煞科戰不敵新特蘭，最終名列聯賽第十。沒錯，尋晚Kelly鬧得車仔好岩，車仔真系一個唔值得原諒既仆街…經過一季努力，我哋又變返「車路十」，而且係徹底四大皆空、緣盡所有歐洲賽嘅完全體車路十。
我估唔少心水清嘅網友絕對、一絲、少少都唔會有咁on9嘅諗法：
「吓？下季連歐協聯都無得踢？咁咪仲好！既然下季無歐洲波踢，即係可以無視 UEFA 條數啦。大不了俾佢 Ban 一季歐洲賽，反正依家都無得踢，直頭係無痛洗底啦！」
但我衰，我有呢種諗法。
老老實實，喺我未仔細研讀 UEFA 份協議之前，我係真心膠地以為無歐戰就真係可以暫時拍拍屁股唔使理 UEFA。但當我對返清楚所有協議細節之後，我發現今鋪係少年我太年輕，出得嚟行，原來面係要俾人打嘅。
感謝巴打們特登 PM 嚟拍醒我。喺睇沙比阿朗素點樣帶隊之前，等我自己抹返個Pat，問返個真正要問嘅，唔係「下季會唔會被 Ban」，而係喺 UEFA 份四年和解協議入面，最核心嘅死線：「26/27 球季要零虧損，車仔到底頂唔頂到？」
UEFA協議究竟係乜春？
第一巴打落我面嘅，唔係份協議有幾長有幾複雜，而係一個更根本嘅問題：點解下季無歐洲波，我哋依然要死跟 UEFA 條規矩？呢條問題嘅答案好簡單：
因為 UEFA 嘅財務審計，係採取滯後審計（Retrospective）嘅機制。
簡單嚟講，因為我只可以簡單講。當我哋依家踢完 25/26 球季，變成車路十，UEFA 唔會即刻知你爆唔爆數。佢哋要等到下一個球季，大約係 2026/27 季中或者尾段，先至會將你 25/26 嘅帳目正式對完。
如果到時對完數，發現車仔真係爆咗上限超過 2,000 萬歐元，UEFA 就會正式宣布你違反和解協議，直接執行終極懲罰：「判罰一季歐洲賽停賽」。
但呢個 Ban，並唔係判喺你冇得踢歐洲波嘅下季，而係好似一隻鬼咁跟住你，判喺未來三個球季入面，你第一季成功出線嘅歐洲賽。
即係話，如果沙比阿朗素下季神功蓋世，帶領我哋喺聯賽吐氣揚眉，成功衝返上英超前四又好拎埋英超冠軍都好，拎到 27/28 球季嘅歐聯席位。到時 UEFA 就會喺門口截查，將你辛辛苦苦贏返嚟個歐聯位直接沒收，分分鐘變成第一個無得踢歐聯嘅英超冠軍 (笑)。
呢個絕對唔係無痛洗底，而係喺你最興奮、全隊浴火重生嘅時候，直接喺你背後隊一刀嘅滅頂之災。
而更過份嘅，係喺呢份協議入面，2026/27 球季嘅財政利潤指標，白紙黑字寫明：Zero Losses（零虧損）。
高層唯一嘅防線，係如果我哋即將過去嘅 25/26 球季，透過各種神級財技（好似賣酒店、賣資產）成功做到有盈餘，呢筆盈餘最多可以帶 €6,000 萬過嚟下季當緩衝墊。但問題係……就算有呢個墊，我哋都要知個窿有幾大……
收入缺口現實計算
既然下季嘅終極目標係「Zero Losses」，咁我哋首先要計一吓，今次由車路士變成車路十、連歐協聯都冇得踢之後，我哋帳目上個窿到底有幾大？
根據《The Athletic》嘅數據預估，我哋可以光脫脫咁將收入同固定成本擺出嚟比對：
1. 歐洲賽收入直接歸零
車仔今季歐聯止步 16 強，依然為球會帶嚟約 £8,000萬鎊 嘅 UEFA 分紅，呢筆數仲未計主場門票收益。我哋原本以為，今季聯賽就算再差，起碼都有得踢歐霸（奪冠約 £4,080萬鎊）或者歐協聯（當年我哋奪冠都袋咗 £1,830萬鎊）當係安慰獎，起碼貼補下日常開支。依家徹底變做車路十，呢筆歐洲賽分紅收入直接變做 £0。
2. 固定成本唔會因為你排第十而消失
收入少咗，但過去幾年瘋狂簽人留落嚟嘅固定開支，依然要照塞落營運成本度。
首先係薪酬總額，雖然下季冇歐洲波，但參考 23/24 年同樣冇歐洲賽踢嘅賽季，車仔嘅薪酬總額依然高達 £3.38億鎊。
第二樣係球員轉會費分期攤銷，呢個先係 BlueCo 體系最大嘅包袱。24/25 球季車仔呢筆數係 £2.12億鎊，而因為 UEFA 新政策死卡 5 年分期上限，呢筆每年都要固定找數嘅過億元過戶費，只會多唔會少。
夾晒上面，實際缺口範圍估算……一邊係冇咗歐聯嘅 £8,000萬鎊進帳、連歐協聯嘅千萬基本盤都蒸發埋；另一邊係每年火燒都唔郁、超過 £5.5億鎊 嘅人工加買人分期付款。
如果純粹打開門做生意，將常規門票、商業贊助加英超轉播費全部計晒，車仔下季面臨嘅實質財政缺口，保守估計至少喺一億英鎊以上。
無錯，姐係Blue Co需要係下個財政年度，未買人就先填100m。排第十，代價就係咁大。要喺常規收入入面平帳到「零虧損」，個窿大到根本唔可能就咁填埋。
三條合法救生索
睇到呢個位，如果其他隊球迷已經開咗香檳，建議封返個蓋先。
面對呢個一億英鎊起跳嘅大窿，如果換轉係普通球會，可能一早要宣佈破產。但 BlueCo 畢竟係玩對沖基金出身，雖然常規收入垃圾，但佢哋喺規例嘅罅隙入面，一早準備好咗三條合法嘅救生索：
救生索 ①：激勵性合約嘅「自動大減薪機制」
BlueCo 最聰明嘅地方，係呢兩年簽落嘅幼稚園大軍，全部附帶 Incentivised contracts（激勵性合規合約）。
合約入面一早寫明，無歐聯、甚至完全無歐洲賽踢嘅賽季，全隊嘅薪酬總額會自動按比例大幅扣減，據報就話減幅可以高達 30%-40%。但因為隊中已經無晒高薪冗員例如史達寧、盧卡古呢D，下季呢班一隊幼幼嘅條 Wage Bill，將會迎來歷史性嘅暴跌，預計可以直接幫球會慳返大約 £1億鎊。無錯，就剛好抵銷咗上一節個缺口，恭喜晒。
但係只係填到收入缺口嗰份。UEFA嘅零虧損係計埋所有成本同支出……常規支出仍然要計。
救生索 ②：25/26 球季帶過嚟嘅 €6,000萬緩衝墊
正如第一節所講，UEFA 網開一面，容許下季（26/27）用今季（25/26）嘅 Headroom 去抵消虧損，上限係 €6,000 萬（約 £5,200 萬鎊）。
條件係乜？條件係車仔喺即將過去嘅 25/26 球季會計年度（死線係今年 6 月 30 日），必須要把帳目做靚。過去一季高層「賣酒店、賣女子隊資產」嘅神功財技，目的就係要將呢 €6,000 萬，夾帶司徒去到下個球季使用。
救生索 ③：一線隊球員強制套現
當減薪幫你慳咗一億，前季盈餘又幫你頂住五千萬，剩低嘅手尾，就要靠賣仔……丫唔係，我指球員交易嚟平帳。
依家買人分期攤銷每年要固定找數 £2.12億，要抵消呢筆開支，車仔今個夏天賣人已經唔係一個選擇，而係一項必須執行嘅硬性指標。好似某個來自曼聯嘅金毛仔、唔識入波嘅前鋒、外借跳草裙舞嘅非洲人、無帶個腦踢波嘅中堅等等等等，總之一切可以賣到高價嘅套現工具，今個暑假全部都要擺上轉會枱。
常規收入無咗，就用「減薪 + 帶盈餘 + 瘋狂賣人」嚟湊數。有冇得救？就係靠呢三條繩吊住條命。
但仆街就仆街在，三大條件缺一不可
咳咳……我無任何暗示，講事實Only。現實商戰唔係打機，呢三條合法救生索唔係各自獨立運作，而係好似一個生命維持系統咁，三個條件必須同時成立、一條唔斷得。如果其中一條繩啪一聲斷咗，成個財政平帳計劃就會即時崩盤。
咁喺呢三條繩入面，邊一條最可能斷？
第一條繩，減薪機制： 呢個係白紙黑字寫喺合約，無得搬龍門，幾乎已經肯定可以慳足大約 £1 億，呢條最穩陣。
第二條繩，前季盈餘： 雖然要睇高層喺 6 月 30 日前能唔能順利平帳，但畢竟有 2025 年新版世冠盃筆分紅做底，雖然唔知幾時入帳，但起碼喺數期入面，加埋 BlueCo 過去兩年熟能生巧嘅內部資產轉乘，格硬做靚個數帶 €6,000 萬過關，成算依然極高。
所以，最大嘅變數、最可能斷嘅繩，絕對係第三條，球員強制套現。
依家全世界都知道車路士排第十、冇歐洲賽、被 UEFA 份協議卡死條頸，今個夏天「必須瘋狂賣人平帳」。當你全歐洲兜售球員嘅時候，其他豪門同買家唔係傻仔，一定會趁火打劫、拼命壓價。
你想將踢到Pat屎咁嘅戴納套現？你想將一隊一啲技術流資產賣個好價錢？對手知你急住賣壓你價，你預算中嘅轉會利潤就會出現缺口。加上《The Athletic》透露，為咗配合新帥沙比阿朗素，球會今夏仲打算簽至少兩名正選級別嘅即食主力。
一邊要繼續買人填坑，一邊賣人又俾人瘋狂壓價，球員交易呢條生路，直接決定咗車仔下季到底係安全過關，定係一隻腳踩進爆數被 Ban 嘅深淵。
「頂唔頂到？要睇咩條件？」答案好簡單：就睇今個夏天轉會窗，高層喺被全歐洲壓價嘅絕境下，能唔能精準套現、將班冗員賣個靚價。 只要賣人嗰一環稍有差池，大家開咗嘅香檳就可以再拎返出嚟享用。
總結：有限氧氣，交畀班華爾街狼人諗撚掂佢
睇到呢度，我可以幫下季車路士嘅財政形勢做個簡單總結：唔算好絕望，但容錯率有少少低。
如果將 UEFA 份協議當成一個深海潛水艙，車路士依家排第十、無緣所有歐洲賽，就等於被切斷咗最粗嗰條供氧管。好在，高層一早準備咗自動減薪、帶過嚟嘅緩衝利潤、以及球員套現呢三樽氧氣筒，理論上啱啱好夠車仔撐到去下季返上水面。但依家每吸一啖氣都要計到盡，今個暑假高層喺轉會市場賣人，只要有一步棋行錯或者俾人壓價壓到爆，嗰樽有限嘅氧氣就會提早耗盡。
不過話分兩頭，我哋作為每個月賺幾萬銀、放工睇場波放鬆下嘅普通打工仔，乜Q嘢平帳、和解協議、世冠盃幾時入帳……呢啲商業上嘅高難度動作，我哋識條鐵咩。既然 BlueCo 班大佬當初敢用幾百億對沖基金嘅玩法嚟接手車路士，呢個平帳遊戲，就交俾班華爾街狼人自己諗撚掂佢。
年紀大啦，睇波求嘅只係一份熱血同有人一齊討論。都已經變咗車路十，冇歐洲戰咪當睇少幾場、瞓好幾晚。今個暑假，我哋車迷不妨放鬆心情，寄望沙比阿朗素 7 月 1 日報到後能點石成金帶起隊波；同時擔定櫈仔買包花生，睇埋班美國佬喺轉會市場表演財政煉金術。船到橋頭自然直，一齊睇戲啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
我估唔少心水清嘅網友絕對、一絲、少少都唔會有咁on9嘅諗法：
「吓？下季連歐協聯都無得踢？咁咪仲好！既然下季無歐洲波踢，即係可以無視 UEFA 條數啦。大不了俾佢 Ban 一季歐洲賽，反正依家都無得踢，直頭係無痛洗底啦！」
但我衰，我有呢種諗法。
老老實實，喺我未仔細研讀 UEFA 份協議之前，我係真心膠地以為無歐戰就真係可以暫時拍拍屁股唔使理 UEFA。但當我對返清楚所有協議細節之後，我發現今鋪係少年我太年輕，出得嚟行，原來面係要俾人打嘅。
感謝巴打們特登 PM 嚟拍醒我。喺睇沙比阿朗素點樣帶隊之前，等我自己抹返個Pat，問返個真正要問嘅，唔係「下季會唔會被 Ban」，而係喺 UEFA 份四年和解協議入面，最核心嘅死線：「26/27 球季要零虧損，車仔到底頂唔頂到？」
UEFA協議究竟係乜春？
第一巴打落我面嘅，唔係份協議有幾長有幾複雜，而係一個更根本嘅問題：點解下季無歐洲波，我哋依然要死跟 UEFA 條規矩？呢條問題嘅答案好簡單：
因為 UEFA 嘅財務審計，係採取滯後審計（Retrospective）嘅機制。
簡單嚟講，因為我只可以簡單講。當我哋依家踢完 25/26 球季，變成車路十，UEFA 唔會即刻知你爆唔爆數。佢哋要等到下一個球季，大約係 2026/27 季中或者尾段，先至會將你 25/26 嘅帳目正式對完。
如果到時對完數，發現車仔真係爆咗上限超過 2,000 萬歐元，UEFA 就會正式宣布你違反和解協議，直接執行終極懲罰：「判罰一季歐洲賽停賽」。
但呢個 Ban，並唔係判喺你冇得踢歐洲波嘅下季，而係好似一隻鬼咁跟住你，判喺未來三個球季入面，你第一季成功出線嘅歐洲賽。
即係話，如果沙比阿朗素下季神功蓋世，帶領我哋喺聯賽吐氣揚眉，成功衝返上英超前四又好拎埋英超冠軍都好，拎到 27/28 球季嘅歐聯席位。到時 UEFA 就會喺門口截查，將你辛辛苦苦贏返嚟個歐聯位直接沒收，分分鐘變成第一個無得踢歐聯嘅英超冠軍 (笑)。
呢個絕對唔係無痛洗底，而係喺你最興奮、全隊浴火重生嘅時候，直接喺你背後隊一刀嘅滅頂之災。
而更過份嘅，係喺呢份協議入面，2026/27 球季嘅財政利潤指標，白紙黑字寫明：Zero Losses（零虧損）。
高層唯一嘅防線，係如果我哋即將過去嘅 25/26 球季，透過各種神級財技（好似賣酒店、賣資產）成功做到有盈餘，呢筆盈餘最多可以帶 €6,000 萬過嚟下季當緩衝墊。但問題係……就算有呢個墊，我哋都要知個窿有幾大……
收入缺口現實計算
既然下季嘅終極目標係「Zero Losses」，咁我哋首先要計一吓，今次由車路士變成車路十、連歐協聯都冇得踢之後，我哋帳目上個窿到底有幾大？
根據《The Athletic》嘅數據預估，我哋可以光脫脫咁將收入同固定成本擺出嚟比對：
1. 歐洲賽收入直接歸零
車仔今季歐聯止步 16 強，依然為球會帶嚟約 £8,000萬鎊 嘅 UEFA 分紅，呢筆數仲未計主場門票收益。我哋原本以為，今季聯賽就算再差，起碼都有得踢歐霸（奪冠約 £4,080萬鎊）或者歐協聯（當年我哋奪冠都袋咗 £1,830萬鎊）當係安慰獎，起碼貼補下日常開支。依家徹底變做車路十，呢筆歐洲賽分紅收入直接變做 £0。
2. 固定成本唔會因為你排第十而消失
收入少咗，但過去幾年瘋狂簽人留落嚟嘅固定開支，依然要照塞落營運成本度。
首先係薪酬總額，雖然下季冇歐洲波，但參考 23/24 年同樣冇歐洲賽踢嘅賽季，車仔嘅薪酬總額依然高達 £3.38億鎊。
第二樣係球員轉會費分期攤銷，呢個先係 BlueCo 體系最大嘅包袱。24/25 球季車仔呢筆數係 £2.12億鎊，而因為 UEFA 新政策死卡 5 年分期上限，呢筆每年都要固定找數嘅過億元過戶費，只會多唔會少。
夾晒上面，實際缺口範圍估算……一邊係冇咗歐聯嘅 £8,000萬鎊進帳、連歐協聯嘅千萬基本盤都蒸發埋；另一邊係每年火燒都唔郁、超過 £5.5億鎊 嘅人工加買人分期付款。
如果純粹打開門做生意，將常規門票、商業贊助加英超轉播費全部計晒，車仔下季面臨嘅實質財政缺口，保守估計至少喺一億英鎊以上。
無錯，姐係Blue Co需要係下個財政年度，未買人就先填100m。排第十，代價就係咁大。要喺常規收入入面平帳到「零虧損」，個窿大到根本唔可能就咁填埋。
三條合法救生索
睇到呢個位，如果其他隊球迷已經開咗香檳，建議封返個蓋先。
面對呢個一億英鎊起跳嘅大窿，如果換轉係普通球會，可能一早要宣佈破產。但 BlueCo 畢竟係玩對沖基金出身，雖然常規收入垃圾，但佢哋喺規例嘅罅隙入面，一早準備好咗三條合法嘅救生索：
救生索 ①：激勵性合約嘅「自動大減薪機制」
BlueCo 最聰明嘅地方，係呢兩年簽落嘅幼稚園大軍，全部附帶 Incentivised contracts（激勵性合規合約）。
合約入面一早寫明，無歐聯、甚至完全無歐洲賽踢嘅賽季，全隊嘅薪酬總額會自動按比例大幅扣減，據報就話減幅可以高達 30%-40%。但因為隊中已經無晒高薪冗員例如史達寧、盧卡古呢D，下季呢班一隊幼幼嘅條 Wage Bill，將會迎來歷史性嘅暴跌，預計可以直接幫球會慳返大約 £1億鎊。無錯，就剛好抵銷咗上一節個缺口，恭喜晒。
但係只係填到收入缺口嗰份。UEFA嘅零虧損係計埋所有成本同支出……常規支出仍然要計。
救生索 ②：25/26 球季帶過嚟嘅 €6,000萬緩衝墊
正如第一節所講，UEFA 網開一面，容許下季（26/27）用今季（25/26）嘅 Headroom 去抵消虧損，上限係 €6,000 萬（約 £5,200 萬鎊）。
條件係乜？條件係車仔喺即將過去嘅 25/26 球季會計年度（死線係今年 6 月 30 日），必須要把帳目做靚。過去一季高層「賣酒店、賣女子隊資產」嘅神功財技，目的就係要將呢 €6,000 萬，夾帶司徒去到下個球季使用。
救生索 ③：一線隊球員強制套現
當減薪幫你慳咗一億，前季盈餘又幫你頂住五千萬，剩低嘅手尾，就要靠賣仔……丫唔係，我指球員交易嚟平帳。
依家買人分期攤銷每年要固定找數 £2.12億，要抵消呢筆開支，車仔今個夏天賣人已經唔係一個選擇，而係一項必須執行嘅硬性指標。好似某個來自曼聯嘅金毛仔、唔識入波嘅前鋒、外借跳草裙舞嘅非洲人、無帶個腦踢波嘅中堅等等等等，總之一切可以賣到高價嘅套現工具，今個暑假全部都要擺上轉會枱。
常規收入無咗，就用「減薪 + 帶盈餘 + 瘋狂賣人」嚟湊數。有冇得救？就係靠呢三條繩吊住條命。
但仆街就仆街在，三大條件缺一不可
咳咳……我無任何暗示，講事實Only。現實商戰唔係打機，呢三條合法救生索唔係各自獨立運作，而係好似一個生命維持系統咁，三個條件必須同時成立、一條唔斷得。如果其中一條繩啪一聲斷咗，成個財政平帳計劃就會即時崩盤。
咁喺呢三條繩入面，邊一條最可能斷？
第一條繩，減薪機制： 呢個係白紙黑字寫喺合約，無得搬龍門，幾乎已經肯定可以慳足大約 £1 億，呢條最穩陣。
第二條繩，前季盈餘： 雖然要睇高層喺 6 月 30 日前能唔能順利平帳，但畢竟有 2025 年新版世冠盃筆分紅做底，雖然唔知幾時入帳，但起碼喺數期入面，加埋 BlueCo 過去兩年熟能生巧嘅內部資產轉乘，格硬做靚個數帶 €6,000 萬過關，成算依然極高。
所以，最大嘅變數、最可能斷嘅繩，絕對係第三條，球員強制套現。
依家全世界都知道車路士排第十、冇歐洲賽、被 UEFA 份協議卡死條頸，今個夏天「必須瘋狂賣人平帳」。當你全歐洲兜售球員嘅時候，其他豪門同買家唔係傻仔，一定會趁火打劫、拼命壓價。
你想將踢到Pat屎咁嘅戴納套現？你想將一隊一啲技術流資產賣個好價錢？對手知你急住賣壓你價，你預算中嘅轉會利潤就會出現缺口。加上《The Athletic》透露，為咗配合新帥沙比阿朗素，球會今夏仲打算簽至少兩名正選級別嘅即食主力。
一邊要繼續買人填坑，一邊賣人又俾人瘋狂壓價，球員交易呢條生路，直接決定咗車仔下季到底係安全過關，定係一隻腳踩進爆數被 Ban 嘅深淵。
「頂唔頂到？要睇咩條件？」答案好簡單：就睇今個夏天轉會窗，高層喺被全歐洲壓價嘅絕境下，能唔能精準套現、將班冗員賣個靚價。 只要賣人嗰一環稍有差池，大家開咗嘅香檳就可以再拎返出嚟享用。
總結：有限氧氣，交畀班華爾街狼人諗撚掂佢
睇到呢度，我可以幫下季車路士嘅財政形勢做個簡單總結：唔算好絕望，但容錯率有少少低。
如果將 UEFA 份協議當成一個深海潛水艙，車路士依家排第十、無緣所有歐洲賽，就等於被切斷咗最粗嗰條供氧管。好在，高層一早準備咗自動減薪、帶過嚟嘅緩衝利潤、以及球員套現呢三樽氧氣筒，理論上啱啱好夠車仔撐到去下季返上水面。但依家每吸一啖氣都要計到盡，今個暑假高層喺轉會市場賣人，只要有一步棋行錯或者俾人壓價壓到爆，嗰樽有限嘅氧氣就會提早耗盡。
不過話分兩頭，我哋作為每個月賺幾萬銀、放工睇場波放鬆下嘅普通打工仔，乜Q嘢平帳、和解協議、世冠盃幾時入帳……呢啲商業上嘅高難度動作，我哋識條鐵咩。既然 BlueCo 班大佬當初敢用幾百億對沖基金嘅玩法嚟接手車路士，呢個平帳遊戲，就交俾班華爾街狼人自己諗撚掂佢。
年紀大啦，睇波求嘅只係一份熱血同有人一齊討論。都已經變咗車路十，冇歐洲戰咪當睇少幾場、瞓好幾晚。今個暑假，我哋車迷不妨放鬆心情，寄望沙比阿朗素 7 月 1 日報到後能點石成金帶起隊波；同時擔定櫈仔買包花生，睇埋班美國佬喺轉會市場表演財政煉金術。船到橋頭自然直，一齊睇戲啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊