、爆發力喺度，就已經係最好嘅結局。
呢單小小新聞，或者只係一個美好嘅消息，但車迷們都要記得，要等二安真真正正係場上踢到90分鐘先算係康復，我哋等時間證明一切啦。
我唔係第一次被現實打臉，相信都唔係最後一次。我個科學信仰今次睇落輸咗俾一個18歲後生仔同佢父母，但我輸得心服口服。今次打得抵。
醬汁係度：
https://ge.globo.com/sp/ribeirao-preto-e-regiao/futebol/noticia/2026/06/04/estevao-revela-surpresa-de-medico-apos-novo-exame-na-coxa-disse-que-nao-via-mais-lesao.ghtml
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊