要形容 25/26 球季嘅車路士，我會話係……一套換咗四次導演嘅爛片，爛爆，要我俾錢入場睇？咪諗。
而喺呢個戰術朝令夕改、傷兵滿營嘅廢墟入面，如果要揀一個最具爭議性、最身心俱疲嘅核心人物，其中一個非安素莫屬。
好多人一見到隊波最後跌落英超第十，或者執著於佢想住係瓦努阿圖咁講出憧憬馬德里嘅公關災難，就先入為主、跟風標籤佢做垃圾 / 二五。嗯，或者係，但主觀印象同實際嘅落差我哋唔係無見過，要形容佢今季嘅表現，我會咁樣講：一個被破爛體系逼到無限超載嘅億鎊大腦，喺一片罵聲與混亂中，交出生涯最高產嘅悲情鐵人。
或者睇到呢個位已經有唔少人準備去我Facebook留言問我係咪今季無睇波，但請各位客倌聽我娓娓道來……
呢篇係我打嘅球員個別評價嘅第一篇，而家草稿區已經寫咗15篇，大家可以等我洗板。
期待值回顧：由「影子英雄」到中場大腦嘅厚望
如果大家睇返我 24/25 球季寫安素嗰篇季後文，當時我嘅主調係「逆襲」。馬蛇喺上季尾終於幫安素搵到「Box-to-Box」嘅專屬說明書，佢由季初被冷待，到季尾八面玲瓏，用不知疲倦嘅跑動同致命傳送做咗車仔中場嘅影子英雄。
當時所有車迷都一致認定，經歷完一整季嘅適應同進化，呢位世界盃冠軍級人馬喺 25/26 球季理所當然會完全接管球隊，成為車路士無可替代嘅絕對核心同節奏大師。
今季實際交貨：兩極化嘅極端數據與悲情鐵人
不幸嘅係，今季車路士經歷四次領隊更換折騰，拉維亞同彭馬輪流瞓醫院，成套戰術體系立立亂。喺呢個環境下，安素喺英超踢足 36 場，累積上陣高達 3,115 分鐘，出勤率高居全隊第一。
各項賽事 15 個入球、4 次助攻（英超佔 10 球），直接刷出自己職業生涯最高產嘅入球數字。喺隊長占士長期打字期間，佢仲多次戴起隊長臂章帶隊出征。
睇落係唔錯，但呢份看似華麗嘅成績表背後，伴隨住嘅係極大嘅撕裂感。
一方面佢頻繁入波救主，但另一方面佢又因為防守回身慢被球迷狂插；
一方面佢係場上唯一嘅推進核心，另一方面佢又喺 4 月保住盃賽希望嘅關鍵時刻，公開同皇馬眉來眼去，搞到羅生火滾將佢內部停賽兩場，釀成巨大嘅關公災難。
出勤率極高、入球生涯新高、但同時負評同爭議亦係生涯新高，呢個就係安素今季交出嚟最真實、最極端嘅寫照。
數據與場上解讀：踢爆印象流嘅頂級核心數據
我知，齋up你哋實會講：「吔屎啦你，阿叔我場場睇足，佢就係垃圾！」嗯，睇數據啦。
首先係進攻端，今季好多人覺得佢入 10 球英超只係好彩執雞或者有十二碼護航。但當安素今季嘅 npxG 高達 9.71、幾乎排係同位置球員嘅頂端，證明佢頻繁後上起腳絕對係無呃秤。喺對方禁區亦錄得高達 102 次觸球，轉化到做入球完全係佢無球走位同入波判斷有進步嘅證據。
相比起入球，另一方面係創造力數據，但…主要問題唔係出喺佢身上。安素今季錄得 7.25 次預期助攻，冠絕全隊之餘，喺全英超中場入面亦係數一數二；同時交出 134 次射門創造機會以及 62 次 Key Passes，呢幾項數據全部係隊內第一。
嗯，但最後實際助攻得可憐嘅 4 次。無錯，因為安素嘅傳送幾有眼光、幾有穿透力，無數次餵到埋嘴邊都好，前面班人總有方法將佢嘔出嚟。而佢今季交出 1,755 次向前傳球，係英超最頂級水準，證明佢喺隊中完全係以傳代跑嘅中場推進大腦。
問題位：防守硬傷與公關災難嘅雙重打擊
雖然進攻端交足功課，但要持平清算，安素今季曝露出嚟嘅弱點同樣大。
致命弱點依然係防守端嘅身體對抗力。今季嘅地面對抗勝率得 44.2%，喺英超同位置球員入面幾乎包尾。安素天生橫向移動同回追頻率慢，面對英超強隊果種高強度、硬橋硬馬嘅肉搏戰，佢轉身慢嘅缺點就會被無限放大。全季狂食 10 張黃牌，好多時都係因為防守跟唔上步頻後被迫出手拉人補鑊。(仲有心浮氣燥On99食牌嘅部份。)
除咗防守硬傷，場外心態與領袖氣質亦係佢今季嘅大問題。作為副隊長，喺占士長期養傷期間多次帶領球隊，但球隊係場上表現差嘅時候，安素永遠無法帶動情緒，反而係自己帶頭低落。
最攞命嘅係 4 月初，球隊正處於爭奪歐洲賽資格與盃賽嘅最關鍵衝刺期，佢喺訪問中公開向皇家馬德里示好，引發更衣室震盪與車迷嘅集體憤怒。呢種馬蛇式嘅「身在曹營心在漢」嘅關公災難唔止重創球隊士氣，亦令佢與車迷之間嘅關係變成台海關係咁款。
今季體系適配度：戰術超載嘅犧牲品與受益者
講到體系適配，安素今季真心矛盾。經歷三個唔同教練，佢嘅定位被反覆改變，一時係犧牲品，但一時亦係受益者。
季初馬蛇要求佢墮後做深層派牌，結果面對逼搶時，佢窄空間轉身慢、受壓差嘅缺點即刻現形；到羅生接手，索性將佢推上 10 號位或者前插 8 號位，結果入波數字暴升，但佢身後留低嘅巨型防守黑洞，搞到卡些度每場都要幫安素補位；去到季尾麥法蘭時期，佢喺左邊Half Space 獲得最大自由度，例如足總盃對列斯聯嗰場，進攻好有威脅，防守階段時又要跑返去同卡些度組成雙防中屏障。
體力消耗加上後防戰術問題，直接令安素變成失分罪人一樣，失波就俾人怪俾回防太慢。
我會話，呢個唔係球員唔夠勤力，而係戰術錯配令佢出事。
下季定位：留隊，沙比體系下嘅新「卻奧斯」
去到下季，到底留隊、外借定賣走？唔知大家點諗，但我會偏向留用。
除非真係有豪門咁癲開出超過 1.3 億歐元以上，否則喺FFP壓力下睇唔到車仔會願意賤賣。沙比即將帶來嘅改革，無論係咩陣式都好，相信都會將安素定位為純粹嘅類似卻奧斯果種中場節拍機，只要唔使佢覆蓋咁大範圍，俾佢專注喺第一進攻階段出球同後上就好足夠。
另一邊，安素無領袖氣質我估大家已經同意，無謂勉強，不如拎走安素嘅副隊長臂章好過。呢個唔單止係對佢皇馬風波嘅紀律懲戒，更重要係幫佢降權減壓，切斷場外無謂嘅干擾，逼佢將 100% 精神放返喺草地同個波上，用純粹嘅足球去挽回車迷破裂嘅信任。
評級：B+
喺今季呢個崩壞嘅爛攤子入面，交出 15 個入球同高達 3,115 分鐘嘅鐵人出勤率，單論進攻同付出絕對值得拎 A 級。但………
做人要PR架…上上季唱歌出事，算。今季又話鍾意馬德里，你鍾意馬德鐘都算啦，一次又一次咁唔經大腦講嘢，講者無心但聽者有意，令佢扣咗大量印象分。綜合全季表現同場外因素，我自己就俾個 B+ 佢，公道吧？
下季會變成點無人知，希望我仲有機會寫佢26/27嘅季後分析啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
而喺呢個戰術朝令夕改、傷兵滿營嘅廢墟入面，如果要揀一個最具爭議性、最身心俱疲嘅核心人物，其中一個非安素莫屬。
好多人一見到隊波最後跌落英超第十，或者執著於佢想住係瓦努阿圖咁講出憧憬馬德里嘅公關災難，就先入為主、跟風標籤佢做垃圾 / 二五。嗯，或者係，但主觀印象同實際嘅落差我哋唔係無見過，要形容佢今季嘅表現，我會咁樣講：一個被破爛體系逼到無限超載嘅億鎊大腦，喺一片罵聲與混亂中，交出生涯最高產嘅悲情鐵人。
或者睇到呢個位已經有唔少人準備去我Facebook留言問我係咪今季無睇波，但請各位客倌聽我娓娓道來……
呢篇係我打嘅球員個別評價嘅第一篇，而家草稿區已經寫咗15篇，大家可以等我洗板。
期待值回顧：由「影子英雄」到中場大腦嘅厚望
如果大家睇返我 24/25 球季寫安素嗰篇季後文，當時我嘅主調係「逆襲」。馬蛇喺上季尾終於幫安素搵到「Box-to-Box」嘅專屬說明書，佢由季初被冷待，到季尾八面玲瓏，用不知疲倦嘅跑動同致命傳送做咗車仔中場嘅影子英雄。
當時所有車迷都一致認定，經歷完一整季嘅適應同進化，呢位世界盃冠軍級人馬喺 25/26 球季理所當然會完全接管球隊，成為車路士無可替代嘅絕對核心同節奏大師。
今季實際交貨：兩極化嘅極端數據與悲情鐵人
不幸嘅係，今季車路士經歷四次領隊更換折騰，拉維亞同彭馬輪流瞓醫院，成套戰術體系立立亂。喺呢個環境下，安素喺英超踢足 36 場，累積上陣高達 3,115 分鐘，出勤率高居全隊第一。
各項賽事 15 個入球、4 次助攻（英超佔 10 球），直接刷出自己職業生涯最高產嘅入球數字。喺隊長占士長期打字期間，佢仲多次戴起隊長臂章帶隊出征。
睇落係唔錯，但呢份看似華麗嘅成績表背後，伴隨住嘅係極大嘅撕裂感。
一方面佢頻繁入波救主，但另一方面佢又因為防守回身慢被球迷狂插；
一方面佢係場上唯一嘅推進核心，另一方面佢又喺 4 月保住盃賽希望嘅關鍵時刻，公開同皇馬眉來眼去，搞到羅生火滾將佢內部停賽兩場，釀成巨大嘅關公災難。
出勤率極高、入球生涯新高、但同時負評同爭議亦係生涯新高，呢個就係安素今季交出嚟最真實、最極端嘅寫照。
數據與場上解讀：踢爆印象流嘅頂級核心數據
我知，齋up你哋實會講：「吔屎啦你，阿叔我場場睇足，佢就係垃圾！」嗯，睇數據啦。
首先係進攻端，今季好多人覺得佢入 10 球英超只係好彩執雞或者有十二碼護航。但當安素今季嘅 npxG 高達 9.71、幾乎排係同位置球員嘅頂端，證明佢頻繁後上起腳絕對係無呃秤。喺對方禁區亦錄得高達 102 次觸球，轉化到做入球完全係佢無球走位同入波判斷有進步嘅證據。
相比起入球，另一方面係創造力數據，但…主要問題唔係出喺佢身上。安素今季錄得 7.25 次預期助攻，冠絕全隊之餘，喺全英超中場入面亦係數一數二；同時交出 134 次射門創造機會以及 62 次 Key Passes，呢幾項數據全部係隊內第一。
嗯，但最後實際助攻得可憐嘅 4 次。無錯，因為安素嘅傳送幾有眼光、幾有穿透力，無數次餵到埋嘴邊都好，前面班人總有方法將佢嘔出嚟。而佢今季交出 1,755 次向前傳球，係英超最頂級水準，證明佢喺隊中完全係以傳代跑嘅中場推進大腦。
問題位：防守硬傷與公關災難嘅雙重打擊
雖然進攻端交足功課，但要持平清算，安素今季曝露出嚟嘅弱點同樣大。
致命弱點依然係防守端嘅身體對抗力。今季嘅地面對抗勝率得 44.2%，喺英超同位置球員入面幾乎包尾。安素天生橫向移動同回追頻率慢，面對英超強隊果種高強度、硬橋硬馬嘅肉搏戰，佢轉身慢嘅缺點就會被無限放大。全季狂食 10 張黃牌，好多時都係因為防守跟唔上步頻後被迫出手拉人補鑊。(仲有心浮氣燥On99食牌嘅部份。)
除咗防守硬傷，場外心態與領袖氣質亦係佢今季嘅大問題。作為副隊長，喺占士長期養傷期間多次帶領球隊，但球隊係場上表現差嘅時候，安素永遠無法帶動情緒，反而係自己帶頭低落。
最攞命嘅係 4 月初，球隊正處於爭奪歐洲賽資格與盃賽嘅最關鍵衝刺期，佢喺訪問中公開向皇家馬德里示好，引發更衣室震盪與車迷嘅集體憤怒。呢種馬蛇式嘅「身在曹營心在漢」嘅關公災難唔止重創球隊士氣，亦令佢與車迷之間嘅關係變成台海關係咁款。
今季體系適配度：戰術超載嘅犧牲品與受益者
講到體系適配，安素今季真心矛盾。經歷三個唔同教練，佢嘅定位被反覆改變，一時係犧牲品，但一時亦係受益者。
季初馬蛇要求佢墮後做深層派牌，結果面對逼搶時，佢窄空間轉身慢、受壓差嘅缺點即刻現形；到羅生接手，索性將佢推上 10 號位或者前插 8 號位，結果入波數字暴升，但佢身後留低嘅巨型防守黑洞，搞到卡些度每場都要幫安素補位；去到季尾麥法蘭時期，佢喺左邊Half Space 獲得最大自由度，例如足總盃對列斯聯嗰場，進攻好有威脅，防守階段時又要跑返去同卡些度組成雙防中屏障。
體力消耗加上後防戰術問題，直接令安素變成失分罪人一樣，失波就俾人怪俾回防太慢。
我會話，呢個唔係球員唔夠勤力，而係戰術錯配令佢出事。
下季定位：留隊，沙比體系下嘅新「卻奧斯」
去到下季，到底留隊、外借定賣走？唔知大家點諗，但我會偏向留用。
除非真係有豪門咁癲開出超過 1.3 億歐元以上，否則喺FFP壓力下睇唔到車仔會願意賤賣。沙比即將帶來嘅改革，無論係咩陣式都好，相信都會將安素定位為純粹嘅類似卻奧斯果種中場節拍機，只要唔使佢覆蓋咁大範圍，俾佢專注喺第一進攻階段出球同後上就好足夠。
另一邊，安素無領袖氣質我估大家已經同意，無謂勉強，不如拎走安素嘅副隊長臂章好過。呢個唔單止係對佢皇馬風波嘅紀律懲戒，更重要係幫佢降權減壓，切斷場外無謂嘅干擾，逼佢將 100% 精神放返喺草地同個波上，用純粹嘅足球去挽回車迷破裂嘅信任。
評級：B+
喺今季呢個崩壞嘅爛攤子入面，交出 15 個入球同高達 3,115 分鐘嘅鐵人出勤率，單論進攻同付出絕對值得拎 A 級。但………
做人要PR架…上上季唱歌出事，算。今季又話鍾意馬德里，你鍾意馬德鐘都算啦，一次又一次咁唔經大腦講嘢，講者無心但聽者有意，令佢扣咗大量印象分。綜合全季表現同場外因素，我自己就俾個 B+ 佢，公道吧？
下季會變成點無人知，希望我仲有機會寫佢26/27嘅季後分析啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊